御膳

𝙘𝙝𝙚𝙘𝙠 𝙤𝙪𝙩 𝙩𝙝𝙞𝙨 𝙝𝙞𝙙𝙙𝙚𝙣 𝙘𝙝𝙞𝙣𝙚𝙨𝙚 𝙧𝙚𝙨𝙩𝙖𝙪𝙧𝙖𝙣𝙩 𝙞𝙣 𝙠𝙬𝙪𝙣 𝙩𝙤𝙣𝙜! 𝙞 𝙡𝙤𝙫𝙚 𝙩𝙝𝙚 𝙨𝙬𝙚𝙚𝙩 𝙖𝙣𝙙 𝙨𝙤𝙪𝙧 𝙛𝙡𝙖𝙫𝙤𝙧𝙨 𝙤𝙛 𝙩𝙝𝙚𝙞𝙧 𝙧𝙞𝙗𝙨 𝙞𝙣 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚. 𝙢𝙚𝙖𝙩𝙮 𝙧𝙞𝙗𝙨 𝙬𝙞𝙩𝙝 𝙛𝙧𝙚𝙨𝙝𝙡𝙮 𝙢𝙖𝙙𝙚 𝙨𝙩𝙧𝙖𝙬𝙗𝙚𝙧𝙧𝙮 𝙨𝙖𝙪𝙘𝙚, 𝙘𝙖𝙣 𝙮𝙤𝙪 𝙧𝙚𝙨𝙞𝙨𝙩?😝.平時間唔中都會想食下中菜，位於觀塘工廈嘅御膳私房菜有幾款套餐提供，什菌豆腐大蜆湯湯底鮮甜，入口絲滑，仲有大大隻海蜆同滑豆腐，冷盤麻辣手撕雞好重麻油香，爽脆青瓜絲加上芫荽根，開胃醒神，另外潮州鹵水鵝好入味，五香味十足，鵝肉肥美鬆化份量仲好多！之後到重頭戲有一系列嘅海鮮，白胡椒爆炒南非鮑魚超惹味，肉質彈牙，重口味得嚟唔會死咸，送飯一流！蒜蓉粉絲蒸蟶子皇面頭鋪滿生蒜片同炸蒜，墊底嘅粉絲索哂豉油香好食到不得了😝 蒸東星班平啲就食得多，生煎又真係第一次，口感外焦爽嫩細膩，配上煎魚豉油又係勁好送飯，另外士多啤梨骨上枱已經聞到濃濃嘅士多啤梨香味，酸酸甜甜咁襯托出肉排香氣之餘又解膩，最後蟹油銀芽炒麵鑊氣十足，炒得乾身唔油膩，食埋甜品真係要捧住個肚走～…查看更多

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚紋理同形狀都好靚，軟韌度剛好，不用刀叉也能輕易食用，食落鮮嫩彈牙且很入味，胡椒氣味陣陣散出，少少辣幾惹味，非常值得慢慢咀嚼細味流沙黃金蝦很經典同時又很邪惡的一道菜，蝦頭至蝦尾連蝦殼都食得，每隻蝦炸得脆卜卜鬆化，厚厚鹹蛋醬附在蝦殼表面，呈流沙狀態，非常濃郁，而且火候控制得宜，蝦肉保持鮮嫩，蝦頭仲有膏，幾有驚喜士多啤梨骨士多啤梨骨外型相當吸引，腩排有輕輕煎炸過，醬汁濃稠沾滿腩排，有士多啤梨天然甜香同時又有酸的味道，具有醒胃效果，同時亦可以去除豬肉的油膩感，不過肉有點太大件，難進食同埋腩排都偏肥蟹油銀芽炒麵炒麵非常考驗師傅夠唔夠鑊氣，炒麵炒得乾身且不油膩，鑊氣十足，麵條軟硬適中，仲有不少芽菜，不過蟹油味欠奉，有點可惜蒜蓉炒時菜芥蘭保持清脆碧綠，清脆而不韌芒果布丁甜品不時都有變，店員事前有講要看師傅當晚的預備，可能會安排雲呢拿布丁/芒果布丁/芝士布丁或椰汁紅豆糕，而我當晚是吃芒果布丁，有芒果香甜，仲有藍莓做點綴…查看更多

前排公司老闆請我們到御膳吃團年飯，所有同事都對御膳私房菜一致好平。年年聖誕節都係火雞，叫到會或西餐，今年一於創新下，聖誕節食中菜，所以就訂御膳私房菜了。 店內很有家的感覺， 雖然是工廈， 但環境很舒適。 今次試下鮑汁扒花膠餐， 五百幾蚊一位， 菜式有麻辣手撕雞，薑蔥炆龍躉腩，什菌豆腐大蜆湯，鮑汁扒花膠，蒜蓉粉絲蒸蟶子皇， 蛋白花雕蒸大肉蟹，士多啤梨骨，蟹油銀芽炒麵， 再另外叫了一碟潮州鹵水鵝$160，甜品有香芋布丁。麻辣手撕雞～ 麻辣香味濃， 但又不會好辣， 適合港人口味， 手撕雞和青瓜絲囗感配合。什菌豆腐大蜆湯～ 奶白色的豆腐大蜆湯， 清清地營養十足。鮑汁扒花膠～ 配上高貴的鮑汁，花膠厚切好大塊， 骨膠原豐富。蒜蓉粉絲蒸蟶子皇～ 蒜蓉粉絲超入味， 蟶子皇新鮮大隻鮮甜好味。蛋白花雕蒸大肉蟹～ 大肉蟹可以選擇幾款煮法， 避風塘，薑蔥炒， 我就喜歡蛋白花雕蒸大肉蟹， 食材新鮮用清清地的做法已經可以食到蟹的原味， 加上花雕清香的味道配上蛋白， 食得特別滋味。