Shine

▫SHINE Burger (HKD 168)🍔🚩鎮店漢堡賣相好吸引😻上面有2個特大洋蔥圈 紫洋蔥炸到好香脆甜甜地😋 Burger有芝士🧀/煙肉🥓/牛肉扒/生菜🥗/蕃茄🍅 牛肉扒好厚身仲有少少粉紅色 食落有牛味 不過口感有D乾身 另外配既薯條都好多🍟 份糧十足 2個人都食唔哂⠀▫Charcoal chilled with melon king yellow mustard (HKD 298)🥩碳燒西冷order咗5成熟 不過一嚟到太生了🤔再反煎後大概6-7成熟 牛味濃郁✨酸瓜黃芥醬好match 另外配菜薯蓉同蕃茄仔好好味👍🏻⠀▫️menu…查看更多

由於同男友工作都好忙，想搵一間地點方便而又寧靜舒適的餐廳享受一餐也不易，之前有同事介紹SHINE，一機會同男友食飯就book枱。未講食物之前，不得不讚員工服務👍🏼致電改時間、勤力斟水、order食物、上菜⋯⋯員工s都好友善同主動，令我感覺好舒服！本人好鍾意青瓜嘅清新味道，一望menu就揀咗呢杯奇異果青瓜乳酪😆侍應仲表示可以揀cream嘅份量(太貼心)，我呢杯係少cream😛象徵式健康D～ 超喜愛！男友就選擇了薄荷朱古力～食物方面叫咗1小食2主菜。小食叫咗黃金蟹餅，外面炸得鬆脆，切開看到蟹肉份量不少，配合菠蘿Salsa味道好夾！主菜我揀咗鎮店漢堡，果然出色👍🏼除咗份量大之外，味道都做得好好，男友都表示好少食到burger係冇油膩感！另一個主菜係慢煮啤酒浸豬架扒😋豬架扒份量唔少，加上啤酒泡沫味道幾特別，就連配菜都講究，薯蓉中有薯粒，口感大増～…查看更多

去開尖沙咀做野，順便晚飯，又唔想逼同等位，就揾下有無樓上餐廳，揾到喺尖沙咀地鐵出口行5 分鐘就到既太子大廈6樓既西餐廳SHINE!餐廳環境格調優雅，適合良朋共聚，三五知己摸下酒杯傾下計！餐牌選擇貴精不貴多，一個晚餐餐牌，一個餸菜餐牌，由頭盤到甜品，連素食又有都有供應！我哋今晚order左4 個菜，呢度既份量都大，足夠2 人share享用！首先嚟到有前菜有芒果甜蝦沙律，甜蝦大隻鮮甜，芒果配爽口沙律加埋油醋汁，酸酸甜甜，格外開胃！再嚟有秘醬麻辣手撕雞配脆鍋巴，估唔到手撕雞會配上兩隻大雞脾，我哋都非常驚喜！手撕雞做得嫩滑，配埋個香脆十足既鍋巴一稔一脆，口感十足！至於個秘醬有d似桂林辣椒醬咁，不過多左一重麻辣既味道！仲有兩隻雞脾比手撕雞肉更吸引，皮燒得焦香，肉就做得嫩滑！加埋個秘醬仲惹味！跟接嚟到既有墨汁意大利飯，鮮甜既墨汁鋪滿整個飯，加埋幾款不同既海鮮係確係滋味！最後要特別講下佢哋既鎮店漢堡！用料十足不在講，味道先係重點！漢堡扒生熟程度恰到好處，非常嫩滑，牛味十足，每啖都有好勁既肉汁流出！ 芝士再包住件煙肉，勁香口同惹味！加埋佢個酸酸甜甜醬汁，為個包增添左多重既口感！呢餐埋單$8 00 + ,作為一間由位置到食物份量到質素都不俗既餐廳，又頗為合理！我哋都食到揍住個肚走！…查看更多

