黑門水產すいさん (棉登徑)

經過棉登徑呢頭先發現原來尖沙咀都可以食到由日本空運到港嘅黑門水產，除咗新鮮海鮮之外，仲可以品嚐啲地道嘅日式小食！餐廳內嘅裝修亦非常之有心思，充滿日式風情，好適合同一眾好友坐低慢慢品嚐新鮮嘅美食～✨海膽蟹味噌甲羅燒呢到嘅人氣招牌菜之一，店員喺未燒之前比我地睇咗甲羅燒嘅原貌，有蟹肉、蟹膏、蟹籽、海膽、香蔥同埋鵪鶉蛋！燒好嘅甲羅燒連埋梳打餅一齊食，真係出乎意料地夾，既有香脆嘅口感，又有甲羅燒嘅鹹鮮香味，無論口感定係味道都冇得輸啊～✨黑門三文魚加州反卷晚餐梗係要食返少少有澱粉質嘅食物來增加飽肚感啦！呢個加州反卷好足料，面頭嘅三文魚同魚籽都好新鮮～✨香草腩肉車厘茄卷一咬落去車厘茄就爆哂啲汁出來，酸酸甜甜嘅車厘茄配埋薄燒過嘅香草腩肉，味道恰到好處～✨燒翠玉瓜翠玉瓜嘅瓜肉質地柔嫩而富有彈性，外層有微微烤過嘅焦香，而內層則保持咗翠肉瓜本身嘅水嫩同埋清甜，惹味得來又健康～✨雞髀肉大蔥卷雞髀肉同大蔥都用咗甜甜地嘅日式醬汁去調味，嫩滑雞髀肉配埋爽脆大蔥，口感層次分明～總括來講，食咗咁多樣高質嘅野食，除返開都係每人大約$200左右，可以話係物超所值啊😋～…查看更多

今日夜收工，就同老公喺K11附近食宵夜，想食啲高質日本菜，一解思鄉愁。同事介紹，就係K11對面，有間黑門水產出名高質日本菜。雖然已經夜晚9點，但都有唔少食客。環境好有情調，好似日系居酒屋。想食啲特色刺身，就點咗北海道蜜柑鯛刺身。入口有一股好香嘅蜜柑味。刺身新鮮鮮甜。黑門帆立員伴魚籽醬，口感豐富每啖都可以食到帆立貝嘅鮮味，仲有魚子醬同海膽，超正同事大力推介餐廳嘅甲羅燒，就試左海膽蟹味噌甲羅燒。師傅會喺你面前機燒，視覺味覺雙重享受。配威化餅食，溫馨提示如果威化餅唔夠可以問店員拎多一塊。黑門三文魚加州反卷，三文魚好厚切，個加州反卷仲有好多蟹籽包住。黑門令龍蝦湯煮海鮮，龍蝦湯吸晒海鮮嘅鮮味，蝦肉非常彈牙，仲有大大隻蠔。最後重點咗去日本必定要食嘅燒雞皮，雞皮燒到剛剛好，非常香脆。推薦大家一定要去試吓。…查看更多

呢間餐廳之前黎過一次，覺得好好食所以今日再黎，依然無令我失望~ 首先推介既係海膽蟹味噌甲羅燒，佢一開始會俾你影相先，見到啲海膽蟹肉蟹糕已經好想食。然後侍應姐姐會喺你面前開個爐燒，不過唔只呢個，係每一樣如果要燒既野佢地都會擺得好靚俾你影左相先，之後再喺你面前燒。望住啲野食慢慢變熟同埋啲香味飄出黎，呢個過程好令人愉悅~ 至於個甲羅燒真係好好食，連埋塊餅一齊放入口，真係一個極大既享受!之後要推介呢個黑門令大漁魚子醬脆脆包, 呢個真係好好味，個包勁脆，而上面既料係會多到跌出黎，而且所有野既味都好夾，如果未飽呢個係會想encore~跟住到個蜜糖芥末火灸安格斯牛肉沙律，呢個有啲驚喜係佢真係配合番水產既特色，喺呢個牛肉沙律入面仲會搵到一粒粒既飛魚子同三文魚片。你會食到蜜糖芥末既香同埋佢又有少少酸，好fresh好開胃。呢個黑門令龍蝦湯煮海鮮都勁好味，佢個龍蝦湯好正，啲海鮮一路燒既時候吸哂個湯既香味，但同時啲海鮮既鮮味又入番個湯入面互相交融，我同朋友唔止食哂啲海鮮，連個湯都飲埋。我覺得呢度每一樣食物都好有heart，除左擺盤靚，所有野都好切合餐廳個主題，用料好新鮮，當然最緊要係真係好好味~…查看更多

