鍋霸吃到飽台式養生火鍋 (莊士倫敦廣場)

近日天氣比較冷🌬，突然好想打邊爐所以放假再次encore鍋霸。因為午市訂枱有折扣優惠所以更加抵食。▫️鹹蛋黃炸魚皮🐟每枱都會免費送自家製鹹蛋黃炸魚皮，香脆可口 ，味道濃郁。如果覺得味道還未滿足到，可以灑上枱上附送的shake shake粉增添風味。🌟要注意🌟如果覺得好食想再叫的話，便會額外收費。▪️自家製冷泡茶🍵飲品方面有很多選擇，當中我們最喜歡四季春冷泡茶，在口中散發淡淡清香，解膩消滯，飲完可以食更加多的食物！蜜桃烏龍也非常不錯，茶底多了果味，絕對會是果茶朋友的最愛。而話梅茶偏酸，有助開胃。如果喜歡較甜的朋友可以選擇檸檬冬瓜茶。湯底方面，之前試過養生蟲草花桃膠雞涮涮鍋，湯底非常香濃，放了滿滿的材料。當然今次也不例外，水準依舊。我們建議放食物之前先喝一碗湯，好好品嚐它的原始味道。▫️養生姬松茸什菌涮涮鍋🍄各種菇類混在湯裏，加上栗米洋蔥，濃郁中帶點清甜。▪️田園蕃茄雞肉涮涮鍋🍅材料很多但是味道比較普通，不太建議。食物可以用QR code落單，質素不錯，肉類不會太多肥膏。他們亦有不少自家製食物，當中雞軟骨餃子和爆醬濃芝牛丸都推薦大家一試。▫️爆醬濃芝牛丸🧀進食的時候真係要小心，尤其坐在對面的朋友，醬汁會噴落對面朋友件衫到，大家可以挑戰下能唔能夠整污糟朋友件衫！另外，環境坐得非常舒服，每一枱都會有車仔放食物，增加進食時的空間，亦避免了因爐邊太熱而影響了食物質素。而侍應非常有效率，很快便更換了空的湯瓶或收走不要的碟。整體而言，不論價錢，湯底和食物質素，環境，都令我們印象深刻，回頭率非常高的打邊爐店。😋😋👍🏻…查看更多

今次餐廳安排咗我地坐靠近窗邊的位置，景觀開揚，放假嘆住冷氣看着窗外的旺角鬧市，未食嘢心情已豁然開朗! 食材幾高質，店員上餐嘅速度都好快，難怪平時夜晚通常都坐無虛席!😎吃到飽養生火鍋放題收費：12:00 - 15:00 $33915:30 - 19:30 $319正價時段 (無限時) $398 我們吃的是$398時段，無限時任食，令我呢個慢食吃貨可以慢慢嘆，食到每款食材嘅鮮味!😌👍 湯底有16款特色養生湯底選擇，今次揀咗鴛鴦鍋-藥膳養生花膠雞🐣涮涮鍋&田園蕃茄濃湯牛肉涮涮鍋，花膠雞鍋用咗花雕大雞腿、花膠、紅棗、雲耳等等材料煲，雞肉非常嫩滑😋，花膠滿滿的骨膠原😜，好滋補!😍 蕃茄濃湯配埋牛肋骨係面，蕃茄味好濃郁，牛肋骨都煲到幾腍，有點似西餐湯，湯底好夠味，我地都唔需要拎醬油去沾食物😎👍🔸小食: 🐣鹹蛋黃炸魚皮首先未食火鍋前店員就會送一碟鹹蛋黃炸魚皮俾食客，encore就要收錢😂 炸魚皮好香口好脆，鹹蛋黃仲要係即炒上去，熱辣辣出哂煙~😲 不過我覺得個鹹蛋黃味可以再濃啲🙊 大家仲可以放入紙袋加入調味粉變成Shake shake 炸魚皮!😜特別選咗幾款火鍋配料同大家介紹下: 🔸肉類: 1. 🐮Prime grade安格斯牛頸脊: 牛肉我自己最中意呢款，油花會相對少啲，幾重牛肉味，非常鮮嫩，淥5秒就食得😎👍2. 