作為生蠔控的人一定要試呀！另外還有數款湯、多款前菜。意粉和意大利飯的種類都十分多，好吸引呀～很多西餐廳都有薄餅，然而自家製的又有多少？這間餐廳說自己的薄餅是自家製的，還真是難得。男朋友說網上有不少人推介這個燒烤拼盤，點了就知道確實十分強大！材料有白膳、大蝦、三文魚、帶子、牛肉、黑毛豬五花腩、雞翼、辣肉腸串、粟米。先有數款調味料，分別是超辣汁(店員說吃不到辣的千萬不要點😂)、泰式酸辣醬、沙嗲汁和用來沾薯條的蕃茄醬。個人認為比較好吃的是辣肉腸串、帶子和黑毛豬五花腩，辣肉腸串的辣味不算很重，對我來說剛好，帶子大顆又鮮味
黑毛豬五花腩則軟稔非常，三文魚也新鮮。這道菜式的名字十分長，叫「鮮海膽手拆鮮蟹肉自家製手造寬條麵」，要留意，這道菜是限量發售的，即是一賣完就沒有的菜式。連我本身不太好海膽的也覺得這道菜很不錯，海膽不會很腥、有太重的海水味，蟹肉十分新鮮，連醬汁也吸收了大量的蟹肉味，非常好吃
我們這次不太渴，只點了一杯飲品，飲品大多是水果為主，我們點了一杯「荔枝晶晶」，最開始的時候看到了「兩截色」，顯然是給客人打卡的，然後攪拌至均勻才會喝到荔枝的味道。荔枝味很清新，很適合夏天喝！也不會太甜，底部還有一些荔枝肉。…查看更多
餐廳佔二樓全層，一上扶手電梯就見到有一對live Band現場演唱，很有氣氛，
live band附近有bar枱、高枱和普通正方枱，燈光較暗，相當有情調，適合情侶用餐
，還面對著一個酒櫃，不過我完全不懂欣賞。至於我們這些家庭客或大班朋友，比較適合去另一邊廂的枱，燈光明顯光猛些，有3部projector把影像打到牆上放映(播位演唱會片段)，氣氛截然不同，再行遠幾步見到有房添！後來知道原來餐廳都可以比人book場搞活動，三間房仲可以打通，而我坐既位置也可以包場，都幾好喎！
坐定就叫嘢食啦，晚上都有set dinner,而 a la carte menu就整到成份報紙咁，選擇都多，最後我地叫左一個凱撒沙律 配蘇格蘭煙三文魚（ $108），四個主菜加一個甜品。沙律份量很大，大量羅馬生菜加上煙三文魚份量都多，配以芝士、脆脆麵包粒、煙肉碎等，加埋凱撒沙律醬，一流！
主菜叫咗「威靈頓美國特級牛柳」（ $348）、低溫慢煮燒原隻法國黃油春雞（ $248 ）、鮮海膽手拆鮮蟹肉自家製手造寬條麵（ $248）、西班牙黑毛豬火腿菠蘿Pizza （ $158 ）。Pizza好快就到，上面有西班牙火腿（分量幾多）、Mozzarella 和Parmesan 兩種芝士，遍佈整個Pizza，一上枱就聞到好香，仲有菠蘿、白菇同埋火箭菜，火箭菜都幾多，由於以往嘅Bad experience,其實見到火箭都會有少少驚，不過今次食又有另一種感覺，連埋西班牙火腿一齊放入口，唔知點解又覺得幾match，火箭菜和西班牙火腿兩種濃烈嘅味道互相交融，很有層次感！Pizza邊也焗得香脆，整體好好味。
威靈頓牛柳賣相幾得意，有啲似菠蘿包咁樣一格格，配以薯仔和蔬菜。侍應好細心仲幫我地切開分埋四份，裏面的牛柳超大舊，中間還呈現粉紅色的肉質，證明沒有overcook,食落好有牛味，肉汁保持得到！
鮮海膽手拆鮮蟹肉自家製手造寬條麵，超級好味，海膽好大舊，而且非常新鮮，食一小啖啲鮮味已經直衝上腦，仲有蟹子、蟹肉分布喺成個意粉當中，個汁勁creamy,好鮮甜，寬條麵亦軟硬適中，我覺得係必點項目！
燒春雞喺落單嘅時候，侍應已經提醒我哋要等得比較耐，餐牌亦有寫明，所以係我哋食晒其餘三個主菜之後，隻雞先至上。原隻燒雞都幾大隻，配有薯條、燒粟米、沙律菜，切開雞胸，更加內有乾坤！有好多豆、栗子，同埋鮑魚！ ！ ！OMG!明明餐牌上係寫住釀西班牙辣肉腸和意大利白豆，點解會變左鮑魚！唔通佢知道我老公生日特登送大禮？我同老公兩個睇到突晒眼，但唔敢問侍應，費時佢收返！哈哈！
