綠茶餐廳 (創紀之城五期(apm))

营业中

休息中

係內地一直人氣高企嘅江浙菜🫣 嚟咗香港都一段時間，以前上內地都會幫襯，依家愈開愈多分店，第四間分店今個月都係奧海城開咗啦～平日仲要係星期一18:30去APM分店，到19:00已經差唔多滿座😳環境餐牌 面餅醬香五花肉 $108 呢個好似北京片皮鴨咁，用麵餅🫓包住醬香五花肉，醬汁亦係甜醬，五花肉較幼身，唔會覺得膩，甜甜地嘅前菜幾得意。 喉口豬肉包/冬菜包 $38喉口豬肉包/冬菜包，可選要豬肉定冬菜餡，我就揀咗後者好似少見啲，接近一口size，食落都好似肉包咁，唔太鹹。 龍井烤雞 $138 主食必點招牌龍井烤雞🐥，用三黃雞，即叫即烤，色水好靚，烤嘅時間剛剛好，皮十分薄，烤到脆身，帶有微微茶薰味，亦都逼哂雞油出來，雞肉嫩，沾埋辣粉更惹味！ 粉絲裹蝦 $103 仲有粉絲裹蝦，即時係枱面烹調，調味好夠，粉絲上哂色，蝦肉亦彈牙，就算唔送飯都不至於太鹹。 江南綠茶餅 $28 至於甜品一定要叫綠茶餅，呢個係我每次都會叫😆 外層芝麻多且酥脆，內裏有芋泥餡，唔會太甜。 西湖雷峰塔 $28 而西湖雷峰塔好打卡，係用山藥整成，無點調味，就可以用醬汁淋上去。

之前喺大陸都經常幫襯綠茶餐廳，覺得佢哋嘅餸菜新穎得嚟，口味都幾適合廣東人食，今次就試吓香港嘅綠茶餐廳有啲咩唔同嘅菜式先。環境: ⭐️⭐️⭐️⭐️原來Apm 綠茶以水墨江南為主題，透過LED模擬窗格，可以見到西湖山水以水墨畫呈現，結合餐廳的翠竹、假石，如同微風吹來，遊走在西湖山水之間。大部份都係四人位置，非常寬闊坐得舒服👍🏻。部份位置好適合打卡，有西湖山水畫、中式傘子。食物: ⭐️⭐️⭐️⭐️龍井烤雞 $138雞皮烤得微焦，但雞肉細滑，雞唔算好肥不油膩可以放心食，上菜的時候，底盤會有浙江龍井茶茶葉煙燻着烤雞，有淡淡然的茶葉甘香，送到過嚟先會幫你剪開烤雞方便大家食用，保證新鮮蔥香脆皮烤鴨 $128鴨經秘方醃製慢烤，外皮香脆，烤鴨肉質厚實得來烤得剛剛熟又嫩滑，最精彩係圍住鴨外圍嘅油蔥汁，點油蔥汁或者特製燒烤粉都非常有風味😋鮮蕃茄煮有機花菜 $68看似簡單嘅家常做法，但係蕃茄味濃郁，用熱爐熱騰騰煮住有機花菜，香味四溢非常開胃蕭山蘿蔔乾炒飯 $58浙江出名的蘿蔔乾炒飯，口感鹹鹹甜甜，為平凡的三色豆炒飯增添風味，亦都特別甘香開胃西湖雷蜂塔 $28的的骰骰好得意，山藥加上牛奶造成奶凍，最舒服係夠晒冰凍，食落去解膩舒

近年內地餐店進佔香港商場已成常態，依間中菜館擁有江南景緻，令人坐得舒適。美食好多選擇，菜式充滿新鮮感，而且價錢實惠，一家大細晚飯的好地方。龍井烤雞 $138招牌烤雞係幾好食，雞皮脆薄無油脂，肉質嫩滑有肉汁，以龍井茶葉煙燻，有陣陣清幽嘅茶香。有辣粉可蘸更加惹味。野菜腐皮卷 $78薄薄的腐皮包著大量菜苗，味道清甜少少青，好有鄉土味，感覺健康清新。粉絲裹蝦 $108粉絲蝦煲即場烹煮，淋上醬汁煮數分鐘，店員用計時器精準無誤，唔會煮得過火。粉絲收汁剛好，非常上色入味，唔會好咸。洋蔥好淋，蝦仁軟嫩彈牙，敏出簡單高水準小菜。土豆芝士塔 $22酥皮撻底填滿幼滑的薯蓉，混有煙肉和薯粒，面層有香濃芝士，咸咸甜甜，非常滋味好食。

三色雞絲涼麵而家天氣轉熱，食涼麵就最啱胃口。涼麵係手工麵黎，麵身彈牙得嚟又唔會太硬，而且混合左菠菜，南瓜，紫薯，形成三種顏色，好睇得黎又好食。薺菜碎肉千張包柔韌的外皮包裹薺菜同碎肉的鮮美內餡，底層有一直用蠟燭暖住嘅雞湯，完全唔怕放耐左會凍左唔好食。龍井烤雞一開始會成隻雞咁上等你打下卡，之後會有人幫你切開唔同部位，非常貼心。雞嘅表皮金黃油亮，雞肉嫩滑多汁，龍井嘅清香完全滲入肉質裡面，非常好食，推介！黑松露牛肉炒飯一上菜就聞到黑松露濃郁嘅香氣，而且非常夠鑊氣，炒飯粒粒分明，而且表面有層好靚嘅油光。牛肉粒軟硬適中，又唔會炒到好乾，係個高質嘅炒飯。另外，唔好睇店外好似好細，但其實店内空間非常大，而且好整潔。

人氣江浙菜又有分店開幕，並以「水墨江南」為主題餐廳轉角的翠竹及假山石將西湖山水呈現，夢迴江南體驗由杭州米芝蓮星級名廚俞斌親自監修的限定菜式古裝打扮的少女及侍應令食客猶如置身於古代一樣綠茶經典當餐現烤招牌龍井烤雞脆嫩多汁富有煙燻香氣推薦冷作清食南乳醉鮑魚薄切口感軟腍，味道鮮甜椒麻鴨掌辣味十足，香料搭配得宜，惹味飄香香港限定黑醋脆皮牛腩沾上薄薄一層粉漿，薄脆金黃壹餐壹飯蝦湯泡飯熱辣辣，米飯加入湯底中浸泡盡吸湯汁