小炒皇 (已結業)

夜晚行到佐敦，知道有間好出名的小炒皇一直想試，但次次都冇去食，所以的起心肝一試佢地的招牌小菜。首先，我叫左碟鮑魚煎多士，隻鮑魚不但爽滑，而且入口彈牙，相信係用上南非上等鮑魚，最特別之處就係那塊細小的多士，師傅煎得不但不油膩，而且配上鮑魚醬汁，令到平平無奇的一塊小麵包，變成主角一樣，口感十分絕頂。之後，就叫左蟹肉壤蟹蓋，聽講係用上足足一隻蟹拆肉製成，師傅用上白汁，磨菇，西芹粒，紅蘿蔔粒，所以食落有著田園的氣息，加上再在蟹蓋面上放上芝士焗製，所以芝味濃香，再配上蟹肉鮮味，梗值係絕配。再者，我叫了一碟薑蔥海參絲，特別之處係師傅將這整條海參切絲製作，所以入口猶如食海折一樣，爽口彈牙，加上薑絲同紅椒絲，辣中帶甘，令到無味的海參即時加添色彩。最後，不得不提那個鐵板黑椒豬手，我的目光都俾上菜時嚇一嚇，因為除了聞到很濃的黑椒味外，隻豬手十分寵大，相信要四人才可把整隻豬手吃掉，豬手用上德國入口的大豬手，不但肉質鮮嫩，而且脂肪很少，所以食落就如食瘦肉一樣，加上大量的黑椒汁，令咸香的豬手味帶出。總括來說，小炒到處都有，但講到水準這店可說是上等，下次有機會再一試其他海鮮菜色。

星期一Green Monday, 放工後相約友人去食飯傾下計, 今次我地決定轉轉口味, 改為食中菜小炒, 去了位於山林道的小炒皇食飯.我地先點了脆口小食, 紅燒鮑魚多士.每塊多士上也放了一隻鮑魚, 賣相相當矜貴.鮑魚幾有咬口, 質感不俗, 味道調教適中.而多士夠香脆, 兩者幾夾, 雙重口感.再來是蟹肉釀蟹蓋.我本身都鍾意食蟹, 但要剝瞉就較為麻煩, 這個已經拆好蟹肉, 非常方便我這些懶人.食的時候仲熱辣辣, 蟹肉幾鮮美, 而且仲啖啖肉.話明是小炒皇, 當然要點一些惹味的菜式, 愛食濃味的我, 見到鐵板黑椒豬手就決定要試一試.上枱時已被豬手的SIZE嚇親, 因為好大隻, 比平日食的豬手大, 而且以鐵板上枱, 聽到咋咋聲, 特別吸引.豬手只需要用刀輕輕切開, 已經骨肉分離.我第一時間食豬手皮, 皮相當鬆軟, 又夠滑身, 入口軟棉棉感覺好正, 這是我最鍾意食的質感.豬手肉也夠腍身, 完全不會乾身和硬, 入口多了一份黑椒味, 更惹味, 用來配白飯食一流, 但我地怕食唔晒, 所以無點白飯, 單食就覺得咸了一點.另外點了皇子一品雞附伊麵.用個爐上枱, 直到煮番滾便可以食. 除了雞外, 配料也相當豐

今晚相約老友於山林道搵食日本菜 酒吧 韓燒 放題 任君選擇偏偏我地㨂左小炒皇 錯誤的決定⋯ 時間尚早 唔算多人 㨂左兩款小食作前菜 鮑魚多士 炸到金黃香脆嘅多士配上原隻鮑魚仔 賣相非常吸引 配埋鮑汁應該無得輸點知一入口 把口"浪"過油⋯多士中的油全部一下子爆發⋯😑 蟹肉釀蟹蓋 um...有蟹味但亦附近了蟹殻😪 鐵板黑椒豬手 太重口味 咸到有點難入口...唔計咸味的話 豬手係彈牙有咬口的 最後叫左皇子一品雞 全晚最好食嘅一款菜色雞肉嫩滑 醬汁味道適中 附送嘅伊麵亦爽口👍🏼 總結 有點失望 ⋯

同家人一行四人食中菜，一來家人喜歡中菜，二來份量比較大份實夠飽。當日落大雨，人流唔算多，可以坐得舒服一點，而且不會太嘈。叫了個一品鍋，還有點海鮮類，肉類。但估唔到份量真的很大，很滿足。紅燒鮑魚多士 （$148/6件）的骰美觀，每人一件剛剛好。鮑魚與多士組合，中西合璧。鮑汁濃度剛好，唔會過咸過杰身，掛上鮑魚上閃令令。鮑魚肉質彈牙易咬，而且都幾厚身。多士薄薄地，炸得好脆卜卜，口感一脆一彈好有對比。配上鮑汁更美味。蟹肉釀蟹蓋 （$ 68 /隻）原本想每人件，但怕膩就一齊分享。一上枱超熱，岩岩焗起所以散發出來香味更誘人。面層既芝士焗得好香，唔使自己拆就可以食到啖啖蟹肉。好creamy好滑，食完有少少膩。皇子一品雞 （半隻）$168一品鍋好大，半隻雞都迫迫地一鍋。除左有雞肉，仲有海參、竹笙、元貝仔。先試左個汁，幾濃味又唔會過咸。呢款雞鍋味道溫和，男女老少都岩食，唔會好似雞煲個款甘辣。海參比較薄身，但都好爽口。竹笙吸哂雞汁好好味。大大鍋熱住上，原來仲有個伊麵。可以食完雞先放個麵落去。試完幾件雞，我地就心急地落埋伊麵，個麵吸盡雞汁好濃味。雞肉肉質嫩滑，而且d肉好易離骨，食得好方便，唔做死咬難咬開d肉