家嫂一家大小

這家店主打圍桌慢吃。入座先是小食圍盤，酸辣甜鹹一圈轉齊，花生、海蜇、海螺、炸雞翼、蝦多士、特色皮蛋各有角色。最吸睛是刺身船，三文魚、吞拿、帶子、赤貝與甜蝦排開，只上一次，但款式夠多，人人都能試到一片。之後上雞煲，可揀辣或不辣，我們要微辣。雞件啖啖肉，醬香下飯。然後上火鍋。鍋底用自家花膠老火湯，先舀一碗暖胃。海鮮盤隨後登場，也是只上一次：九節蝦、元貝、帶子、象拔蚌、花甲、鮑魚，還有魚片、墨魚，種類豐富。新鮮是亮點，輕汆即起，甜味清楚。配菜亦齊，肥牛、豚肉、手打丸、蔬菜逐樣落。店方備了三十多款醬料，從沙嗲到椒麻，各自調一碗，邊煮邊試，頗有樂趣。飲品有汽水、特調果茶、紅白酒任添，任點任吃無限時，坐到打烊不催客。整體節奏清晰：前菜暖場，刺身亮相，雞煲轉鍋，海鮮作結。若想和朋友慢慢聊天，又想吃得豐富，這裡是一席耐吃的選擇。…Read More

同一班朋友來食晚飯，預早book仲可以選擇坐房，雖然每位價錢略高，但不限時間，任飲任食，物有所值。點心小食任叫，飲品雪櫃任拎，火鍋料任叫任食。一開始來先來一艘刺身船，真係好誇張，由於我地人多，艘船好夠氣勢，擺滿了各樣刺身，包括三文魚、鯛魚、鮮蝦、北寄貝、海膽等 。再來一個雞煲，肉質非常嫩滑，湯汁好濃郁，其實都飽了一半。之後主角海鮮併盤就開始打邊爐，食材足料，鮑魚又大隻，有花蛤，蜆，肥牛，火鍋料亦都是任食任叫，個個食到大滿足離開。…Read More

家嫂一家大細真係無得輸的海鮮放題！ 今次第2次來了！ 上次2人來食唔到刺身船，總是有種遺憾！ 我話過下次黎一定要5人或以上黎。 今次我終於集齊6人黎食啦！ 真係無失望！ 人均：$428加一 (我見有人post $388, 我估係平日。 我地係星期日食)時間：17:00-22:00 （幾時入座都一樣價錢）無限時架！ 呢個係我其中一個鐘意佢既地方！ 一班人打邊爐如果有限時就好唔盡興啦！ 呢度你想吹幾耐都得。 ^^呢度有專lift 上黎架..一坐店員就介紹今晚點食法，好有禮。 服務好！ 店員知我要等其他家人，就話幫我先上幾碟小食，食住等。 小食可任叫的。 個人至愛皮蛋, 有少少花椒味但唔辣，炸蝦多士、炸黑糖都好好味。 但真係食唔到多。 因為仲有後面海量既野要食。 好！ 人齊啦！ 我最期待的主角出場啦！ 要2人先枱到出黎既刺身船！ 家人個個都「嘩嘩」聲！ 唔打咭又點得呢？ D 刺身又新鮮、賣相又靚！ 真係影相都有排影。 成盒海膽配埋盒紫菜俾你！ 有3隻凍蟹 、3隻鮑魚 (鮑魚煮得剛剛好)。 當然唔少得刺身啦！ 包括帆立貝、甜蝦、八爪魚、三文魚、北寄貝、仲有一碟唔知咩名既魚。 刺身船內既食物就無得加既。 這是唯一一樣野無得加既。 食完刺身咁就到雞煲啦... 雞煲可選辣度，雞可以再加！但我地係細食人，所以反而係叫店員俾4人份我地就好啦。 雞煲都幾香，雞煲內有豬皮、雞及蜆，但我地口味本身比較淡，所以覺得有點過咸。 最後四人份都食唔晒。  大家記住食完雞煲去左打邊爐就唔可以反轉頭加雞煲架。 所以食夠雞煲先好叫店員轉打邊爐。 在等打邊爐時大家就再出去自助區選飲品啦..... 真係超多野飲，佢地D 自家制茶飲、果汁真係超多又好味，又唔太甜。 如果唔鐘意茶飲, 仲可以選可樂、波子汽水、包裝烏龍茶。 鐘意熱飲既都有選擇。 其實仲有4-5款雪條，雪條都好味。 拎完飲品返到位就見到火鍋來了！ 那個煲真係好靚！ 未試過用咁靚既煲黎打邊爐。 我地今次留左個消暑冬瓜湯底。 嘩！ 無諗過咁靚既！無駛加$架... 冬瓜中間有小瑤柱、鮑魚等... D 冬瓜打邊爐到後段真係超好味！ 吸晒D 日月精華！ 講下D 食材先... 有蠔 (有鮮味、飽滿！) 、鮑魚煮3.5分鐘剛剛好、蝦 (好彈牙又鮮味)、花膠、大大貴妃蚌、蜆、大大珊瑚蚌、肥牛、魚皮、響玲、手打丸、腐竹等等.. 全部野都可任叫。 但我地細食.. 最後只加了肉蟹及蝦。 全部都好新鮮好味！最後每人都飲左碗個湯底，正！ 好鮮甜！  坐到9:30pm, 有蕃薯糖水架。 不過No Thanks 啦... 太飽了！ ^^差點漏左.... 大家會見到呢架車全場走架。 原來仲有任飲紅、白、SAKE。 0岩晒喜歡飲酒的我！ hahaha下次會再黎！ …Read More