潮州鹵水鵝～ 肥瘦適中， 鹵水味香濃， 鵝片入口 鮮嫩而不膩，超推介！薑蔥炆龍躉腩～ 薑蔥爆得好香， 龍躉腩啖啖肉。士多啤梨骨～ 用士多啤梨醬烹調的， 手法創新味道甜甜的， 肉質鬆厚。蟹油銀芽炒麵～ 炒麵炒得好乾身， 簡簡單單的一個炒麵已經知道師傅有出色的烹調技巧。香芋布丁～ 最後食埋個又香又滑的香芋布丁， 很滿足的一餐。很喜歡約三五知己吃私房菜， 御膳絕對是一個很好的選擇， 環境有家的感覺， 店員服務細心， 食物質素好， 價錢適中， 性價比很高的餐廳。…查看更多

隱藏於工廠大廈的深處沒有門面沒有修飾沒有招牌提早一星期已把餐單選好先來前菜的麻辣手撕雞麻辣味配上清爽的青瓜是絕佳的開胃口前菜大肉蟹用上避風塘去炒炸蒜酥口感脆脆帶點焦香有令人有一口接一口的衝動大肉蟹巨大差不多有兩斤蟹鉗肉超飽滿沾一點香蒜入口真是天堂什菌豆腐大蜆湯有濃濃的海水味白胡椒香爆南非鮑魚有兩隻胡椒香氣在口腔內濃得化不開流沙黃金蝦緊接奉上香口惹味是非常邪惡的一道菜士多啤梨骨酸酸甜甜很醒胃三大支排骨啖啖肉吃得過癮最後是蟹油銀芽炒麵和蒜蓉炒時菜蟹油香較淡但吃得非常飽肚這晚絕對能吃得出師傅的功架…查看更多

要係觀塘工業區開餐，有時係幾令人頭痛嘅事，實在太多選擇!  好彩友人係呢頭返工，不時帶我去呢度食，果度食!  今晚上到黎呢度食私房菜門口無招牌名，要認住門牌號碼，以深木色作裝飾，牆上有2部電視，走平實路線有散叫，亦有多種款式套餐供應，今晚叫左呢個二人套餐 (2)麻辣手撕雞撕成雞絲，加埋爽口多汁青瓜絲一齊食，麻辣度十足，作為凍盤前菜幾醒胃什菌豆腐大蜆湯每碗都有1隻大蜆及豆腐，湯底飲得出魚湯嘅鮮甜味，大蜆無沙，豆腐超滑，熱度十足，好飲呀.................幾想可以飲多碗呀!!大肉蟹 (可選花雕雞油蛋白蒸，避風塘炒，薑蔥，胡椒炒，四川香辣炒)，好明顯呢碟係薑蔥炒，肉蟹體型係屬於大隻佬級，二人分享絶對夠食，放上枱後香氣四溢，忍唔住先食D蔥，好甜喎..........蟹鉗D肉幾咁澎湃...................肉質幾甜醬汁調味令到蟹肉多一份滋味白胡椒香爆南非鮑魚兩隻已經起埋殼，一夾就食到，味道幾香白胡椒味，有別於一般清蒸/薑蔥爆煮法; 口感相當彈牙!流沙黃金蝦3隻放上枱面後已經聞到咸蛋黃嘅香味，蝦殼全掛上流沙，連個頭都可以食埋; 蝦肉又係相當彈牙，絶唔係霉肉貨色!士多啤梨骨一字排配以開胃醬汁，無咩肥肉，肉質唔嚡口，食多件都唔會覺膩!蒜蓉炒時菜 (西籣花)，夠鑊氣，蒜蓉炒菜出事率從來偏低蟹油銀芽炒麵炒得頗乾身，用蟹油炒但唔係幾食得出，但配以辣椒醬一齊食係無得輸，只有銀芽及芝麻曬面，感覺乾淨俐落!仲送埋甜品  (種類會有芒果布丁/芝士布丁/雲呢拿布丁或椰汁紅豆糕，要看師傅當晚的預備)，而今晚有呢客椰汁紅豆糕綿口紅豆蓉似食緊紅豆冰中嘅紅豆質感，椰汁糕幾香椰汁味，細滑又唔太甜，又係好味嘅!全單＄930，收茶位每位$2，食物水準相當唔錯，食完一味先上一味，唔怕一次過上晒食唔切會凍晒，下次要食海鮮，唔駛一定要去西貢!…查看更多