海膽蟹味噌甲羅燒($88)，這個甲羅燒加左鵪鶉蛋，所以燒熟後質感稀一d，食起上黎會滑一d，蟹膏味依家好濃烈，仲有蟹籽可增加口感。極上大漁貝燒($128)，用左幾種海鮮放上扇貝黎燒，帶子幾爽口，而蠔就算燒熟之後縮左少少水，但仍然係好飽滿肥美。蜜糖芥末火炙安格斯牛肉沙律($128)，用牛肉做沙律較少見，但配上醬汁之後確實好夾，甜甜辣辣既味道好醒胃。黑門令大漁魚子醬脆脆包($98)，賣相好靚好似一架船運載住海產，前中後不同海鮮有不同層次口感，海膽非常滑溜。黑門令鰻魚漢堡($88)，頂和底都有層鰻魚，食落好有啖啖肉既感覺，而且中間夾住一片紫蘇葉，有助去除一下油膩感，店家仲好細心諗到，用紫菜包住食，咁食既時候就冇咁易散晒。黑門三文魚加州反卷($128)，加州反卷最重要係三文魚要夠新鮮，食落有魚既油脂香。白桃雪葩($118)，不是每間居酒居都有提供雪葩，哩個甜品絕對不可錯過，桃味濃郁，好似食緊真桃一樣，而且夠晒冰凍，夏天簡直透心涼。…查看更多

今日係尖沙咀黑門水產Dinner, 餐廳環境佈置落足心機，除了貝殼做吊飾外，還有日文宣傳旗仔，感覺置身於日本😄黑門三文魚加州反卷 | $128飯卷好大份，三文魚新鮮，而飯卷中間有三文魚籽和蛋包住，咬落好有口感梭子魚 | $368這個刺身係連魚皮一起上，而魚皮係經過輕烤，味道一啲都唔腥，肉質爽彈黑門令鰻魚漢堡 | $88賣相好靚，上下層有厚厚嘅鰻魚，醬汁香濃，包住中間係甜蛋和壽司醋飯，非常滋味海苔酒盜燒帆立貝 | $88裡面有大大粒帆立貝、鮮冬菇片、蟹籽同海苔，店員在你面前燒，不用自己燒燒到尾段，店員好貼心問要不要重口味，我說清淡就ok! 因為原汁原味係好食啲黑門令海鮮菜碗蒸 | $88賣相美觀，海鮮滿佈在蒸蛋之上，入口軟滑，值得一試巨峰乳酸 + 巨峰梳打 | 每杯$58清涼梳打特飲，配合巨峰，味道清爽，唔會太甜…查看更多

