橫濱家系町田商店係一間日本的連鎖拉麵店，啟德Airside 嘅分店係香港第一間分店。今次已經係第三次幫襯，我哋叫左辣味噌拉麵 、魚介豚骨沾麵、餃子。我哋仍然覺得好好味，水準保持得好好。………………………………………………辣味噌拉麵 ⭐️⭐️⭐️⭐️⭐️麵條偏粗有咬口，係我鐘意個種。湯底好濃郁，辣度適中，咸香美味。配菜有日式叉燒、辣肉碎、椰菜、鵪鶉蛋。我個人好喜歡。魚介豚骨沾麵 ⭐️⭐️⭐️⭐️麵條偏粗有咬口，魚介沾麵汁好夠熱好掛麵，配料有日式叉燒、溏心蛋、紫菜、荀。朋友表示好味。餐廳仲有建議食法，可供參考。餃子 （6隻） ⭐️⭐️⭐️⭐️⭐️外皮雖然唔係好脆，但係肉餡肥瘦適中，好多肉汁，好好味，一個人都可以食晒6隻。………………………………………………拉麵店的座位幾闊落，同隔離枱有足夠嘅空間同距離，而且唔係傳統拉麵店個種bar枱，店員都好有禮貌，食得好舒服。…查看更多
喺呢間商場，開咗間日本家系拉麵過江龍，可以睇戲之前醫一醫肚先
唔知嗌乜好，就揀碗個名最爆嘅拉麵
呢碗拉麵可以揀幼麵，湯底好濃郁
有誘人溏心蛋，仲有多粒鵪鶉蛋
有幾大片叉燒，肥瘦比例完美
除咗拉麵，都有沾麵喎
魚介豚骨湯比想像中溫醇，好香魚味，夾啲麵沾一沾，亦好掛汁
食完沾麵可以請店員加高湯，飲埋唔好嘥，好香口㗎
呢度都有章魚燒食㗎喎，一碟有成六粒，粒粒都幾大粒，望住上面啲木魚碎郁郁吓
就知有幾新鮮滾熱辣，裡面真係超軟熟
炸雞都好正㗎，一碟有五大嚿，炸得非常脆身，一咬出奇地嫩肉，肉汁會喺皮肉之間流過，點沙律醬食仲正