一直以來都無咩機會同男朋友拍拖既時候食中菜，原因係好多時食中菜都係一班人食會比較好，因為中菜好多時都分量頗大，如果兩個人拍拖去食，只能叫一兩碟， 不能試太多款嘅菜式。:)但其實我非常鍾意食中菜，尤其是食海鮮同埋粵菜，相對濃油赤醬既滬菜，或者麻辣香厚既川菜，粵菜更著重食材既鮮味同師傅既功力， 但可惜香港食到正宗同埋靚嘅粵菜嘅地方唔多。不過好好彩 ， 朋友介紹我同男朋友仔去呢一間御膳私房菜度試下。 不得了，我諗我會bookmark呢度，做日後嘅飯堂，獎賞自己。由於怕冇位嘅關係，我地一早就book 定檯， 最開心嘅係呢度同出面唔同，有得按人數去選擇，同埋按自己喜歡嘅食材去揀套餐，而且一去到餐廳就有得食。 作為蟹迷嘅我梗係要試下呢度嘅大肉蟹啦。二人套餐既前菜係麻辣手撕雞， 青瓜切成幼絲， 清爽脆身 ，手撕雞充滿麻辣醬香味， 而且雞絲長短不一，非常索汁， 冰冰涼涼嘅口感 ，加埋麻辣香，非常引起食慾。不過我見到隔離枱多啲人嘅關係，佢哋嘅前菜就係一個麻辣拼盤，除咗雞絲仲有其他鹵水，份量唔細咁， 希望下次有機會，同多啲朋友一齊嚟試下啦。黐完前菜跟住出場嘅係什菌豆腐大蜆湯，一睇就覺得吸引，好少地方可以將湯頭煲到濃沃嘅奶白色，仲白過牛奶。是真啲湯底其實應該用咗新鮮魚同大骨煲湯， 加上豆腐同大蜆，個湯鮮味十足，好有屋企嘅味道， 但當然係更加足料，而且雜菌吸收曬湯頭嘅鮮味，足料既程度，我覺得唔只係一個湯，而係一道菜。可能我影得有啲細，但其實隻蜆係有兩節手指咁大， 蜆肉鮮甜冇沙，真係想嗌多兩碗飲下。蒜蓉粉絲蒸蟶子皇， 雖然係最簡單嘅蒜蓉粉絲蒸，但亦都係最能夠帶出鮮味嘅煮法，越係簡單嘅方法，其實更顯用心， 淨係 蒜蓉都已經用咗金銀蒜，即係普通蒜蓉同埋豉油煮過嘅蒜蓉， 蟶子皇非常大隻厚肉，食落啖啖都係汁， 加上粉絲吸曬豉油汁同時蟶子汁嘅香味。「小二，唔該嚟多兩碗白飯。 」胡椒炒大肉蟹大肉蟹非常足斤兩，目測起碼斤幾兩斤，因為淨係蟹鉗都大過拳頭， 同埋師傅好細心咁將胡椒打磨到好細，咁樣撈埋薑蔥做芡，帶出肉蟹嘅鮮味，加上走過油嘅關係，鎖住咗蟹既肉汁同水分，乾身得來外脆內juicy，三個字：無得輸。如果係西貢食呢碟蟹都起碼二百蚊啦。 除番開呢個套餐其實每人400幾蚊，真係抵到不得了。淨係蟹鉗都大過我隻手，啖啖都係肉，不得了。花雕蛋白蒸龍躉球龍躉球起曬肉，啖啖肉冇骨，魚皮厚身，充滿骨膠原嘅味道，彈性彈性。 除咗鮮甜實肉之外，都冇咩說話好講了，反而我想讚下個蒸蛋白，事關個蛋白用咗上湯同花雕去蒸，滑過豆腐之外，感覺就好似係食緊豆腐花，不過係上湯味嘅豆腐花。 唔係太識形容，口感介乎於飲湯同食豆腐花之間。細細聲講，我食曬呢個蒸蛋白，冇留到畀男朋友食，哈哈。金絲翡翠鳳尾蝦上面嘅金絲其實係用金華火腿燴咗嘅魚翅， 充滿火腿絲既香味， 配上非常之彈牙可口嘅鳳尾蝦，可惜一人只有一隻啦，哈。雖然配菜好似係簡單嘅節瓜同冬菇，但節瓜清甜，蒸得剛好，冬菇厚身重菇味，夾埋魚翅食又係good good good 。其實食到呢個位我已經八成飽，已經非常大滿足， 唔好睇每碟菜嘅份量好似少少哋咁，但原來食落真係可以好飽，仲可以試到每種唔同嘅菜式。蒜片牛柳粒我諗係男士嘅 favorite， 蒜片炸到脆卜卜，加上牛肉充滿蒜香，又係一個惹味嘅小菜， 絕對好啱送飯。而每粒牛肉都係mini bite size,， 女士就算飽飽哋都可以食幾粒過下口癮。蟹油銀芽炒麵蟹油呀嗚呀， 一嚟就聞到超香嘅味道， 再加上炒得非常之乾身有鑊氣， 真係好難忍口，幾飽都要食埋佢。芒果布甸至於甜品就係充滿懷舊味道嘅芒果布甸，梗係要落番少少花奶落去搵番兒時嘅味道啦， 加上大大粒嘅芒果肉，甜品胃被滿足了。成張單total九百零蚊，除開每人400幾蚊， 其實同去西貢食海鮮既價錢分別不大，不過質素就高好多。 而且唔使喺西貢俾人劏， 食嘅真係一分錢一分貨，值啦。…查看更多

