雲來客棧 (已結業)

一見到有人介紹呢間甜品店 已經好有興趣黎XD 因為呢度有好多古裝服飾可以比客人穿著黎影相XDD 好有趣~~ 而且成間餐廳既裝修都好古代風~~ 今晚約左朋友上黎試下~~ 我地9點前都黎到喇.. 但估唔到咁早都已經有人係度食緊甜品喇~ 除左甜品之外, 呢度原來仲有熱食, 好似車仔麵, 串燒, 點心同酸辣粉咁~ 價錢都唔貴 想一餐搞掂晒主食+甜品都OK~ 原來呢度D甜品賣相一樣好得意 當中最吸引到我地既就係 麻雀 同埋 象棋… 最後,, 當然係麻雀勝出XDDD 落左單後, 我地就去著唔同古裝衫影相喇~ 好搞笑, 除左有雍容華貴既皇族衫之外, 仲有獄卒, 公公既服飾~~ 多人黎既話 可以黎個角色扮演 除左服裝, 仲有頭飾同其他道具, 玩味性高 等左一陣, 我地叫既 麻雀椰汁糕$88  就送到喇~ 用木板裝住麻雀上, 感覺真係好古代~ 估唔到味道都唔差, 椰汁糕味道幾香甜~ 味道甜得黎 唔會膩, 適合3-4人share ~ p.s. 見到竟然有外國客人上黎幫襯 ! 走個陣, 仲發現呢度有部扭蛋機呢… 呢度的確係幾得意既一個地方而且價錢確係幾親民~~ 平平地食個得意甜品 都幾開心^__^ …查看更多

最近有人生日，壽星話ig見到想試。Book左7:30，7:40齊人，8:30先開始有野食，係開始咋蝦餃成隻粉果既size，點餐紙叫超薄，但層皮係特厚，牛柏葉同魷魚食到有怪味，以為自己味覺有事，問坐隔離既朋友都話有燒賣清曬後甩剩層皮，明顯翻蒸貨。涼拌海哲，味道正常，帶麻辣味，不過張點餐紙冇提到奶黃包，明顯翻蒸貨兼來貨，d料少到咩咁春卷，味道正常，但一啖咬落去都未見餡燒牛脷，入面味道似白灼，外面係咁依燒兩下，靠黯然粉吊味牛柳粒，粒牛柳十足橡膠咁，韌勁十足，用吃奶之力咬，都未咬得開，仲係兩串都係咁雞軟骨，味道正常燒雞翼，外面香口入面冇味，食到大半發現見紅。四隻都未熟得透，叫店員換過之後正常返。因為限12張相，所以之後冇相提供。燒茄子，靠蒜頭同蔥調味，味道正常。燒腸粉，似煎兩下拎出黎既蒸腸粉。蒜蓉包，唔夠蒜味，某大pizza速遞鋪好食好多。燒蕃茄，以為車厘茄，點知係大個既切開四份出。味道正常既，係d黯然粉有d無謂燒棉花糖，燒得唔夠耐，冇果種帶熔又未熔得曬既質感。十三么椰汁糕，椰味唔夠，似罐頭開出黎，有d似唔夠椰味既珍多冰陣味。窩夫，因為朋友生日，店員請既，有蛋味入口鬆化，全餐除左生日蛋糕外最好食既野。埋單每人$17x，打卡一次可以，但唔會有下次…查看更多

幾個女仔都鐘意gimmick嘢，上網見到呢間野，咦有得玩古裝，扮下啲郡主呀娘娘咁，好似幾有趣，所以就想黎呢度，食物都係其次。等位都等咗好耐下，啲朋友都等到有少少唔太耐煩，好不容易先到我們可以入去。裝修環境真係好古代下，有啲木枱木屏風咁，又有啲古代酒樽，叫侍應啲時爭啲想叫小二😂，其實真係可以諗下喎，好似啲女僕cafe咁做戲做全套，叫啲侍應著晒小二衫，叫客人做客官！首先黎到嘅係小食瑞士雞翼，呢道菜就比較快上菜嘅，雞翼好大隻兼調味絕不輕手，啖啖肉。食完小食試下衫，我勸大家斯文啲，因為好多已經爛爛地，要顧及別人感受先得，太粗糙人地無得試架啦。我嗰frd 揀左套皇后衫黎試，都幾好睇，不過有啲人唔識野以為嗰件係少數民族衫，我笑而不語。影完相少不了點心，糯米雞恐怕係港人最愛頭幾位，唔知喺古代叫咩名呢，足料，好大隻，味道就正常糯米雞咁啦。然後就叫左個好ig-able嘅麻雀型椰汁糕嚟做甜品，好像真，枱枱都有叫，搞到我都想開枱。今晚撞正警鐘誤鳴，原來古時候已經有警鐘啦，哈哈。好評係俾個著古裝gimmick嘅，有得食又有得玩，我地都影得幾開心，食物就正常啦。…查看更多