暫時未有假去日本 嚟尖沙咀食個日本水產過下癮一行入嚟裝修都好居酒屋 超有氣氛🤭聽聞講全部食材採自日本 每日空運到港食得好滿足 樣樣都夠曬新鮮👍🏻.🐈🎀ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️巨峰生啤 $68好飲 比一般啤酒甜 唔會澀🥳.▫️柚子焼酎 $68酒精濃度低 酸酸甜甜好開胃～.▪️黑門令蟹味噌甲羅燒 $72招牌必食 蟹味重 蟹膏味特別香濃鮮甜 口感creamy🤤.▫️自家製免治雞肉串 $78雞肉結實 真材實料 配上生蛋黃醬汁 鹹香味十足.▫️鐵板燒山賊醬蟹蒜地雞 $138黑椒味重口味 好好食😋雖然係鐵板燒 雞肉肉質嫩滑好juicy.▪️辣酒煮刀貝 $138配料蘿蔔好入味 大約十幾粒刀貝 滿足想食海鮮嘅心🐟.▫️黑門令大漁魚子醬脆脆包*2 $88好豐富嘅配料 有魚子醬海膽蝦等脆脆包係燒過嘅法包 超脆 好有口感第一次嘗試咁樣嘅食法 值得一試 推薦‼️.▪️黑門三文魚加州反卷 $128例牌款式 三文魚好新鮮～仲想叫個刺身 不過已經好飽.▫️海苔酒盜燒帆立貝 $88配上紫菜蟹籽口味好特別蟹籽令口感更加豐富 帆立貝剪開一舊舊好方便食.▪️岩手縣赤崎生蠔*2 $78加咗青蔥、蘿蔔蓉、同檸檬啫喱做調味 味道清新又特別🥰好新鮮好大隻 唔腥 富海水味 十分推薦‼️.📍黑門水產すいさん🐾尖沙咀棉登徑8號地下3-4號舖💸$1221/2people .❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ ғᴏᴏᴅɪᴇ𓌉◯𓇋 ‎‎‎ʙᴇᴀᴜᴛʏ⋆̩♬︎ ʟɪғᴇsᴛʏʟᴇ*⋆✈︎❞…查看更多

這次家庭聚餐，在尖沙嘴想吃日本菜。因為在K11商場附近很方便，所以便訂了這間餐廳。想不到預約7點鐘進場，第一輪已經坐滿，要等一下位。入場後已經爆滿，想開始點餐卻發現很多款打算點的餐食已經售罄了。✅清酒煮白蛤溫熱的清酒成功帶出白蛤的鮮甜，白蛤也蠻有肉的，不錯。喜歡清酒的可以一試，作溫熱的開胃菜。✅豚肉湯牛肉稻庭烏冬熱騰騰的豚肉湯配口感不錯的稻庭烏冬。如果不想點太多壽司或飯，可選這個作飽肚暖胃之選。✅燒章魚小丸子正常發揮，普普通通，沒有什麼驚喜。失望的是稍嫌皮有點軟掉，不夠脆皮。 ✅味噌煮牛肋骨牛肋骨有幾塊煮得不夠透，有點韌和難咬，蘿蔔也沒有很入味。✅明太子雞翼明太子雞翼很好吃！皮很脆，而且釀進去的明太子餡料鹹香，跟雞皮互相輝映。✅什錦天婦羅Tempura就很一般。由於炸物油溫和時間控制不到位，上菜已經看到油油的。香菇是很香的，但就有點吃得滿嘴油啦。✅黑門三文魚加州反卷卷物很ok，份量滿滿大大嚿的。三文魚配奶滋醬，牛油果餡料。樓面實在太忙店員忙於送餐，加茶也沒有很頻繁，要多叫幾次提醒。…查看更多