今天是二師姐牛一，又大一歲，要聽聽話話，快高長大了！一早就想好要說吃海鮮慶祝生日，本來冬天冰冰冷冷吃火鍋是最好的選擇，但這個冬天真的吃得太多了！打算在家自己弄，又怕煮好一碟又一碟的時候其他海鮮都變冷了就不好吃，而且放工後自己弄又確實比較麻煩！想起上次跟我一樣愛吃的「鬼姐」介紹，有一家私房菜海鮮夠新鮮，小炒夠火喉，而且價錢也相當合理，就決定今天來這家叫 御膳 的私房菜試一下！這裡可選擇的款式也真的不少，我們就點了一個三人用套餐 (4)，食物都是我們喜歡的菜式！麻辣手撕雞中式前菜，麻辣味十足、青瓜夠清新、手撕雞絲肉感分明，這絕對是開胃菜的首選，口感非常夠辣頂癮，準備一下好胃口開大餐！什菌豆腐大蜆湯食飯又怎可以沒有一個靚湯？今天本來就是打算吃海鮮，這個用鮮甜大蜆跟新鮮什菌，還有滑豆腐熬成的湯，鮮味無與倫比，一定是最佳靚湯水之選！菊子魚 (12兩 東星斑)十二兩的東星班起肉，切花，下鍋滾油炸！熱辣辣上碟後再加上凍凍的柚子醬，一冷一熱，口感爽到不得了，我一口氣就可以吃三顆！炸粉沒有覺得有多少，外層炸得脆卜卜，內裡啖啖嫰魚肉！正！避風塘炒大肉蟹喜歡大肉蟹的肉感，店員表示可選花雕雞油蛋白蒸，避風塘炒，薑沖炒，胡椒炒，四川香辣炒等不同料理方法，可真的是任君選擇！個人喜好來說避風塘炒特別香口誘人。金黃色的蒜粒，乾紅辣椒、蔥、薑跟蟹㨮至入味。真的不得不大力讚嘆，蟹肉又鮮味又彈牙，加上避風塘炒的香口跟微辣，味蕾就是這樣震撼！蒜蓉粉絲蒸蟶子皇蟶子，當然用蒜蓉蒸的方法烹調最完美。保持原汁原味，粉絲放底吸盡蒸氣令蟶子皇溢出的肉汁精華。這個蟶子肉鮮味甜，爽口彈牙；粉絲回味無窮！金絲翡翠鳳尾蝦鳳尾蝦、素翅放於翠玉瓜面上，打上一個濃芡，爽口蝦肉滋味得很！翠玉瓜完全入味，果真色、香、味俱全！士多啤梨骨跟蜜桃骨、沙拉骨等的感覺都很像，比較特別的是她還有一點士多啤梨的酸甜感覺，非常惹味！蟹油銀芽炒麵其實真的吃到肚子都漲起來了！炒麵不算什麼，但蟹油炒麵就沒有反抗的餘地！炒得夠鑊氣，還有陣陣的蟹油香味，濃而不膩！甜品 - 芒果布甸甜品時間！不是說人有兩個胃是嗎？面對色澤吸引，而且陣陣芒果香的布甸又怎可以抗拒！芒果果肉就是令人瘋狂的理由！說真的，三人吃以上份量跟質素的菜式才一千四百多，是真的物超所值！無論份量，味道都是無可挑剔，最重要是生日的二師姐也吃得這樣高興，吃蟹的時候還會不顧儀態地吮手指！這頓飯，我給　Ａ＋　了！…查看更多

2017終於完結了，實在是太令人感動，記得好像從5月開始就忙個不停，工作接腫而來，雖然每天上班的時間是過很快沒有錯，但每天都把下一天的腦細胞也用盡(哭)，所以2017完結了我實在是覺得感動。新的一年可以把累積久久的飯局重新啟動，第一餐約的是去年幫了我很多的一個好朋友，他喜歡吃海鮮，所以我們就去了觀塘一家專門吃海鮮的私房菜吃晚飯。*吃私房菜的好處就是，他們可以為你量身訂造菜單，這樣就可以確保每一道菜都是你想吃的。以下是我跟他們預先溝通好的菜單，是基於他們預有的菜單再作微調，可以參考一下：麻辣手撕雞一份/大肉蟹一只 花雕雞油蛋白蒸/什菌豆腐大蜆湯/白胡椒香爆南非鮑魚兩只/蒜蓉粉絲蒸蟶子皇2只/士多啤梨骨/蟹油銀芽炒麵/上湯浸時菜/甜品/全單＄930（全店免加一，茶位$2/位）*麻辣手撕雞坐下不久，店員就送上了麻辣手撕雞，作為開胃菜真是很開胃(廢話)，相比起一般的麻醬手撕雞，我覺得麻辣更特別一點，配上青瓜絲的清爽，很容易一口接一口的吃光光。