今日成班同事約埋去打邊爐，某個同事食過所以帶我哋嚟試下。呢個任飲任食火鍋性價比超值，真係好推薦。我哋6:30 就到咗餐廳，人未到齊前，餐廳會有5款小食，比我哋食住先，有蝦多士、皮蛋、花生、紅糖茲粑等。就算係餐前小食，家嫂都唔會馬虎。齊晒所有人之後，首先會有一隻超大的刺生盛宴船出現，呢隻船超誇張，第一次見，好驚喜。刺生非常新鮮鮮甜，而且份量足夠每個人都食到。另外我哋額外加咗2隻象拔蚌，都唔錯。之後食完刺生就會上雞煲，可以無限加雞岩哂大胃友。最後就係重點食火鍋，主要有海鮮，肥牛，豚肉，基本上火鍋必有的食物都有，超多選擇。而且仲係任食。仲有自制嘅足料飲品，超多選擇。…Read More

呢間放題真係不得了，佢上菜係有次序，一開始佢上左6款前菜，分別係黑糖糍粑、紫薑皮蛋、白酒煮蜆、螺肉沙律、炸翠玉瓜同炸蝦多士，所有前菜都係任食同埋全部都好好味!食完個前菜，佢上左隻長過張枱既刺身船，上面有帶子、大蝦、凍蟹、八爪魚、北寄背、鮑魚、吞拿魚同仲有一款唔知咩魚~ 樣樣野都好新鮮。食完個刺身船佢就上雞煲，雞煲勁入味好滑，仲好多料，侍應姐姐話唔夠雞可以再加。食完雞煲就打邊爐，佢仲有幾款湯底揀，我地揀左花膠老火湯，不過打邊爐食既野都係佢set左, 係任食既, 佢會一次過上哂，然後你仲追加邊樣就叫邊樣，邊爐嗰張相入面既食物係未齊既，佢仲有手打丸、蟹、同埋好似仲有，多到我都唔記得, haha~ 個籠入面係魚皮。本來大家都嗌好飽，但因為個湯底好多海鮮好甜，我地最後叫左2份烏冬都搶哂，可惜公仔麵無哂, 如果唔係仲正! 火鍋料全部朋友一致認為蠔、魚肚同餃最好食!訂位既朋友訂位時order左4個雪燕燉椰皇，每個$32好抵。食完飯仲有蕃薯糖水~另外餐廳門口右手邊有個飲品醬料區，4大個雪櫃野飲任飲, 仲有大部分野飲都唔係盒裝/罐裝勁有heart, 除左凍飲仲有熱水/ 熱既好似紅棗茶。仲有雪櫃入面有3款雪條任食。呀佢白酒紅油都係任飲，不過係會有職員推架車埋黎問你飲咩酒，一晚會行黎3次~ 呢間餐廳真係好值得encore!…Read More

