泰屋

营业中

休息中

泰式素春卷🥙呢個真係好好食，咬落去既時候已經係好鬆脆好香！個餡係有木耳，菜，粉絲，紅蘿蔔呢啲健康食材，真係唔肥，呢個真係好推介！💕馬拉盞炒通菜 唔會炒到林哂，加埋啲惹味醬汁就好正了，不過炒得耐左。串燒沙嗲🍡一擺上枱已經聞到好香，真係令人食指大動，我地揀左豬同雞，啖啖肉，加上花生醬沙嗲汁，真係絕了。原個菠蘿海鮮炒飯🍍色香味俱全，俾左好多蝦同魷魚🦑啲飯又炒到好煙韌咁，味道酸甜可口，都係受歡迎嘅一款👍🏻芒果🥭沙冰真係好消暑解渴，唔酸，濃郁芒味，真係唔錯👍🏻又係好推薦！

一行十人去了旺角這間泰菜餐廳吃晚餐，叫了十樣食品，吃到飽飽，埋單每人都不過140元。抵食。價格可以都要睇埋食物質素，等我又每樣品評下先。泰式珍寶拼盆，用長形碟上檯，四個款式，每款六件。雞翼，燒得香脆肉嫩，酒幾粒芝麻又幾香。春卷，都係脆卜卜。魚餅，蝦餅，煎得金黃，厚度適中，啖啖惹味。泰式豬頸肉炒飯，飯炒得爽，油份可接受，豬頸肉切粒混在飯內，味道不錯。農夫包咖哩軟殼蟹，呢個一上檯真是驚人，一大個農夫包上面有隻具大的軟殼蟹，我都唔知點落人切開佢。軟殼蟹已蓋上咖哩汁液。要先擺開隻蟹再切個包，包內的咖哩就好似洪水爆發，全部瀉出來。把面包分切為細小片點上咖哩汁一齊食夠滋味。軟殼蟹炸得乾身脆口，也好好食。串燒沙嗲(豬及雞各3枝)，豬肉及雞肉都燒得剛好，唔會乾乾的。沙嗲醬增加左風味，惹味好食。馬拉盞炒通菜，鑊氣夠，馬拉盞唔太鹹，菜青嫩。椒鹽魷魚鬚，呢個魷魚份量略為少左D，椒鹽就超多，不過味道唔錯，魷魚鬚炸得香鬆。乾炒泰式蛋包金邊粉，賣相好靚，一個網狀嘅大蛋皮蓋住金邊粉，旁邊放左少少花生碎，半個青檸俾你加D汁落粉內調下味，酸酸甜甜，金邊粉炒得乾爽，口感唔錯。冬蔭公鮮蝦湯，湯底好濃郁，配料又入味，蝦好爽，

平日7:30已經開始要排隊喇，好誇張啊。環境感覺好開揚，座位寬敞，咁啱我坐喺沙發位，好舒服。服務10分滿分有11分，就算出面排隊，我哋食完傾左陣計，都冇黑面趕我哋走。*泰式蛋包金邊粉伴蝦 $92Pad thai 2.0，蛋包金邊粉！賣相特別，基本嘅豆干、芽菜、花生碎都有齊，但味道單一普通，而且味道偏甜，冇咗魚露嘅鹹香味。冬蔭公魚蝦湯 $88落order嘅時候講低咗唔好整咁辣，所以佢的確唔係好辣。冬蔭公湯鮮味十足，微酸微微辣，個人希望可以多啲酸，飲落有一陳微甜嘅後勁。馬拉盞炒通菜 $72食泰菜必叫之一，通菜炒到有啲爽脆，而且唔會油腍腍，但馬拉盞嘅蝦醬味略為淡左啲。黃咖哩牛根腩 $92黃咖哩味道溫和，所用嘅辣椒嘅量比紅、綠咖哩少好多，味道偏向係甜多過辣，如果你唔食得辣，黃咖哩啱晒你。牛根腩份量都唔少，部分帶筋，但煮得唔夠腍，肉質略為硬啲。*香蔥蒜蓉包 $36麵包帶蒜香而且唔會烘到乾，就係為咗索晒啲咖哩汁。

