正宗水上人氣鍋專門店 (已結業)

自從朋友們上次約局於尖沙咀的蒸氣海鮮--正宗水上人蒸氣鍋專門店,其食物質素之高,已令眾人留下深深印象;由於回響甚高,眾人想再來一次聚局;而好友得知除尖沙咀外尚有旺角有分店,地理位置更加理想,就發起這次的晚宴;同樣是經好友之手訂了檯,食店位置離地鐵站也是不遠,而大家都約定在旺角地鐵站相等;大家差不多時間前後到達,就一起步行前往;一眼望去,有著熟悉的韓式色彩風格的食店招牌,就知道正中核心了!進入食店地下樓層,內裡的裝潢走的是淡然的中國風的路綫,燈飾的造型顯出優雅之氣,而且燈光夠柔亮;由於我們訂了樓上房間,就乘搭店內私家電梯直達;反而房間內的設計帶點歐式風格,而且非常寬敞,加上冷氣與抽風系統十分良好,縱使炎炎夏日吃著熱辣辣的蒸鍋食物也非常舒服!主持飯局的好友點了個大套餐,主要是刺身拼盤與多種海鮮食材;侍應生先端來兩大盤重口味九宮格式的醬料,說得上料頭十足,相當霸氣!眾人從各式醬料拼配成的“混醬”,當中過程顯得一樂也!隨後遞上的一大盤刺身拼盤,從新鮮豐厚的象拔蚌刺身切片,到柔軟豐美的八爪魚片,顏色嬌美的花竹蝦,再到厚切的挪威三文魚片,然後是希靈魚!底下的冰粒襯托著這種華美的場面,不單吸引了眾人的眼球,大家的手機更是忙個不停!象拔蚌的爽脆甜美,我夾上了一片,只許丁點的鮮磨芥末,輕蘸上醬油,嚼咀了幾下,其鮮味已直通鼻腔往喉嚨沖下去了!就是這樣第一次吃花竹蝦的刺身,也照跟大伙兒一樣蘸上醬油,帶點兒既煙韌又綿密的質感,咀嚼時像幫牙肉輕輕的按摩一樣,而蝦肉的鮮味就在牙縫中鑽進味蕾,被那種具海洋氣息的回甘縈繞著,值得讓時光好好停留一會!而侍應生著大家將花竹蝦頭留著,待會自有用處;八爪魚的大小厚薄均勻,嚼咀起來那綿柔中帶點煙韌的質感,與本身的鮮味一同在鮮磨芥末與醬油中融化在口腔內,海洋的氣息登時活現,果有質素!希靈魚那豐沛的魚籽,帶著點點的鹹香,在味蕾上綻放深具海洋精華的煙花,鮮味四溢,齒頰留香!吃著刺身的同時,蒸鍋的主角食材逐一登場;由侍應生全程操作,在鍋底放上一撮白米,一隻蟹,幾塊雞件,留起的花竹蝦頭也放了下去,加水之後再蓋上蒸氣隔;第一道先來蜆類食材,預校的蒸煮時計響起,刺身也被大家吃得剩下見著鋪底的冰粒,是時侯來些熱勁的蒸海鮮來過過口癮;先登場的沙白個頭較細,而質地也是同等對應--肉質爽脆而味偏向淡些;在口中細味,這股略淡的海水鹹味過後,沙白蜆肉漸漸突出其帶著肉感的鮮甜!隨後的馬甲貝,鮮甜可口的程度更勝沙白,兼且馬甲貝的肉質也厚道一些,質感上爽彈中又帶些柔軟,更討喜一些!黑松露蒸大元貝,將處理好的鮮元貝,上層綴以黑松露肉醬;當蒸鍋所發出的熱力在穿透大元貝時,黑松露特有的香味即時在空氣中飄散!在口感方面,大元貝既爽彈又滑溜,與黑松露肉醬所賦予的香氣結合,在味蕾上留下美好的印象!新鮮的加拿大龍蝦以開邊呈上,上面鋪滿蒜粒來清蒸;用了粵菜方式來調味,也算得上是嚐其真味的最好方法之一;加龍的蝦肉紮實之餘又爽脆彈滑,本身的鮮味十足,但蒜香味的畫龍點晴式提味更令人印象深刻!接著登場--來自香江水域的奄仔蟹,以蟹蓋收藏著豐盈的蟹糕最為亮眼;經過蒸氣鍋的水汽熱力作用後,猶如飛鴻踏雪卻又梅花處處的蟹肉就這樣在我們手中呈現了!紮實的肉質,豐盈油亮的蟹膏,在蒸盤上的奄仔蟹身上大大地表現出來!