行街路經見到呢個咁日式風格門面，就已經勁有衝動過黎食😍今次同朋友約埋一齊黎，叫左油甘魚刺身(4切)($88)、花酒漬甘蝦刺身(6切)($98)、黑門令大漁魚子醬脆脆($78)*2、脆燒白穴子串(1本)($98)、黑門令龍蝦湯煮海鮮($88)、黑門令蟹味噌甲羅燒($72)、黑松露白汁燒帆立貝($88)、黑門三文魚加州反卷($98)、柚子生啤($68)、梅酒 (杯)($58)環境勁好氣氛，真係已經去左日本旅行咁😍梅酒、柚子生啤：黎得食居酒屋冇理由唔CHILL返杯😜梅酒好清甜易入口，而生啤加入左柚子蜜喺入面，多份果甜味效果又幾好飲😍食物陸續送上，影張相先得🤩油甘魚刺身：每一片都好肥美，魚味清鮮入口嫩滑😋花酒漬甘蝦刺身：呢個有驚喜，建議要食下👍🏻甘蝦因為用左花酒酒漬過嘅關係，所以比起平時食開嘅甜蝦刺身鮮甜得黎多份濃郁嘅酒香味😍黑門令大漁魚子醬脆脆：用料非常豐富，將海膽、魚子醬、吞拿魚蓉、三文魚籽、蟹籽、蟹肉等新鮮材料放喺多士上面，直情係一個迷你海鮮拼盤一次過放入口裡面，味道鮮甜，層次豐富，滿足感爆燈🤩黑門令龍蝦湯煮海鮮：職員會放上烤爐為你烹調，裡面有蠔、大蝦、魷魚、螺、芋絲、金菇，用龍蝦湯煮，整熱左之後會聞到勁香海鮮味，而且龍蝦湯將食材嘅鮮甜味道更能帶到出黎😋脆燒白穴子串：白穴子燒得好香，皮脆肉嫩，簡單但滋味😋黑門令蟹味噌甲羅燒：甲羅燒都係必食之選，裡面有滿滿嘅蟹膏、蟹籽、蟹肉、鵪鶉蛋、蔥花等，影完相之後職員就將個甲羅燒放上爐到邊燒邊攪拌，完成之後就將個醬落喺梳打餅到食，味道好濃郁又CREAMY，中意仲可以加D炸蒜一齊食，勁惹味🤤黑松露白汁燒帆立貝：又係先影相後等職員煮黎食😜帆立貝連埋黑松露白汁黎燒，燒完之後都係大大粒，鮮甜嫩滑，帶點黑松露香，滋味無比😋黑門三文魚加州反卷：就算卷物都一樣出色，裡面份量足，夾起黎唔會好鬆散👍🏻整晚食物水準係極其之高，每一碟都好精心製作，味道好豐富🤤仲要環境氣氛都好正，職員烹調野食亦好細心，猶如去左日本食居酒屋嘅感覺，盡興ENJOY嘅晚餐😎補MENU…查看更多

今日約咗食黑門水產😍 一直都好掛住日本 好想喺香港試吓甲羅燒🦀 所以一早就book咗呢間 準時六點入到去啦～～ 一入到去係俾佢嘅天花板吸引咗先🤩 好靚好靚嘅佈置呀 真係有起日本嘅感覺🏮🇯🇵 再睇睇餐牌 好多都係好想食好吸引😌最想試就係甲羅燒同埋帆立貝🤣 先講飲品啦～ 🍇巨峰梳打 有氣清新 非常開胃🌹玫瑰梅酒 第一啖飲落去嘅時候都重酒味 到後尾啲冰開始溶 又有另一番風味～ 海膽蟹味噌甲羅燒 $78我最期待嘅甲羅燒呀😍 今次叫左海膽蟹味 見到海膽大大舊 店員會拎左比我地等我地慢慢影完相佢再開始幫我地燒 禁岩我地坐卡位 佢就直接拎個爐起我地面前燒啦🤩 好香好香 好快食得～ 就咁食可能會少少咸 但加埋餅食就岩岩好 真係好好食😋 蟹油蒜燒帆立貝 $78牛油燒帆立貝 $72燒完甲羅燒就燒埋帆立貝啦😍 2個口味都唔錯 蒜燒就比較濃味啲 蒜味都好夠 而牛油味呢燒果陣真係超香 店員仲提我地燒好就要即刻食 熱辣辣好好食😋 帆立貝新鮮冇雪味又夠大粒👍🏻 黑門令大漁魚子醬脆脆包 $78呢個真係好想試🤩 有魚子醬 海膽 吞拿魚 蟹籽 蝦 蟹肉等等 好足料好豐富嘅口感😍 加埋脆脆包真係每一啖都好好味😋 秋刀魚刺身 $228秋刀魚成日都食 但刺身真係第一次試 好鮮又唔會有腥味 可以配佢嘅醬汁或者用wasabi都唔錯😋 脆燒白穴子串 $98呢個串燒燒得好香 表面燒得金黃香脆 咬開入邊嘅魚肉仲係有少少汁 燒得好出色👍🏻 黑門三文魚加州反卷 $98三文魚新鮮 醬油飯包住青瓜蟹柳牛油果 仲有啲蟹籽 好味道😋 整體來講 好豐盛嘅一餐日本晚餐☺️ 食物新鮮高質 環境舒適 店員親切 好有日本嘅感覺😍 一定會再嚟👍🏻…查看更多

