馬祖無限時台灣養生涮涮鍋

好耐無打邊爐,好想食肥牛呀🐮!今次揀咗有prime grade安格斯牛頸脊哥款~而極黑和牛肩脊肉因為無貨🐃,仲升級咗prime grade霜降牛小排俾我哋添😍!佢呢度嘅湯底好多選擇,當然要揀養生嘅藥膳雞湯底啦🐔~藥材味唔算濃,但有好多姬松茸🍄,而啲雞件都好嫩滑~肉類方面,除咗頭先講嘅兩款肉,仲有伊比利亞黑毛豬🐷同prime grade美國安格斯牛肉~不過試咗三款牛,最正真係霜降牛小排😋~油脂豐富,所以肉質比較軟身,而且牛肉味好香~其他火鍋配料都非常多,必食嘅係手打丸系列🍡,個墨魚丸好好食🦑~唔少得仲有鴨血,海鮮,響鈴同埋各式蔬菜🥬~飲品款式都好多,自家製嘅黑糖冬瓜檸檬茶都幾好味🍋~母親大人就喜歡佢個愛文芒果茉莉花茶🥭~佢仲好貼心有個熱飲櫃,我呢個咳咗成個星期嘅人真係好需要暖嘅飲品♨️!…查看更多

今日難得放假決定出嚟放縱一下，嚟到瓊華中心食呢間冇限時吃到飽火鍋放題：馬祖無限時台灣養生涮涮鍋湯底選擇多籮籮，今次要咗鴛鴦湯底，身為愛茜一族嘅，我叫咗一個爆漿熔岩芫荽豆腐鍋，另一個就叫我老婆最愛麻辣鴨血凍豆腐，芫茜鍋芫荽味濃郁，愛芫茜一族不容錯過，而麻辣鴨血鍋都好有驚喜，鴨血份量多，有種濃濃嘅台灣味，記憶中好少喺其他舖頭食到咁好食咁台味既鴨血鍋👍🏻👍🏻一入到去就俾佢個飲品櫃吸引咗，除咗平時嘅汽水之外，仲有佢自家製嘅飲品，誠意推薦佢嗰黑糖冬瓜檸檬茶同愛文芒果茉莉花茶，清甜解渴，配搭打邊爐，簡直一流今次叫咗Prime Grade 安格斯牛肉給無激素西班牙豬肉片餐，雖然係最平嗰餐，但一啲都唔失禮，肉味香濃👍🏻👍🏻👍🏻火鍋配料選擇多，除咗一般嘅火鍋配料，呢度仲有好多台灣特色配料，例如台灣腸、米血糕、花枝丸等，直程好似返咗台灣。佢仲有任食海鮮，包括聖子，花甲等等，大大粒好鮮甜，仲要係任叫😍😍佢個蟹棒好大條又好味，正👍🏻👍🏻另外，有個必叫食品就係shake shake 地瓜條，佢有四種shake shake 粉選擇，今次選擇咗紫菜同甘酶味，佢地瓜條份量一啲都唔失禮，地瓜量充足，淡淡地瓜肉，d shake shake 粉又唔會喧賓奪主，味道啱啱好，必叫👍🏻👍🏻另外，佢甜品仲有雪糕選擇，雪糕係movenpick 😍😍大家不容錯過👍🏻👍🏻成餐飯好食又抵，誠意推薦👍🏻👍🏻…查看更多

嚟到旺角 邊爐放題真係花多眼亂🫨咁都比我喺瓊華搵到一間正野-- 馬祖台灣養生涮涮鍋♨️有4款台灣養生涮涮鍋食到飽套餐揀我地要食緊係食最好😏♨️湯底選擇好多 有成十幾款我地試左個藥膳花膠雞涮涮鍋🐔非常足料 喺淥野食之前飲左幾啖 好有杞子帶出嘅甜味 又有雞肉嘅鮮味😋大家又可以按照個人口味加入唔同調味粉 咁體貼得唔得架😇後期加嘅湯都唔會好鹹 我幾中意啊😍🐮極上Prime Grade霜降牛小排呢個係最正 不斷encore肉質鮮嫩多汁 豐富脂肪分怖均勻 入口即溶同埋每一啖都有濃郁嘅牛肉味🐮Prime Grade安格斯牛呢款牛肉就每個餐都有質地柔軟 口感都唔錯架 (咁當然唔夠牛小排咁正啦😂)我自己中意配搭加左日式醋嘅醬料 可以解左個油膩感🐽西班牙伊比利亞黑毛豬我諗任食火鍋大家都唔多叫豬 但呢款豬真係唔叫唔得!!平時嘅豬肉質地緊實 但呢度竟然夠林又juicy入口即化好滿足味蕾👍🏻🐽西班牙無激素雞豬肉片呢種肉片鮮嫩多汁 口感細緻冇激素嘅使用使得肉質更加天然健康 令人放心唔單止食到飽嘅套餐超抵食 而且仲有好多新鮮嘅火鍋配料絕對可以滿足不同口味嘅食客除咗牛肉同豬肉 仲有海鮮如蝦🦐、蜆、黑松露墨魚滑🦑、帆立貝等等 真係應有盡有架飲品方面除左有平時罐裝/紙包飲品之外餐廳仲供應自家製嘅冷泡茶🧊🍵呢度嘅茶飲款式多樣 可以盡情飲 消暑又解渴推薦桂花烏龍同埋蜜香紅茶 👍🏻👍🏻食到尾唔好唔記得叫甜品啊 有movenpick等高汁雪糕架!!🍨🍦😛餐廳環境闊落舒適 服務態度友善 食材嘅質量都好高幾適合又想任食又想食到咁上下質素既朋友們🥰…查看更多