品嚐著那仿如驚鴻一瞥的蟹膏,帶著肉慾的質感,溫潤的油脂感在味蕾上留下深長的回味!一段段的海鮮時光就要過去了,另一樣港人至愛的雪花和牛馬上登場;從在蒸氣隔的鋪排,油脂均勻而輕輕地佈滿在艷紅的牛肉裡面,已令人引頸以待!一經蒸熟以後,水汽混合著牛脂,透出油亮的光澤!一入口,牛肉本味即時充斥著整個口腔,豐富的油脂為牛肉帶著綿滑的質感,咀嚼起來有點溶化的感覺,蘸上兩種不同的醬汁(一種是食店專為這和牛調配的濃醬,另一種足自己調配的醬油),各有風味,但都值得再三深深吸一口氣來延長這股美妙的滋味!而這次有一道蔬菜類的食材--清蒸勝瓜,以清甜滋潤的口感,作為之前那麽多肉食來個少許的平衡,感覺更為舒暢!全餐另一個大亮點是壓軸的鳳凰水蟹粥;盡情地收納了各式海鮮/肉類食材所留下的汁水精華,加上有雞肉,花竹蝦頭與水蟹的釋透,每一口溫暖而綿滑的粥湯,都有豐厚複雜的滋味透出,令人有透心入肺般的舒暢,太美妙了!尤以花竹蝦頭那綿滑的蝦膏,啜食後再來一口暖粥,極臻美滿!最後上來的甜品--黑糖糕,是以沖繩黑糖作主味的糕點;雖其貌不揚,但一入口,味道就被綿滑的質感,中庸的甜度收服了,這是作為一頓豐盛美妙的蒸氣鍋晚宴帶來很完整的收結!在蒸氣鍋食店越來越受關注的熱潮之中,這次在旺角正宗水上人所嚐到的美味食物,於我當然再次留下了極佳印象,印證了美味可一更可再!而一眾同宴的友人亦同樣給予高度讚好!…查看更多

近期蒸氣火鍋愈開愈多間, 係朋友介紹下終於試左第一次食呢樣野~由於時間尚早, 佢比左張卡位比我地兩個坐~非常闊落睇完之後再考慮埋兩人食量, 我地叫左兩個498 B 餐~ 順手like 埋佢地fb 拎多十隻蜆落完單等食物就出去拎醬料, 真係估佢唔到咁多款! 基本上火鍋常唔常見既都有提供, 任君選擇準備好晒等多陣終於有食物盤龍蝦同蟹仲會輕微移動下, 好生猛侍應幫我地放左d 蜆同蛤入去蒸, 再禁左幾分鐘既timer, 夠鐘就開蓋分蜆聖子皇好大條, d 汁其實係少少燈籠椒味既醬, 加埋底既粉絲非常match扇貝好新鮮, 黑松露醬好濃好大舊我唔想佢搶晒扇貝既鮮味分左一半同粉絲一齊食重頭戲南非龍蝦食到呢度放入去果陣仲識郁下, 真係好新鮮肉身鮮嫩, 就咁食都好鮮味肉都好多冇呃秤一開始見佢每人兩片覺得份量少左d不過真係好重牛味又嫩加上都唔係薄切, 絕對係令你想再食既高質牛肉侍應開始時問左我地要咩菜, 我就揀左娃娃菜, 佢加左台式肉燥黎蒸, 菜鮮之餘會有d 肉香, 調味一流最後一味...係蒸所有野前就放係底先既大豬骨, 南瓜同埋粥煲左咁耐, 加埋之前蒸海鮮既精華, 呢鍋粥真係鮮味到難以形容南瓜食落令成個粥冇咁油膩, 豬骨d 味就煲到出晒黎, 好正總括黎講, 以呢個價錢食到咁多新鮮海鮮, 又全程有人服侍你蒸食物及分配好, 絕對對得住個價…查看更多

