金凱小廚

佢有幾款plan，平既$208包雞煲/烤魚，火鍋放題，仲可簡3款串燒。因為我地想食串燒，所以就升級左$288。佢串燒既皇牌一定係燒海鮮，有兩款燒蠔任食。蒜蓉同芝士兩個配搭都好正，蒜蓉夠多，爆蒜香，芝士亦夠拉絲，蠔🦪都有鮮甜味，所以都食左幾Round燒蠔回本。除左蠔，仲有扇貝食，都係配蒜蓉或芝士，同燒蠔同一配搭，所以都唔錯。肉類方面推介特上牛脊肉同辣汁牛舌，牛脊肉好嫩，牛舌爽口。雞煲叫左小辣，炒過時先上碟，之後等兩分鐘就食得，惹味。食完雞煲，可以簡湯底打邊爐，簡左花膠濃雞湯。有幾件花膠，越煮越入味。主打食串燒，打邊爐主要食牛肉，試左美國黑毛和牛肉眼同肩胛牛肉，幾嫩😋飲品選擇都多，有茶、汽水同酒。…查看更多

呢間係大圍幾有人氣嘅餐廳🍴 出名在於佢嘅雞煲火鍋好特別 因為仲會有埋串燒食😮 我地今次嚟嗌咗$208嗰個餐 有雞煲火鍋同埋每人串燒三串 1️⃣雞煲有得揀大中小辣 我哋就揀咗小辣🌶 呢個雞煲嘅調味幾好食 唔會太鹹而且唔會辣到食唔到🫢 雞嘅份量都好適中 唔會食完啲雞就飽晒🐥2️⃣火鍋本來以為打邊爐會係雞煲食完再加上湯就完 點知呢度嘅湯底有四個選擇 有沙嗲 麻辣 番茄同埋花膠養生湯揀 我就即刻揀咗沙嗲😆 我好鍾意呢度嘅沙嗲湯底 係比較杰身同埋濃郁既 都食到有花生味 配埋牛肉 真係好似食緊沙嗲牛肉麵嘅肉咁🫢 肉類總共有四款 安格斯肩胛牛肉 安格斯牛板腱 西班牙黑毛豬 同埋 酒釀雞件🐮 個人最鍾意食安格斯牛板腱 因為肉質肥瘦分明 食落口好嫩滑 其他火鍋配料都非常豐富🍲 我地嗌咗即炸魚皮 響鈴 手打牛筋丸 手打蝦丸 手打豬肉丸 手打紫菜丸 龍蝦丸 墨魚丸🦑 比較特別嘅係手打紫菜丸 佢係魚蛋最撈埋紫菜碎 好似食緊魚蛋但係又有紫菜味咁😂 手打牛筋丸都好好食 比較推介呢個👍串燒串燒係比較特別嘅 食完呢6串 有啲後悔冇升級做任食串燒嘅套餐🫢 芝士焗生蠔🦪 生蠔新鮮而且焗出嚟熱辣辣 芝士仲有拉絲㗎🧀 蒜蓉燒扇貝 有好多蒜蓉喺面 係我好鍾意食嘅蒜蓉☺️ 燒蜜糖雞中翼 雞翼大大隻而且入面嘅肉仲好Juicy🍯 辣汁牛舌 呢個辣汁比較特別辣辣地又甜甜地咁樣👅 安格斯牛粒串 呢個牛肉粒味道正正常常 牛味都幾重🐮 燒菠蘿 呢個係我去串燒店一定會嗌嘅項目 外面乾身裏面好多菠蘿汁🙊$208呢個套餐其實都幾抵食 可以滿足晒三個願望😆 如果鍾意食串燒嘅朋友可以升級做$298嘅套餐 咁就可以任食㗎喇👍…查看更多

