Chotto Maki (漢威大廈) (已結業)

去尖沙咀換外幣，先到這裏吃個午餐。店內以鮮紅和藍色為主，型格的設計吸引遊客和年輕人在這裏打卡吃壽司。店舖提供大卷、中卷和刺身，還有魚生飯和小食，還可自選配料，選擇多，能迎合不同人的口味。店舖地點方便，在尖沙咀中心，外賣或堂食皆可。Sea Monster ($68)，喜歡爽口感的人必點。大卷用上多種食材，包括蟹柳、炸蝦、青瓜絲、櫻花蝦、炸蒜、紫薯粉、鰻魚汁和自製醬。能嚐到海鮮的鮮脆感，鰻魚汁和自製醬令大卷變得更惹味。口感主要來自脆口的炸蝦和微微脆口的櫻花蝦，兩種蝦類呈現一大一小的脆口感。青瓜絲是蔬菜的鮮爽，與海鮮的爽口相輔相成。Philadelphia ($75)，食材有三文魚、忌廉芝士、牛油果、飛魚子、蛋黃醬和鰻魚汁。三文魚、忌廉芝士和牛油果本身的口感相若，三文魚的軟腍和牛油果油性般的軟腍相似，所以三者的口感配合恰當。喜歡頂層的牛油果，用料十足，能嚐到牛油果的香滑。如蛋黃醬減少一些，更能嚐到中卷內各種食材的味道。壽司配各種梳打很合適，正如公仔麵配汽水般的絕配。Yuzu soda ($25) 的味道較酸，比較刺激，喜歡酸味的人可選這個。Peach soda($25)的桃味甜，配各種加上芥

天氣熱，想食啲涼涼哋嘅壽司做晚餐，就去咗尖沙咀嘅Chotto Maki 買外賣。佢哋嘅壽司比起傳統日式壽司創新，而且會用到唔同嘅蔬果，格外清新。我揀咗Westcoast ，有碎吞拿魚同辣三文魚，都係我最鍾意嘅魚。上面係三文魚，下面係吞拿魚，加埋一齊令壽司啖啖肉好鮮美，辣辣地又夠惹味，加上酸瓜調味，食落有幾個層次嘅味道。第二款壽司Philadelphia 有三文魚、牛油果、同忌廉芝士，聽到都覺得好creamy 好滿足。餐廳拿捏得好好，食落都唔會覺得太膩口，每啖都好清新，絕對值得一試！最後就係Spice Me Up ，有鰻魚、碎帶子，仲有蘋果啫喱。鰻魚好彈牙，仲有青瓜好爽口，加埋酸酸地嘅蘋果啫喱，消滯又開胃。食到飽飽，不過係二百蚊左右～

先前去海港城，經過呢間專門售賣日式卷物的餐廳已經好想試下。今次咁啱經過，一於入去買返個外賣當晚餐!見到店舖裝潢用上大膽復古配色，顏色以紅色同藍色為主，同時亦帶有日本庭園風設計，令人耳目一新。<Spice me up> $78呢個大卷黎架。一共有四塊，配料有鰻魚、碎帶子、青瓜絲、乾海草、蘋果啫喱和辣蛋黃醬。因為有青瓜絲嘅緣故，卷物感覺清新，但同時辣蛋黃醬味道相當突出，所以食落亦都幾開胃，層次豐富。<Philadelphia> $78餐廳除咗大卷之外，仲有一啲中卷款式。呢款卷物材料分別有三文魚、忌廉芝士、牛油果、飛魚子、蛋黃醬和鰻魚汁，本身牛油果同三文魚嘅配搭好夾，加埋濃厚忌廉芝士同惹味蛋黃醬、鰻魚汁，味道濃郁，而橙黃色飛魚子顆粒更為卷物增加咗唔少口感。<Combo set b> $42如購買卷物，即可加錢買combo set，小編揀咗set B，分別有吞拿魚壽司2件、吞拿魚細卷2件&味噌湯。吞拿魚質素不錯，味噌湯熱辣辣，飲落好暖胃。