約好耐冇見好姊妹食飯，姊妹推介SHINE，因為佢食過過好味又抵食。餐牌選擇繁多，有set menu 和散叫menu，我地決定散叫多點選擇：鎮店漢堡🍔（$168）漢堡配薯條好大份，相比其他西餐大一倍有多，中間配料亦一樣多，有牛肉漢堡，生菜，蕃茄，煙肉。漢堡包上串有兩大塊炸洋蔥圈🤤 。漢堡好juicy，薯條又大又脆烤豬肋骨配蜜糖薑汁醬油（$288）豬肋骨亦好大份，肉身夠稔，蜜汁味好香口，骨肉明顯分離，另配有薑汁醬油，可能蜜汁味太重，味道點汁後沒太大分別。總體SHINE食物分量夠大份，適合一大班人gathering黎叫多款野食，開心share，本來想叫甜品，但實在太飽，唯有下次再試。 環境都算有mood。但可能因為我得兩個人，被安排坐bar枱隔離兩人坐，對住廚房，離開餐廳全身好重油煙味…查看更多

今日下午出了尖沙咀北京道做美容療程，做完便相約朋友一起到附近吃個下午茶。還記得之前和朋友聚會，就在太子集團中心吃過一間西餐廳Shine，味道不錯，而且環境優雅。所以今次我就帶朋友上去Shine這裏一試。Shine位於太子集團中心6樓。下午兩時來到，人客不算多，環境清靜，加上午後陽光，氣氛感覺和諧。這裏有推出一些下午茶套餐，有沙律，全日早餐，番茄通粉等輕盈美食。不過我和朋友午餐都未吃，所以決定單點，品嚐它家的招牌菜式。脆香魷魚配蒜香蛋黃醬 $68魷魚炸得香脆，金黃色的，帶有些少椒鹽味道，很香口。魷魚很煙靭，有嚼勁，配上蒜香蛋黃醬，能減低熱氣感和增添鹹香口味。不過略嚴蛋黃醬少了一點，因為我太喜歡蘸醬汁了。鎮店漢堡＄168這個鎮店漢堡真是一個大驚喜，想不到份量如此多，完全足以兩個女孩子分享。漢堡高度猶如一把直尺，中間的配料有很多，分別有新鮮生菜，蕃茄，芝士，安格斯牛肉等等，上面更有一個炸洋蔥圈，不得了。安格斯牛肉點了七成熟，剛剛好把肉汁鎖住，吃得到很清晰的牛肉鮮味。沙律菜和番茄很新鮮，很爽脆，為漢堡帶來清爽和juicy感覺。炸洋蔥圈也很甜，因為選用了紫洋蔥，比普通洋蔥甜味加倍。薯條份量超級多，而且是粗薯，一定夠飽。薯條炸得香脆，薯味香濃，沾上番茄醬，很滋味。海鮮墨汁意大利飯 $188意大利飯很有口感，有嚼勁，粒粒分明，加上墨汁，帶有鹹香。海鮮分別有大蝦，帶子，魷魚等等，鮮味完全滲入意大利飯之中，怎會不好吃呢？大蝦爽口彈牙，很新鮮，配上軟綿綿的意大利飯，口感一流。Iced caffe mocha $42這杯摩卡不會很甜，反而咖啡味很濃，與上面的忌廉拌勻能帶點甜。最後二人下午茶埋單大約＄500，但坐了差不多兩小時。環境和食物都很出色，那個鎮店漢堡絕對值得一試。…查看更多

上次同屋企食過個龍蝦圓管粉，覺得質素同環境都幾好，今次就同男友去食！我地叫左一個set dinner，上次食無set dinner。<SET DINNER - Apple Pear Tea Soda>飲品先到，呢杯soda都幾清新，帶少少酸，飲落幾開胃，或者食飽飲都會幾舒服。<Iced Milk Chocolate，$44>賣相都幾靚，而且我好鍾意佢加左棉花糖同cream，個感覺好開心。至於杯朱古力都好飲，香濃得黎又唔膩。<SET DINNER - 水牛城香辣雞翼>呢個前菜係跟個set dinner既，估唔到都幾大份，有三隻雞翼。唔算好辣，但係好惹味，而且炸得好香脆，推介！<燒日本M4和牛薄切，$168>日本既M4和牛，都幾期待！有好香既和牛味，不過有啲根既位，就比較韌。<鎮店漢堡，$168>賣相好靚，份量都幾多。先食左個漢堡上既洋蔥圈，炸得好香脆。漢堡有好厚既牛肉之外，仲有煙肉！食落味道唔錯，不過略嫌鹹左啲。薯條份量好多，都炸得好香脆。<SET DINNER - 香煎鵝肝配AOP大蝦意大利粉，$288>呢個意粉我覺得幾特別，辣辣地好惹味。鵝肝同大蝦都唔錯。<SET DINNER - 是日甜品 - 咖啡奶凍>個奶凍整得好滑，咖啡味唔算好重，食落有淡淡既咖啡香，仲有奶既香。…查看更多

