小甜谷 Dessert Kaffee

嚟小甜谷，喺因為早前晌網上見到食友上載咗佢哋嘅原個菠蘿果汁，姑勿論好唔好飲，其實都幾吸晴，好有卓頭，而果汁中，菠蘿汁更喺小弟心水之一，所以，點都要拉埋老友一齊嚟試試先 。店內以雅致嘅小圓枱為主，配合一啲牆畫，柔和嘅燈光，務求營造出一種悠閒氣息。由於只有極少量方枱可拍埋一齊整合，所以，較合適情侶或兩三人嚟聚聚。不過，地方所限，兼擺放唔少餐枱，整體感覺仲喺覺得有點亂 ，可能啲枱椅擺位需要執一執，讓感覺好啲，侍應傳菜都流暢啲。餐牌幾頁大紙印備晒，有餐湯、沙律、主菜、意粉、意大利飯、甜品及飲品，晌銅鑼灣區而言，仲要喺地鋪，定價頗為合理。飲品方面，一早已瞄定啲果汁類，所以，其他嘅咖啡、朱古力特飲、特色沙冰、精品茶……等等，都喺望兩望，不過，又確喺頗多選擇，而且，甚具特色，好啱貪新鮮，又想試新嘢嘅年輕人 。 鮮榨神奇西瓜汁 $35 與其叫鮮榨，不如改為鮮攪，唔單止原個奉客，內裡嘅喺鮮西瓜汁連果蓉，因為原個果肉打成，唔喺單單榨汁，入口帶點清涼，久唔久又啜到果肉，如果再凍啲就更加透心涼，尤其依家都11月中，外邊仲有少少悶熱。 鮮榨神奇菠蘿汁 $55 同樣神奇在於唔喺單單菠蘿汁咁簡單，汁內連埋果蓉，幾鮮甜，一大個原個菠蘿做，份量足好襟飲。不過，缺點喺唔夠凍 ，見佢大批放入凍櫃雪，不過，菠蘿皮厚，雪凍佢唔容易，不妨考慮放入冰櫃，依家秋涼都勉強可以，夏天如果唔夠凍真喺差好遠。此外，菠蘿面嘅邊皮有啲瘀黑，賣相唔好睇，事後向店方反映，店長話每個神奇菠蘿汁即日鮮榨，菠蘿殼亦唔會翻用，因為製作需時，為應付供應，有少部份會預先做定，所以，可能因此影響外觀，故依點之上需要諗計改善。 鵝肝鴨腿肉牛肝菌意大利飯 $168 今晚最喜愛菜式非依道意大利飯莫屬，飯粒煙韌有咬口，煮得好入味，而且，有少少唔同嘅香料香味，飯內更混有唔少牛肝菌同鴨腿肉，口感非常豐富，至於飯面嘅鵝肝，煎嘅火喉拿捏準繩，油潤甘香，味道豐腴，超正 。 北海道珍寶帶子墨魚汁意大利麵 $158 對比個意大利飯，個墨魚汁意大利麵就較為失色啲，其實個麵煮得柔韌度啱啱好，只喺略嫌油咗啲，但最敗筆喺件珍寶帶子煮得過火，失卻應有嘅爽彈口感，咬落比較實淨 。無論個意大利飯，抑或個意大利麵，都較外間常見嘅份量多，我哋兩個主菜都夠3個人食，況且，嚟得小甜谷梗要留肚食甜點。話晒小甜谷都喺做甜品起家，所以，一早已打算留肚試一試佢啲甜品，然而，甜品實在有好多選擇，都要研究一輪先決定到。 蜂巢梳乎窩夫（配新鮮果醬、時令水果及雪糕） $68 佢哋嘅窩夫以脆身為主，喺另一種口感，有別一般外脆內綿嘅情況，所以，其實成件都好脆身，內裡唔綿密，啱唔啱食就視乎個人喜好，唯欠蛋香；新鮮果醬就唔見有，取而代之喺窩夫面上有一小片蜂巢，為個窩夫增一增值，雲呢嗱雪糕球好香滑，榛子碎亦好香脆，只喺奇怪點解一底窩夫會喺三件 ，唔喺兩件，又唔喺四件，哈哈，忘記搵店員查詢添！ 法式梳乎蛋多士配鮮果及雪糕 $58 依道甜品真喺頗得意，篤落去軟軟綿綿真喺幾似梳乎厘，切開又滑滑溜溜咁，蛋味唔喺好重，重質感 ，配自家製焦糖漿食，其實可加多一、兩款糖漿俾客揀，如朱古力漿、楓糖漿作為增值服選擇。實在覺得得意，所以都請教店長點整，當然佢唔會透露晒俾我知，但大概喺以麵包磚浸透蛋漿再焗，唔怪得名字加上「法式」、「多士」一詞啦 ！始終新開張無耐，仲有好多調校空間，但從菜式中，都睇到唔少創意。餐後店長都有問食客嘅意見，我哋都反映咗少少，信相繼續努力，可以做得更好。…查看更多