邊爐就打得多，蒸氣火鍋就真係少試店內地方闊落，坐得好舒服醬料款類好多，任意調配海鮮款類繁多，可以散叫，亦有套餐選擇，同朋友一齊揀B餐海鮮份量唔多，但每款都好大隻呢間店特別之處係侍應會幫你蒸、計時同上菜👍🏻貝殼類海鮮有幾款，唔識分但紅色果款就最鮮甜其他幾款貝類海鮮都好好食連埋本身啲汁一齊食簡直原汁原味大大隻元貝配上黑松露黑松露味唔會蓋過元貝嘅鮮味芝士同金菇本來就係絕配，但反而襟左蜆肉嘅鮮味龍蝦啲蝦膏多到出曬黎，望住佢都流曬口水蒸完啲肉質好爽口花蟹仔雖然細細隻，但蟹膏又多又鮮雪花和牛啲脂肪分佈得好靚因為本身喜愛生少少嘅牛，店員計時早少少就自行上菜冰菜蒸完望落好似有層冰膜包住因為冰菜本身無乜味，配上咸咸地嘅肉碎入口都唔錯係facebook打卡有海黃蜆送由生米、南瓜、豬骨，加埋海鮮一直蒸出黎流落粥底嘅精華，配上蔥同埋菜脯，味道好豐富呢餐蒸海鮮雖然份量較少，未必食得飽，不過食到原汁原味嘅海鮮真係抵返曬！最後仲有飯後生果送!…查看更多

近年大行其道嘅蒸氣鍋，小弟唔算食得多，皆因食蒸氣鍋以品嚐食物嘅鮮味為主，所以，一間店食材嘅優劣就成為成敗關鍵。早前同食友飯聚，就聽佢猛讚依一間「水上人」，仲標以正宗，今晚就嚟到一探究竟喺咪好似食友所講咁正 。門口仲架起名廚「周中推介」，不過，好搞笑，佢推介唔喺有咩正嘢食，而喺唔同嘅優惠時段，果然鬼馬！踏進餐廳，一室裝修以竹作為主題，雅致不庸俗，加上樓底高，枱櫈安排唔太逼，所以，感覺闊落舒服。尤其4人卡位，絕對無逼逼夾夾嘅感覺，枱嘅長闊都比一般大 :) 。正如上文所講，食材嘅質素好重要，當睇到偌大嘅魚缸，放滿唔同種類、生生猛猛嘅海鮮，會唔會令你信心大增呢？此外，魚缸旁掛上兩塊大黑板，正正就喺是日時令揀手海鮮，明碼實價，童叟無欺。食海鮮，比起散點，叫套餐就易圍數。嚟之前都睇過人家嘅食評做參考，所以，心裡有數。餐牌一面喺散點食材，另一面就喺唔同級別嘅套餐（全部兩位起），我哋就揀個中價位（$398 / 位）嘅B餐 。影埋個酒水牌，俾大家有個參考。不過，一如好多中菜館，既收花生（每碟$10），又收茶介醬油（每位$28），仲有加一服務費依等傳統巧取嘅收費。老實講，花生都算喇，但茶介醬油就自覺有啲多餘，嚟得食蒸鍋都會叫嘢飲，再者，蒸海鮮以嚐原味為主，唔應該太倚賴太多醬油提鮮，所以，我俾嘅醬油費真喺白蝕俾佢呀。坐定定等食，因為，近乎每蒸一樣食材，都有店員幫忙。不過，食過蒸鍋嘅朋友都知，例牌附送粥底，所以，最先送嚟嘅喺做粥底嘅白米同雞件。 胭脂蚌 每人有3隻，大細不一，我等外行人，睇外觀跟平常嘅蜆隻無咩分別，但蒸熟之後，你就明白何解叫「胭脂」喇。感覺有啲似北寄貝，尖尖一角帶粉紅。先試一隻乜都唔好點，肉質爽口清甜，最緊要半粒沙都無。之後再試一隻沾丁點豉油，鮮味更能突顯。 白汁貴妃蚌 我估師傅都喺想俾客人有啲新意，唔好樣樣都咁寡，所以，墊啲金菇碎之餘，仲搞啲創意鋪上白汁。還好個白汁唔算太濃，無搶走蚌本身嘅鮮味，但點都影響咗少少，倒不少簡簡單單加少少白酒落去，做成一道白酒蒸貴妃蚌，唔知效果會唔會仲好啲。 象拔蚌仔 店員話食依個象拔蚌仔唔使蒸好耐，嘩！真咪睇住佢冚番頂「草帽」，轉頭就話食得，蒸得嗰半分鐘左右。蚌仔已切成細條，個樣好似未熟咁款，真喺信個店員話OK就OK，入口有種好似食緊刺身嘅感覺，清新爽甜，又幾好喎。 奄仔蟹 奄仔蟹雖然細細隻，但勝在肉鮮膏香，稱之爆膏都不為過，當然，每人得半隻確喺唔夠喉啦，但高膽固醇嘅嘢少食多滋味嘛！ 波士頓龍蝦 是晚海鮮嘅亮點卒之登場，聽講近年波士頓龍蝦因產量豐而價位抵食咗，所以，比往常隨處都有佢蹤影。將蝦身、蝦鉗一次過拆完肉先食，份外過癮，尤其隻鉗，拆咗真喺大大嚿蝦肉。肉質確喺爽口彈牙，鮮甜無比，同樣，沾丁點豉油，已足夠提鮮，不得不讚啲料夠新鮮。 