金凱小廚 (已結業)

佢有幾款plan，平既$208包雞煲/烤魚，火鍋放題，仲可簡3款串燒。因為我地想食串燒，所以就升級左$288。佢串燒既皇牌一定係燒海鮮，有兩款燒蠔任食。蒜蓉同芝士兩個配搭都好正，蒜蓉夠多，爆蒜香，芝士亦夠拉絲，蠔🦪都有鮮甜味，所以都食左幾Round燒蠔回本。除左蠔，仲有扇貝食，都係配蒜蓉或芝士，同燒蠔同一配搭，所以都唔錯。肉類方面推介特上牛脊肉同辣汁牛舌，牛脊肉好嫩，牛舌爽口。雞煲叫左小辣，炒過時先上碟，之後等兩分鐘就食得，惹味。食完雞煲，可以簡湯底打邊爐，簡左花膠濃雞湯。有幾件花膠，越煮越入味。主打食串燒，打邊爐主要食牛肉，試左美國黑毛和牛肉眼同肩胛牛肉，幾嫩😋飲品選擇都多，有茶、汽水同酒。