桂花小幸 (將軍澳廣場)

下午茶時間我自己都鍾意係將軍澳廣場叫桂花小幸。挂花小幸有一個特價嘅下午茶餐(星期一至五)，就係花之丸肉燥米線28蚊，可轉麵同湯底，加小食，下午茶餐加$6有台式飲品，例如蜂蜜綠茶同梅子綠茶，都幾抵。鹽酥雞扒麵配凍蜂蜜綠茶 $59+6 (星期日)咁我上次就嗌咗呢個鹽酥雞扒麵外賣(張單唔啱)，佢嘅鹽酥雞扒好夠味，炸口，雞排質感唔算啦太硬，會好難咬咁。我就叫台灣麵配紅燒牛肉湯底，其實係menu可以揀唔同嘅湯底，咁我自己就覺得紅燒牛肉湯有少少辣味，比較重口味。麵量可多，唔會因為係下午茶俾少d，食完都幾飽。凍蜂蜜綠茶唔會過甜，配返比較濃味嘅雞扒麵，啱晒!…查看更多

將軍澳向來都係美食荒漠，除左d大型連鎖店之外，無咩特別好野食作為調景嶺既居民，有時都要行遠d先有返d好野食難得係將軍澳廣場開左間特色台灣店，就梗係要去試下啦成日都見到排哂長龍，質素都應該有返咁上下！間店係中銀對面，好易搵！除左餐廳之外，門口仲有得買台式飲品餐廳佈置好有特色，亦都幾有心思坐係到食野都忍唔住欣賞一下店主既心思坐位方面應該都唔預大家坐得太耐有d位有椅背，有d位就好似圖中既木椅不過整體黎講都好闊落，坐得幾舒服，亦都傾到計！:)食物種類多，粉麵飯同小食，樣樣都有樣樣都想食，好難揀價錢唔算貴，係將軍澳黎講都算得上係窮人恩物，譚仔以外既選擇！大家揀好野食之後就出去門口位置落單最開心係好多飲品揀，好似去左台灣咁一次過滿足左幾個願望介紹左咁耐，終於都到介紹野食喇鹽酥雞扒麵，聽個名都已經夠邪惡！湯底有幾個選擇，包括紅燒牛肉湯，清敦牛肉湯，同埋清雞湯！我就揀左預設既紅燒牛肉湯個湯底有少少辣，但係唔會好鹹，我唔太食得辣都接受到！d麵好彈牙！真心幾好味！雞扒炸得岩岩好，唔會太乾我仲加左隻鹵水雞蛋，$6，好抵食食麵點少得加雞蛋呢屋企人就叫左三盛紅燒牛肉麵真心好抵食，亦都好足料！有腱心牛肉，真心好軟，好入味仲有牛腩，好淋，唔會‘un’同埋有牛丸，好彈牙真係好抵食，男士都會食得飽！我地仲叫左鹵水牛肚，同樣地無得輸呢到d鹵水汁味道剛好，全部都夠入味而且份量足夠，性價比高期待已久既火龍果茶有喜茶既感覺火龍果味唔重，但有淡淡既茶香大大杯食完d重口味既野食，飲返杯就岩哂啦屋企人就叫左杯麥茶絕對係健康之算唔難飲，有茶味仲要夠平，飲得過整體黎講，呢到d食物真係無得輸！而服務就比較似快餐既形式，唔好有咁高既期望！重申一次，呢到絕對係將軍澳呢個美食荒漠中既一點希望啦…查看更多

同朋友嚟到將軍澳，一出地鐵站幾乎都喺大商場大型連鎖餐廳，想搵間特別啲嘅但又平啲嘅都好難，一路行一路搵食行到嚟將軍澳商場，突然見到有一間餐廳門口有好多人等就行過去睇下，原來喺一間未試過嘅新台式餐廳，見到佢仲寫住喺試業中，而睇餐牌嘅價錢都喺大約五十零蚊左右一個餐，晚市嚟講算好平！已經喺我平時食午餐嘅價錢，決定要一試！雖然好多人等位，不過等左大約十分鐘度就有得坐，不過攞位個陣見到原來可以用openrice app攞位，下次嚟之前就攞定位唔洗等喇。入面嘅環境都喺清新為主，有好多文藝風格嘅裝飾。兩個人各叫左一個飯一個麵，想試下唔同Share嚟食，因為覺得價錢都唔算太貴，所以都再叫多左個小食。朋友揀左個鹽酥雞扒麵，加左$3要中辣嘅麻辣牛肉湯底，雞扒嘅份量都好多，食落去肉汁好多！而呢個牛肉麵嘅麻辣真喺非常麻！辣得夠爽！鐘意麻辣嘅朋友好建議去食！而我自己就叫左一個滷水蛋牛腩滷肉飯，滷肉既份量都算合適，令到整個飯唔會太乾身，而味道都喺好食，牛腩都好大舊，食落去唔會話太「銀」身，都算爽口。我地個再叫左一個小食，蒜泥白肉，佢哋既蒜泥白肉唔會好似出面咁太肥，喺比較瘦啲既肉，而蒜汁味道都好濃厚，好好味！呢間舖頭除左有食物都有台式飲品售賣，有外賣或者堂食都有，不過如果叫餐再叫特飲都喺要以正價買，我地都各叫左一杯，朋友就叫左一杯「紅豆與豆乳」，試左啖覺得都幾好飲，紅豆同豆奶溝埋味道啱啱好。而我自己就叫左杯「苿莉珍珠奶綠」，味道唔算太濃烈，比較似奶茶，如果再揀我就會揀朋友既紅豆豆乳或者試下其他飲品。…查看更多