星期六晚book左7點，當日全場爆滿😮，坐位好迫，而且環境嘈吵，不過8點3開始有吉枱。未知係母親節嘅原故，定係餐廳真係好味嘅原因而咁爆場，但見到呢個人氣程度，開始對餐廳有期望。蝦餅 $82剪開成8件，size比平時食開嘅細少少；蝦滑都彈牙，有少少蝦味，但性價比唔高。酸辣鳳爪 $78鳳爪爽口，但醃得唔夠耐，唔入味。泰式沙嗲串燒半打 $88有雞牛豬三款供選擇，但只可以揀兩款，結果揀左牛同豬。牛肉果然同坊間其他餐廳一樣😂，乾身、鞋口、好韌、痴牙；豬肉因為帶肥膏，所以相比之下，比牛肉好。椒鹽鮮魷 $85呢個有驚喜😯，魷魚厚肉，夠大件，啖啖肉好滿足，亦有魷魚味。炭燒豬頸肉 $82雖然賣相唔錯，但我個人認為呢個係全晚最差😑，除左因為肉質偏軟非彈牙口感之外，重點係有豬騷味😣，我個人對豬騷味好敏感，點左個汁都come唔到個味…….農夫包咖喱軟殼蟹 $218本身唔諗住點佢，但當晚見到唔少人都食緊，加上賣相又真係幾吸引，忍唔住order左個😏。上枱果陣熱辣辣，外觀亦相當震撼!!! 軟殼蟹分量唔少，居然有5舊，雖然浸住汁，但食落仲脆；農夫包好有空氣感，所以吸汁力特強，邪惡🤐；咖哩蛋花好多，但略嫌無乜咖哩香，

星期六係 #旺角 竟然都有 #下午茶 最估你唔到係 #無限添飲 #免收加一 😈不過留意返😈凍飲係👉🏼每杯加$3👈🏼 🤣🤣T2 #海南雞湯河 $45份量唔會好細碗 海南雞都有四件唔會太肥 跟湯唔會攪到雞肉老哂T4 #印尼海鮮炒貴刁 $48份量唔少 有蝦、魷魚、青口 不過炒得比較濕 唔夠干身#馬拉盞炒通菜 $48呢個係散叫 要食啲菜不過食果時先醒起 依家通菜唔當做應該轉第二款菜😅😅加$10 可以轉 #椰汁冰 其實似係凍椰汁多啲🤣🤣 唔係好似平時果啲 杯野個底再有一條條嘅。。。唔知叫咩🤣🤣BTW 不過不失 叫抵食嘅～

今日放工太肚餓，決定就近係旺角食個晚餐。但因為時間尚早，仲係𝟓點尾，周圍嘅餐廳仲未開始做晚市，一路行一路搵，終於係彌敦道𝟕𝟐𝟔搵到間叫「泰屋」嘅餐廳坐底食個晚餐。我本身其實唔係好食得辣，但偏偏又幾鍾意食泰國野。每次都好似挑戰緊自己味蕾咁。今次因為太餓啦，所以叫咗好多野食。𝐎𝐫𝐝𝐞𝐫:⧐炭燒豬頸肉 | $𝟖𝟎⧐馬拉盞炒通菜 | $𝟕𝟐⧐黃咖喱牛筋腩 | $𝟗𝟐⧐印度油酥餅 (𝟐件) | $𝟑𝟔⧐醃肉碎生菜包 | $𝟖𝟓⧐泰式生蝦刺身 | $𝟏𝟎𝟖⧐泰式奶茶 | $𝟑𝟎⧐𝑺𝒂𝒘𝒂𝒅𝒆𝒆 𝑻𝒉𝒂𝒊 𝑺𝒑𝒆𝒄𝒊𝒂𝒍 | $𝟑𝟖炭燒豬頸肉燒得好香口，入口脆脆地，配埋個醬料勁好食，唔會太油膩。馬拉盞炒通菜係每次食泰菜我一定會叫嘅菜色，其實佢有幾種煮法揀，仲有飛天／蒜蓉，不過我個人都係鍾意馬拉盞炒多啲。呢間炒得幾好食，唔會太重味精味，唔錯！另外叫咗個黃咖喱跟牛筋腩，配咗個印度油酥餅，油酥餅點咖喱食真係一流，而且佢啲牛筋腩好重牛味，好正。醃肉碎生菜包係我每次食泰菜都要面對嘅一個極大挑戰，因為好多地方都整到好辣好辣，次次食完都辣到食唔到落去。但呢間唔會，小小辣、重酸味，係我好推介嘅一個菜式。泰式生蝦刺身