雪花和牛 食咗幾道海鮮食材，輪到紅肉登場，咪以為蒸和牛喺咩新奇事，早兩年已經曾晌西環嘅季和日本料理試過和牛蒸籠料理，仲喺飛驒和牛。今趟嘅蒸和牛，睇落質素不俗，單睇啲雪花紋，真喺分布得頗平均而細密，非常對辦，每位客人有二兩，裁出嚟人人有兩大片。原籠放入爐內蒸大概5分鐘左右，成品跟普通牛肉無異，但入口軟腍富油香，綿綿油潤，就算未喺入口即化，都可以講喺嫩滑無渣。 怪味禾豚肉 明明唔見套餐有包，問個究竟，原來喺推廣「加餸」，一籠有8塊，每塊都加上一抹秘醬，少少意外驚喜。豚肉需要蒸耐少少，不過，都好快有得食。將豚肉捲起一啖放入口，肉質蒸得啱啱好，挺鬆軟，一股「怪味」有啲似沙茶醬，再問店員原本來喺一啲帶新疆風味嘅醬料，又真喺幾得意。 金蒜蒸勝瓜 套裝所包嘅蔬菜就只有勝瓜，是種不過不失嘅取材。整個餐只得一款蔬菜，略嫌單調，但最大問題喺勝瓜唔喺人人都啱食，如果有多一兩款蔬菜俾客人揀，就人性化好多。 霸王西施粥 所有「蒸氣」食材都食完晒，就喺輪到食粥時，佢哋啲精華落晒入粥，再加入雞件，個粥唔鮮甜都幾咁難。原來個粥都唔喺就咁滾完就算，按個人喜好後加蔥花、榨菜及芫茜，增添香氣，但最欣賞喺再混入一碗炸米花，立時個粥綿滑得嚟，又有份脆脆口感，好食到飽上頸都要食多一碗。 西瓜如一般中菜館咁，以西瓜作為飯後果（成本平吖嘛），無咩特別，只算為點點心意，當然，食完咁多熱嘢，片片西瓜可以帶嚟陣陣涼意。整體而言，食得出用料新鮮，份量亦啱啱好，不過，始終一如好多中菜館嘅漏習咁，收費多多，好似$398嘅套餐，只喺加多罐汽水，埋單每人要近成$500，可是，依個做法相信都無乜中菜館會願意打破（註：稻香系嘅酒家好多都唔收依等雜費，但一段時間無幫襯，唔知仲喺唔喺咁）！…查看更多

蒸氣海鮮對我來說不是新鮮事，但媽媽卻是第一次試。母親節嘛，媽媽比平日更有 bargaining power，她說吃什麼都要奉陪。自從教懂了她用 whatsapp，可以足不出戶的她多了個資訊渠道，某師奶某天見到些什麼優惠、孩兒們帶她到哪裡威，媽都知道。望梅不能止渴，況且難得媽有指定的店要試，值得去馬。女人很煩（包括我自己），就算不好吃，只要是她提議的，都不會抱怨，不會為2016年的母親節蒙上污點嘛。要碎碎念，可以維持一年之久，要「贖罪」也只好等下年…因為母親節，這餐廳也像酒家般推出一席和半席的套餐，但我們仨就連半席都成不了，幸好還可以單點。與其到酒家被迫吃套餐和被催還枱，到這裡吃多少叫多少還不賴。從店方的facebook 專頁得知，非節日是有兩位起的ABC餐，分別是$298、$398和$498的價位。我們這餐每人消費$400，吃得飽飽的，在平日的套餐價之內，但基於是做節日子，我覺得算是賺了，至少是坐得久不用被趕。座無虛席，哪裡的服務在大時大節都會打個折扣，有時少不免要自己揭蓋。這店是意想不到的大，連地下共有三層，最高的二樓是設有VIP 房。位於旺角頗中心的地帶，只是雅蘭對落的第二條街，位置不難找。雖然這條街有點雜，安全是不成問題的。看到了媽媽在手機裡給我看的相片中出現過的優惠圖片，按個讚送什麼什麼的。對精明的媽媽輩，看到圖片中的刺身是免費，就像看到酒家一蚊一隻雞那類推廣，不期然心動。