黑門市場望到黑門市場呢間餐廳就會諗起日本😢真係好掛住日本啊！呢間餐廳都好有日本居酒屋嘅feel，所以今次都特登過嚟回憶吓香港人嘅家鄉🥰海老天婦羅(5串) $180呢個天婦羅就正正常常不過不失啦，炸衣唔會好厚，都食得出啖啖蝦，不過如果以$180得唔條嘅話又真係未算係好特別☹️明太子赤鬼大漁炒飯 $128呢一碗一黎到我地都打咗個突😮個個都問：點解咁細碗嘅😂因為佢嘅份量就真係得一個碗嘅份量，味道嘅話都食得出少少明太子味嘅，不過如果以呢個價錢嚟講就有少少唔抵食啦🙈黑門三文魚加州反卷 $98呢一個三文魚加州反卷就認真好食！三文魚都好肥美，食得到三文魚嘅魚油👍🏻食完會有種好滿足嘅感覺🤤赤鬼明太子蟹味噌甲羅燒 $78海膽蟹味味噌甲羅燒 $78黑門令蟹味噌甲羅燒 $72今次我地試晒佢地三款甲羅燒，三款都同樣好好味！店員仲會好貼心咁拎過黎比您影相先，之後先幫您燒🥰甲羅燒入面有蟹籽、蟹膏、鵪鶉蛋、香蔥，不過比較下海膽味甲羅燒唔係好食得出佢地嘅海膽味，反而明太子辣辣哋，最好食當然係佢地嘅招牌菜 — 黑門令蟹味噌甲羅燒🤩食得出佢地入面絲絲嘅蟹肉，大家記得要一大啖蟹膏再配埋佢地嘅餅乾一齊食👍🏻酥炸雞軟骨 $58呢個炸雞軟骨都好好食！惹味酥脆得嚟又有少少咬口，用嚟佐酒一流！👍🏻醬油辣椒魷魚 $68呢個魷魚都相當惹味😋唔會話好辣，醬油味大過辣味🙈小編我覺得唔算太鹹，係鹹咗少少，不過佢份量唔多所以一人兩啖都ok😉黑門曲奇雪糕哈密瓜 $128不得不提呢一個哈密瓜真係好甜好好食！配埋佢地嘅雪糕真係無頂得👏🏻我地訂枱嘅時候有remark到慶祝生日，所以餐廳都有幫我地寫字同埋唱歌慶祝添🤣佢地仲要係煙花蠟燭，包保您嘅朋友夠晒驚喜！如果下次我再嚟食嘅話應該都只會嗌佢地嘅燒物🙈佢地壽司唔係話唔好食，不過以cp值嚟講就唔太抵啦😩（因為都幾貴吓）…查看更多

仍然未去到旅行，近近哋就嚟多轉黑門先啦～ 黑門令大漁魚子醬脆脆包 $78魚子醬丶海膽丶吞拿魚蓉丶三文魚籽、甘蝦丶蟹肉丶蟹籽丶左口魚… 似係個迷你漁獲拼盤，視覺丶味覺都好豐富！黑門令龍蝦湯煮海鮮 $88由店員即席加熱，蠔丶蝦丶螺丶金菇丶芋絲都吸收到龍蝦湯，好味！黑門令蟹味增甲羅燒 $72；蟹膏加上鮮甜蟹肉，仲有蟹籽丶蔥花丶蛋，經磯燒後蟹味更濃郁，幼滑蟹膏夾雜粒粒蟹籽，啖啖甘香鮮味～牛油磯燒帆立貝 $72好香，店員手勢好，燒得啱啱好，既有牛油香，肉質仍好鮮嫩黑門角切海鮮沙律 $78有吞拿魚、三文魚、劍魚、甘蝦丶蟹子丶蓮藕片丶車厘茄丶沙律菜，酸酸甜甜，屬開胃之選花酒漬甘蝦刺身6切 $88真綢刺身4切 $88三文魚刺身4切 $58花酒漬甘蝦刺身酒味好濃；真綢刺身新鮮，半透明，肉質較黏口；三文魚油脂味重黑門三文魚加州反卷 $98三文魚子丶三文魚丶蟹籽包著醬油味嘅加州卷，好有層次嘅口感海底之心 $68赤子草莓 $68…查看更多