✨擔心會冇位，提前係openrice訂位，定14:30到店，實際到店後發現位置都幾多😂用餐環境好整潔舒適，餐位都比較寬闊，各位服務員態度都好友善👍✨7點半前離開，叫佐最平247/位的套餐廳，需要按原價收加一，但可以8折。➕48蚊點佐鴛鴦鍋，最後實際303/位。從2點半食到7點半，都差唔多5個鐘，個人覺得好抵🤗✨食品質素：全都肉質都好新鮮，蔬菜類好大一筐，飲品區種類多，醬料種類都多。特別值得表揚海蝦🦐，白鱔片🐟，安格斯牛肉🥩贈送的黃金地瓜條，甜糯又香脆👍👍👍✨每人有一位雪糕，仲有好多款式可以揀！✨如果同我地一樣，食午餐下午茶直落晚餐，哩間餐廳真的值得幫襯！…查看更多

呢排好有打邊爐 mood, 搵吓搵吓就見到 ❥⧽ 馬祖無限時台灣養生涮涮鍋 ❥⧽, 所以就去試試喇。餐廳好企理舒適, 有卡座位, 即使係普通座位都好闊落, 枱與枱之間有足夠距離, 感覺幾好。𓊈台灣養生涮涮鍋吃到飽套餐 ✧ Prime Grade 美國安格斯牛肉 ✧ 西班牙無激素豬肉片𓊉套餐最主要嘅分別係牛/ 豬嘅款式, 我地揀呢個餐就有一款牛及一款豬, 其他火鍋配料就完全一樣。呢度除咗醬料同飲品要出去拎之外, 其他嘢全部都係用 qr code 落單, 好方便, 啱曬我呢d 唔想行嚟行去嘅人。𓊈湯底 ✧ 藥膳沙茶牛肉涮涮鍋 ✧ 台灣麻辣牛肉涮涮鍋𓊉沙茶牛肉湯底好濃, 真係有濃濃嘅牛肉香味, 雖然係藥膳湯底, 但係唔會有太濃嘅藥材味, 健康得嚟又好食。麻辣牛肉湯底同平時食嘅好唔同, 唔會得一層辣油, 麻香味十足, 好味! 加湯呢 part 我地懵盛盛, 以為要叫店員加, 原來枱側邊放咗 2 壺足料嘅湯底可以自由地加, 真係好方便。𓊈火鍋配料𓊉種類繁多, 有海鮮, 手工丸/ 餃, 肉, 內臟, 麵等等, 最欣賞係蔬菜嘅種類都好多, 連羽衣甘藍都有, 真係好正。𓊈自家製 Shake Shake 黃金地瓜條𓊉呢個黃金地瓜條真係必食, 脆卜卜, 裡面好軟熟, 甜甜地, 配埋唔同嘅 Shake Shake 粉一齊食真係好特別。𓊈飲品 ✧ 愛文芒果茉莉花茶 ✧ 黑糖冬瓜檸檬茶 ✧ 冷泡日月潭蜜香紅茶 ✧ 冷泡桂花烏龍𓊉每一款嘅配搭都好特別, 有甜度十足嘅芒果茶同冬瓜茶, 又有純淨嘅紅茶同烏龍茶。另外, 呢度仲有熱嘅維他奶, 烏龍茶, 薑母茶等等供應, 真係好細心全面。✧✧ 呢個吃到飽套餐嘅 cp 值真係好高, 可以食到好飽, 而且店員們都好 nice, 好值得去食嘅一間涮涮鍋店呀!…查看更多