肥姐麻辣餐廳

营业中

休息中

每次係滿樂大廈福至樓等巴士，都會望到「肥姐麻辣餐廳」，而且聽聞佢做川菜很出色，好多餐廳模仿，但都未能超越。難得今日放假，就約個fd一齊去試下。 店內簡潔乾淨，兩邊係卡位，中間係圓枱，牆上掛有特式擺設。大大張餐牌：有水煮系列、特色小炒、招牌鷄㷛和涼拌菜等等，全部都可以選大，中，小辣同BB辣。對於我哋呢D鍾意食辣但太辣又食唔到嘅人，BB辣係最好嘅選擇。🤣 黃金皮蛋$48/份果然名不虛傳，蛋皮唔係一般黑灰色，係金黃色，在燈光下全透明好似啫喱糖咁靚，好有趣，墊底有爽口芽菜，除食到皮蛋本身獨特香味，仲有辣椒和蒜香味。 酸辣土豆𢇁$88土豆切得好幼細，好爽脆，酸酸辣辣好開胃，份量又足，而且一D都唔油，多食冇負擔。 招牌辣子鷄 細$148 大$228盛載嘅器皿好特別，似地盤鏟泥嘅工具，好攪笑。辣子鷄好香，充滿辣椒和豆豉香味，鷄肉雖然炸過，唔鞋仲留有肉汁，好工夫👍 另外點左咸檸七和陳檸。臨走前聽老闆娘講尼到嘅辣度比出面餐廳高一度。換言之，今次我哋叫BB辣，其實食左小辣，我哋算唔算接受左味蕾挑戰🤣🤣🤣

今日收工之後睇緊有咩食嘅時候，發現原來公司附近有一間評價唔錯嘅川菜，所以就同朋友去試下！餐廳唔算大，但係入面光猛企理，位置之間都相當闊落。最重要嘅係冷氣好夠猛，唔使擔心食辣食到成身汗！老闆娘肥姐超級Nice，會主動介紹每個餸菜，同埋問你食唔食得辣，呢度有大中小辣同BB辣，所以食辣嘅初哥都唔怕！✨黃金皮蛋皮蛋既蛋白部分晶瑩剔透，似軟身啫喱，滑嘟嘟，而蛋黃部份就有流心效果。佢既阿摩尼亞味沒一般皮蛋強烈，比較容易入口，而且蛋香味比一般皮蛋濃好多，留係口中久久不散。醬汁用左啲花椒油、醋、辣油等，整成酸酸辣辣靚口味，再配上青瓜粒，刺激過癮！✨辣子蒜香排骨呢一碟喺廚房炒緊嘅時候已經聞到香味，一拎出嚟真係嚇親，唔單止大碟，而且仲有好多辣椒乾！原來好多排骨都收埋晒喺個底，排骨醃得夠味，而且先炸過再炒，食落香口之餘，又唔油膩。配上香辣嘅辣椒，非常惹味，餸飯一流！✨酸辣土豆絲土豆絲嘅顏色鮮艷，色澤光亮，而且口感非常爽脆，冇糊化嘅跡象。土豆絲唔算辣，但係酸味夠勁、爽脆又開胃，令人有種人上癮既感覺，極易餸飯～

俾人捉左去食辣野呀😖個fd話開始凍，要食辣野保暖喎🙄好鍾意佢句slogan“一直被模仿 從未被超越”🤭一黎俾左兩個小食～花生辣得黎係好香，惹味🥰🥰另外果個辣到我食唔到😶開頭因為太肚餓，覺得辣都照係咁食，除左辣之外，食唔到其他味😛食到冇咁肚餓，可以慢慢食既時候，先真正食到菜味同d菜好甜啊🥰呢個簡直驚喜菜式😍😍平時食皮蛋梗係食到有陣唔知乜野味🤔呢個冇喎！總之好好味，辣度適中，冇搶味～好香好滑呀🤤後尾同員工傾開佢話佢地係用雞蛋腌製既，所以特別好味👍香港唔係有好多餐廳做ka🤫最後一味餸～酸菜魚員工話係用魚腩熬製，而魚肉都有別於其他餐廳先煮熟6、7成，之後再煮，所以口感係滑好多😍雖然等得比較耐，但值得等🥰🥰每張枱都有不同盆景，睇得出餐廳既心思❤