這心態我明白的，未曾是師奶的我還是會有這師奶心態…我吃過潮福和金豪的蒸氣海鮮，以環境來說，這店是贏開巷的。絕高的樓底，光猛卻溫暖的燈光，格局脫離傳統酒家的俗套色彩，淺木牆和竹子配以垂燈，有點cafe 的影子吧？卡位和圓枱都有，頗為闊落。地下角落的魚缸把你拉回現實，對，這還是一家海鮮中餐廳。早已訂座，職員帶我們上一樓。有電梯，老人家進出都沒問題，樓梯都是整潔的，衛生不俗。一樓雖然樓底沒地下的高，仍維持著一定的空間感，幾乎每張枱都有人，但不會令空間變得氤氳瀰漫。畢竟是蒸食物而不是燒烤，沒有油煙的問題要搞定。三人這個四人坐都焯焯有餘的卡位，位置大得很，正期待著食物放滿桌的澎湃情景。再放不下，也會安排小櫃放在桌旁，擔心的是吃不下好了。這頂表面是籐的「草帽」鍋蓋相信並不是新事物，除了韓式的蒸氣海鮮鍋外，其餘的都是奉行這個樣式。相比疊得高高的那種海鮮鍋，這個是蒸什麼吃什麼，吃得慢就慢慢的把食材放進去。速度是自己控制，快慢由人，不用怕海鮮過熟而虎嚥。這單點餐牌救了我的荷包 - 餐牌的設計和其他的蒸氣海鮮店出入不大，簡直像個雙生兒…（但我不知老闆是誰）。除了海鮮項目，還有丸類、蔬菜、小食和刺身。大部分海鮮都是每兩計，我不懂分辨值不值，不過媽說不便宜嚕。有小部分是每隻計，例如下圖的阿拉斯加蟹和我所點的波士頓龍蝦。既然會送刺身拼盤，無需要點重複的，那就加3隻牡丹蝦刺身好了。蒸海鮮當然是吃鮮味，蘸一下醬油來豐富味道層次，也未嘗不可。加上茶芥醬油$38/位，沒理由不混個醬。 南瓜排骨珍珠米粥(細) $88家裡可以蒸海鮮，但一定弄不成這個吸收海鮮精華的粥底，沒有這套器具就不成事。職員說一份細的粥已經夠，但端來的只是一碗米、南瓜和排骨。看似很少，但到最後每人都吃上了兩至三碗。這客細粥真的夠2-4人吃。未蒸任何食材前，職員先把粥底材料放進底部的鍋裡，隨即在上面放上蒸隔，就可以起動了。 象拔蚌、刺身拼盤 (Like Facebook page 送) + 牡丹蝦 $78/隻只是彈指一動的氣力，卻換來這個像放題店內起勢叫刺身的拼盤。雖然$78/隻的牡丹蝦實在有點小，把$78 x 3 的價錢算進整個刺身盤上，還可以接受吧。牡丹蝦雖小，但其甘甜、富膠質感的肉質絕不欺場。蝦頭內的蝦膏相當香濃，媽說倒不如把蝦頭放進粥底裡，別浪費。拼盤內有象拔蚌、三文魚、八爪魚、希靈魚等刺身，全都十分新鮮。象拔蚌刺身實在不俗，爽脆滑嫩，原來單點每份要$388，送的份量都不算少，收貨有餘。 雪花和牛（細） $188和牛甚少吃蒸的，多是燒烤或是刺身。識食的一定是選較肥美的和牛，貪其豐腴且獨特的脂香。這客叫「雪花」和牛，其實不太「雪花」，脂肪紋理不算細密，未見有大理石花纹的模樣。誰知媽道出一句「幾好喎唔係好肥」，她收貨就好，我只是怕不太肥的和牛不夠香。這客細和牛有十塊，夠3-4人吃。餐牌上寫著蒸一分鐘便行，是餐牌內要求蒸得最快的一項。一分鐘令和牛片95%熟，如果可以80%熟就好了，但我相信餐牌不會寫上以秒來計算的所需時間（因為爐是以分鐘作單位去設定的）。和牛片的厚薄剛好，太薄會很易熟透和沒口感，這個來到剛剛好。蒸熟後，和牛的脂肪紋理更加不明顯；是我過慮，根本不費勁去嚼，沒什麼油脂的情況下仍是滑嫩無渣。肉味不俗，原來吃和牛都可以這樣健康的，犧牲一下脂香的慾望，未賞不是好事。 