混在塞滿買野唔駛錢的人群當中，我倆最後只能敗走Sogo的感謝周年慶。買不到想買的東西心有點不甘，只好化悲憤為食量，吃餐好的補償一下。來到小甜谷，雖然只餘下靠窗的桌子，但不想等位之下也只好入座。(其實都不會有人留意我們的啦~)鮮榨神奇西瓜汁 $35看見其他桌上放在一個個掛著吸管的生果，我們也點了一客前陣子掀起一番熱潮的鮮榨果汁。迷你西瓜裡滿是攪拌成蓉的西瓜汁，味道清涼不太甜，令人驚喜的是小小西瓜的果汁原來也挺襟喝的呢~藍 $42已有一段時間沒喝smoothies，這杯藍較其他果樂來得Simple一點，雖然只有藍莓配香蕉，但味道來得分明，每一口滿滿藍莓及香蕉的香甜，還有乳酪的乳酸味，層次分明。其中貼在杯邊的香蕉片蕉味不算很出，但以賣相來說則十分吸睛。煙腩蠔肉忌廉意大利麵 $128直接說其實即是carbonara上放了兩隻蠔吧。在拌勻意大利麵的時候，忌廉香氣撲鼻而來。意大利麵口感爽彈，入口時伴隨稠稠的忌廉汁及芝士香，那種香膩實在讓人難以抗拒。蠔肉表面不算很飽滿，惟鮮味算是不錯，蠔汁之多是這道意大利麵的驚喜。北海道珍寶帶子墨魚汁意大利麵 $158墨魚汁意大利麵的麵條口感同樣爽彈，畢竟墨汁本來沒甚麼味道，即使被沾得烏卒卒，整體味道沒carbonara的香口。北海道珍寶帶子塗上一層蒜蓉醬，在蒜香的襯托下帶子的鮮味更為突出。宇治抹茶芭菲 $58抹茶控的我家那位並沒有錯過吃抹茶的分秒。由宇治抹茶雪糕、抹茶蛋糕、抹茶白玉及抹茶蕨餅，再到最底的抹茶果凍，一共9層的抹茶芭菲，單是抹茶就佔了5層，其中以抹茶雪糕茶香最濃。抹茶甜品自然少不了紅豆這位好朋友，這裡的紅豆比較大粒而有口感，甜度也算適中，沒搶去抹茶的主角戲份。抹茶心太軟 $58抹茶控的我家那位並沒有錯過一晚吃兩次抹茶的分秒。輕輕戳開心太軟，抹茶流心緩緩流出。蘸了抹茶流心的抹茶雪糕茶香很是香濃，果然熱吃的抹茶才是最香。其實早於佐敦工作的日子便想到尖沙咀的小甜谷一試，奈何最後因為不同原因而緣慳一面。這夜懷著敗走心情離開sogo後卻一嚐小甜谷的味道，總算一掃買不到鞋子的失落。…查看更多

Sogo感謝祭的人流果然非同凡響，沒有買到需要的~倒是已經累到想快點離開這戰場拖著蹣跚的腳步沿著謝斐道經過不少舗頭(｀･ω･´)+ 最後終於來到早前預定想吃的「小甜谷」店內位置也頗多~被安排在看到馬路的位置其實感覺滿不錯，但若果不是有人突然會駐足看進店內的話 .__.預定想來的原因某程度是知道這裡的飲品很特別！！鮮榨神奇西瓜汁 ($35) 在大家的認知下大概是榨好一個玻璃杯那樣呈現眼前吧但這裡的是原個西瓜喔 (๑ÒωÓ๑)清涼的西瓜汁還偶而吃到西瓜肉這杯是我家那位的 - 藍果樂 ($42)印象中好似是有香蕉、藍莓和鮮奶等～還以為藍莓味會比較重我錯了QAQ 試了一啖立馬後悔~為什麼香蕉味強烈到這個極點 (倒地)墨魚汁意大利麵 ($158) 要弄出好吃的墨魚汁看來難度好高?這家的汁很膩~幸好一開始就是打算點兩款來 share，不然一個人吃~會gg吧煎帶子很大粒，上面還有滿滿的蒜蓉~這有點蓋過了帶子原有的鮮味另外車厘茄有點酸～但倒是可以解一下膩 ('ω´)煙腩蠔肉意大利麵 ($128) 這碟很香，連碟子也是熱呼呼的份量比想像中的還要多~相比前者~這汁反而沒有那麼膩，而且配料也豐富得多除了煙腩、蠔肉~還有大片的蘑菇！個人來說也較喜歡這個。任性的我表示還要吃甜品  抹茶心太軟 ($58) 店員說朱古力口味比較甜，所以選了抹茶口味擺碟好看的甜品在吃前已經加了印象分啊～茶味不到很濃的程度~始終被甜味蓋過了不少一冷一熱的口感~果然融化了少女心嘛 //A//第二款甜品選定了芭菲~抹茶控依舊要抹茶口味抹茶芭菲 ($58) 這個相對遜色了不少。最喜歡的是乳酪那層抹茶蛋糕的味道還可以~其他的就普普通通而已~畢竟這裡不是主打抹茶甜品的專門店吧…查看更多