位於彌敦道726號嘅一間泰國餐廳 - 泰屋🏠由旺角地鐵站行去5分鐘左右 好方便 當日約咗幾個朋友食晚飯 🍚大家都想食泰國菜🍢🍍🍚 就決定試試啦😋大家都係第一次食呢間餐廳🥰 如果食晚飯嘅話建議預先book位 因為晚飯時段比較多人 晚上七點左右已經全場坐滿👨‍👩‍👧‍👧座位都比較舒適 👍餐牌上食物種類繁多👏 價錢相宜💰我哋叫咗幾款菜式❣🍚海南雞油飯 $78海南雞口感細滑 🥳油飯份量好多🍍原個菠蘿海鮮炒飯 $98賣相好靚 👍好足料 炒飯粒粒分明 配料充足🍢泰式沙爹串燒(豬牛)「6串」 $85可以揀豬／牛／雞 【其中2款】沙嗲醬香濃 趁熱食最正 啲汁撈飯一流🥬馬拉盞炒通菜 $72夠鑊氣 好惹味👍🥗青木瓜沙律 $78酸酸甜甜好開胃🥰會再嚟幫襯 侍應上菜好快手 又有禮貌地點方便 環境ok😊

泰式香葉肉碎煎蛋飯 • HKD$55都幾有鑊氣～咸淡適中又微辣，好開胃肉碎份量特別多，d豆仔粒又好嫩好爽口而且佢隻蛋係跟足泰國做法係炸嘅，所以蛋白會脆d，蛋黃就仲流心～乾炒泰國金邊粉 • HKD$50呢個就甜左d而且d海鮮係急凍嘅，特別魷魚食落冇味，好似橡膠咁但金邊粉個口感係幾好，煙煙韌韌～馬拉盞炒通菜 • HKD$45都係好香好有鑊氣～不過通菜唔當造就比較老左d珍多冰 • 午巿套餐+HKD$10好好飲！超多啫喱而且椰奶味又唔會太膩，甜度又啱啱好龍眼冰 • 午巿套餐+HKD$10好香龍眼味，而且唔會甜到確喉～

🇭🇰泰屋Sawadee Thai👩🏻家姐👧🏻呀妹最近都好想食泰菜lunch 就去左旺角搵食 餐廳係樓上舖人少少坐得都幾舒服 仲有齊小食同甜品🤤🤤lunch set 會跟埋冬陰公餐湯🥘同飲品🧋價錢相宜 環境又好坐🙌🏻🙌🏻🐔海南雞飯(💰$68連餐湯飲品)海南雞係雞脾位🦵🏻肥美嫩滑 非常腍身雞皮帶微微脆身 雖然雞係肥美但冇咩肥膏位 油飯份量好多而且乾身👍🏻👍🏻🌱香葉肉碎煎蛋飯(💰$55連餐湯飲品)熱辣辣上台仲出緊煙好正🔥同泡打豬飯一樣都係肉碎形式ontop 有一隻煎蛋🍳肉碎好香 帶點辣🌶 肉味幾出周邊有啲🫑同埋碎豆 增加返成個口感鐘意食辣🌶👩🏻😍😍🥘冬陰功湯冬陰功湯椰香🥥好重應該係為咗客人口味而調所以唔算辣的 酸酸的 幾醒胃🤤🤤🥬馬拉盞炒通菜(💰$45)Lunch加配通菜嘅價錢係幾抵🤣馬拉盞炒通菜食親泰國嘢都會叫嘅帶點鹹香味 但一啲都唔會過鹹 唔會話越食越鹹😗🧋龍眼冰(💰+$10)龍眼冰都幾清新滋潤 入邊有唔少龍眼肉配埋濃味嘅泰式菜 可以refresh一下🥥珍多冰(💰+$10)野飲真係好大杯 椰子🥥既香甜再加埋綠色嘅啫喱有咬咬口一款飲得既甜品