記得以前棉登徑最出名的食肆是「見城」，也是香港最早的鮨店之一；除了「見城」之外，當年棉登徑的餐廳數量也並不多。「見城」結業之後，早陣子與朋友們去棉登徑食日式燒肉，才發現原來這條小街上的大部份地舖已變成食肆；對其中一間餐廳的外觀留下印象，今日就專程來到「黑門水產すいさん」試試。餐廳招牌的字體、再加上門面掛上一個個紙燈籠，本身已經帶有濃烈日式漁師料理庶民餐廳風情。推門入內，裝修粗獷、木枱木凳，再加上刻意的貝殼吊飾，就更加強化了日本魚市場食堂風味。牆壁上的餐牌彩色精印，每張一款菜式，兼且標上大大隻字的日圓定價，也是日本魚市場食堂的作風 ⋯⋯ 當然，日圓定價只是宣傳技巧，還是需要以港元結帳。同日本魚市場食堂比較，餐牌選擇較多元化，刺身、丼當然不能缺少，同時還有鍋物、天婦羅、浜燒等；不過，就差不多全部以海鮮為主要食材，貫徹餐廳「黑門」兩字的含意 - 對於去日本旅行戲稱為「返鄉下」的香港人來說，冇理由唔知道大阪黑門市場。三文魚刺身(四切)（$58）及活鮑魚刺身（$98）。厚切三文魚片片肥美。薄切活鮑魚鮮甜爽脆，比較起來，認為鮑魚還是採用磯煮方法更為適合。黑門帆立貝伴魚子醬（$68）係豪華版刺身大混合：帆立貝、三文魚子、魚子醬及海膽，除了帆立貝之外，其餘三款都是味道濃郁的刺身。一口咬下去，紫菜香脆，海膽鮮味滿瀉；兩款魚子充滿鹹香，三文魚又有脆卜卜的口感。帆立貝表面略為火炙，不失鮮甜之外，亦變得較為硬身，方便進食。不過，太多食材亦是問題之一，即使用了紫菜包裹，食起來還是有點不方便。黑門令大漁魚子醬脆脆包（$78）所採用的食材更加豐富：吞拿魚腩蓉、蟹子、三文魚子、魚子醬、海膽及甜蝦；雖然每款食材質素皆相當不錯，但就覺得有點嘩眾取寵，味道不協調。採用法式硬麵包墊底更加是一個大問題，食起來較黑門帆立貝伴魚子醬更加不方便。要一啖將整件放入口中沒有可能，分開兩啖就捩棄，麵包太硬身、表面的食材又太多，要用隻手托住去食。岩手縣生蠔（$78）超級巨型，也是日本產岩蠔品種的特性，論體型，一般法國及澳洲生蠔完全不能與之匹敵。肉質爽脆，充滿海水味道。甲羅燒是日本料理中炮製蟹膏的最佳方法之一，黑門令蟹味噌甲羅燒（$72）將這一種烹調方法進一步改良。雖然並非採用新鮮蟹膏，但蟹膏味噌醬的份量就一點也不吝嗇，而且還加入了蟹子及蟹肉，可以一次過嘗盡蟹的三種不同鮮味。店員席前炮製，燒烤過程當中蟹膏香味隨着熱氣散發出來，引人垂涎三尺。最後加入鵪鶉蛋，將濃稠的蟹膏味噌醬變得較為幼滑，提升口感滋味。預制的蟹膏味噌醬由蟹膏混入味噌而成，一方面方便保鮮以作運輸及長期儲存，另一方面提升鹹香鮮味；但亦由於味道太過濃烈，直接進食而份量又太多的話，會很膩。所以，店方就細心地準備了一小塊紫菜梳打餅。掏起一大匙羹烤熱了的蟹膏味噌醬，再灑上少許金蒜，美味！去日本魚市場食堂開餐，點可以缺少浜燒。浜燒最普遍用來炮製貝殼類，因為連殼燒，燒烤過程中流出來的鮮甜海鮮汁液，就不會浪費掉。蟹油蒜燒帆立貝（$78）連同裙邊一齊燒烤，保證係新鮮帆立貝，並非冰鮮貨。同樣由店員席前炮製，望着燒烤過程中牛油慢慢溶化，再加上金蒜及蟹油，香氣四溢；到了最後階段，店員又會加入清酒，酒精隨着熱力揮發，香氣越發濃郁。鮮甜的新鮮帆立貝，加上滲入了蒜香、酒香、蟹油香氣的海鮮汁液及天然海水鹹香，不用添加任何調味已經非常好吃。原裝加州反卷有別於傳統日本壽司，主要食材是黃瓜絲、蟹柳、牛油果及蛋黃醬，全部是熟食，亦充滿了西方口味；同樣採用紫菜制成卷物，但就反轉來捲，所以米飯外露在表面，又為了增加美感，米飯表面沾滿了蟹子。明顯是日本壽司師傅為配合西方人口味創造出來的壽司。只是估不到這款非傳統口味的壽司居然可以在日本得到認同。加州反卷據講起源於加拿大，並在美國加州發揚光大，故此得名。黑門三文魚加州反卷（$98）在加州反卷的基礎上，加多了一層薄切三文魚，增加了壽司應有的特色；又用上了赤醋飯粒，強化了飯粒的醋香。橙黃色的愛琴海（$78）及Tiffany Blue 的海底之心（$68）贏在顏色鮮艷吸引。說穿了就是果汁、糖漿加少量酒精的混合飲料，最重要當然是人造色素。餐廳出品款式多元化，又充滿日本魚市場食堂的庶民風味，只是因為肺炎疫情關係而變得人流稀少。不難想像全餐廳滿座時那種熱鬧喧嘩的氣氛，實在相當適合三五知己開懷暢飲，在香港也可享受日本的漁師料理居酒屋風情。…查看更多