以往跟朋友外出晚飯都少不了糖水甜品這個環節也有曾經品嚐過大坑的小甜谷 覺得甜品不錯呀得知這間餐廳在銅鑼灣開分店而且增加了主菜的選擇 當然要約朋友來試一試!.餐廳位於銅鑼灣的謝斐道 地鐵站旁地理位置十分方便逛街後 或放工後 都容易去到!.先點了飲品解一解渴 鮮榨神奇西瓜汁 ($35)用原個台灣小西瓜送上 賣相吸引在西瓜頂開了一個洞用來打蓉西瓜肉榨汁 及放入飲管飲用清甜多汁無添加 而且每口都有少量西瓜蓉 讚! .再點了一個 綠果樂 ($42)是用日本柚子、薄荷、蜜糖、乳酪調製再打成稠沙冰而成喝下去有濃濃的柚子味 與乳酪很夾飲品上撒了柚子皮粒 增添口感杯身也有片片士多啤梨作裝飾 看起來更吸引 .然後主菜的時間 北海道珍寶帶子墨魚汁意大利麵 ($158)中間放著一個煎過的大隻原粒帶子 很吸睛烏卒卒的墨魚汁意大利麵 帶有微微墨汁味而且麵的硬腍度剛好只是略嫌帶子煎得乾了一點不過加了橄欖油的墨魚汁意大利麵中和一下整體味道都不錯 .然後就是 松露野菌橄欖寬條麵 ($118)寬條麵硬度適中 而且野菌份量十足只是酸辣椒的味道有點蓋了松露味但野菌味彌補不足 有很香的野菌味 .來到小甜谷當然少不了甜品時間先來個 宇治抹茶芭菲 ($58)整個外表完全滿足到少女的心 嘻嘻 用上高杯子 清楚易見內裏的材料 而且帶來視覺享受材料豐富 包括抹茶忌廉、抹茶雪糕、麻糬、蕨餅、白玉、抹茶蛋糕、脆米、紅豆、抹茶果凍等軟的腍的脆的煙韌的都有加起來口感豐富 味道互相配合 讚 .再來的是 蜂巢梳乎窩夫 ($68)即叫即整的窩夫熱辣辣 而且十分香脆配以加了nuts的呍呢嗱雪糕一熱一冷 一脆一軟 很有趣上面的蜂巢更為甜品畫龍點睛 .不但甜品店出色 而新開添加新元素的KAFFEE亦同樣出色期待下次來嚐一嚐培茶雪糕跟抹茶心太軟 …查看更多

小甜谷有幾間分店，是筆者想試很久的餐廳之一。顧名思義，起始以為餐廳主攻甜品，直至今天午膳時間行經銅鑼灣新店才得知餐廳有其他飯餐供應。既然未定落腳點，擇日不如撞日入內一試。或許時間尚早，店內只有四五枱客，但不消十五分鐘，餐廳已坐得滿滿，更要排隊輪候，回想起來我們也算幸運。餐廳裝潢是一般咖啡店的格局，粉彩繪牆壁，粉紅色的燈罩，淺白色系的配套，感覺年輕，並帶點女性化。餐牌是簡單的兩頁紙，主要提供意式風味的佳餚及咖啡特飲。比較奇怪的是整個餐牌勻沒有甜品出現，及後忍不住向店員查詢，才得知要下午茶時段才開始有部分甜品供應，要再多些選擇，更要在黃昏六時之後。店員亦告知每間小甜谷所供應的甜品也略有不同，其中的銅鑼灣分店以日系抹茶甜品作主打。回歸正題，是日午餐以一道甘筍忌廉湯開始。粉橙色的甘筍湯，湯質厚身滑溜，配合甘筍的清甜味道，筆者覺得挺滿意。伴隨餐湯的有一小件甘筍香草包，包身暖身煙韌，甘筍與香草味道參半，與湯品味道很匹配。好友鍾愛全日早餐，既然有北海道全日早餐這選擇，當然是她不二之選。北海道牛乳滑蛋的蛋香滑度中規中矩，而當中引入少量的黑松露反而成為這道蛋品的味道亮點。