疫情關係好耐冇見過我啲朋友！難得約出黎食飯，梗係要搵間坐得舒服、食物質素好、份量大、又大眾化價錢d既餐廳啦。🤓今次揀左🇹🇭泰式餐廳 - 「泰屋」🗾泰屋地點方便，泰屋位於旺角726呢楝大廈，成楝大廈好多餐廳。1845黎到餐廳，可能因為時間仲早，所以都冇咩人，餐廳地方都算幾闊落。- (推薦指數 最高 : 😋😋😋😋😋)開胃前菜泰式生蝦刺身 (推薦指數 : 😋😋😋😋)🦐生蝦新鮮爽口，調味調得唔錯，酸辣多蒜🌶辣得幾惹味，岩哂我依啲唔太食得辣嘅人👍🏼醃酸辣鳳爪 (推薦指數 : 😋😋😋)無骨辣鳳爪爽口，配泰式酸辣醬，開胃首選主菜青咖哩牛 (推薦指數 : 😋😋)怕辣嘅我，揀左青咖哩。青咖喱椰汁味都幾重，要唔太辣嘅，依個青咖喱辣度就岩岩好🌶，但啲咖喱偏稀身。牛肉就淋淋地，我不太推介。咖哩入面都有唔同配料，西蘭花🥦、紅蘿蔔🥕、洋蔥🧅 etc. 。咖喱配埋蒜蓉包絕配😍香蔥蒜蓉包(4件) (推薦指數 : 😋😋😋😋）蒜蓉包外脆內軟，再用黎蘸咖哩一流！食泰國野點可以唔叫咖喱配埋蒜蓉包😜冬蔭功鮮蝦湯(細) (推薦指數 : 😋😋😋😋）冬蔭功湯辣度同酸度都岩岩好，酸酸辣辣好開胃，再配埋啲泰式香料，味道十分好。湯既配料

平時耐唔耐就會想食泰國嘢，今次就黎到呢間係旺角嘅 @sawadeethai_mk 全橦大廈都好多嘢食，所以食飯時間會較為多人排隊搭𨋢，上到去餐廳幾寬敞，坐得都幾舒服椰汁鮮雞湯 📍$88好有驚喜 🙃椰汁🥥味好濃，但又唔會蓋過啲雞湯味，個湯底仲帶有啲冬陰功湯嘅味 （不過唔辣）勁開胃，飲咗好多 🙈椒鹽鮮魷 📍$82外面炸得好鬆脆，入面嘅魷魚好新鮮，爽口得黎又彈牙馬拉盞炒通菜📍$72差唔多每一次食泰國菜都會叫 😬 通菜好新鮮好翠綠，個醬汁都炒得好惹味，好夠鑊氣原個菠蘿海鮮炒飯 📍$98成個菠蘿好大個呀 🍍入面仲有魷魚，青口，同蝦，啲飯又炒得夠乾身

今晚嚟到旺角呢邊食dinner😆喺呢間大廈入邊有好多唔同嘅餐廳,揀咗泰屋☺️間餐廳未夠6:30已經好多人🙈後尾仲越來越多人，雖然位處2樓，但係都吸引到好多食客👍🏻餐廳好有泰國style🤣會播泰文歌～原個菠蘿海鮮炒飯($98)好大個菠蘿😍入面嘅海鮮有魷魚，蝦等等～海鮮好新鮮👍🏻海蝦仲食到佢嘅肉汁😋魷魚就幾有咬口🥰炒飯有鑊氣👏🏻飯中間仲有啲果乾☺️味道幾正💕馬拉盞炒通菜($72)泰國菜最出名就係炒通菜，梗係要試吓呢間餐廳嘅炒通菜🤣我哋叫咗小辣，真係唔會太辣😂不過都食得出佢嘅泰國風味👍🏻香噴噴嘅通菜😋好新鮮，翠綠色🥰調味好好～唔會太鹹但係又夠味☺️黃金軟殼蟹($178)一上碟係一大碟金黃色嘅軟殼蟹😍一入口就感受到香脆☺️外脆內軟👍🏻入面有蟹肉，幾新鮮香滑😋同埋好易入口😆而且唔使剝殼，省卻麻煩🤣如果炸粉少啲會更好～不過overall都好正😊泰屋特飲($38)以椰汁同淡奶作主調，配有泰國風情嘅三色配料～唔會太甜又幾香濃👍🏻佢嘅賣相睇落有啲似三色冰～但係飲落又別具風味😋