打完風，要出街搵食。去左荃灣試下依間麻辣餐廳。打完風唔多地方有開，佢地有開都算係咁。menu 就影哂比你睇。唔太花巧，貴精不貴多。先上個小食。麻辣花生同牛肉醬。兩個都辣嘅，唔食得辣嘅最多唔好黎食野。老闆話可以外賣d 醬同花生番屋企。走嘅時間唔記得左，下次買番。黃金皮蛋重口味，有青瓜係底。自家做，夠味。辣上網成日見d 大陸農村嘅煮食影片，見佢地煮好大煲骨，我相信依個醬骨架就係。肉唔太多，不過煮到好煮，入哂味。最後上個花甲粉新鮮煮起，好熱，好辣d 花甲好大隻，打完風都入到花甲，老闆真係勁。d 粉絲吸哂d 花甲嘅精華。

🌖301 招牌辣子雞（小辣）$138/細辣子雞除左用上辣椒之外，仲落左好多花椒、薑片、蒜片🧄、豆豉同芝麻。雞肉份量都唔少，不過多啲肉少啲骨會更好；平時啲花椒都係黑色嘅乾貨，唔小心食到會好銀牙，呢度用上新鮮花椒，食落香脆，而且麻痺嘅感覺更重！薑片蒜片豆豉平時都係得個放字，但肥姐推介我地食之後比我地掃到得返辣椒係度😂。所以話好唔水好味同價錢係無關嘅，平野都可以煮到好食咁先至係勁。🌖602 土匪牛筋腩（中辣） $128牛筋腩炆到勁稔，一碟入面有勁多牛！我就偏好牛筋多啲，貪佢骨膠原豐富嘛～原來超市仲有即食包，有機會見到可以掃返幾包。🌗104 黃金皮蛋（小辣） $43黃金皮蛋夠曬晶瑩剔透，食左中辣之後對小辣真係無乜感覺啦😂，所以記得食辣要循序漸進～～🌖辣菜圃（細樽） $28前菜試左辣菜圃，味道偏鹹但辣辣地又幾惹味，所以臨走買左樽細嘅，打算用黎切碎送粥/整菜圃蛋。老闆肥姐真係無呃你，呢度嘅辣度真係比係坊間高，所以特登整個bb辣比唔食得太辣但又想食辣嘅朋友～🍂過左中秋開始有啲秋意，遲下冬天更加啱食辣，可以暖下胃同出返身汗～想匿係屋企就食到？而家有跨區送貨服務架！想幾時挑戰肥姐都得啦～～😮入到去見到好

夜,晚上七時,濕度頗高,整個人提不起勁,想搵一些刺激的食物提升自己的身體狀態,朋友見議吃一些麻辣的東西,我頓時嚇了一跳。因為本身自己不是食辣的愛好者,但朋友誠意拳拳介紹下硬着頭皮一試~看見餐牌已感覺大部份食物會以紅色為主,而且應該辣得很。當店員問我們可以吃什麼程度的辣時朋友竟說是中辣,平時小辣我已滿頭大汗,讓人哭笑不得,中辣的程度不知會是如何呢?涼伴小吃正好讓我熱身一下,小小辣的雲耳和青瓜讓我味蕾做好準備。招牌口水雞,雞肉香滑,口水雞醬汁不會辣得霸道,且有一種越食越起勁的衝動,此醬汁很適合撈白飯或者撈麵。黃金皮蛋,我們起初以為會用廣東的皮蛋來做此菜式,但吃了一口時沒有阿摩尼亞的味道,好奇的我們請教老閭,從她口中得悉原來用四川雞蛋來製造此菜式。晶瑩通透的蛋白配醬汁吃很爽,我倆已開始互相對望,大家也感覺到咀唇和舌頭間互相發麻。重慶辣子肥腸,我相信老闆所謂的中辣就是這樣,先看外表麻辣兩個字展現眼前。辣椒雖多,但大腸份量也不少,每吃一口,所有花椒八角既味道展現於我舌頭中,雖然自己已滿頭大汗,但味道的確香口,轉眼間很快把大腸吃光。這一餐雖吃得我滿頭大汗,但本身味道是值回票價的,再有不精神的時候,

天氣凍凍地，食辣暖下身先！ 先黎個水煮牛肉，睇佢咁紅，都真係好辣，好足料，好多牛肉！ 再黎個黃金皮蛋， 皮蛋好靚，有雪花，忍唔住食多幾舊呀！ 川菜好出名既夫妻肺片， 有牛心，牛舌，牛肚，牛肉，好入味，麻辣鮮香呀！ 上湯娃娃菜，中和一下先！ 好夠味，上湯好鮮，d菜吸晒d味，正呀！ 辣子肥腸 - 好多辣椒啊，不過個腸好好食，好爽口！ 再黎個口水雞， 雞肉好香好滑，雞肉好入味！ 清炒土豆絲， 好爽口，切得粗大d，好有口感呀！