香草豬肉腸無乜特別。煙三文魚小小一塊，選材屬纎瘦一類，適合伴上清爽淡味的雜菜沙律吃。脆煙腩雖不覺脆，但同一時間也不覺膩口，食味香口彈牙。 燒蕃茄與焗豆混在一起，當中的焗豆比某品牌焗豆感覺濃稠及甜一點，未知有否後製加工？大啡菇是筆者喜歡的食材，固然覺得菌香可口，但也建議用上更大更肥厚的大啡菇或大磨菇更佳。無花果多士口感有點實，近邊位置亦有點韌，評價只屬一般。黑松露香蒜煙肉忌廉意大利麵是是日主食，平日常見的 carbonara ，芝士及忌廉口味比較重，相比之下，這道 carbonara 則以香蒜味道更為突出。對筆者來說其實無乜所謂，因香蒜洋蔥等調味料本身也是筆者至愛。至於黑松露，在各款搶口食材下其實給力很弱。意大利粉煙韌度普通喇！跟餐加 $25 可享特色香蕉朱古力沙冰一杯，沙冰甜度適中，幼滑度不俗，朱古力與香蕉味道平均。鮮榨神奇西瓜汁以原個台灣小西瓜精製，先在西瓜頂開一小孔，再用特製榨汁器直接插入瓜心榨汁，原汁原味無添加。飲品除賣相吸引外，清甜多汁而留有少量瓜肉口感的食味確實不俗。今次到訪，無緣一試甜品有點可惜，唯有寄望下次到訪銅鑼灣逛街再試。…查看更多

早已聽過小甜谷這個大名，見過好多它的原個水果！本來以為是水果雪葩，原來是原個水果果汁。今次是專程和朋友來的，在銅鑼灣的澳門茶餐廳對面，不算難找。因為比較早的關係，人潮不算多，無需等位即可入位。坐了近著水吧的位置，透明的櫥窗裡放著今天的新鮮水果汁！看到有橙（後來才知道原來是西柚）和西瓜，就點了這兩款了。太興奮，忘記了看一下餐牌！menu就像報紙一樣，沒有多餘的花巧，簡簡單單，和店面的設計一貫作風，是我喜歡的風格。可愛得意的原個水果汁來啦！西瓜和西柚看起來大小好像差不多。這裡的水果汁完全沒有溝水，真係鮮榨，啖啖也喝到新鮮水果的果甜西柚有天然的酸味，主食前喝兩口，還挺開胃！雖然價錢比西瓜便宜，只需（＄18），不過份量就沒有西瓜多了，因為西柚裡面不是全部都是果肉，而西瓜就是西瓜汁（＄35）非常抵飲，而且果汁極度鮮甜味美，飲極都好像不見底。見到menu上面還有菠蘿汁，原來菠蘿上真的十分吸引，希望下次會有機會嚐到來到主食的老虎蝦扁意粉（＄158），大虎蝦大大隻，而且開了邊，方邊離肉進食。意粉賣相一流，蕃茄味濃，加上少少的tabasco味道，帶少許辛辣。意粉硬度適中，不會過軟稔。輕易把意粉卷好放進口裡，虎蝦也啖啖肉，有點像龍蝦。另一味主食是墨魚汁意大利麵（＄158），光看名字真想不到會有兩大隻帶子附送！平常在外面吃的墨魚汁意粉，通常墨汁都卡卡的，一點都不滑。但這裡的墨魚汁非常滑，就是痴在牙齒上如果用舌頭也可以去掉的程度。意粉不會粉粉的，帶有蒜頭的味道，炒出來香香的。即使平常不吃墨汁麵的也可以一試！最後來了一個抹茶精選（＄68）作結，一個價錢卻可以吃到三種口味，確實非常抵食。當中包括抹茶軟雪糕、紅豆抹茶卷蛋、greentea latte。我會從冷的先吃，最後才吃熱的，就是前面所述的進食次序。雪糕因為是軟雪糕，所以會溶得比較快，需要先食。它的濃度夠，也夠滑，不錯。相對卷蛋比較淡少些，不過配了紅豆就剛好了。latte係熱飲，最適合吃完冷冰冰的雪糕後飲返杯，是3味之中最濃的一味…查看更多

