多利牛石焼き (已結業)

石燒店在香港已經流行了一段時間，一般都是以食牛為主，所以沒有刻意去試，今日同朋友到深水埗買東西，見到食牛石燒嘅新店-多利牛石燒，除了牛柳、西冷、安格斯三角肥牛、翼板、牛小排和黑安格斯肉眼外，有一款西班牙杜洛克豬，朋友喜歡食牛🐮，我可以食豬🐷，既可以試試石燒風味，朋友又喜歡，一次過滿足兩個願望😁。餐廳地方不大，近門口位置，設有兩部自助點餐機，顧客可按個人喜好選擇肉類和份量（200 克、300 克及 400 克），並提供多種付款方法，非常方便快捷。如果不太熟悉點餐機的運作，店員也會非常主動幫忙，服務態度真的很好👍。每個座位均有獨立抽煙喉，食完都完全沒有油煙氣味，非常貼心💕。所有肉類包括沙律、飯和湯各一客，朋友點了300g黑安格斯肉眼$160，牛味十足，非常軟腍，牛骨湯味道濃郁，湯裡面仲有很多湯料👍，配埋沙律和飯，朋友話超飽超滿足。我選了300g西班牙杜洛克豬$158，口感鮮嫩，只需簡單調味，就保留了肉類的原味和鮮味，少量鹽和黑椒，少量蒜片，加埋迷迭香點綴，又靚又美味，肉類上檯時是用火山石盛載，仲可以自行決定生熟程度👍。沙律方面，餐檯上擺放了多款醬汁可供選擇，我選了金芝麻醬，味道很夾。…查看更多

細個果時最鍾意跟父母去食鐵板餐～ 最開心既moment係拎住張紙巾、伸半個頭出嚟望住果塊伴隨「時lee莎la」聲音的牛扒。時代變了、選擇多了，眼前盛載著牛扒的由鐵板變了石燒板～晚市禁堂食還未解除，午餐要食個好既平衡一下😂今日嚟到位於深水埗既✨🐮多利 牛石燒～顧名思義就係食牛石燒la （😂sorry呢句有d廢）入店前探熱捽手無走雞～ 店內外各有一部點餐機～跟足日式食店做法～ 無得去旅行都可以感受下呢種感覺😭食物上枱前店員派咗口罩袋同一次性圍裙，又好細心地介紹面前的調味料～由於牛小排賣曬🙈 好la... 咁我揀肉眼la，友人就揀咗翼板～ 每款肉類都有不同重量可以揀上枱la～ 好香呀！「時lee莎la～時lee莎la」肉肉上枱時表面都燒熟咗，再燒多陣就可以切開燒～ （都是隨個人喜好la~) ‼️最緊要小心隻手唔好hi到石板呀‼️🐮黑安格斯肉眼 200g肉眼扒都幾厚身，有嚼勁但又未算係韌~ 燒到個面焦焦地，入面剛好五成熟～🐮安格斯翼板 300g相對肉眼較薄身，燒的時候要控制得好d，幾腍同肉味較濃，呢個就算熟多咗小小都無韌~2款肉我地都試咗沾燒肉汁同芥辣，不過本身已有黑椒調味，就算不沾任何醬汁都好味～所有肉類都包沙律、飯同湯各一客~(我地知自己食肉都夠，😆所以唔好浪費人地個飯la)另外加錢購買不同款式的飲品~枱面有個好似水喉既物體，唔好以為真係水龍頭呀😂其實用嚟吸油煙ga！希望疫情過後，可以約成班朋友再嚟「時lee莎la」la～～…查看更多

難得Happy Friday，就梗係要搵啲好嘢食，本身同同事約好咗食康瑞，但食之前就先食個晚餐吧。福榮街生煎包隔離有間新開嘅石燒牛喎(新到招牌都仲封住咗)，我哋成日覺得午餐食石燒牛會趕唔切，而家夜晚食就啱哂😆。其實要喺門口部機落咗單先入座，但我哋未揀好食乜，店員俾我哋先坐低，再慢慢揀。就咁望住啲肉，我哋都唔知邊樣打邊樣，好彩老闆好樂意咁同我哋簡單講解下👍。🐮安格斯牛小排($178/300g)，好少見石燒牛嘅餐廳有牛小排食，所以諗都唔洗諗，即叫！老闆介紹呢款同牛三角差唔多，脂肪會較為豐富😍，但牛小排就係上枱前經已切件，啱哂我呢類港孩🙈。由於覺得牛小排比較薄同已經預先切好，嗌300g比較穩陣，嚟到發現肉量超澎湃，總共有成20片肉呢！而且每片大小、厚薄適中，一啖食落口啱啱好，正🤤。牛小排個樣好吸引，脂肪分佈勁靚，感覺有啲似日本嗰啲雪花和牛。店員勁好人，唔知係咪見我笨手笨腳，第一轉嘅肉係由佢幫我擺上嚿熱石到，仲係咁驚我會唔會俾啲油彈到👍。一轉可放10片肉，兩轉搞掂。雖然食落就未到和牛嗰種入口即溶，不過都好好食，配飯一流。🐂黑安格斯肉眼($120/200g)，由於想食肉質無咁韌同肉味濃嘅，老闆就建議我哋可以嗌肉眼。200g嘅肉眼扒其實已經好夠食🥩，加上食肉嘅飽腹感可以維持好耐嘛。肉眼扒本身上枱嘅時候大約係三成熟，所以唔洗煎好耐就食得。肉眼扒牛味果然夠濃郁，而且夠厚身，食落先似食緊扒嘛😋，而且無筋位同肥膏，唔錯呀。題外話，把刀夠鋒利，啱哂切肉。每份牛扒都會配白飯、牛骨濃湯同沙律，試業期間，可以任食！希望遲啲都係啦，我哋今日食都添咗飯🍚，哈哈。另外，個湯亦都幾正，有唔少蕃茄、蘿蔔，不過就唔係好似牛骨湯。呢間石燒牛餐廳好細心😊，會畀多隻碟我哋放熟咗嘅牛，唔洗切完Hea喺嚿石度，搞到過熟、老晒。餐廳每枱都會放咗啲調味料，供客人自行調配。當中包括燒肉汁、芥末同鹽🧂。環境方面，由於新開嘅關係，整體都好光猛、乾淨、衞生！但可能有嚿熱辣辣嘅熱石喺面前，難免都有啲熱。不過抵讚嘅係食完個身都無一浸味，唔通前面煙囪嘅物體真係好吸味😎。總括嚟講，呢間石燒牛真係幾高質，服務比起平日一般自助式嘅好，價錢就偏貴啲啲，但肉質確係掂，唔係得個樣似牛肉。另外，餐廳有做午餐，平均都係$6x，都可以再試下✌🏻。我哋食完已經好飽，食唔落甜品了...。…查看更多