尖沙咀食肆多不勝數，餐廳已經不只是開在地鋪，現在各餐廳已經開在商廈內，太子集團中心就是整幢都是食肆，當晚走進一家環境陰暗，裝修迎合年輕人的Shine首先點一份田園沙律配橙香油醋汁，各種蔬菜加上香橙肉，非常fresh及清新，吃完有煥然一新的感覺燒澳洲M4和牛薄切，底層鋪滿火箭菜，主角和牛雖然薄切，但牛味幾濃郁，和牛邊輕輕燒過，有一點焦香的味道，半生熟的口感，兩者夾雜著一起吃，味道幾夾手工豬肉丸子伴溫泉蛋，兩大粒豬肉丸子，外層炸得好薄，從中間切開，並不是普通豬肉碎，吃下去是一絲絲豬肉，似咸豬手碎有點有黑椒，吃下去好香，最重要的是沾上溫泉蛋汁，極為美味看到隔壁點了一份漢堡有洋蔥圈，看餐牌是鎮店漢堡，當然點一份，大量粗薯條熱辣辣又香口，鎮店漢堡果然大份，點餐時店員已詢問需否分兩份，果然細心，漢堡的材料有煙肉/蕃茄/生菜/芝士，還有五成熟的牛漢堡，真的一啖都食唔晒甜品點了一份玫瑰蘋果金寶，吸晴甜品，上檯時甜品底層放了一些乾冰，甜品四周圍飄出白霧，非常仙，一塊塊切成薄片的青蘋果片砌成一朵玫瑰花形，加上旁邊的雲尼拿雪糕，令人一口接一口…查看更多

晚上又出旺角幫主子們購買糧草，順道吃晚飯，今晚特別想吃牛扒，因為好像一段時間沒吃過牛扒了，所以就來到Shine吃個情調晚餐⋯Shine的座位非常舒適，帶著浪漫氣氛，很適合情侶或三五知己談天說地⋯以西餐為主，價錢屬於中價⋯西餐的香口小食特別吸引，所以我們點了兩款小食，第一款是香草孜然單骨雞翼，將雞翼切開一點方便客人食用，香草味加脆脆雞皮份外可口﹗另一款小食是脆香魷魚配蒜香蛋黃醬，魷魚水份較多，所以外層相對變軟了，魷魚口感非常軟腍，長者也不怕吃不到啊﹗首次光顧當然要試試Shine的鎮店漢堡，我們選了7成熟，厚厚的漢堡，頂層還有炸洋蔥圈，一份鎮店漢堡已經非常有份量，漢堡扒雖然有些小乾身，但牛味頗濃⋯跟漢堡一起的粗身薯條也份量十足，薯條外脆，內裡薯肉粉嫩，男士吃這個餐也一定夠飽肚呢﹗燒安格斯肉眼扒配紅酒燒汁醃製入味，我們點了五成熟，牛肉味香濃，油脂甘香⋯肉質很Juicy，五成熟口感也不會覺生⋯Iced  Milk  Chocolate朱古力味濃，而且口感非常細滑⋯Yogurt-Mix  Berry非常醒胃，以新鮮雜梅製作，還有豐富果肉，健康又美味﹗店員都有禮，服務甚佳，值得再來啊﹗…查看更多