冬菇亭作為香港人集體回憶之一，入面當然有唔少香港地道美食啦🇭🇰～而今次介紹嘅餐廳，正正就喺大圍冬茹亭，所以住喺附近嘅朋友仔，想吃雞煲、火鍋、串燒呢種港式放題，可以過去試下😉我地揀咗餐廳最平$208火鍋放題套餐♨️：串燒、雞煲、任食火鍋、任飲汽水，麻辣烤魚每份需另加$20，夜晚8點前賣單或者8點後入座仲可以減$10添啊❗️雞煲未上枱之前，串燒就先嚟到啦😋～因為係最平嘅套餐，串燒唔係任食嘅，每人只可以挑選3串。我哋就叫咗特上牛脊肉、燒蜜糖雞中翼、芝士焗扇貝😌。調味上整得好岀色，唔會好咸，又非常惹味，值得推薦，下次可以食貴D，咁就可以任食😍至於雞煲方面，1-2位係半隻雞，3-4位就有一隻雞。我哋叫咗小辣，醬汁非常香口，亦更加開胃🤤，雞肉都好嫩滑，表現岀色👍🏻。吃完呢個雞煲已經飽咗一半😂最後，就嚟到火鍋環節啦🍲～湯底方面，我哋就叫咗特濃沙嗲，另外有花膠雞、懷舊醉雞、四川麻辣、蕃茄豬骨呢四款湯底可以揀打邊爐當然唔少得主角——牛🐮！最平嘅套餐可以任食安格斯肩胛牛、安格斯牛板腱。牛肉雪花比例都好平均～另外，西班牙黑毛豬🐽，肉質肥嫩，可以叫多幾盤🤣另外，我都幾鍾意呢個墨魚仔，非常鮮甜，食落都好爽口彈牙，好有嚼勁💕雖然係最平嗰款任食火鍋套餐，但除咗以上提及過火鍋配料之外，都仲有各式各樣嘅丸類、蔬菜、海鮮任君選擇，而且又食到串燒、雞煲，抵食啊🤣…查看更多

有得堂食晚餐好開心！我哋兩公婆放工之後就，去咗大圍金凱小廚食雞煲這一天是平日，幸好我哋六點左右就入去，慢慢越來越多人！估唔到晚市堂食反應咁好餐廳有唔同嘅餐可選擇，我哋揀咗係雞煲之外，每人也有三串串燒，以及自選湯底火鍋，大部份火鍋食品也可以任食，紙包飲品及罐裝汽水也可任飲。雞煲嘅辣分為大、中、小我哋點咗小對於唔係好食得辣嘅我哋，剛好滿足到食麻辣雞鍋嘅刺激感，也不至於辣到入唔到口。店員十分好，教我哋點樣控制過火，一分鐘已炒得恰到好處，可關火。雞煲醬汁濃郁，勁香勁入味！而雞件份量都好足夠(我食完已飽六成🤣）——-跟住我哋揀咗六串不同的串燒，也燒得很香口！其中令我哋比較驚喜嘅係日本紫薯，好甜！另外，蠔、扇貝、牛都啖啖肉好好味！粟米也好香甜，有焦香😊——-最後打邊爐我哋選擇咗花膠雞湯，邊爐材料我哋就揀咗菜、各式手打丸、響鈴等，仲有安格斯牛同埋黑毛豬！呢個價錢包呢啲質素嘅嘢食，真係好抵呀！佢哋嘅手打丸都好夠誠意，感覺真材實料，有住家制感覺！——-如果住喺沙田大圍嘅朋友，呢個真係真心推薦給大家😊 大圍站行過嚟大約都係10分鐘左右，屋村內感覺地道嘅雞煲店，正！…查看更多

呢個星期天氣凍咗好多，最啱就係食雞煲放題啦🐓今次就去咗大圍一間有好多正評嘅金凱小廚🤩我同朋友夜晚七點左右到已經好多人，好彩有預先book枱如果唔係都唔知要等幾耐😂我哋叫咗最平嗰個set，$198仲包每人三串串燒😃雞煲食落有少少辣，辣得非常吊癮😋😋😋雞嘅數量都非常多，而且店員仲會喺適當時間過嚟幫手加水避免燒濃🤣食完唔夠喉仲可以俾我哋加雞😋😋食完雞煲之後我哋就轉打邊爐，之前喺旺角一啲鋪頭係用返同一個煲，搞到啲味mix埋一齊好怪🤢好彩呢度係會比過個新煲新湯底😍 認真細心同好服務👍🏻👍🏻👍🏻我地就揀咗沙嗲湯底😇呢個湯底就算我地食咗一輪之後都仲係好濃😍個人就好鐘意呢隻安格斯肩胛牛肉🤩 肥瘦都好平均而且仲好重牛肉味😚😚有好多肉類選擇，就連醉雞都有，出面比較少會食得到😆至於串燒方面就有好多選擇，我個人就最鍾意蒜蓉燒生蠔🦪燒生蠔嘅蒜蓉夠多而且仲好大隻，一定要試吓🥰埋單只係$198加一仲要包曬大路牌子汽水任飲，可惜冇甜品啦呢度扣咗少少分🤧 不過整體都唔錯嘅推薦大家去😜地址：大圍美田路30號美林邨熟食亭1-4號舖…查看更多

