正斗粥麵專家 (國際金融中心商場)

間中，我會逛逛 IFC！  這裡雲集各類型食肆，由快餐店、咖啡店、......高級食府也有！ 當晚 6:00 放工後，走去食碗麵，想起 <正斗粥麵專家> 位於 IFC 3樓，長走廊位置，正是往機鐵寄存行李及 check in 的地方上兩層！對於上環區工作的我十分方便就腳！  店內以開放式廚房，清雅脫俗的裝潢！ 桌上已備有餐具及餐紙，還有各式調味料！ :) 店員們亦殷勤有禮，食物上菜有效率！落單後，不用15分鐘便到齊！ 食物種類多元化，包括：粉麵、撈麵、炒粉麵、粥、點心、腸粉、甜品糖水…等。 三拼湯麵 (雲吞、豬膶、叉燒) $105雙拼及三拼湯麵配料有 9款任君選擇！可轉米粉或河粉。 湯底味清略帶鹼水味！ 麵條如絲幼細，質感爽口彈牙！ 雲吞有 3粒，外型猶如一條金魚，脹卜卜的，有條長長的尾部！  雲吞皮薄而滑，大大隻的蝦身鮮甜爽口！ 豬膶 4~5 大塊，火候拿捏得準繩，剛剛焯熟，嫩滑帶爽！ 叉燒有多塊，瘦叉燒佔大多數，浸湯後變得不死實，恰到好處！ :) 黃金流沙包 $38/ 3 件溫熱的包身，鬆軟綿綿，輕輕一口咬開，奶黃流沙餡急不及待湧出來，  甜美而入口帶有鹹蛋黃的沙沙口感，食得滿口滋味！ 清潤雪耳燉木瓜 $52可選擇熱或凍，天氣轉冷了！選擇熱食比較適合！:)整兜滿載木瓜粒及雪耳，很足料！ 清甜滋潤，剛剛夠甜，橙紅色的木瓜熟透甜美！ 雪耳則軟滑微爽！令人滿足又飽足！…查看更多

又快要出發去台北了！下午在百年換好錢後，雨還是下個不停，真想念陽光的歌... 反正點心癮起，索性約開完會的好友在這裡晚餐。正斗在IFC三樓算不顯眼的位置，但人氣卻非常強勁；當然啦，在高貴地段、高貴場內，有著襯得起商場的貴氣靚裝，價錢卻沒有貴上很多，絕對是抵食之選啦。還好我們來得早，遲一點分分要等位呢。首先一來就點了 晶瑩鮮蝦餃 ($40)，成品飽滿、蝦肉爽甜，澄皮也做得薄身多摺，不過這次稍為腍身，可能蒸得久了點。還有每次來必吃的 黃金流沙包 ($38)，一籠三隻的包身軟熟，中間異常流心，必須非常小心撕開才行！同行老友是食肉獸，也來一份 炆豬手 ($108) 吧！菜式可選大或小，這份小的也有4件之多，肥瘦均勻多富膠質、炆得軟腍挺美味，連同健康的芥蘭上檯，我們可是不客氣吃到一乾二淨。來到這裡，怎說也要來碗粉麵，就選 豬膶湯麵 ($65) 吧。豬膶我沒吃多少，但那湯鮮甜清徹，麵條爽滑彈牙又沒多少梘水味，單是吃麵已經滿足。其實還心思思想飲糖水，不過最後還是決定下樓吃雪糕。那一家？慢慢猜囉～…查看更多

依家個社會好紛亂，好多嘢都糾纏不清，是夜嚟到「正斗」嘆茶，唔喺搞咩龍門陣，純粹嘆一盅兩件，同朋友傾吓偈。平常飲茶食點心都喺晌早市或午市多，夜晚嚟食點心就比較少，感覺其實真喺有啲唔同！不過，唔好糾纏於日頭嚟，定家夜晚嚟嘆茶好，最緊要喺啲嘢食好！中環店真喺好耐無嚟過，附近寫字樓多，下面又喺機鐵站，所以，印象上經常見佢塞滿客，午市就更加唔使講啦，就算晚市，門口一樣擠滿人等位。始終位處IFC，室內環境自然唔失禮，裝修雅致，服務亦都好到位，侍應都禮貌周周，就算枱上備有壺茶，佢哋都不時主動為你斟茶添水。題外話，茶位收番$6個，另加一服務費。餐紙墊上仲有介紹雲吞麵嘅故事，有好多歷史嘢，其實都幾有趣味，唔喺單單一張餐紙墊啊！今期講到明嘆一盅兩件，焦點就放晌點心一頁。不過，之前都知佢啲酥炸鯪魚球正，所以，依個又喺好想試嘅食物之一。酥炸蜆蚧鯪魚球 $68人少少就當然叫份細啦（6粒），粒粒好似乒乓波大細，炸得均勻，以個「雀巢」盛住，擺樣都寧舍多份心思。鯪魚球一定要趁熱食，熱辣辣放入口，外脆內軟，再咬落去好彈牙，睇到打得好細緻，而鯪魚味突出，慢慢滲出果皮香味，沾一點蜆蚧，更鹹鮮惹味:)。晶瑩鮮蝦餃 $40尺寸比較細粒，但做得晶瑩，透出蝦肉色，可見餃皮做得有幾薄。食落的確有水準，啖啖蝦肉，鮮味十足，而且，蝦肉爽口，餃皮又唔黏牙。翡翠菜苗餃 $35因為加入菜苗，色澤帶碧綠，賣相更好睇。餃內除菜苗，亦混有蝦肉，所以，味道唔會太寡、太單一，有啲蝦多菜苗少，有啲則菜苗多蝦少，小弟較鍾意後者，否則食蝦餃都得啦。此外，亦鍾意佢唔會將菜苗刴到太蓉，欠缺口感，依家就啱啱好，清爽有菜味，又有蝦嘅鮮甜味。黃金流沙包 $38叉燒餐包、叉燒包以外，最心水嘅包類應該包括埋流沙包，同樣，又喺要趁熬熱辣辣食，否則流心效果大打折扣。包身好軟熟，內裡嘅鹹蛋黃流沙非常有蛋香。（題外話，餐牌中個英文譯名我就唔評論，反正小弟英文都喺半桶水，不過，除非包內嘅流沙多到食飽你，否則，應該都喺叫流沙「包」啱啲。）紅豆桂花糕 $30紅豆糕食過，桂花糕亦都食過，兩者夾埋就未食過，其實會喺點？大概都預計到，只喺貪得意都叫一客嚟試試。個樣似紅豆糕，但就滲雜咗桂花晌入面，整體個味道又唔錯，紅豆好清甜，桂花好清香，個糕嘅質感帶少少爽，確喺幾好食。食嘢就喺咁，好食嘅就懶理鬼得佢日頭定夜晚食，「夜媽媽」都可以食個早餐啦。希望社會唔使再有咁多糾纏，政通人和，國泰民安就好咯！…查看更多