同朋友都係第一次黎，店內燈光柔、偏暗，天花吊著烏絲燈泡，環境都幾舒服，幾適合傾計。🍝極黑海膽意粉 $188朋友見到餐紙已心心眼，話一定要食！😂意粉上插左一支墨汁，令墨汁意粉上再加上墨汁變「極黑」。意粉口感軟硬度適中，墨魚汁味香濃突出。海膽入口綿滑甘甜，加上三文魚籽咸鮮味，令整體味道同口感都非常出色。🐂燒澳洲M4和牛薄切 $168之前其他地方食過一次薄切牛，印象味道口感都好差，但見朋友甘想食就試下。叫左5成熟，中間透紅熟度剛好，肉質軟淋。配上黑醋汁同薄片芝士，加上火箭菜墊底，比想像中好食好多。🍔鎮店漢堡 $168平時好少食漢堡，今次都係由朋友話事。漢堡大大份，頂層係兩個炸得酥脆既特大洋蔥圈，洋蔥味好香。之後到漢堡，麵包好鬆軟，入面有牛肉漢堡扒、煙肉、蕃茄、沙律菜同芝士。牛肉味濃郁，味道不錯但偏咸左少少，肉質較鬆散同熟左D。薯條分量多，可惜太乾身，口感普通。🍹Mix Berry Yogurt $58 走左上面層cream，奶昔莓味很重，入口酸酸甜甜好開胃，好飲之選。…查看更多

為食組組員向我報料話呢幢大廈有唔少餐廳, 呢間係其中一間食多國菜打開升降機門就望到餐廳內裏環境, 燈光昏暗, 裝修格局走型格路線, 係到用餐應該都唔錯侍應送上餐牌, 一張過唔駛揭下揭下, 食物種類包括餐湯, 小食, 沙律, 意粉, 肉類及甜品想同友人傾下計先開餐, 叫D小食就最岩數, 唔知由幾時開始, 單骨鷄翼係外面食店就踪影處處, 呢度既係以香草孜然作調味料而煮成既香草孜然單骨鷄翼 ($48), 上枱時已聞到香味, 熱辣辣入口, 食到孜然粉既獨有香味, 皮香肉嫩, 單骨令調味料更易入味, 食時又方便易食, 唔錯~食開香炸野, 一款又點夠數, 叫埋呢客脆香尤魚配蒜香蛋黃醬 ($68), 香噴噴上枱, 雪白尤魚披上一身金黃外衣, 尤魚質感較稔身, 唔太彈牙, 蒜香味唔太濃, 配上蛋黃醬增加層次及味道!食完一輪香口野, 又想食下D清新多汁"降熱氣", 呢客芒果甜蝦沙律 ($88)應該幫到手, 賣相吸引,紅橙黃綠顏色繽紛: 黃色代表 - 芒果味道酸甜; 紅色代表 - 鮮甜肥美甜蝦; 綠色代表 - 清爽沙律菜; 橙色代表 - 脆卜卜三文魚籽, 幾位代表都各有特色, 聚埋一齊又好夾喎!主菜類別有肉類, 但唔想咁heavy, 點左呢客卡邦尼意粉 ($128), 份量足夠2-3人分享, 意粉口感偏硬但岩我口味, 每條意粉都有醬汁包住, 加埋煙肉片及芝士碎增加香味!友人係漢堡控, 有得比佢點佢會不作他想試盡唔同食店出品既漢堡, 呢客名為鎮店漢堡 ($168), 就係"鎮店"呢兩個字觸動左佢既神經!  上枱時被佢既陣容有少少嚇親, 成隻手掌咁高既漢堡, 上面仲要串有炸洋䓤圈, 先食炸洋䓤圈, 然後到主角!  主角都幾有內涵, 上層有煙肉, 芝士, 中間有厚身漢堡(食落唔乾身同散), 下層有爆汁蕃茄同爽口生菜, 真係無辦法一口由頂咬到底, 即使唔可以一啖食晒所有料, 但都仍然覺得好滋味, 果然無負"鎮店"之名!食到咁飽, 見呢度既Drink List  選擇都唔少, 沙冰, 咖啡, 茶類, 特飲, 酒精類飲品都有, 梗要叫番返杯!叫左呢杯Apple Pear Tea Soda ($45), 有蘋果同梨既酸甜味, 加左少少梳打水混埋一起, 味道可口, 仲有蘋果粒咬下!呢杯拉花咁靚既Cappuccino ($36), 飲落香滑, 份量都頗大杯, 不過係咁舒適既環境中可以慢慢享受…查看更多