如果在旺角吃泰國菜，泰屋必定是首選之一一直與朋友也經常光顧未夠七點鐘，人流不算多但到八點左右，幾乎全場滿座，也有些人訂了座的，可留得好位置泰式沙嗲 - $85豬/牛/雞任選兩款共六串選了牛和雞串燒跟沙嗲永遠是絕配串燒那惹味濃郁的沙嗲醬，甜甜的，帶點花生香味，令人回味無窮充滿泰式香料豐富的味道而且牛和雞肉的份量很多，毫不韌馬拉盞炒通菜 - $72可選馬拉盞/飛天/蒜蓉炒馬拉盞有蝦醬及辣椒的成份，香辣惹味，提升蔬菜香味泰式干炒河(海鮮) - $88任選豬/牛/雞，海鮮加$10選了海鮮，有很多海鮮材料如蠔、魷魚、大蝦配菜有芥蘭和紅蘿蔔等泰式炒河粉比一般廣東的粗大香噴噴的鑊氣，散發些泰式甜辣酱的味道，惹味醃肉碎生菜包 - $85肉碎是使用豬肉，帶一點微辣口感清爽又惹味，吃罷更覺降溫清涼泰國椰青 - $42跟泰國喝到的一樣大天然清甜的椰青水非常香甜生津還可用鐵羹吃清甜的果肉香茅茶(熱) - $26清楚看到一條條香茅，極具味道和營養，味道很出味道辛，性溫，又帶有檸檬香氣在東南亞的菜式很常見，有助提升食慾

每隔一段時間就想食泰菜， 今次到地點方便的旺角彌敦道泰屋，之前已經與朋友食過很多次的， 因為食物有質素， 所以在旺角區一想到食泰菜就會來這裏。 每次吃泰菜一定點的泰式生蝦刺身$108， 然後隨意點了馬拉盞炒通菜$72， 黃咖哩羊腩$88， 干炒泰式蛋包金邊粉$88。✨泰式生蝦刺身～生蝦大大隻啖啖肉而且爽口新鮮，非常喜歡生蝦的口感及醬汁， 配上辣椒，蒜片和薄荷葉， 很好味的。✨馬拉盞炒通菜～ 味道鹹香可口， 必食的泰菜款式。✨干炒泰式蛋包金邊粉～ 金邊粉炒得剛好不濕 不乾 ， 入口煙煙韌韌，酸酸甜甜 ，再拌上 配料 ， 簡單卻很醒胃。✨黃咖哩羊腩～ 羊腩嫩口但帶點騷味，黃咖哩比較不辣，一樣好吃， 比較適合想淺嘗泰風味的朋友。泰屋是一間價錢適中， 菜式保持水準的一間泰國菜館，適合喜歡吃泰菜的朋友。😊

星期六出黎旺角食中午，去TOP行街之餘就黎左726呢棟食肆既大廈搵食。今日就揀去2樓既泰屋，貪佢啲lunch set 平平地😂上到去地方都還好，雖然唔係好大但座位都闊落，大窗邊所以好光猛，令人感覺精神啲。難得佢星期六都有set lunch🍱仲要唔駛加一，普遍既餐都係50-60蚊，好抵呀揀左炒金邊粉同炒公仔麵，落左單好快就先上例湯🍲估唔到唔駛加一既套餐仲有埋湯！奶白色既椰汁🥥雞湯，飲落又幾重酸甜味，又有香茅味，雞味就唔係好重，你可以幻想係唔辣既冬蔭功，仲有啲菇同香茅，夏天飲好適宜，又開胃醒胃！餐飲叫左凍檸茶，加3蚊好合理。炒金邊粉好多海鮮🦐🦑🐟，而且份量都好夠，有埋基本配料好似香茅同花生🥜碎咁，食落有鑊氣又唔太油，大大碟又好食，唔怪得我地見每一枱都叫😂炒公仔麵同樣份量巨大，配菜十足，有粟米仔、椰菜蘿蔔等🥕🌽🥬我揀左豬扒🐷，幾碗好煎好既豬扒一齊炒好惹味！不過由於佢落左辣椒🌶️，所以個公仔麵都有啲辣😚🤪怕辣既就要小心由於咁抵食，所以加多個馬拉盞炒通菜，足料又好味，賣單都係160兩個人，抵食又舒適😋性價比高👍🏼