好耐都無食雞煲， 見天氣涼涼地， 出去食下雞煲我見佢有三種（有串燒， 雞煲， 打邊爐）。我抱著試野既心態去挑戰一下😂😂…. 結果，有真功夫出現🤣（5⭐️最高）首輪-特別串燒精選(4-5⭐️）有蒲燒雞泡魚乾， 扇貝，牛舌，牛脊肉，牛粒都有，就連羊架都有都有， 我覺得特好食係魚乾， 除咗特別之餘, 燒汁仲甜甜地， 食落煙煙韌韌， 又爽脆。 另外好食係牛粒，入口即溶化， 超滑口。 只可惜每人得4串可選擇， 齋食串燒都抵。 次輪-火辣辣野味雞煲（5⭐️⭐️⭐️)小薇辣的雞煲最野味， 冇想到入口嫩滑嘅雞煲竟然在大圍出現。 連我唔食得辣嘅人都不停咁食。 🤣， 其實食完都已經有一半飽，😳但仲有個邊爐未食😅👍🏻👍🏻最後來過-滾下滾下😂（4-5⭐️）我選擇胡椒豬肚雞湯底， 整體選擇大約有30款選擇, 但係其實我自己喜歡質素大於一切, 通常一般打邊爐都只係普通牛肉. 但佢今次就用咗牛嘅不同部份（有肩胛、脊）同埋用了西班牙梅肉片。 梅肉片真係值得推介，非常好食同埋滑口， 仲非常香豬肉鮮香味飲品- 任飲有新款飲品（我之前覺得某茶新出，價錢太貴我唔捨得飲😂😂）， 而家可以試下👍🏻👍🏻…查看更多

經過大圍見到有懷舊既冬菇亭，睇下有咩抵野食，見到呢間餐廳有放題食，仲要無限時，免加一，有雞煲串燒，再加火鍋放題，好抵食，於是入去食晚餐😋😋🌟 雞煲 x 串燒雞煲炒得好香，辣度對我黎講岩岩好，雞肉嫩滑，份量多😋😋我揀左$198既任食既套餐，串燒每人可以揀4串，之後火鍋任食😋😋串燒即叫即燒，生蠔扇貝鮮甜，蒜味香濃😋😋羊架，牛柳粒燒得好香，調味唔錯，另外雞泡魚干，燒得香脆😋😋🌟 胡椒豬肚湯火鍋揀左胡椒豬肚湯，胡椒味濃，豬肚爽滑，配料多😋😋🌟 安格斯牛肉，美國極上牛肉牛肉有幾種選擇，而且新鮮，牛味濃郁，唔會太厚，肥膏唔多，質素好好👍🏻👍🏻每次黎既份量唔會好多、食完再點可以保持新鮮👍🏻👍🏻🌟蔬菜 x 海鮮x 醉雞蔬菜拼盤新鮮，份量多，海蝦一樣新鮮，蝦肉彈牙，生蠔🦪鮮甜，而且任食😋😋醉雞入味，酒味超濃，煮熟左後酒味一樣濃郁，必點😋😋…查看更多

又係我呀我又食雞煲喇 今次黎到大圍美林邨既「金凱小廚」（朋友揀既 佢住附近） 估唔到屋邨內卧虎藏龍 佢地既雞煲都真係幾高質價錢唔貴 我地揀左$198雞煲串燒火鍋放題套餐雞煲係一次性既 雞煲既份量係跟人頭計 我地2個人就有半隻雞 如果3至4人的話就會有成隻雞雞煲好惹味 雞既肉質亦嫩滑 個雞煲好快就俾我地清晒喇$198既套餐每人可帶叫4款串燒 我地揀左鹽燒多春魚、香草羊架、蒜蓉牛油燒扇貝同埋蒜蓉燒生蠔扇貝同生蠔上面舖滿滿滿既蒜蓉 好吸引 食落又惹味又Juicy羊架都唔錯 調味做我幾好 多春魚都唔錯食完雞煲就換過煲湯打邊爐喇 出面好多餐廳都係食完雞件就直接加湯落個雞煲度打邊爐 結果個湯就搞到油淋淋 呢度就好細心 係成個煲換呀！湯底有五款選擇 包括有：花膠雞濃湯、胡椒豬肚雞煲、懷舊醉雞煲、四川麻辣湯同埋特濃沙嗲濃湯向來養生既我地我地揀左花膠雞濃湯 湯底好足料 裡面真係有花膠嫁 牛肉唔錯 冇雪味 肉質亦唔錯 食落亦有牛味 而且一d都唔孤寒 次次落完單轉個頭就上幾款牛肉既油花分佈都幾平均 唔錯唔錯！其他火鍋配料亦唔錯 最推介係鯇魚片 睇顏色都知好新鮮 食落真係有魚鮮味 我地叫左好多轉另外扇貝同鴨血都好推介 佢地既野飲都係任飲嫁埋單加埋一每人都只係二百頭 真係好抵食！…查看更多