勁搞笑既旺角小店提供左唔同既古裝同道具俾你任影唔嬲，呢日放工放學後過左食飯時間，我地包場包影好自在。本身個餐廳裝修到好似古代既客棧咁，仲有毛筆區，酒區同受刑區幾款主題。男女童裝都有唔少衫可揀 ，一邊醫肚一邊自娛。仲有部破費夾公仔機，不過都係兩蚊次都okay既。食物方面主打甜品，我地都點左麵食同串燒，樣樣都有水準。酸辣粉都幾辣，份量夠哂一個女仔食。串燒就韮菜原條上，夠份量，雞軟骨好入味。叉燒包就新鮮出爐呢款象棋娛樂性豐富，但棋好似唔多齊都係俾你食同影相為主。…查看更多

尋日去左呢間好古代味重既食店一入出電梯就見到四隻大字好有氣派間店都幾有特色有啲古裝比客人著重要有好多選擇實行邊色邊cosplay想一過呢個皇帝式既享受就著番件龍胞就搞掂好可惜搵唔到82年既女兒紅😣武功秘笈任君選擇學番三五七本真係識飛更架（誤）裝修用具都滿佈心思玩完就入正題勒叫左個點心食佢係即叫即蒸架！熱到呢但呢個鮮竹卷幾好食好夠料呢個麻雀椰汁糕好有心思又唔會太甜啲字體同啲真麻雀一模一樣仲要比副十三么我添。。哈哈呢串牛舌不得不讚一啲都唔韌仲好軟熟跟手點左杯蜜瓜沙冰飲味道唔錯如果隻杯配埋古代器皿就完美最後黎個烤茄子好多蒜呀正呀間野整體都唔錯有得食有得玩係等野食耐左少少唧…查看更多

哩棟大廈一向多嘢食，自己都試過幾間，朋友介紹話呢間雲來客棧啲嘢幾得意，就走左去試啦一入到去果然環境真係同古代嘅客棧好似，雖然我未去過古代XD但係拍戲見唔到嘅場景活現眼前，我感覺好新鮮同特別，而且發現佢有好多中國嘅服飾，可以俾你影下相，同一班朋友玩下hea下而且佢場內位置寬躺，一班朋友食下野傾吓偈真係唔錯講返啲嘢食先，全部係點心，西式糖水，仲有最特色既麻雀椰汁糕，中國象棋牛奶凍，成個感覺真係好似返咗去古代，真係幾過穩架…查看更多

約咗個人妻朋友食下午茶，因為佢帶埋小朋友出嚟，所以我都專登物色一間特別啲又坐得舒服嘅餐廳～居然又真係畀我搵到呢間幾盞鬼嘅客棧。一入門口已經感受到客棧嘅誠意，等位都有「酒」飲。小朋友見到古裝衫好興奮，有埋帽同鞋，我哋兩大一細都着得好開心HAHA糯米雞　$29熱辣辣嘅糯米雞，用料豐富，糯米飯口感香軟而且非常入味香煎蘿蔔糕　$19蘿蔔糕煎得恰到好處，外脆內軟～原粒灌湯餃　$28湯汁豐富、濃郁又鮮甜嘅灌湯餃，食完咁大粒餃都幾飽肚！芋圓豆花　$36豆花幼滑有豆香，芋圓Q彈，再加埋冰涼香甜嘅豆花雪糕，真係消暑佳品木瓜奶　$34必飲！！入面真係有攪碎咗嘅木瓜肉，超級香濃又有口感，咁大壺真材實料嘅木瓜奶先$34，好抵好正！象棋牛奶凍　$88期待已久嘅象棋，雖然已經睇過相，但見到佢真身依然覺得好得意啲棋做得好靚好真，真係驚喜之作，不過紅色嗰邊有兩隻帥喎呢個牛奶凍都唔係得個樣咖，口感滑嫩，奶味濃郁，捉完成盤棋都仲係咁好食！…查看更多

感覺好像穿越時空一樣，有種置身於昔日古代客棧的感覺。裝潢別具心思，環境古色古香，是古裝電影中的客棧風格。場內更免費提供古裝服飾，客人可以大玩Cosplay。雪糕紅豆冰 ($35)紅豆冰用酒瓶盛載，既有新鮮感又適合打卡。咖哩蒸魷魚 ($26)魷魚爽口Q彈，帶有微微的辣。薑蔥牛柏葉 ($26)牛柏葉爽脆彈牙，口感佳。重慶酸辣粉 ($28)熱騰騰的紅油薯粉，又酸又麻又辣，吃得過癮。榴槤飄香 ($48)一上桌便榴槤香氣四撲鼻；榴槤汁再加上一球榴槤肉，味道相當香濃。麻雀椰汁糕 ($88)創意十足，造型像真度極高，真的幾可亂真，絕對適合相機食先！甜度適中。…查看更多