初七人日兼撞正放假, 訓到自然醒就同太太去尖沙咀嘆個lunch逛逛街。記起女兒之前提及過漢口道有間特色卷物餐廳, 味道唔錯, 推介我去一試。這家餐廳從外而內裝修環境都很cyber, 以鮮紅色做主調, 影相打卡出來效果亦不錯。除了主打多款特色卷物, 少量壽司set、小食, 仲有自選配料麵食。餐廳為自助式落單, 全日堂食不設加一, 而且所有卷物、壽司即點即做, 均用反卷式包制。Philadelphia 少少飯卷包住了三文魚、忌廉芝士, 面層佈上了薄薄嘅牛油果, 放上了飛魚子, 加上蛋黃醬、鰻魚汁做調味。Cream cheese同埋牛油果令卷物口感軟軟的, 入口食到好重奶酪味, 跟淡淡三文魚鮮魚味很夾。油甘魚壽司:油甘魚帶dd厚度, 有淡淡魚味, 不過魚質偏林。另外order咗另一卷物系列外賣返去比女兒食, 我地亦引不住夾咗件試試。Sea Monster呢款卷物size比傳統卷物巨型厚身一點, 壽司飯卷住了蟹柳、炸蝦、青瓜絲、櫻花蝦、炸蒜、紫薯粉, 賣相豐富, 雖然入口較為狼狽, 但毫不介意。層次相當豐富, 其中梳梳鮮甜蟹肉、清新青瓜絲都撈咗沙律醬, 加上櫻花蝦, 惹味香口。

餐廳以紅藍色為主調，風格鮮明卷物有特色而且好食！除左尖沙咀，喺灣仔同中環都有分店回頭率極高(≧◡ ≦) ♡-♡︎𝙱𝚎𝚎𝚏-𝚒𝚢𝚊𝚔𝚒 $𝟽𝟻照燒牛肉｜青瓜絲腐皮｜牛油果｜飛魚子｜炸蒜好惹味、口感好豐富！好大舊一啖食唔晒ᕕ( ᐛ )ᕗ➜ 𝙵𝚘𝚕𝚕𝚘𝚠 𝚑𝚔𝚏𝚘𝚘𝚍_𝚗𝚘𝚝𝚎 𝚏𝚘𝚛 𝚖𝚘𝚛𝚎-♡︎𝙿𝚑𝚒𝚕𝚊𝚍𝚎𝚕𝚙𝚑𝚒𝚊 $𝟽𝟾三文魚｜忌廉芝士｜牛油果｜飛魚子呢個組合無論擺喺𝚝𝚘𝚊𝚜𝚝 定飯卷都好正推薦🌟🌟🌟-♡︎吞拿魚壽司、吞拿魚細卷、味噌湯 跟餐+$𝟺𝟸

在尖沙咀處理完事情，開openrice揾下附近外賣，搜尋到這間型格裝修的餐廳，見到食評相中的卷物壽司好有特色，一於試試。餐廳好易揾，因為紅色店面好易認，忍唔住影咗幾幅相放上社交媒體打卡。餐牌好多選擇，店員告知今日可以免費upgrade套餐，感覺賺咗。***三文魚和吞拿魚套餐套餐可選不同款的壽司和味噌湯，我揀了三文魚和吞拿魚，每款都有6件（2大4小）。***Philadelphia:三文魚配忌廉芝士，仲有厚厚的牛油果、飛魚子、沙律醬及甜醬汁，味道及質感100分。***Beef-iyaki餡料有照燒牛肉（好入味）、青瓜絲、牛油果、飛果子、炸蒜，每啖都食到不同味道，好特別，材料滿滿，食得滿足。***炸雞一盒有5件，size 唔細，炸得香口juicy。埋單$191，1個人食，但分量足夠3人食得飽飽，大滿足。連外賣打包都很別緻，上街都覺得好型。

幫襯開灣仔創意壽司店Chotto Maki, 得知又開咗分店係尖沙咀, 趁今日放假, 專程去食個lunch。餐廳粉藍色門口外牆, 襯托入面紅色主調裝修, 營造了cyber格調感。Menu屏幕上顯示了各款壽司圖片同埋食材配搭, 夠哂清晰, 另有三款小食同自選配搭麵食。揀咗其中一款Signature嘅巨型卷物壽司, 再加錢追加COMBO。所有壽司即叫即整, 開放式廚房很乾淨衛生,  【Chrunch】HK$78以反傳統式卷法, 用飯卷卷住紫菜同埋豐富食材, 包括三文魚、沙律菜、蘆筍、甜蛋, 再灑上天婦羅脆脆、櫻花蝦, 加上芥末蛋黃醬、黑芝麻醬, 卷物太大要每啖每啖入口, 食材比例比飯多, 每啖層次豐富, 三文魚size仲大大粒, 配埋櫻花蝦, 香口美味滿足!MAKI IT A COMBO+$42 追加吞拿魚壽司(2件)、吞拿魚細卷(4件)、味噌湯味噌湯味道偏清淡, 有幾粒好滑嘅豆腐吞拿魚較為乾身, 但細味有淡淡魚香。然後又買咗另一款創意壽司外賣返去同家人分享,櫃筒式外賣盒拉出, 減少外帶過程中壓到同翻瀉。 【Philadelphia】HK$78飯卷住了三文魚同埋忌廉芝士, 面層疊上牛油果、