2017年最後一日啦，本來今日諗住全日係屋企Hea過的。點知忽然諗起仔仔要買浸Cons鹽水，唯有同佢出一轉街啦；落開街就諗不如食少少野啦。就係咁，一落街就打比婆婆，約佢一齊下午茶啦。桂花小幸，第一次經過時有買佢既飲品，個外賣杯好靚，好實淨，飲品都唔錯。所以一直都想諗下佢既食品如何。可惜，今日一試，好失望，以後都係買飲品外賣好了。講真，舖又唔係大，但係服務就真係麻麻，客人坐底後要自己出去點餐，冇問題；但問題係佢又唔係比紙仔客人click底想食乜，而係一個普通餐牌，要客人自己記晒全枱朋友要食乜再出黎點，重要自己搵枱號你咁多侍應係要黎做乜架？鹽酥雞扒麵，講真，我一向都幾鍾意食鹽酥雞，平時去食野見到都會Order的。但今日依個，根本完全冇味，只係一塊普通的炸雞扒，重要真係冇乜味的。個麵我叫左清湯，又係冇味...佢明明寫住全部都係牛肉湯的；我仔幫我食埋半碗時重話有皂水味添吉列豬扒麵，依個婆婆叫既，麵婆婆就話冇乜點，豬扒比雞扒好食得多，份量亦好似多DD咁。仔仔叫的推介黎，唔記得係乜牛肉麵；但係仔一食，又係牛肉冇味的係D肉好淋囉，但味道完全係冇。加6蚊一杯的飲品，凍咖啡...婆婆話外賣的好飲得多了，不過加6蚊同外賣10幾20蚊一杯，都知有分別既。而另一杯荔枝綠茶，唉～我都知，加糖水姐，你都咪咁孤寒啦，成杯野都冇荔枝味得綠茶味。如果係凍綠茶，好多地方都係Free架，你重要加6蚊，比多少少糖漿有味D得唔得丫？仔仔叫的芒果綠茶，唔知係咪少人叫呢？等到食完晒都唔黎，要三催四請先有；但仔仔就話好夠味都幾好飲囉。總之，冇下次；唔會再入依間度食野，最多經過買外賣飲品。…查看更多

2017.12.11 😐【台式料理•小確幸】食在將軍澳//原來你是我最想留住的幸運原來我們和愛情曾經靠得那麼近那為我對抗世界的決定 那陪我淋的雨一幕幕都是你 一塵不染的真心//最近看了一套電影我的少女時代很喜歡Hebe的主題曲小幸運聽著歌曲不期然想到2017年已經踏入最後一個月了😮這一年對我來說的轉變真的很大完成了進修 投入了寫blog的興趣確幸我的家人、朋友一直支持陪伴👫👭👬亦幸運找到一個值得珍惜的另一半小店裝潢走文青路線主要分為外賣台式茶類及堂食兩部份配上近年流行的小確幸主題💆打造一個休閒、寧靜 享受時光的空間鹽酥雞扒麵 $36說到台灣料理不少得炸雞扒的份小店的鹽酥雞扒麵是小妹的私心推介雞扒不會太厚粉 炸得香酥脆口🐔上海麵質感彈牙配上牛肉湯底還不錯滷肉拌麵 $28滷肉的肉燥肥瘦均衡肉燥及麵份量比例剛剛好🍜惟麵的質地較為干身相比起前者則較為遜色椒鹽花枝丸 $24除飯麵外 小店亦有供應小食可以跟友人分享店員的推介花枝丸比我想像中來得更大顆外表炸得金黃相當吸引🍡內裡亦包裹著啖啖爽口的墨魚粒惟花枝丸未能打到起膠彈口的狀態 有進步空間現做煎餃子配桂花雞翼 $28由於小店有部分是主打台式茶類所以小妹挺期待的是餃子及桂花雞翼餃子煎得香脆多汁 而雞翼也炸得新鮮惟本以為桂花雞翼以桂花作為招來🌸會以桂花糖兜一兜 但只是附糖漿沾上擺盤有進步空間芝士奶蓋桂花烏龍茶 $24玫瑰烏龍花茶 $20桂花小幸 💌將軍澳唐德街1號將軍澳廣場1樓133-135號舖Mon-Sun: 0830-2130…查看更多