鮑魚固然好味，雖然我對啲豆就冇乜興趣，但隻燒雞本身都唔差，肉質鮮嫩，如果外皮再脆一啲會更加好，唔知係咪因為慢煮會影響冇咁脆？食到最後其實都好飽但係仍然都想加個甜品，所以叫咗一個半熟芝士撻配自家製榴槤雪糕（ $68 ），芝士味好濃烈，每人¼舊已經剛剛好，否則可能會覺得好「漏」，而配埋榴槤雪糕，清新得來又有香濃嘅榴槤味，嚴重衝擊我的味覺！滿足的結尾！
輕輕一題呢度啲飲品，由於連礦泉水都要收費的，所以大部份人也會點飲品，見人哋啲啤酒都好大杯。我哋叫咗一個自家製冷泡櫻花茶連奶蓋（ $48 ）、一個巨峰梳打（$38，加無限添飲$38 ）、一杯牛油果蜜糖奶昔（$38）、一杯ice cube 特飲（ $62 ）。櫻花茶本身冇乜味，但溝埋奶蓋攪勻飲就會好味些。牛油果蜜糖奶昔清新得來又帶點牛油果淡淡果香，都幾特別。ice cube就賣相取勝，係梳打水加接骨木花糖漿同埋桂花糖漿，飲落甜甜的。巨峰梳打可以加無限添飲，抵到爆炸！必叫！
呢間餐廳其實都children friendly,除了有bb椅和兒童餐具提供，女廁內仲有育廁間，可以換片之餘仲有房被人餵母乳，對於我呢D過氣人奶媽，見到呢D設施真係加200分比佢！而好多員工都好好禮貌，仲會同我的小朋友講笑（唔止一個呀！），唔會因爲佢地走來走去而黑面（又好彩我們坐既位近住一個有空間又無乜人出入的電梯位，等佢地食飽都有個位玩下而我們又睇到佢地）。其實比起食物質素，我個人會更加因為服務質素而加餐廳分！…查看更多
，誓要食均「M1 Group」既餐廳，今次就帶埋屋企人去食其中之一既「登堂」。
環境佔左「The Wave」既一整層，分左兩個區域，裡面係Dinning Area，有屏幕播住電影/MV，而岀面係Bar Area，兩邊其實都可以食正餐，是日Dinning Area已滿場，被安排坐Bar Area，其實都冇乜分別，live band係Bar Area表演，可以近距離聽歌仲正！唯一美中不足係張枱細左少少。
燒西班牙黑毛豬肋骨 $138(Half Ribs)是為前菜，豬肋骨都大份，半份都有約七條，仲配有捲心菜沙律、烤粟米、薯條，豬肋骨用上美式煙燻醬、味道可以，我就覺得可以再腍啲，肉質較為實左少少，不過好抵食。12小時低溫慢煮烤乳豬件 $238中式既乳豬食得多，西式既食過未？仲要係12小時低溫慢煮，咁特別，當然要嗌嚟試下。最底有燴煙肉皺葉甘藍蘭度豆、手指薯，上面就放左大大件烤乳豬，配無花果蜜糖燒汁。色澤十分之靚，乳豬皮令身，切落去已經卜卜脆，乳豬因為係以低溫慢煮，保留到肉質嫩滑而非中式果種較實既肉質，加上乳豬皮下脂肪甚多，咬落去皮脆而肥膏加乳豬肉融化係口，鍾意食肥膏既你必不能錯過。鮮海膽手拆鮮蟹肉自家製手造寬條麵 $248餐牌上寫係限量發售，幸好仲有，呢到主打自家製手造寬條麵，所以一定要嗌意粉試下。上面放左原件鮮海膽，蟹肉撕得幼碎，建議攪匀再食，以忌廉汁為主調，但特別地加上檸檬，所以食落冇咁覺得膩，仲有紅莓乾，食落微酸更開胃，自家製手造寬條麵夠彈牙掛汁，做到Al Dente，海膽亦新鮮，如蟹肉整大塊會提升口感層次。Kill Devil $86好特別，用上Homemade Bamboo Charcoal, Infused Vodka, Sambuca, Cold Brew Coffee。無錯，當冷泡咖啡加上Vodka仲有竹炭會係咩味？飲落先係Vodka酒精味，然後帶咖啡甘苦，整體味道比較苦，鍾意甜飲之人未必岩飲。自家製冷泡烏龍茶蜜糖牛油果奶蓋 $40餐廳提供好多款特別奶蓋，例如呢個蜜糖牛油果奶蓋真係未見過。上層似牛油果昔幾好飲，配烏龍茶好清新，少見既西餐廳供應奶蓋茶飲仲有奶蓋咖啡，幾有心思。總括而言，M1 Group既餐廳果然每間有不同驚喜，呢間菜式玩新意，有心思，連奶蓋茶、奶蓋咖啡都有，雖然冇Dinner Set，但價錢唔算貴，環境舒服，仲有高質音隊聽，推薦！附：餐牌參考…查看更多