今日放咗工覺得做野好攰, 好想食下好西喺咁間靚間餐廳好好咁放鬆下跟住一陣之後朋友就決定咗來尖沙咀一間西式餐廳之前都好多人推介過呢間餐廳環境舒服咁今次就一於去試吓啦～一到去我覺得環境其實有少少似係Bar 個氣氛好正 其實幾啱情侶或者大班朋友吹水聚舊嘅一個地方望望餐牌我哋就諗住大家分享一個龍蝦湯 $88 龍蝦湯好濃嘅龍蝦味仲有兩大舊龍蝦肉超足料!! 而且做湯嘅仲係蒜蓉包添!!!! 對蒜蓉包控既我來講係一個大加分位!!!! 之後就叫左兩個前菜香草孜然單骨雞翼$ 48 同埋脆香魷魚配蒜香蛋黃醬 $68 第一個前菜:單骨雞翼炸得好香而且亦都好濃既孜然味外皮香脆但肉質依然保持鮮嫩～至於呢個炸魷魚一上到來新鮮滾熱辣啱啱炸起 好酥香炸粉好薄裏便嘅魷魚仲係好鮮嫩好稔身 再點買蛋黃醬剛剛好!  跟住就係主菜四色芝士南瓜意大利飯 $138 同埋鎮店漢堡$168 芝士南瓜意大利飯混合左好多重嘅芝士感覺超級creamy 意大利飯算係正宗 飯粒粒咁十足而飯心微硬感覺不俗! 呢個鎮店漢堡實在不得了份量十足有好多嘅薯條大口我都食唔到...再加上佢哋肉漢堡肉超級厚切佢平時漢堡肉嘅起碼兩至三倍厚！我哋兩個女仔share都覺得好飽...完全比佢K.O.!!最好我地就叫咗Strawberry Smoothie $58 同埋 Mix Berry Yogurt $58 友人嘅奶昔口感冰感十足每一啖都有士多啤梨肉 簡直就係消暑特飲  至於我嘅雜莓乳酪 酸酸甜甜好開胃！係一餐令人好滿意嘅晚餐～…查看更多

講起朋友聚會 或者同事敘舊地點點樣都離唔開旺角 尖沙咀 銅鑼灣而今日就以尖沙咀為例 相信大家都已經開始發覺好似黎黎去去無咩選擇尤其商場連鎖式嘅特別多 無乜新意 價錢亦不菲點知係朋友介紹之下 就搵到呢間高質嘅西餐廳係尖沙咀街角位一棟大廈入面幾乎可以話如果無朋友帶 我都唔知原來有咁嘅餐廳係度我地8點上到去 已經見到好多人 心諗朋友果然無介紹錯加上自己本身都好鍾意食西餐 所以更加想一試我地兩個人望咗下餐牌 見到種類都算幾多意粉 意飯 漢堡 扒類 大致上的西餐野都有齊最後由於太過肚餓 雖然我地得兩個人但最後都叫咗好多野食 嘻嘻嘻首先有呢個好特別嘅玄米茶素麵佐慢煮雞肉一開頭好好奇究竟咩係玄米茶素麵 貪新鮮試下最後原來係天使麵 然後隔離有杯玄米茶一齊上呢種食法都真係第一次食 兩個味道配埋一齊清清地 帶有淡淡茶香整體上而言係真係新奇嘅跟住落黎就叫咗個鎮店漢堡 因為我同友人都好中意食漢堡一黎到嘩 勁豐盛啊 成個漢堡已經肉厚到不得了再加上兩個特大洋蔥圈 同埋好多薯條洋蔥圈炸得好脆 而洋蔥味好香重點係個啲薯條 真係高質連皮皮炸嘅薯條最鍾意食呢款正宗嘅薯條 啖啖都食得好滿足當然黎到主角就係漢堡啦！今次我地叫5成熟嘅漢堡 一切開 正啊！漢堡食得出係餐廳自製 每一淡鎖死肉汁而且唔會有啲咬唔斷嘅筋之類嘅野果然係鎮店漢堡 真心覺得好味最後最後嘅牛肋骨扒終於登場啦時間岩岩好 畢竟牛肋骨扒製作需時剛好係我地食完意粉同漢堡之後 就剛好上呢碟重量級牛扒雖則賣相有點兒那個 好似係街市斬開一舊舊嘅牛扒但外表唔重要重點係個味道 先睇色澤就睇到5成熟嘅牛扒 中間個層完全透紅 好正啊而且所有肉汁都鎖實係牛扒入面真係同時可以食到出面層脆脆地 而有落咗調味嘅外層之外仲可以同時感受到中間層肉質嘅鮮甜 果然係稱得上高質食得好滿足之時 順便一提嘅就係咁岩電話無電 想問下餐廳職員有冇得叉電點知餐廳真係好貼心啊！竟然有自己嘅尿袋提供俾客人簡直係為服務質素提升唔少…查看更多