一講起小甜谷，相信好多人就會諗起係前藝人谷祖琳既甜品店。原來小甜谷近來亦係銅鑼灣開左間叫小甜谷Kaffee，除左甜品外，餐廳仲有得飲咖啡食意粉，仲有賣埋全日早餐和神奇果汁，聽落好似幾吸引啵，所以上星期放工後就去左試。.店鋪位置好易搵，就係銅鑼灣地鐵站C出口，澳門茶餐廳的對面地鋪，十分顯眼易找。個日一到餐廳門口就見到入面打晒燈，原來係餐廳老闆前藝人谷祖琳係入面為自家出品影緊相，親力親為，十分落力!.餐廳以圓檯為主，帶輕鬆簡約的木紋地板和椅子，最前方就係半開放式廚房。.餐廳內仲有位置讓客人可以坐著等位。.餐牌上大約分為全日早餐，輕食、意粉、中式糖水、甜品、咖啡/茶等。.餐廳所賣既神奇果汁，全部都係用原個水果鮮榨及連殼上的，係市面上較少見到。暫時有三種水果選擇，包括西柚、西瓜和菠蘿，價錢望落好似根據水果大小而定。小妹一向都好鍾意飲鮮榨果汁，至怕用糖水溝出黎既假味。最後就叫左鮮榨神奇西瓜汁$35 和鮮榨神菠蘿汁 $55。.鮮榨神奇西瓜汁剩係係中間鑽左個洞，但係入面既西瓜肉已經變晒做西瓜汁，果然夠神奇，而且飲落相當清甜，解渴一流。/平時好少有機會飲到鮮榨既菠蘿汁，呢個鮮榨神菠蘿汁已經切開左上面個定，入面係帶有滿滿果肉既菠蘿汁，入口清甜又帶點酸酸甜甜，解暑開胃。.墨魚汁帶子意大利麵 $158烏卒卒既墨魚汁意粉，食意粉質感煮得軟硬適中，雖然食到滿口都係黑色既墨魚汁，但就不太食得到墨魚汁的味道。而且當中既原粒帶子略為煎得過熟，食落質感較鞋口，有點失望。.香焗春雞 $168再來焗春雞，外皮焗得十分香脆，咬落去脆卜卜，不過雞肉肉質有點乾身，有些部位既肉質就會嫩一點，用上香草一同焗製既春雞整體味道還不賴。而伴碟的配菜我地就覺得焗得好好食，翠玉瓜、茄子同黃椒等咬落仍然鮮甜多汁，估唔到連伴菜都咁有水準。.抹茶精選 $68如果係抹茶迷，小妹會推介試下抹茶精選，$68可以試到三款不同既抹茶味道，包括抹茶紅豆卷、抹茶軟雪糕和手工抹茶，喜歡呢個組合和份量，每樣都係迷你版，的的骰骰，賣相又精緻。.先食抹茶紅豆卷，至怕食到乾淨淨既蛋糕卷，小甜谷的卷蛋食落質感軟屬帶點濕潤，抹茶味唔算濃郁，但應有既抹茶幽香還是有的，裡頭的忌廉頗滑，而且唔會太甜和太多，再加埋少許紅豆蓉，係完美既組合，好食!.抹茶軟雪糕入口幼滑，帶點回甘，唔會好易溶，至少小妹影完一輪都仲保持到個形。.迷你版小小杯的手工抹茶，奶味頗重，再帶陣陣抹茶香，係小妹愛的口味!.梳乎里多士 $58一碟有三大件梳乎里多士，份量很足，仲配左一球自家製的雲呢拿雪糕和焦糖醬。咬落外帶點微脆的多士食落質感軟屬，切開後仲見到裡頭既梳乎里流心，仲帶有濃郁蛋香，味道好食又特別。如果覺得唔夠甜仲可以沾埋附上的焦糖漿，不過小妹就覺得本身已經味道夠，所以無左沾糖漿，食落蛋的味道就更加明顯。…查看更多

係郊區玩樂咗一整日，吹住秋風，半滴汗水都冇，輕輕鬆鬆咁返市區。係小巴站隔離就揀咗間餐廳叫小甜谷，個名好熟悉！諗諗下因為大坑都有一間甜品店！店家用簡約嘅白色同淺色木櫈，牆上畫有動物嘅壁畫，好簡約，細路仔都畫得到。暖色吊燈調到最暗，帶有種溫暖嘅感覺，好似繁忙都市裏嘅幼稚園，哈哈，所以我們地就走入黎感受下氣氛先  鮮榨神奇西瓜汁 $35店家嘅西瓜汁有幾神奇？就係飲極都仲有！哈哈！用完整一個細西瓜冰凍送上，係頂部開個㝫仔，入面打成汁，味道當然原汁原味，價錢都合理！紅果樂 $42用士多啤梨、菠蘿、百香果同乳酪做成，有奇異果貼係杯邊做裝飾，每杯乳酪都有主題，十分精美，淨係用鮮果帶岀味道，飲到嘅就係生果嘅甜味，杯中無再加冰，唔怕飲飲下變淡。