而家全球疫情肆虐，睇嚟今年都係去旅行無望！朋友就帶咗我嚟呢間居酒居感受下日本氣氛。環境氣氛好好，真係好似去咗日本咁！黑門令味噌甲羅燒 ($72)嚟居酒居點唔可以唔嗌最有居酒屋風味嘅甲羅燒！店員會現場即燒，將味噌蟹膏、蟹籽、蟹肉、鵪鶉蛋同蔥花攪勻，喺燒爐上傳嚟陣陣香氣，好吸引！滿滿嘅蟹膏，鹹甜適中，味道濃郁，同香脆餅乾一齊食，更加惹味。刺身6點 ($298)刺身新鮮肥美，款款都厚切，口感十足！橙黃色嘅海膽，睇見到流口水！肥厚又飽滿，份量多，味道鮮甜，滑不溜口。帶子肉身肥厚有光澤，味道鮮爽帶甜。黑門三文魚加州反卷 ($98)賣相吸引！壽司飯已經調味，連豉油都唔洗點。三文魚包住加州反卷，質地軟腍又爽脆，味道清新惹味。黑門令大漁魚子醬脆脆包 ($78)多士上面嘅刺身好澎湃，未食都已經好興奮！有海膽、魚子醬、三文魚籽、蟹籽、蝦、帶子同吞拿魚蓉，超級豐富！多士香脆，多種刺身入口鮮甜爽彈，口感豐富，大滿足！黑門令帆立貝伴魚子醬 ($68)輕輕燒過嘅帆立貝，上面有紫蘇葉、海膽、魚子醬同三文魚籽。海膽軟滑Creamy，魚子醬同三文魚籽圓潤飽滿，一咬爆汁，口感一流。入口仲充滿紫蘇葉香味，鮮甜又有咸香，味道口感豐富！黑門令龍蝦湯煮海鮮 ($88)材料好豐富，有蠔、魷魚、蝦丶螺、芋絲同甘菇。蠔身脹卜卜，入口蠔味好濃；魷魚煙韌彈牙。芋絲同甘菇索晒啲龍蝦湯，味道香濃。…查看更多