*雖然是麻辣，但麻辣的感覺不會太重，只是吃完之後舌頭有一點點小麻的感覺，我覺得不吃辣的也可以吃得到。*什菌豆腐大蜆湯吃了麻辣後來碗湯真的是很適合，剛好可以解解舌頭的小麻。*湯是每人一小碗，份量剛剛好。裡面有什菌、豆腐和大蜆，什菌有我最愛的冬菇片，肉質爽滑，我把朋友的冬菇片都搶過來了，實在好好吃。*重點是大蜆，令湯帶有輕輕的鮮味，剛喝剛起勁。每碗湯有一隻大蜆，大蜆開口後呈蝴蝶的形狀，吃起來爽口沒有沙，如果可以有多幾隻就好了。*蒜蓉粉絲蒸蟶子皇這道蒜蓉粉絲蒸蟶子皇是我和朋友有點小期待的菜色，果然沒令我們失望。*看見蟶子上面放的一大堆蒜蓉便知道一定會好吃。*這應該是我第一次吃蟶子皇，或者是平常被騙(笑)，反正是我第一次吃這麼「健碩」的蟶子。蟶子被清洗的很乾淨，一點黑黑或沙粒都沒有。吃下去爽而不硬，蟶子的爽彈和鮮甜還是保留得好好的。*其實粉絲是我第一口就吃的，粉絲充滿蒜蓉和豉油的香氣，蒸後的口感還帶點煙韌，如果份量可以多大概三倍就好了(個人偏心)。*白胡椒香爆南非鮑魚這道一上桌就聞得到香香的白胡椒味，這種散發出來的香氣定必要「夠功力」才行。*對於鮑魚我是沒什麼研究，只知道「易咬」或是「不易咬」。這裡的鮑魚肉質清爽軟嫩，肉脆有彈性有甜香，肉身不算厚但我個人覺得剛剛好，太厚吃的時候就要費點功夫。*花雕雞油蛋白蒸大肉蟹冬天就是吃蟹的季節呀，吃蟹的話，我跟朋友都比率喜愛蒸的，可以吃得到蟹本人的味道。這道「花雕雞油蛋白蒸大肉蟹」，光看名字已經覺得很吸引了對不對！*這裡都會很甜心的先幫你敲碎一點點蟹的殼，吃得時候就方便得多。吃蟹鉗的時候最過癮，一口咬下去滿嘴蟹肉，肉質飽滿肥厚，鮮甜多汁，比起平日所吃的更鮮。底下的蒸蛋白也是做得很出色，味道就像是甜品店的燉蛋白，但有花雕、雞油及蟹的味道，真的好好吃。*士多啤梨骨士多啤梨骨應該是我們最不期待，但最驚喜的一道。一上桌就聞得到濃濃的士多啤梨的香甜，整道菜酸酸甜甜好開胃，最驚喜的部份是它的肉還是嫩的，平常吃得生炒骨之類的都是「很鞋」的，而且很易咬！*蟹油銀芽炒麵吃到這我跟朋友已經飽了9成，這時來一道蟹油銀芽炒麵，幸好份量不多。*這道蟹油銀芽炒麵做得很像炒公仔麵，鑊氣十足，說飽但還是把整碟吃光光。呀對了，雖然名字說有蟹油，但味道不算是很突出。*上湯浸時菜上湯浸時菜是最後一道，再吃就要飽死了。裡面有西蘭花、什菌、紅蘿蔔片和一點蒜頭，清清淡淡的很解膩。*芒果布甸今天的甜品是芒果布甸，裡面有芒果粒粒，是甜的不會酸，每人一小杯份量剛剛好。*這樣吃下來也吃了快2小時，只能說真的是「便宜又划算」，滿滿的一桌海鮮晚餐，吃得我們都捧著肚子離開。呀對了，雖然是平日，而且店內位置不算多，但都坐得滿滿的，建議早一點訂位才去呀。…查看更多

嚟到位於觀塘區工廈中嘅御膳，入到去個環境都幾光猛企理。可能有唔少人覺得去食私房菜都一定要好大班人去，但係呢度除咗大圓檯之外，其實都有啲細細哋嘅小圓檯。訂檯嗰陣只要同佢哋講好人數同飲食喜好，佢哋就會安排菜單，同埋會晌事前用whatsapp確認，所以好似我哋咁得兩個人嚟都冇問題。佢哋都有啲散叫菜式，不過我哋想每款少少哋咁試多幾樣，所以訂檯時就揀咗試套餐。豆腐大蜆湯，湯色奶白，飲起上嚟有芫茜清香。我個碗入面有三隻蜆肉，豆腐亦滑溜溜嘅。