香焗春雞 $168烤雞上有好多香料同醬汁，份量都唔少，一碟都足夠兩三人食，同朋友分享就最啱啦！雞肉好容易切開，味道又惹味，配菜意想不到咁好食，有翠肉瓜、紅椒、黃椒、茄子，薯仔煮得好淋又入味。鵝肝黑松露意大利飯 $168鵝肝、黑松露同意大利飯，三樣都係我最愛，鵝肝都好厚身，外皮煎得脆身，加上黑醋汁，更加開胃，仲有好多野菌，增加口感，飲品同主菜都好啱我哋口味！抹茶芭菲 $58嚟到甜品時間，小甜谷嘅甜品選擇好多，先揀咗兩款抹茶甜品，一凍一熱，試下感覺點先！大家知道抹茶同綠茶有咩分別嘛？唔係一個好聽啲呀！而喺抹茶係有牛奶成份，所以多數嘅甜品都稱為抹茶就係咁解啦！抹茶芭菲用修長嘅杯子送上，可以見到一層層的配料，有綠茶果凍、忌廉、紅豆、脆米、玉露子等，睇落已經好豐富，味道又唔會太甜，都唔錯。抹茶心太軟 $58最期待嘅心太軟啊~ 蛋糕內裡軟熟而外層脆身，加熱後嘅抹茶味更突出，一切開嗰陣，啲綠色熔岩就湧住出！影相嘅朋友要把握機會喇！軟心香濃，食到我哋停唔到手！期待下次嚟食埋店家嘅抹茶雪糕！小甜谷Kaffee銅鑼灣謝斐道482號信諾環球保險中心地下4-6號舖港鐵銅鑼灣站C出口，步行2分鐘星期日至四: 11:30-01:00; 星期五至六: 11:30-02:00Tel: 2325 0208甜品分店: 大坑, 尖沙咀…查看更多

原來銅鑼灣新開了小甜谷當然要黎試下入到去覺得個裝修好舒服奶白色既牆配上粉紅色既吊燈入面坐位多一點，比大坑更闊落以為小甜谷淨係得甜品食啦原來唔係wor..有埋熟食同埋仲多左好多西式甜品由於我去到係tea time所以叫左tea黎食先黎飲品鮮榨神奇西瓜汁 $35一黎到個賣相已經好得原個西瓜可以就咁飲飲落好新鮮，西瓜汁好鮮甜原來西瓜汁來自原個西瓜鮮榨而成飲落有西瓜肉粒，好健康好fresh香蕉朱古力沙冰 $42未飲已經聞到陣朱古力味飲落去朱古力味香濃，而且香蕉味都好出唔會好漏，沙冰入口即溶凍果茶呢個係連tea set送的送既都有好豐富鮮果喺入面，有蘋果，百香果，香橙，草莓飲落淡淡錫蘭茶鮮果味，正好可以消除甜品的甜膩無花果多穀單片三明治 $58有3種口味，3種食落都不同感覺-煙三文魚，上面配有牛油果粒，同檸檬沙律汁配搽好新鮮-呑拿魚配芝士，有2舊厚厚的呑拿魚肉，食落有濃濃黑胡椒味-鹹火腿配芝士，鹹火腿+香草好香多士咬落香脆個人覺得煙三文魚最好味法式鹹薄餅 $58有得揀蕃茄汁定卡邦尼我地揀左卡邦尼覺得都幾特別，因為聽個名以為係好似pizza咁黎到切開覺得好似意大利麵咁食落去好香芝士味，薄餅皮薄軟軟入面好多卡邦尼汁同蘑菇食哂已經令人好飽宇治抹茶精選 $68賣相吸引，有雪糕+蛋糕+搽茶鮮奶一次過滿足你3個願望抹茶雪糕好濃抹茶的香味，香滑搽茶蛋卷配上紅豆，味道好夾，蛋糕質感軟綿綿配上一杯熱抹茶鮮奶，鮮奶味重一點頓時為肚子添上一份溫暖感法式梳乎蛋多士配鮮果及雪糕 $58外型有點樣西多士，外面脆脆地一切落去發現原來中間軟，有流心蛋醬流出點埋佢配既糖醬，食落好香甜，似食緊梳乎里雲呢拿雪糕亦都係自家製，好濃雲呢拿籽味食完超級飽，呢個甜品建議一齊share…查看更多