這間位於北京道的＂Shine "位置方便，而且裝修設計舒服寬敞，燈光柔和最啱和朋友吹水的好地方👍🏻原來生日還有優惠，和朋友慶祝生日飯又多個選擇🤗燒日本M4和牛薄切 - 牛肉味很重，但沒有想像中嫩滑，配上黑醋汁和薄片芝士增添豐富層次鎮店漢堡 - 份量十足厚厚漢堡扒7成熟Juicy彈牙，新鮮無比的蕃茄加上兩塊卜卜脆洋蔥圈一脆一軟滋味無窮，最喜歡是粗身薯條又有口感，即叫即炸香口惹味。波士頓鮮活龍蝦 - 現時他們在做優惠只售$168非常抵食，起初以為份量會很少想不到龍蝦如此大隻，而且龍蝦肉質彈牙鮮甜，很多蝦膏鮮味十足☺️配上焗軟芝士，芝士香濃綿滑口感像芝士撻，而扁意粉是配微微酸的西西里蕃茄醬，既可中和芝士的膩感又增添味蕾層次差不多手掌那麼大，啖啖肉Mix Berry Yogurt - 莓味很重香氣撲鼻、甜美宜人🍓🍹…查看更多

尖沙咀跟銅鑼灣一樣，飲食業百花齊放，大大小小的食肆進駐其中，有時要在哪裡尋找美食，實在讓人有選擇困難症。最近跟兩位同事到了尖沙咀一家樓上的西餐廳食晚飯 ，坐落於剛翻新的商業大廈裡邊，感覺堂皇華麗，從電梯踏出去，先映入眼簾的是酒吧區，坐位除了酒吧高櫈外，還有鮮豔紅色的長型沙發。近窗處的四人沙發椅背特高尤如將四人卡位變成了獨立空間，在窗邊位置眺望著街外的景色，悠然自得。店內燈光柔和偏暗，天花吊著不同造型的鎢絲燈泡，加上幻藍幻紫的燈光效應和型格的設計裝飾，帶點CYBER時尚感，環境氣氛頗為舒服。倘大的餐牌裡將食物分為餐湯、前菜、意粉、意大利飯、主菜和甜品等，款式的選擇不算多，但店家會定期更新餐牌以保持新鮮感。相對地這店的飲品選擇較為豐富，Cocktail、Draught beer、手工啤酒、Smootie、Yogurt和咖啡等一應俱全。向來愛好杯中物的筆者，當然先點了一支本地出品的手工啤酒清爽一下，這牌子的手工啤酒每一款都以不同天神的名字命名，設計特別令人印象深刻。深褐色的啤酒味道帶著濃厚的麥香和輕輕的黑朱古力味道，入口順滑中帶點甘苦味，個人感覺較適合男士口味，質素不俗。另一位不太好酒的朋友，就點了Banana Chocolate Smoothie ，朱古力味濃郁，香蕉味亦很突出，加埋幼滑忌廉賣相吸引，吮一口冰涼感覺直達心頭，味道很不錯。飲啤酒又怎少得了香口的前菜小食呢！先來一客脆香魷魚配蒜香蛋黃醬，裁成三角形的魷魚煙韌彈牙，脆漿很薄，炸得金黃香脆，賣相精緻，唯魷魚炸得有點過熟和乾身，影響了口感，配上蒜香蛋黃醬增添了幾分濃香味道，雖有點改善，彌補了不足之處，但如火喉控制得宜的話，應會更加美味。再來的是餐廳推介菜式：手工豬肉丸子伴溫泉蛋，豬肉丸子大大粒尤如網球的大小，做得又鬆又軟，入口有點似罐裝鹹牛肉的味道，又或是上海獅子頭的質感，伴上温泉蛋口感豐盈鬆軟，濃郁可口。