手打四寶丸12粒 $128排兩行、色彩斑斕（未蒸前）的手打丸狀甚美觀，四款丸每款三粒，我們三人吃就剛剛好。有墨魚丸、鮮蝦丸、豬肉丸、牛肉丸，四拼和單點某款丸的每粒丸價錢差不多，如果吃得完12粒丸，選四寶丸會試到更多，相對更划算。四款手打丸都是質素之作，特別喜歡有黑松露醬在上面的墨魚丸。無論是視覺或是味覺上，都能做到點綴的效果。加上墨魚丸不是粉粉那種假到不行的質感，黑松露醬更為這爽滑彈牙的質感添上一抹惹味的鹹鮮。 金蒜蒸勝瓜 $78到酒家必定會點個蔬菜，那就循例點了個蒸勝瓜。實在沒什麼手藝可言，但蒜粒滿滿的堆在嫩滑的勝瓜上，量多得很，本是平平無奇的勝瓜都變得惹味。特此一提，勝瓜的硬皮都給刨掉了，口感上滑溜非常，算是細心的做法。 波士頓龍蝦 $228龍蝦不算大隻，但上碟時還在動（前提是已經斬件了…），相當新鮮。在酒家常吃到的多數是套餐內的芝士焗波士頓龍蝦，赤裸裸的清蒸實屬少數。龍蝦肉是說不出的鮮甜和彈牙，果然是新鮮貨色，彌補了體型較小的缺憾。甚至不用蘸任何醬料，單獨吃已經鮮味澎湃。肉不難拆，三人來分吃都頗為足夠。吃完所有要蒸的食材，來個澱粉質作結。揭開蒸隔，便是剛才放了粥底食材，加上三隻牡丹蝦頭的南瓜排骨珍珠米粥。呈半透的奶白和淡黃之間，色澤像魚湯；南瓜粒近乎溶化，再沒有著跡的黃色方塊。由於只是吃上了個多小時，未夠時間把米粒煲得透，粥未夠綿滑稠細，又不至清湯寡水，仍能看到不太完整的飯粒。質感上是時間有限帶來的缺失，但無損載著的鮮味。難以言喻的鮮甜，原來蒸海鮮的水和鮮味真的可以留在蒸隔下的粥裡，比喻為「鮮味馬拉松」的話，就是最後逾線的衝刺位。南瓜和排骨或許貢獻過甜味，但相對海鮮的濃郁鮮味，實在及不上，因此呷的粥裡不太嚐到南瓜和排骨的味道了。不知道平時是否都不收切餅費，或是這根本不算是「蛋糕」，因為母親節，買來了Tony Wong 的小糕點，職員著我的叮囑下沒有把這細小的紙袋打側放，因為內裡的糕點完全沒有走樣！$400/人吃蒸氣海鮮算是平均價，足夠令我們仨都捧著肚子走。慶幸在大時大節不用被套餐斬得一頸血，能用平日的價錢吃到新鮮的食材，實在不俗。服務在節日稍遜，是情有可原的，未至於漏單錯單已經不錯，要小妹拿一下鍋蓋，就當是練臂力吧！…查看更多

自從興起了蒸海鮮, 打邊爐的習慣確實是改變了, 變得健康。什麼熱氣呀, 肥膩呀都不是問題。位於旺角朗豪坊對面, 地點方便的草帽蒸氣鍋, 約朋友打邊爐是挺方便。食店除樓底高, 原來還有樓上, 佔地頗大。 踏入食店, 一大個魚缸佔了一角落, 新鮮游水海鮮, 等一下就要吃了你喔! 裝潢頗有特式, 有別於一般著重食材的蒸海鮮店。之前試過食幾間蒸氣鍋都會選上粥底, 不過蒸過的海鮮和肉類精華通通都流下去, 感覺有點油膩, 所以是次沒選上粥底, 只嚐蒸海鮮的鮮味。點下海鮮後, 便到自助調味吧配搭自己心水的醬料。 選擇都很多, 基本的蔥花, 辣椒, 蒜蓉都有很多花款, 連重慶醬, 湖南醬都有, 雖未曾試過, 但亦沒膽量試, 因為看似很辣的模樣, 還是調配搭自己最喜歡, 最基本的蔥花辣椒蒜蓉豉油!茶介醬油每位$28, 放於檯上的一碟花生也要$10, 上菜前大家把花生不放過給吃光。鑽石蜆 $88/份先來蒸蜆, 不消幾分鐘, 草帽冒出煙來, 內裡的蜆已張開口了。 