早些年有段時間很愛「蒲」大坑，身為吃貨的我為的當然是美食！  而且鄰近銅鑼灣的大坑靜中帶旺，這種小區特别吸引每天迫來迫去的香港人。話說大坑最出名的除了肉餅山外，非明星店小甜谷莫屬。繼大坑的本店和尖沙咀的分店後，上個月小甜谷在銅鑼灣終於開了新店小甜谷Kaffee，而且不只是甜品店，而是間西餐廳！這夜和朋友在SOGO 購物後順便行來朝聖，就試試正餐是否和甜品一樣有水準？ 未進去餐廳我已被其落地大玻璃吸引，大概是想製造外國cafe的氛圍吧？銅鑼灣人多車多，我們就坐在店內窗口位，看著街上來去衝衝的一切，倒是有點反差的閒適。小甜谷裝修帶點童話味，白色石牆上畫有柔和粉彩色的動物，吊燈配上淡粉紅色燈罩和愛迪生燈膽，加上白色貓腳檯，下了不少心機打扮。店員拿來的Menu很大張，看的時候有點像在看報紙，咦？又更像人手一份報紙的外國cafe啦！(只是印象，現在即使是悠閒的法國cafe也可能是人手一部smartphone吧?)這裡食品選擇比想像中更多，湯、salad、意粉、主菜和甜品等都有不少款式，看來小甜谷真是決心擴大版圖。剛剛行街沒有停下來喝過什麼，所以先點飲品。我點的是【香蕉朱古力沙冰】（$42），沙冰打得幼滑且朱古力和香蕉味濃郁， 朱古力迷不容錯過。 另外喜歡果香的話可以選Smoothies， 名為「紅」的Smoothies最吸引我，材料有草莓、菠蘿、百香果和乳酪， 本來想友人點來讓我試一口，最後她還是決定點【鮮榨神奇西瓜汁】（$35），究竟有什麼神奇？ 古人話，有圖有真相， 當然要影相見證它的神奇。原來西瓜汁真的是用原個西瓜盛載，而這整個西瓜只開了插著飲管的一個洞，不知道西瓜肉從哪裡拿出來的呢？友人說應該是用電鑽刨空裡面後，用dropper把果肉吸出來... 我想這個可能性真的非常低。 我試了一口，的確是鮮榨西瓜汁，沒有那種假的甜味， 冰冰涼涼十分解渴。我的主菜是很久沒有吃的all day breakfast，不是平時普通的那種，而是【北海道全日早餐】（$128）包括北海道牛乳滑蛋（上面有點黑松露）、香草豬肉腸、煙三文魚、燒蕃茄、大portobello菇、焗豆、無花果多士和煙肉， 很是豐富，而且還有伴碟的生菜沙律，一大碟滿滿的，真不知如何下手。先嚐一口加了黑松露的滑蛋，蛋味香濃得沒被黑松露的濃味蓋過，大大個的portobello菇特别好吃juicy，調味得宜。另外我們也很喜歡獨特的無花果麵包，放上滑蛋和煙三文魚當多士吃。另一主菜是【炸魚及魷魚配香蒜芝士脆薯角】（$128），一聽就知邪惡，用一個不規則的大木盆上菜，特別有大自然氣息。另外在炸物中間也放了不少生菜沙律，企圖讓其邪惡指數降低。炸魚和魷魚可以沾特調茄醬或沙律醬吃更為惹味。說起炸魚薯條讓人不期然想起英國的fish and chips，友人說這其實更像大份而扮盤較漂亮的新式澳洲菜，原來澳洲受英國影響，fish and chips也是澳洲很普遍的一種主食。魷魚切得幼幼的去炸就不會很難咬開，一邊聊天一邊當小食吃也不錯。終於到萬眾期待的甜品環節！小甜谷以甜品起家，所以這裏的甜品選擇很多，有日式、西式、中式，我點了近來最流行的蜂巢甜品：【蜂巢梳乎窩夫】（$68）。窩夫塔賣相不錯，切開熱辣辣的窩夫再加上冰凍的雪糕，一熱一冷、一脆一軟，蛋香和蜂蜜甜香更是誘人。友人不甘示弱，又點了【法式梳乎蛋多士配鮮果及雪糕】（$58），梳乎蛋多士有點像西多士，但蛋香更為濃郁、質感更為軟綿，本身不太甜，只在上面灑了點雪白的糖霜，要靠焦糖汁和雪糕增加甜味～不太甜的話吃多點也不怕啦！吃得太多，兩人飽得要捧著肚子離開。聽說香港的餐廳食肆競爭大而且租金貴，是不容易成功的行業，但以其食物和服務質素看來，小甜谷要繼續擴展非難事呢～…查看更多

