雲來客棧 (已結業)

一見到有人介紹呢間甜品店 已經好有興趣黎XD 因為呢度有好多古裝服飾可以比客人穿著黎影相XDD 好有趣~~ 而且成間餐廳既裝修都好古代風~~ 今晚約左朋友上黎試下~~ 我地9點前都黎到喇.. 但估唔到咁早都已經有人係度食緊甜品喇~ 除左甜品之外, 呢度原來仲有熱食, 好似車仔麵, 串燒, 點心同酸辣粉咁~ 價錢都唔貴 想一餐搞掂晒主食+甜品都OK~ 原來呢度D甜品賣相一樣好得意 當中最吸引到我地既就係 麻雀 同埋 象棋… 最後,, 當然係麻雀勝出XDDD 落左單後, 我地就去著唔同古裝衫影相喇~ 好搞笑, 除左有雍容華貴既皇族衫之外, 仲有獄卒, 公公既服飾~~ 多人黎既話 可以黎個角色扮演 除左服裝, 仲有頭飾同其他道具, 玩味性高 等左一陣, 我地叫既 麻雀椰汁糕$88  就送到喇~ 用木板裝住麻雀上, 感覺真係好古代~ 估唔到味道都唔差, 椰汁糕味道幾香甜~ 味道甜得黎 唔會膩, 適合3-4人share ~ p.s. 見到竟然有外國客人上黎幫襯 ! 走個陣, 仲發現呢度有部扭蛋機呢… 呢度的確係幾得意既一個地方而且價錢確係幾親民~~ 平平地食個得意甜品 都幾開心^__

哩棟大廈一向多嘢食，自己都試過幾間，朋友介紹話呢間雲來客棧啲嘢幾得意，就走左去試啦一入到去果然環境真係同古代嘅客棧好似，雖然我未去過古代XD但係拍戲見唔到嘅場景活現眼前，我感覺好新鮮同特別，而且發現佢有好多中國嘅服飾，可以俾你影下相，同一班朋友玩下hea下而且佢場內位置寬躺，一班朋友食下野傾吓偈真係唔錯講返啲嘢食先，全部係點心，西式糖水，仲有最特色既麻雀椰汁糕，中國象棋牛奶凍，成個感覺真係好似返咗去古代，真係幾過穩架

Weekend 同閨蜜們搵地方hea，有人提議去搵下新地方，睇完食評就揀左呢度。一開𨋢，好似入左片場咁，好攪笑，叫左d小食邊食邊傾，無人嫌我地嘈喎🔆燒牛舌 - 唔錯，調味保留到牛舌嘅味道，肉質軟腍，厚度適中。🔆魚肉燒賣拼彈牙魚蛋 - 果真係彈牙，魚肉燒賣入面塞滿爽口魚肉，只係少少豉油都好好味～🔆麻雀椰汁糕 - 各位觀眾.......「十三么！」一見到個賣相我地笑死左，造型創意滿分！初頭見到多色以為d味會怪，點知同平時去甜品店食嘅椰汁糕有得揮喎！🔆燒雞比菇 - 唔會乾哂，仲保留到濃縮左嘅水份，最緊要調味唔會過濃，剛剛好。🔆燒煙鴨胸 - 燒到個皮好香，比平時食嘅煙鴨胸更惹味。🔆重慶酸辣粉 - 辣度十足，花生香脆，辣妹最愛～餐廳四周圍都係笑聲，氣氛好好，仲周圍古代人同秘笈！媽呀！我好亂😂😂！

之前係fb碌碌下見到依間野係726新開, 叫雲來客棧, 個裝修真係成間客棧咁好得意, 仲可以免費着古裝打卡今晚就上左去諗住食下糖水~真係一開門就回到過去去左古代咁裝修真係好得意好有特色!最攪笑係佢連洗手間造型都係矛廁既樣😂古裝服就放係旁邊任揀, 上到去已經見到隔離枱2個女仔著哂上身影相打卡 本身諗住食碗糖水架咋, 點知越叫越多😂因為見佢餐牌都好多野揀又小食又點心又串燒咁, 每樣食dd啦燒牛柳粒落左少少孜然粉調味, 又唔會落得太多攪到食唔到牛肉味山竹牛肉球依個牛肉球大大粒, 熱辣辣即蒸B仔雞翼尖調味好好! 夠蒜香又夠辣, 正!芒果西米露有大大粒芒果肉仲有一球芒果雪糕, 足料麻雀椰汁糕打卡必選!! 賣相真係做得好精緻, 就咁睇同真麻雀係無乜分別, 連最難畫既一索都畫到咁似除左靚之餘味道都有水準, 椰汁味重糕點又夠凍, 唯一係兩個人食真係太多足足有14隻麻雀, 大家想試就記得搵多d人一齊share

呢排網上好Hit 吹就得好行既餐廳 咁岩經過旺角 食飽飯想食下糖水一開Lift 有驚喜環境好似電視劇既客棧每一張枱同凳係用真木整 連洗手間都係用稻草搭 尤如古代嘅茅廁連餐廳背景音樂都係古代歌店員亦穿小二服招呼我們店內亦有古裝服供客人穿上而且穿着衣服不需最低消費好古式古香阿食物方面 打卡必點：麻雀椰汁糕超級逼真 一共有十四粒拼成十三么椰汁味香甜濃郁打卡必點：象棋牛奶凍牛奶凍用棋盤上 十分逼真但牛奶凍入口較淡 花雕雞翼濃香昭酒味 肉質嫩滑酸辣粉有四個辣度分別是微小中大 還有清湯叫了中辣味道很濃烈 非常適合重口味人士薯粉亦很煙un整體而言 識得回頭 旺角又多一間消磨時間食宵夜嘅地方