每隻蜆都很大隻飽滿, 蜆肉鮮甜彈牙, 沾上炸蒜蓉醬更鮮甜好味。蒜蓉蒸扇貝 $68/隻裙邊有小小韌, 扇貝肉大而厚, 鮮甜彈牙, 加上用蒜蓉蒸, 令味道更香更濃郁, 墊底的粉絲爽口, 與蒜蓉很配合, 好味!黃金汁蟶子 $48/隻平常蒸蟶子是用上蒜蓉及粉絲, 但食店的蒸蟶子唧上了橙色醬汁, 細味下原來是燈籠椒打成的蓉, 且帶有點點芝士味, 原來燈籠椒味跟蟶子也蠻合襯, 蟶子肉爽口鮮甜, 同樣放了粉絲墊底, 吸收精華。翡翠汁南非鮑魚 $68/隻鮑魚厚身大隻, 蒸過後中間有點韌, 其他位置則爽口彈牙。 鮑魚表面事先塗了香草醬, 這個配搭令味道有點奇怪, 或許鮑魚要沾上XO醬或炸蒜蓉會更能帶出鮮味。手打墨魚丸 $88/8粒用葉子墊底一行四粒的手打墨魚丸, 加了黑松露於表面同蒸, 墨魚丸本身很彈牙爽口, 但因為黑松露這食材味道太出眾, 墨魚丸給搶去了味道。雪花和牛 $188和牛雪花分佈頗為理想, 可惜蒸的時間過長了點, 令牛肉有點韌, 不過還可接受。 牛味不錯, 肉質鮮嫩, 可以彌補這少少缺陷。沒有澱粉質, 沒有濃味湯底, 只嚐海鮮的鮮味, 嘴巴和肚子同樣滿足。…查看更多

企鵝哥約埋一班企鵝友黎到食蒸氣火鍋，企鵝最中意就係食海上既生物，今鋪一齊食海鮮認真夠正呀！而水上人就成為左企鵝哥遊歷香港美食第五站。咦喂?乜人都冇?錯！係企鵝我同班企鵝友食得太夜，啲人已經閃走晒，所以個環境一條友都冇，未走前不知幾熱鬧，啲蒸氣飄到周圍都係加拿大象拔蚌刺身盤($388)因為我地人多，嗌象拔蚌既時候，個經理同我地講like&share水上人facebook再打卡，就會送我地個一刺身盤，有得食刺身緊係乜都制！多左盤刺身抵食左好多，仲多送左隻南非龍蝦，真係唔話得！象拔蚌肉質鮮甜爽口，其他刺身都好新鮮，like！評分味道：7/10賣相：7/10抵食：7/10白汁貴妃蚌($42)以隻計黎講其實都幾貴，不過口感鮮味多汁，肉質都幾肥大，蒸氣過程keep到個味道，味道黎講唔錯，不過企鵝哥同企鵝真係要掙餐飽先食到。評分味道：7/10賣相：6/10抵食：5/10手打四寶丸($256)正常既四寶丸，包捨豬肉丸、牛肉丸、墨魚丸、蝦丸，因為我地企鵝勢眾所以一氣嗌左兩打，肉丸口感頗彈牙，每款都有佢獨特既味道，而企鵝哥既偏好係 蝦丸＞墨魚丸＞牛肉丸＞豬肉丸。評分味道：6/10賣相：5/10抵食：4/10雪花和牛($268)雖然企鵝整係對海鮮有興趣，但有啲企鵝友又話想食牛肉，簡直破晒介！蒸完之後係半生熟狀態，仍然有少少血紅色，但食落就係另一回事，和牛既雪花分佈平均，睇落去好靚，蒸熟後鎖住左和牛既肉汁，口感細嫩，牛味香濃。估唔到肉類對企鵝哥有咁大衝擊，可以用正黎形容！評分味道：8/10賣相：7/10抵食：6/10蒸氣火鍋黎講，依間都算唔錯，海鮮種類繁多，岩晒一班人同一家大細黎食，當然唔少得愛食海鮮既企鵝友，哈哈！企鵝哥遊歷香港美食報導完畢，多謝收睇！…查看更多