想吃鮮美水產但暫時不能飛大阪黑門市場？那就不要錯過剛在尖沙咀開業不久的人氣水產店舖，從空運直送水產、漬物、佐酒小食、燒物、鍋品到新鮮刺身和丼飯都應有盡有，一定能止一止癮！而且裝潢設計方面採取木色系，掛滿背殻、魚網等等佈置，充滿地道日本風味～【黑門令蟹味噌甲羅燒 $72】🦀- 如果你是「蟹癡」，就不能錯過蟹味噌甲羅燒，有貼心的店員代勞，滿滿的蟹膏，再加上少許鮮甜蟹肉，味道濃郁，滋味非常，在烤爐上沸騰，肚子也跟著咕嚕咕嚕～🤤【磯燒大虎海老 $78 一本】🦐- 超~大~隻烤海蝦！海蝦很新鮮，肉多且甜，爽口彈牙，超紮實的！絕對是物有所值👍🏻【刺身六盛 $298】🐟- 黑門水產的刺身應該是我吃過最厚切的，每一件都非常肥美，而且可以試勻大路選擇，適合有選擇困難症的我～😝【黑門令帆立貝伴魚籽醬 $63】🥢- 帆立貝也太大一粒了吧？用上黑魚籽作點綴，再配以紫蘇葉作味道層次之昇華，口感滑嫩，大滿足呀🤩【黑門令大漁魚籽醬脆脆包 $78】🧂- 有齊我至愛的拖羅魚蓉、三文魚籽、甜蝦、海膽，再加黑魚籽及蟹籽，非試不可😻【黑門三文魚加州反卷 $98】🍣- 飽肚之選，不用加任何調味料已經非常惹味👻…查看更多

香港唔封關，搞到我地被人封關冇得去大阪嘅黑門市場，好彩香港尖沙咀都有個黑門市場，哩度雖然冇野買，但食物款式一樣咁豐富，燒海鮮、刺身、壽司、佐酒小食、銅物、天婦羅、飯麵通通都可以食得倒。餐廳入面清一色木色，配上假天花上面嘅旗幟，真係好似去左日本咁呀！我地首先每人回左一杯野飲先。左邊藍色嗰杯叫海底之心($68)，係一杯以Volka做底嘅雞尾酒，不過酒味一啲都唔重，主要係菠羞同白桃香甜味，就算女仔都啱飲。而右邊紅色嗰杯係巨峰梳打($58)，巨峰提子味好突出，都幾好飲。六點刺身盛合($298)刺身包括海膽、帆立貝、油甘魚、赤身、三文魚同真鯛。刺身每款兩件，全部都好厚切。黑門令大漁生菜包($128)生菜上面有海膽、蝦、三文魚籽同蟹肉，全部鮮味十足，用生菜包住黎食，幾特別。黑門令蟹味噌甲羅燒($72)甲羅燒係其中一樣我最鍾意嘅濱燒菜式，蟹蓋上面放滿蟹膏、蟹肉、蟹籽、蔥花同鵪鶉蛋，侍應會喺食客面前燒好甲羅燒。雖然甲羅燒賣相唔吸引，但蟹膏嘅濃郁味道再加上蟹籽卜卜脆嘅口感，配餅乾食真係一流，餅乾唔夠仲可以免費追加。黑門三文魚加州反卷($98)哩個加州反卷一份有六大舊，佢比起普通加州反卷最大分別係面頭多左大大塊三文魚，上面再有幾粒三文魚籽做點綴，個口唔擘到最大都好難一啖放入口呀！加州反卷入面有蟹柳、玉子同牛油果，所以都幾飽肚。總結，食物選擇豐富，無論刺身壽司定燒海鮮質素都唔差，短期內冇得去旅行，當止下癮都唔錯。…查看更多