麻辣手撕雞，加咗啲青瓜絲晌手撕雞入面，再撈埋麻辣醬，惹味得來又唔會太辣。金絲翡翠鳳尾蝦，蝦肉厚身，仲有節瓜同花菇，味道夠又唔會過份濃郁。蒜蓉粉絲蒸蟶子皇，蟶子皇彈牙，蒜蓉等配料令佢更加甘香，底下嘅粉絲就吸滿蒸煮時釋出嘅精華。大肉蟹，單係烹調方法已經有花雕蛋白雞油蒸、薑蔥炒、避風塘炒、四川香辣炒、胡椒炒五款，我哋想食比較原本嘅風味，於是試咗花雕蛋白雞油蒸。蟹肉蒸得啱啱好，食起上嚟鮮甜，蛋白嫩滑有微微花雕香。花雕蛋白蒸龍躉球，烹調方法同大肉蟹一樣，龍躉球肉質軟綿，魚皮滑嘟嘟。我哋都覺得花雕同海鮮幾夾，唔會喧賓奪主之餘又可以提鮮。蒜片牛柳粒，牛柳鬆化有油香，蒜片脆口。蟹油銀芽炒麵，炒麵入面有大量銀芽、韭黃、蔥、紫洋蔥、白芝麻等等，口感爽脆。呢日嘅甜品係椰汁紅豆糕，椰汁糕同紅豆蓉原來係分體嘅，講真係有少少煞風景，不過椰汁同紅豆兩者嘅味道突出，又唔會過份甜膩，同埋用咗鮮藍莓、士多啤梨、芒果等等伴碟，總算加返啲分。…查看更多

觀塘工廈私房菜林立，我一早立志要試勻晒佢。今次呢間我已經bookmark左好耐，成日都好full試唔到，今次預早啲book，終於帶男友嚟到撐枱腳啦！好期待！一坐低先嚟個前菜，麻辣手撕雞，一食落去男友大愛，調味夠複雜，又辣又麻，青瓜絲同雞肉比例剛好，有辣椒辛香惹味，又有芝麻香，是高水準之作！什菌大蜆豆腐湯，大蜆比想像中還要大，富有海鮮清甜味，讚！菊子魚，用上12兩東星班的養魚，將魚肉去骨切花再炸，工序繁複有創意，魚飲偏軟滑，配上柚子醬料，因醬料份量較少，入口較香脆乾身。個人還是偏愛傳統酸甜汁烹調多一點。胡椒大肉蟹，煮得非常出色，胡椒味香而濃，蟹肉鮮甜而結實，以香蔥和乾蔥爆炒，比新加坡的胡椒蟹更為惹味而多汁，把蟹殻上的汁都吸吮乾淨再拆肉品嚐，勁滿足。白胡椒爆炒南非鮑魚2只，與胡椒蟹的茨汁相像，新鮮鮑魚彈牙有嚼勁。一連吃了幾道濃味菜色，緊接是蒜蓉粉絲蒸蟶子皇2只和碧綠炒帶子來中和一下味覺。蟶子皇果然名不虛傳，有筷子咁長，肥美的肉厚到不得了，淋上了熟油炸蒜，又香又好吃。帶子剛好沒有過熟。結此驚人嘅份量，食到呢到已經超級飽，但仍然無法抗拒呢碟蒜片牛柳粒，有大量我至愛嘅蒜片，以牛柳粒嚟送足料嘅經典富瑤炒飯就啱哂，炒飯內滿有鮮南非鮑魚， 瑤柱 ，金華火腿，一分欣賞個飯炒得金黃粒粒分明又唔太油，是我心水嘅必試菜色！食到攬住個肚仲有自家製甜品，雲呢拿奶凍，唔太甜，男友至愛雲呢拿，啱哂佢口味啦！…查看更多

其實相比起西餐，我更愛技巧多變的傳統中菜，不過近年因為租金暴漲，大部分酒樓都是例牌無創意的菜式，流水作業的烹調，最緊要就是翻枱率快，卻令食物質素大不如前...今次在觀塘工廈找到一間中式私房菜 - 御膳，就連門口也很隱蔽，毫不顯眼，真是名副其實的隱世。內裡褪去一般酒樓豪華雕琢的裝潢，風格簡樸，實而不華，給人一種乾淨舒適的感覺，座位不多，記得要事先book枱。這次我點了二人花龍蝦餐，可以因應個人喜好而更換菜式，富有靈活彈性，盡顯小店人性化的貼心服務。麻辣手撕雞一絲絲起了骨的雞肉肉質軟嫩，配合口感清爽的青瓜及香辛麻辣調味，縱使我吃不了辣，確實覺得有點辣，不過也覺得這種麻香相當醒胃。什菌豆腐大蜆湯熱呼呼的奶白色湯頭，飲得出沒有加味精，不會過鹹，有種家常味道，不期然令我想起媽媽煲的豆腐湯。加上豆腐能吸收大蜆的海水味，味道很清，鮮甜味美。