早聽過小甜谷這人氣甜品店，只是未曾一試。上月中看雜誌，知道終於坐落銅鑼灣，立即拉閨密去朝聖一下。星期六中午時段，未見人龍，可以直接入座。店面有日系cafe的感覺，大門旁邊的動物彩繪尤其突出。餐單上，有分店限定的輕食。根據時段，選擇會不同，可配成套餐。這天，每人點了份午餐。鮮榨神奇西柚汁 (+$12)這雜誌介紹的鮮果系列，可由餐飲升級轉配。挖空原個西柚，再倒入果汁，原汁原味。每口滿滿是純淨的西柚果香，比單吃西柚還要濃郁。鮮榨神奇西瓜汁 (+12)整球迷你西瓜捧著喝，份量和霸氣十足。內裏的西瓜汁「杰身」那種，有點像沙冰，味道較西柚那款清甜解渴。精選濃湯 ($10)自由選配餐湯，這設定很讚，而且價格相宜。這天是啡橙色的龍蝦湯，龍蝦在味覺及嗅覺上均有強烈、踏實的存在感。正在想濃得有少許苦時，配上質地煙韌的法包，剛好可以中和一下。黑松露香蒜煙肉忌廉意大利麵 ($88)各種配料和醬汁比例適中，容易拌勻。彈牙的意粉，灑上混有香蒜的特製調味粉，很快就被掃光光了。北海道全日早餐 ($88)組合豐富，有香草豬肉腸、大啡菇、燒蕃茄、沙律菜和焗茄汁豆等，「大路」中加入特色。北海道牛乳滑蛋嫩滑非常，尤其突出，很喜歡！煙三文魚煙熏味較淡，取而代之的，是近刺身的 juicy 口感。脆煙腩油脂量少，煎香後感覺更為健康。多士添加了清新的無花果，口感較餐湯的法包軟腍。北海道牛乳燉蛋白 ($40)定番的牛乳布丁模樣，玻璃瓶身比預算大上一個尺碼。蛋白遇上充滿奶香的北海道牛乳，香濃滑溜，是絕配的配搭。小結這次朝聖之行，有驚艷的感覺。限定輕食和特飲有水準，皇牌的甜品類一如傳說中出色。加上休閒寫意的環境，和隨時段轉換的菜單選擇，讓人想回頭光顧。…查看更多

已經第二次黎食，上次食過唔錯 ，今次專登帶fd 黎銅鑼灣番尋味舖面裝潢好有特式，一入去，佈置優雅，好有休閒既感覺，同街上繁忙既感覺差好遠入到去就見到一個設計簡潔既廚櫃, 有擺得好精緻既食物同新鮮水果, 真係好想點哂櫃內的食物 (但會食唔哂 )找一個角落坐下, 叫個set lunch - 精選濃湯+ 北海道全日早餐+ 綠果樂, 加多個 鮮榨神奇西瓜汁，兩個人share~ 先黎個濃湯, 係羅宋湯, 料足, 有香葉煮, 味道更香唔過酸, 開胃挺不錯~ 最令人驚喜同尋味之選, 係佢隔離果塊包 無花果多士 睇落去普普通通, 但食落去會令你愛上 食落口感煙煙韌韌, 有豐富無花果果肉, 入口好香無花果既香味, 甜甜的, 係果乾既自然甜味, 令你唔會覺得甜到膩, 毫不抗拒 北海道全日早餐有 牛乳滑蛋, 香草豬肉腸, 煙三文魚, 脆煙腩, 燒番茄, 大啡菇, 焗豆及無花果多士牛乳滑蛋入口滑, 配有少少既黑松露, 令個蛋更香, 豬肉腸用香草烤, 淡淡的香草味, 腸仔外脆內軟, 帶微微的蜜糖甜, 帶點驚喜~ 煙三文魚大條, 捲成花狀, 令人食慾大增 脆煙腩係煙肉整得脆口之餘不油膩~ 蕃茄同大啡菇 都好厚肉, 蕃茄不會烤得干干的, 切落去好多肉汁~ 有點香草點綴, 令人更覺滋味 綠果樂 係由日本柚子, 薄荷, 蜜糖同乳酪 混合而成的沙冰, 清新的薄荷味道配上柚子酸甜, 柚子皮的香, 果肉的咬口, 飲品層次多, 挺驚喜鮮榨神奇西瓜汁 令人開心之處係一個西瓜原個上, 打開係滿滿的西瓜汁, 不欺場西瓜汁清甜, 冇溝水, 好真材實料~消暑佳品~ 難怪一入餐廳就見到廚櫃有好多水果餐廳服務好好~ 好有禮, 你問咩都好詳細解釋~ 細心周到, 唔夠位放野, 好主動同你拍埋兩張台, 坐得舒服D…查看更多