🐮Prime grade美國安格斯肥牛: 油花分佈比較平均，肉質唔錯，一樣淥5秒就食得😙👍🏻 3. 🐷西班牙伊比利亞黑毛豬: 真係超讚! 薄切令到口感更加爽彈，食到少少橡木果味，好嫩滑，油脂分佈均勻，淥10秒食得，入囗即化😍，一試難忘! 😜😜4. 🐷西班牙無激素豬肉片: 無激素係一大賣點😎👍，肉質比較結實，都好食!🔸海鮮類: 1. 是日海鮮: 有蜆同蟶子仔，蜆幾鮮甜味好飽滿，但蟶子仔就有啲沙，應該吐沙功夫未做得足🙊2. 海蝦: 幾大隻🦐，鮮甜彈牙! 🔸丸類: 手工三色丸: 墨魚丸幾彈牙又有啲墨魚肉粒🦑，牛丸&豬肉丸的調味剛剛好，感覺應該無咩味精，細細粒又唔會食到好飽!😎🔸飲品類: 嗰到嘅飲品真係多到數都數唔哂!😍 最貼心係除咗有凍飲，竟然有暖櫃!!!😲 大家就可以飲到暖飲或室溫飲品~ 😌 我就超級推介佢地自家冷泡茶!😝1. 冷泡桂花烏龍茶: 烏龍茶配桂花真係好夾，我平時好中意飲烏龍茶，加咗桂花又多咗份花香🌼，我encore咗幾次!😍2. 冷泡四季春茶: 茶味香濃回甘，非常解膩! 😌3. 台灣黑糖冬瓜檸檬茶: 冬瓜同檸檬味幾，不過可能我飲完無糖冷泡茶，所以就會覺得甜咗少少🙊🔸甜品: 雪糕：每人限叫一杯，有HaagenDazs、Movenpick🍨、Dreyer’s、KitKat雪糕俾你揀，正呀!😍P.S. 要加10%服務費，亦可加錢追加酒精飲品…查看更多

約朋友出街，撞正滂沱大雨，想座耐啲兼避雨，於是搵到佐敦無限時「鍋霸吃到飽台式養生火鍋」，一於試下佢既午市打邊爐！一入到去男侍應好好招呼，已經問我地係咪第一次嚟，介紹我地試下＄398「無限時吃到飽養生火鍋套餐」，除左PrimeGrade 美國安格斯肥牛／西班牙無激素豬肉片之外，會多左PrimeGrade牛頸脊／西班牙伊比利亞黑毛豬。🚩 調味料好多選擇。🚩 湯底｜ 藥膳養生花膠雞涮涮鍋 ｜藥膳椰子雞涮涮鍋✣ 一共有十六款湯底，實在太多選擇，貪心啲要咗鴛鴦鍋＋＄48，兩款湯底都各有特色，「藥膳養生花膠雞涮涮鍋」，竟然用左雞脾肉餚湯，就算食到最後，雞肉都仲係好的嫰滑，花膠好厚身好有質感，仲有唔少膠質停留係口入邊！「藥膳椰子雞涮涮鍋」，食到最後依然keep住聞到椰味，非常清甜冇味精，好值得一試👍🚩 黃金鹹蛋黃炸魚皮✣ 每檯一碟，男侍應安排我地入座後，交待廚房即炸，上檯仲熱辣辣，賣相非常好，鹹蛋黃有沙，非常咸香，男侍應同我地講，可以用埋檯上既shake shack粉，混合炸魚皮一齊食！另外試左浸湯，依然都係咁大塊，冇縮水，而且仲有另一番滋味！🚩 PrimeGrade牛頸脊｜PrimeGrade 美國安格斯肥牛✣ 兩種牛都靚，唔會雪到出哂血水，薄切淥一陣就食得，脂肪分布平均，有牛味兼腍身！🚩 蝦｜蟶子｜蜆｜魚頭✣ 樣樣都好新鮮，我朋友勁讚佢地既海鮮！當中新鮮大蝦encore咗好幾次🤣，新鮮到唔洗點用力就成功剝到✌🏻蟶子同蜆都要讚下，冇乜沙，處理得非常乾淨！