今晚有口福了 ，同朋友黎到旺角水上人食晚餐。呢度主打蒸氣煱，即叫即蒸，可以食到食材的原汁原味！ 餐廳裝潢舒適，有很多竹及木的元素好有自然感。而且有超多不同種類的醬料任你配搭，好正！ 今次叫了幾款不同類的食材來蒸，分別有海鮮、肉類、蔬菜......等，而且還叫了南瓜排骨珍珠米粥！ 係蒸之前，店員先將南瓜、排骨及珍珠米放入煱中，開始煮南瓜排骨珍珠米粥。然後先開始蒸特大元貝皇，而且係蒜蓉蒸。只需幾分鐘就蒸熟，打開蓋，香噴噴的蒜蓉味即刻衝出來。元貝啖啖肉，肉質好滑而且味道好甜，加埋蒜蓉認真惹味，連粉絲都吸收晒啲味道，超好食！ 而細象拔蚌仔蒸完後非常鮮甜美味，肉質仲爽口彈牙！ 跟住係黃金汁紐西蘭蟶子皇。蟶子超大隻，而且肉質好爽甜。加埋黃金汁，味道辣辣地令蟶子變得更惹味，啲粉絲撈黃金汁超好食！ :) 至於呢個翡翠汁南非五頭鮑魚，肉質爽口，而且厚身，咬落口感一流，仲帶淡淡的香草味！ 手打四寶丸包括有墨魚丸、鮮蝦丸、豬肉丸及牛肉丸，款款都好爽口彈牙，而且味道鮮美，好真材實料！ 雪花和牛一片片薄切放係蒸煱上蒸，啱啱一口一片。而且和牛脂肪分佈得好平均，所以入口肉質好嫩滑，滿口香濃的肉味！ 金銀滿屋係由薯仔、南瓜及粟米組成，蒸的時間剛剛，所以味道好清甜，唔駛點醬都好好食，食到佢地本身的味道！ 最後就食埋一開頭就煮的南瓜排骨珍珠米粥，粥煮得好綿，而且吸收晒食材的精華，所以個粥的味道好清甜，今餐好豐富食得好滿足！…查看更多

BOOK左20:30, 個亞姐話都係要等架LA...然後話9:30後有折, 到時會打比我地架喇, 叫我地去行一陣!呀...好記得亞姐講一句 : [或者今次唔好食住搵下其他野食, 下次先再黎啦]我專登渣車出黎食 竟然咁講~ 我當然照等啦!等到9:35分都未有電話到 我地就返去問下, 點知原來已經有位~ 但亞姐冇CALL我地...或者太忙唔得閒......掛:(今日一心係想試海鮮既~ 第一次黎豪一豪佢, 哈哈哈!Menu入面有寫每樣食物要蒸幾耐～有個計時器係旁邊～一夠鐘就響！店員會幫手處理 幫手放落鍋 夠鐘就會幫我地夾出黎～完全唔洗自己郁有～好服務！第一味, 南非龍蝦, 哩個係特價, 係抵食既~肉質彈牙鮮甜~唔洗點醬汁都好好味~ 只需蒸6分鐘~第二味, 南非鮑魚~ 鮑魚上面既係翡翠汁, 甜甜地咁~蒸出來爽口, 唔會痴牙, 非常鮮味 ~ 只需蒸4分鐘~第三味, 黑松露蒸大元貝~哩個既黑松露汁非常出色 好重黑松露味~大元貝好鮮味!~只需蒸4分鐘~第四味, 海花竹蝦~好大隻, 有成6兩～好鮮甜既蝦味~ 多肉肥美~只需蒸4分鐘~第五味~特大花蟹~真心係大隻, 係好大隻tim, 2隻蟹鋼都大過我塊面~好似蒸8分鐘左右, 可能因為大隻，因menu寫蒸5分鐘~好多肉, 都係都新鮮, 鮮甜既~ 不過我地2個人食 真心貴左d,8百幾蚊一隻蟹~ 唔抵食~ 總括佢既海鮮係好新鮮既~全部唔洗點醬汁都好有鮮味~另外叫左雪花和牛~和牛只需蒸1分鐘～蒸出黎時係仲有血既店員話咁就啱啱好呀！食落去都唔錯 重牛味 唔會韌但就切到好薄身...唔太抵食！菜類叫左個金茸蒸勝瓜只需蒸5分鐘 好清甜~ 蒜味好正! 哩個雖然只係菜類~我覺得非常好味~ 唔會太硬或淋, 啱啱适中!最後係個粥底~一開始佢會放係個鍋底到, 到我地食完D粥就會熟了~我地ORDER左南瓜排骨珍珠米粥~ 不過我已經好飽~食左半碗已經收皮了~最後覺得哩間既食品非常唔錯~ 但真係貴左D~ 多人食會抵D, 可能我地只係2個人吧!只係有點不愉快既經驗~首先係門口亞姐~唔打比我既...... 明明有位~第二就係錯單~ 收左我2個粥底錢~ 唔CHECK單都唔知道呀!:(…查看更多