📌 家嫂一家大小 - 尖沙咀堪富利士道8號格蘭中心3樓🗓(20/8) 星期六 ⏰ 中午12:45左右 💈特式：今朝睇Youtube見到有人介紹呢間店，睇片覺得d食材好高質抵食，就決定即時自費去幫大家實測下。去到因為冇book位，當時又full晒，正想離開之際職員剛剛收到電話有人cancel booking，所以我就順利入座了✌🏻。🥩🍔🌭🌮🥗🥯🥘🍲🍝🍣🥟🍤🍱食物：間舖本身有火鍋任食同點心任食，今次就先試左火鍋任食先，佢地係會跟住一個流程咁上菜，首先係小食>刺身>炸物>雞煲>海鮮火鍋，除咗刺身係一次性，其他野都係無限任食，實証過真係樣樣野都好好食，等我逐一講吓味道先......(一次性)刺身拼盤🐟🦐 - 刺身佢只係一次性，真係可惜，因為佢d刺身質素絕對蠃晒香港大部份日式放題店成條街；粒元貝刺身厚到成舊麥樂雞咁，仲要甜到一個點；甜蝦/三文魚/北寄貝都係高水準；吞拿魚腩油脂好足，不過美中不足就有少少筋；另外唔知點解仲有個蕃茄🍅刺身???(任食)小食/炸物 - 包括有皮蛋/螺肉沙律/清酒煮蜆/炸蝦多士/紅糖糍粑/炸唔知咩蔬菜，除咗個炸唔知咩蔬菜係普通d之外，其他野都超高質，直頭有高級餐廳/酒店咁嘅級數，呢度唔逐一講喇，你地自己去試啦......(任食)雞煲🐔 - 佢個雞煲雖然就唔算好高質，但都係合格以上，佢個雞煲入面會有埋蜆同豬皮，d蜆大隻又無沙仲要索晒d雞煲醬，勁好味；豬皮就煮得夠淋又索汁。(任食)海鮮🦐🦀🦑拼盤/火鍋配料 - 湯底叫咗個魚湯鍋，一啲都唔腥仲有好重海鮮味，入面本身仲有好多魚肚，食到最尾索晒魚湯，勁正。另外佢個海鮮拼盤都係任食，我無講錯/你無聽錯，佢包括鮑魚/生蠔/珊瑚蚌/鮮蝦/大蜆都係任追加；另外佢仲有其他火鍋配料，包括牛肉🐮/手打丸/水餃/黑白腐竹/炸魚皮都可以任食，但質素就已經比海鮮比下去了。☕️🍵🥤🧋🍺🍷🥃🍹🧉🍾🍶🥛飲品 - 飲品佢有自家製嘅角色特飲同涼茶，仲有其他罐裝飲品，同紅白酒任飲。我就淨係試咗佢大部份嘅自家製特飲，講真，好多都怪怪的，一陣藥材味，係竹蔗茅根比較正常d。🍽環境：餐廳環境好大好舒服，睇落好新淨企理，枱與枱之間空間好大，張凳係類似梳化咁嘅凳，坐幾耐都係咁舒服，直頭坐到唔願走。🤵🏻🤵🏻‍♀️🤵🏻‍♂️服務：職員服務好好，好有禮貌去介紹個餐牌，上菜收碟速度好快，加水碗碟等等都自動自覺，服務仲好過好多酒店西餐廳。💰💸價錢：2個人total $612埋單，看似唔係好平，但你計返食物嘅質素/份量/環境/服務，我反而覺得好抵食，起碼好過去食一d酒店自助餐食到一肚氣，仲要貴過呢個價。🐲💬總結：我肯定我會再嚟幫襯，同埋應該會介紹朋友嚟食好野，我仲見到佢有好多好靚嘅包廂，我就即刻就諗起我個好兄弟就嚟生日，就安排嚟呢度再食一次啦。推薦指數：❤️❤️❤️❤️❤️…Read More

第一次光顧家嫂，形式類似倫哥私房菜，都有刺身、雞煲和打邊爐,大部分都可追加，不過唔追加都已非常飽。而且服務非常慇勤，經常問駛唔駛換碟。晚餐價錢仲包埋house wine 任飲。諗住平價野實唔好飲，點知又唔差！都有medium body, fruity,唔澀。仲成日推住架酒車幫人添酒。飲品選擇好有驚喜，有台式鮮果茶，飲品選擇精緻又多款，唔會淨得罐裝飲品，女仔應該會好開心。刺身拼盤-都好有驚喜，擺盤靚刺身又新鮮，仲有海膽刺身，唔差㗎喎！六小碟-樣樣都幾好食跟住到雞煲（無限追加），我覺得普通，唔夠倫哥惹味，無需要添吃。倫哥個雞煲係明知頂住個肚都會想添吃！打邊爐- 因為係即興訂枱，所以試唔到特別湯底。特別湯底要預訂，建議可早一日打來預訂湯底。今次試個花膠老火湯底，先飲湯，再加湯打邊爐。（已經飽飽地）上火鍋時已有海鮮拼盤，蝦同蟹都好新鮮，仲有蟶子同鮑魚。隔離三層盒係：一層餃、一層手打丸、一層黑白枝竹（碟餃無乜點食，因為好飽）手打丸好新鮮，出去食都要差不多一百元一碟。黑色枝竹好特別，食落就同普通枝竹差不多。仲有一碟肥牛、青菜和炸魚皮。仲有甜品：黑糯米雪條/香芋雪條食完剛好十點，收工。捧住個肚走。…Read More