花龍蝦 (1只5至6兩)花龍蝦亦有三種煮法可供選擇：上湯、香煎、芝士焗，而我今次就選了香煎，非常考起主廚的火候手藝，但當然難不到御膳大廚的精湛功架，表層不會顯得過熟或太焦。香煎龍蝦容易剝吃，彈牙紮實的肉質新鮮爽口，煎成金黃色帶有微微焦香，簡單調味不會蓋過龍蝦原有的鮮味，我作為一個龍蝦迷，啖啖肉吃得甚為滿足 *o*這道菜還配上份量澎湃的炸麵底，口感極度香脆。白胡椒爆炒南非鮑魚胡椒味能深深的滲入到鮑魚，辟除鮑魚本身的腥味。南非鮑魚size不算大，一口一個，帶有溏心，鼓壯飽滿，咬下去彈牙有嚼勁。花雕蛋白蒸龍躉球以花雕蒸煮，酒味不重偏清淡，龍躉入口鮮滑肥美。原來還有蛋白墊底，蒸得剛剛好，精準的溫度控制令到蛋白有如豆腐般幼嫩細滑。流沙黃金蝦將大蝦裹上像黃金流沙一般的鹹蛋黃，加上薄粉油炸，一入口就已散發香酥蛋黃味。大大顆蝦肉夠爽口，火候控制得宜，不會炸得過乾。士多啤梨骨賣相十分精緻，令人食慾大增，將士多啤梨入饌，彌漫著清新的果香。相比起常見的生炒骨，同樣開胃，但在酸甜中卻多添幾分天然水果甜香，排骨表層炸到酥脆，內裡肉質鬆化，可說是色、香、味俱全。蟹油銀芽炒麵蟹油就是來自炒過蟹的油，令原本平凡的炒麵添上一陣惹味香口的炒蟹味，麵條炒得夠乾身。呍呢拿布甸還以為中餐甜品必定是以中式糖水作結 想不到竟然是西式呍呢拿布甸，布甸入口即融，盡是濃濃奶香，其實吃完八道菜已經極度飽，不過吃甜品的又是另一個胃，還是忍不住KO了一整個 XD…查看更多

假期剛過難免有些假日後遺症，一覺醒來已近九時上班亦忘記了，2017年首個上班日便大遲到，幸好同事們皆在閒聊，大家感染了同一症狀，我並不另類！工作如常，下班繼續好節目，這夜一行六人在觀塘工廈內開年吃大餐，魚蝦蟹貝樣樣齊，清精靚巧是我們崇尚的美食主義，找來這家御膳正符合要求，我們刻意選擇吃海鮮自然清而不膩、精而多吃不滯，菜式精緻老師傅功架，最後的甜點菠蘿鳥簡直是呃 like 的必殺絕技，大家怎可能不談笑風生、盡興而歸！希望一月效應靈驗，大家全年開開心心食神相伴！回歸正題，御膳是一家藏於工廈內的穩蔽私房菜，啟業已經三年多，口啤向來不俗，只因不就我腳，之前緣份未至！其實地點並不難找，跟著openrice上地址指引走便成。門口並無招牌，但F單位內燈火通明應該錯不了，本來沒有期望，甫入店內感覺非常企理整潔，木桌椅子木色牆身有簡約寧靜之感，客人可在大廳及房間用餐。我們訂了房內角落的桌子，六人坐在十人桌，非常寬敞舒適，餐桌上早已放上熱水壼、茶壼、乾潤紙巾、公筷及鉗子等用具，準備就緒。起初以為房間如常設置電視，看清楚原來是網台HKTV的節目。雖然格局如私房菜，但其實有菜單供應讓客人自選，只要預先安排便成，懶得揀，有由二人起至十二人的實惠套餐選擇，人均消費三四百元左右。我們預先點菜了，既然遠道而來，當然要吃最好的，今晚八餸一湯一手工甜點，但求十全十美。通知服務員人齊後，熱湯轉頭就到，非常有效率。砂鍋大魚頭湯奶白湯頭，一看便知老火，煲至火喉十足，鮮甜醇厚無腥味，啖啖魚湯如奶滑，形容貼切。湯濃但清，湯面完全沒有油光，湯裡無雜渣，刻意加進一些芫荽、菇菌、豆腐粒及一只巨魚頭，魚頭預先煎香過，皮脆肉嫩依然可吃，大大片魚臉珠歸我所有，魚唇魚皮亦滑，完全滿足了我這個魚痴！麻辣鹵水拼盆水準之作，雖然遷就了香港人的口味，麻辣味不強但調味出色。拼盆包括金錢壯、手撕雞及豬大腸，正如其菜名，全部材料預先鹵水了才混合麻辣醬，因此肉質入味。若然不愛麻辣可以多吃金錢肚，煮至腍嫩入味，厚切大片，柔韌富嚼勁，灑上了少許白芝麻好看增口感，調味豐富而不怎麼樣辣。