黎得雲來客棧，緊係要講下佢啲cosplay衫啦，雖然啲3款式唔係真係好多，但我覺得啲配飾好夠，款款3都有番相應既配飾，要比個like先得啦間鋪啲野食選擇都幾多，除左甜品，重有點心同串燒，我地今次主要係點左啲串燒。啲串燒真係比到驚喜我地，特別係個牛舌！！完全有入口即溶既感覺，必食呀！其他串燒都好好味，個雞脾菇都好juice 😍點心都ok, 但我原本仲以為個腸粉會係酒樓食個款，點知係小食款，仲要得醬油，呢度就扣少少分啦。另外仲點左好多人都必點既麻雀椰汁糕，係十三么啊！做得好精緻，味道都唔錯，椰味都夠，重點唔會太甜，食多幾舊都唔會濟😋😋…查看更多

今日就去呢間聽左幾次朋友介紹既雲來客棧, 真係好有心設計既裝修, 好有特色, 岩哂一班朋友黎影相, 仲可以換埋古裝衫影相, 好好笑!食物方面有三大類, 包括點心, 串燒同埋甜品。點心方面都有好多唔同款式, 而且價錢亦都唔貴, 當中蝦餃, 牛肚同埋牛柏葉好出色 , 足料而調味亦都岩岩好!串燒方面我覺得牛舌燒得好出色, 好軟身而而且調味好出色, 忍唔住叫多左兩串再食! 另外牛仔角都係好好食, 淋身之餘又有咬口, 調味一流! 到左重點甜品, 我地叫左麻雀, 即係椰汁糕, 真係好得意而且味道都幾好, 即叫即整好考師傅心機, 打卡一流呀!…查看更多

Weekend 同閨蜜們搵地方hea，有人提議去搵下新地方，睇完食評就揀左呢度。一開𨋢，好似入左片場咁，好攪笑，叫左d小食邊食邊傾，無人嫌我地嘈喎🔆燒牛舌 - 唔錯，調味保留到牛舌嘅味道，肉質軟腍，厚度適中。🔆魚肉燒賣拼彈牙魚蛋 - 果真係彈牙，魚肉燒賣入面塞滿爽口魚肉，只係少少豉油都好好味～🔆麻雀椰汁糕 - 各位觀眾.......「十三么！」一見到個賣相我地笑死左，造型創意滿分！初頭見到多色以為d味會怪，點知同平時去甜品店食嘅椰汁糕有得揮喎！🔆燒雞比菇 - 唔會乾哂，仲保留到濃縮左嘅水份，最緊要調味唔會過濃，剛剛好。🔆燒煙鴨胸 - 燒到個皮好香，比平時食嘅煙鴨胸更惹味。🔆重慶酸辣粉 - 辣度十足，花生香脆，辣妹最愛～餐廳四周圍都係笑聲，氣氛好好，仲周圍古代人同秘笈！媽呀！我好亂😂😂！…查看更多

呢間古裝餐廳係我有次去呢橦大廈個LIFT停左係呢層, 打開門見到個裝修好特別, 成日都想搵日試下既餐廳。睇過食評先來, 知道有麻將椰汁糕, 見到賣相係有D想試下, 食過後味道算係正常棷汁糕味, 但堅似麻將呢下過癮。點左魚旦燒賣拼盤, 味道似街頭小食, 唔錯。串燒煙鴨胸同韭菜未分惹味。酸辣粉見好多食評讚, 但我個人覺得略為唔似重慶酸辣粉, 中規中矩。中途見到好多食客著古裝影相, 一班年青人, 氣氛的確幾開心, 我覺得適合食下點心串燒坐下既地方。餐廳人手略為不足，要等必較耐，但好在可以著古裝影下相無咁覺。…查看更多

近期有間餐廳，以麻雀、象棋等得意造型食物而聞名，而且店中更有古裝衣服任客人任試，裝扮一下玩Cosplay。客棧地方十分闊絡，裝潢都以木/竹為主。食品主要以即叫即蒸點心、惹味串燒為主，再配以創意甜品/雪花/仙草的飯後甜品為結尾。雪糕紅豆冰 - $35紅豆冰是以酒酲姿態呈上，而雪糕是另外奉上的。重慶酸辣粉 - $28麻麻辣辣味道濃郁，而且薯粉份量頗多。榴槤飄香 - $48中間加入了榴槤果肉、食落香氣四溢，齒頰留香。麻雀椰汁糕 - $88到今次來這裡的目的。麻雀椰汁糕以方形木盤奉上，看...叫胡了，知道被我吃掉了那一隻嗎？椰汁味清清地，但口感十足，賣相一流。走時看到不少秘笈，黯然銷魂掌？九陰真經？定練葵花寶典...哈。…查看更多