🚩 飲品 台灣黑糖冬瓜檸檬茶｜ 烏梅山楂茶✣ 除左最基本既飲品之外，仲有至hit既冷泡茶，其中有兩款比較少見，我同朋友都揀左黎飲👍值得一提佢地仲有熱飲／唔凍既飲品可以揀，非常貼心👍🚩 甜品 Movenpick 意大利奶凍雪糕｜KIT KAT 脆皮雪條✣ 餐廳提供每人一份高質甜品，除左常見既Haagen dazs、Dryers，仲有Movenpick同KIT KAT 脆皮雪條揀，我最鐘意既Movenpick 意大利奶凍雪糕 出邊都好難搵，竟然餐廳有提供👍❥ 提外話：朋友話要讚下男侍應服務好好，餐廳座位寬闊，座得好舒服，有機會有一定會再來嚟過。…查看更多

上年啱啱新開嘅時候已經幫襯過一次，印象中就係真係唔錯好好食不過就好難𝗯𝗼𝗼𝗸位🤣有心食嘅朋友仔都早啲𝗯𝗼𝗼𝗸位啦！真係要重點提一提呢度嘅服務好好，上菜同收碟嘅速度都超快💯ღ 台式養生火鍋吃到飽套餐 $𝟮𝟵𝟴/𝗽𝗲𝗿𝘀𝗼𝗻唔似得其他任食火鍋，呢度就統一價錢，冇時限任食所有肉類、配料同飲品！7:30前離座仲有八折優惠～基本豬牛雞海鮮都有，但就唔會話有幾款唔同嘅牛試咁～仲有多款唔同手工配料，整體質素中上👍🏻重點分享吓值得推介嘅配料，等大家可以有策略咁食🤣☺︎︎ 藥膳椰子雞涮涮鍋第三次都堅決要嗌呢個椰子雞湯底！記住記住淥嘢食之前要飲返碗湯！！！藥膳味唔會太重，椰子味超香～鍾意清甜湯底嘅朋友仔一定要試吓！☺︎︎ 田園蕃茄濃湯牛肉涮涮鍋呢度嘅番茄湯真係我喺香港食過嘅數一數二！好怕啲蕃茄湯到最後變淡，呢度嘅絕對唔會😎食到尾都係香濃嘅蕃茄味，基本上唔需要點醬汁食物都好好食！☺︎︎ 自家製冷泡茶幾款唔同嘅冷泡茶都出色，特別推薦四季春同烏龍茶～☺︎︎ 鹹蛋黃炸魚皮限定一人一份嘅鹹蛋黃炸魚皮，非常之新鮮香口，好正好正！☺︎︎ 𝗣𝗿𝗶𝗺𝗲 𝗚𝗿𝗮𝗱𝗲 美國安格斯肥牛片感覺上今次食嘅肥牛片冇之前咁好食，但放題質素來講都算唔錯。脂肪分布平均，口感唔會韌👍🏻☺︎︎ 西班牙無激素豬肉片反而覺得豬肉比牛肉出色！口感嫩滑～☺︎︎ 雞髀肉最最最最大驚喜一定係佢🤪叫咗勁多碟～雞髀肉口感超滑！！好好食！必食！☺︎︎ 爆醬濃芝牛丸上次你食過之後一直都念念不忘🤣用裏便啲流心芝士撈麵食一流😎☺︎︎ 手工黑松露墨魚滑墨魚滑口感彈牙，黑松露味真係好香好正！☺︎︎ 自家製手工韭菜餃男朋友大贊呢度嘅韭菜餃好好食🤣片薄餡靚～鍋霸台式吃到飽養生火鍋 @hotpotkinghk✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟱/𝟭𝟬╰┈➤ 📍#BELLYwong_TST #BELLYwongs_jordan✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟴/𝟭𝟬╰┈➤ #BELLYwongs_hotpot #BELLYwongs_meats #BELLYwongs_taiwanese✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ #BELLYwongs_midprice • $𝟯𝟮𝟬/𝗽𝗽✵ 𝒔𝒆𝒓𝒗𝒊𝒄𝒆 𝟴/𝟭𝟬✵ 𝒓𝒆𝒗𝒊𝒔𝒊𝒕 ʏᴇs ✓…查看更多