三款之中手撕雞最辣，全身沾滿麻辣醬汁，先辣後麻之層次分明，手撕雞連皮帶脂肪，肉質嫩滑，配以青瓜絲倍增爽口，亦有助中和麻辣之刺激；麻辣之味並不過搶，舌頭沒有不好受，適量刺激反而突出雞肉之香滑，我覺得很好。滷豬大腸外表看起來柔軟肥美，同樣加了白芝麻增美感及香辛，大腸皮下略有脂肪不過份，其實都頗好嚼，成功之處在醃得入味，豐富兼少許爆汁。龍蝦三吃：香煎、上湯、芝士焗三只龍蝦三款做法，適合多心的我們，每只足六両，皆一開為二，伴以脆麵及生菜沙律，用巨型大碟上菜甚有睇頭。香煎龍蝦我認為香煎龍蝦最有特色，因為其他粵菜酒家少做，期望如願，煎功了得，龍蝦非常新鮮，肉質結實細膩，香甜無比。其實煎烤貝殻類的海鮮非常奇妙，煎香蝦殼能夠倍增蝦香，吃來別有風味！大廚願意慢功出細貨，表面焦香有烙印但沒有過火乾身，啖啖肉食落有汁，這就是佳餚。上湯龍蝦上湯煮的味道豐富，是熟悉的口味，沒有出錯，優勢在湯汁可以伴麵；龍蝦本身上乘貨式，肉質有彈性，蝦頭有肉但無膏。芝士焗龍蝦芝士焗的我沒有吃，嚐了脆麵上沾了的芝士汁，味道討好，鹹味適中，沒有蓋過龍蝦之鮮; 見到芝士醬汁豐富全蓋龍蝦，吃過的朋友認為滋味無窮。脆麵配搭別出心栽，炸至完全通透，香脆不膩，內藏小蝦，味道不淡，淨吃亦美味。花雕蛋白蒸肉蟹一只肉蟹大概一斤重，兩只鉗非常巨大，肉質香嫩鮮甜有彈性，我認為花雕蛋白做法更可令肉蟹鮮味昇華。只嫌花雕份量不足，能夠多點酒香更好，而且本來見到蛋白豐富很高興，雖然滑但水份過多容易散，幸好吸收了蟹香，味道的確不錯。菊子魚手本名菜，手工技藝出衆，沙巴龍𧄌兩斤起肉，雕成菊花造型，調以柚子汁，一客十件，魚頭炸至酥脆放中央，賣相絕對出得廳堂。要做成菊花狀，魚肉必須夠厚，師傅刀工細緻，看魚件上凹凸位大小平均，魚塊扎實不鬆散，夾起完整不爛，真是功夫菜！柚子的酸香味道特出，亦似橙酸，香酸背後微微之甘，少少的變化，同時嚐到鹽糖鼓油之醃味及香煎之惹味，再加上魚之鮮美，美味可口。魚頭堅挺，皮脆肉嫩，我們亦不浪費，有朋友包辦了，見她吃得津津有味。內外在美兼備，不愧為招牌。啫啫鮑魚煲火喉足夠，蒜子香氣撲鼻，傳統啫啫做法，爆香大量蒜子伴煎鮮鮑，以香惹彌補鮮鮑味不及之不足，醬油豐富，味道滲透鮑魚肌肉，原只鮮鮑，逼出了多餘水份，肉質更加結實。士多啤梨骨以新鮮士多啤梨作汁，香酸味道自然，果甜令排骨肉質更加鬆軟美味，亦甜亦酸亦鹹，醃至非常入味，豐富濃郁，更伴以新鮮士多啤梨果肉。另一特色是用超巨型的排骨，肉厚但完全不嚡，大大件食肉獸之滿足；未能完美是選材並非一字骨，而且大小不一，似湯骨貨式，跌了呢！蒜蓉炒芥蘭可算是最失色的一道，芥蘭外表翠綠，真的新鮮，但先灼後炒，不夠脆失口感。富瑤炒飯炒得出色，米飯粒粒分明，不乾身不油膩，收水功夫好，材料豐富豪華，是一道海鮮炒飯，不乏鮑魚、蜆肉等，味道好有口感。菠蘿鳥好戲連臺，特色手工甜點必須預訂，本來一個生果盤，花點心思，以紅蘿蔔及菠蘿肉作鳥嘴，剩下來的菠蘿尾頭作鳥的尾巴，做型栩栩如生，十分趣緻。水果品種豐富有色彩，有士多啤梨、奇異果、青提子、藍梅及當然有的菠蘿；整個菠蘿起肉供應，沒有減料，味道香甜，也許曾浸過糖水，若然先吃菠蘿其他水果就會變得略酸，當中有些水果雕了花配合形象。總括來說，不枉此行，海鮮新鮮，烹調功夫了得，吃得出是大師傳功架，傳統的味道，同時又加進新意，性價比合理，可自行帶酒及生日蛋糕免收費。…查看更多