老公話同事提及有間新餐廳好得意，就想係我生之前帶我去試下，本身都冇特別期望，去到就有D大吃一驚，真係成個裝潢都係似捉古代客棧(除左廚房之外)。升降機門一開，就大大個牌面入眼，都有少少震撼感嘅。店員(身穿店小二服裝)雖然好忙，但見到我地都即刻衝過黎帶位。見到餐牌雖然好多選擇，但大肚婆選擇其實唔多，太凍或太甜都唔太適合，加上dinner時間，就叫左少少點心，加呢度招牌特色甜品。當日客棧差唔多坐滿晒，野食都冇咁快上枱，就利用呢段時間周圍行下。老公對d武林秘笈好感興趣，覺得都好新意，我覺得收銀台嘅酒壺櫃都比較有趣，之後仲睇埋有咩古裝衫可以試，可惜客人好多，冇咩選擇，而且d衫同配件都亂晒，有d仲跌左落地，呢方面衛生可能差少少，我求其搵左件皇帝衫試就算。叫點心有茶配，個茶壺好傳統，d杯細細隻，好有格調。不過食野時就覺得個杯太細，keep住要斟茶，有少少麻煩，再加上客人多，要加水都要叫幾次先有，要俾d耐性。$22 香滑奶皇包︰同酒樓點心好似，大小適中，仲要熱辣辣上枱，食落好香奶皇味，不過少少可惜嘅就係唔係流心，如果係流心應該會更好味。$22 手拉白布腸︰腸粉係偏硬身，唔易散開，亦好易挾，呢點我比較欣賞，因為我最驚d腸粉易散，會冇左質感。$20 金菇肥牛卷︰2條4件，份量少左d，不過都好夠味，不過不失，但如果人多一齊去就會唔夠分。$88 象棋牛奶凍︰食呢個要俾d耐性，幸好上枱有d驚喜，真係模擬棋盤。而家我大肚唔食得太甜，呢個牛奶凍唔會太甜，細細個都易入口，老公就覺得唔夠甜，可以再甜d，同埋棋顏色調轉左，不過我覺得已經好有心思，起碼係其他餐廳從來未見過，值得試下。…查看更多

係香港大部份餐廳都係西式或日式佈置為主，有同事講開旺角有間餐廳係古代佈置，仲有得任著古裝衫，太座最鐘意呢D玩意，就問左同事餐廳名，帶太座黎試下。餐廳地點都易搵，MTR一出行幾分鐘就到。升降機門一開，就見到全間古代特色的客棧，呢點有驚喜，所有裝潢都有傳統風味，環境好得！枱凳都同電視古裝片相似，升降機旁邊仲擺左好多酒壺，睇得出花左好多心思。夾公仔機同間客棧格調就差少少，不過就好受小朋友歡迎，要黎安撫小朋友都唔錯。本身都預左係食中式野食，估唔到都有唔同類型野食，除了點心之外，仲有串燒、中式糖水、花冰。太座話樣樣都想試下，諗好耐淨係話一定要試象棋牛奶凍，其他野就交俾我決定。叫野食仲有茶飲，茶壺真係同古代果d好似，仲配埋d細杯，俾客人慢慢品嘗。可能當晚太多客，野食就上得慢d。重慶酸辣粉 $28 及 稻庭烏冬 $28本來打算食蒸飯，飽肚d，估唔到7點已經賣晒，就叫左兩碗粉食，兩碗粉份量都夠，一人一碗平平地食都填都肚，酸辣粉對我黎講就唔夠辣，但太座話味道都夠，稻庭烏冬食落都好有口感，唔會太淋。瑞士雞翼 $28 及花雕醉雞翼 $34兩款雞翼上枱時都聞到好香，瑞士雞翼夠入味，不過食食下就覺得4隻唔夠喉。花雕醉雞翼就比較配合雲來客棧的環境，而且呢款花雕醉雞翼係熱食，太座非常欣賞，仲話花雕好香。原條蒜香燒茄子 $32應該係其中一道招牌菜，見好多枱都有點，我就隨波試下，上枱好吸引，大大條食落好滿足，唯一差少少就係d茄子肉比較難夾。象棋牛奶凍 $88太座指定要食，亦都係呢度招牌甜品，好有心思同特色，都幾得意，真係好似捉棋咁，牛奶凍唔會好甜，淡淡牛奶香食落口，不過要逐隻整，真係要等好耐，要俾d耐性等，而太座就選擇去試唔同古代服飾，著住古裝衫食飯，好似拍戲咁，店員仲好有心提醒太座d衫點著。…查看更多