跟著是黃金蟹餅配菠蘿莎莎，蟹餅炸得熱辣辣金黃酥脆，內裡一絲一絲的蟹肉，真材實料，份量十足，帶著濃濃蟹香，唯菠蘿莎莎缺乏了應有的清新香料調味，感覺沒甚特別，未能增添蟹餅的口感層次，有點可惜。接著便到主菜登場 —— 鎮店漢堡，大大份足夠兩個人吃，賣相吸引，頂層是炸得酥脆的洋蔥圈，中間鬆軟帶陣陣牛油香的麵包夾著達寸厚之多的牛肉漢堡扒，肉香多汁，熟成度剛好，搭上煎得焦香的煙肉、新鮮的蕃茄、爽口的沙律菜和半溶的芝士，滋味濃郁，叫人胃口大開，配上大量香脆的粗身薯條，香口惹味。招牌菜果然是特別出色，喜歡漢堡的朋友絕對值得一試！慢煮啤酒浸豬架扒配牛油雜菜，賣相設計頗有心思，三大件厚厚的豬架扒上淋上了充滿泡泡的醬汁，就好像是浸透在啤酒之中一般。豬架扒十分厚身，份量十足，經真空慢煮後，將厚豬扒的肉汁和脂肪牢牢鎖住，外微焦內粉嫩，呈現著粉紅的光澤，肉質爽彈香嫩不乾身，帶有淡淡的啤酒麥香。配菜是以新鮮薯仔自家製作的薯蓉，拌入了牛油和忌廉，軟滑得來又帶點薯仔粒的咬口，柔滑Creamy；另外還有露筍和胡蘿蔔，爽脆鮮甜，感覺健康。海鮮墨汁意大利飯，賣相大堆頭，放滿不同的海鮮，青口、大蝦、魷魚、小蝦仁、帶子粒完全掩蓋了意大利飯，唯感覺都是一般冷藏貨色，有點欠缺了鮮味；黑漆漆的意大利飯以墨汁燴過，墨魚味香濃突出，帶牛油芝士酒香，飯粒飽滿入味惜略嫌濕身，如能乾身一點，多點咬口會更好。但其實以價論貨，海鮮彈牙爽口，搭上了墨魚香，帶著淡淡的海洋氣息，質素還是可以的。最後當然來一客甜品作為結尾：玫瑰蘋果金寶。筆者一向較少主動揀選甜品，但見差不多每枱都點上這道仙氣滿溢的甜品，不其然心動起來。上枱時陣陣乾冰煙霧徐徐散發出來，有點海市蜃樓的意境，非常吸睛；繼而一朵燦爛盛放的玫瑰呈現眼前，餅廚以蘋果薄片排成玫瑰花的模樣，造型精緻，就像藝術品一般，讓人不捨去破壞它的造型。蘋果片粉腍中帶爽口，夾上中間散發出淡淡肉桂蘋果香的果蓉，味道清甜帶酸；暖笠笠的餅底酥化軟身但略欠牛油香，配上隨碟的鮮果和軟滑的雲呢拿雪糕，冰火交融，一暖一凍的兩種極端口感，不間斷地衝擊著味蕾，雪糕的甜滑亦中和了蘋果的微酸。整道甜品的味道雖不算特別出衆，但那賣相與意境卻實在讓人賞心樂事，以$78的西式甜點來説著實很有心思，為整個晚餐奏上了完美的樂點。總括來説這店的環境舒適悠閒，服務到位，食物質素方面，部分出品雖還可以有進步的空間，但整體來說算是不俗，中檔價格的收費亦算合理，很適合三五知己來到把酒言歡，值得一試。…查看更多

朋友就快生日，就俾佢話事揀餐廳啦！佢揀左間係尖沙咀既意大利餐廳，話個度氣氛好好，可以方便我地邊食邊談心咁話喎 嗯，呢度既環境的確唔差，好有空間感，而燈光唔會較到好暗而刻意製造氣氛，咁樣反而令人坐得更輕鬆自在都未睇meun，朋友就已經話要食burger好啦，咁就要兩個前菜，加個burger同紐紋粉齊齊食啦另外當然叫左個甜品後上啦同埋我地都每人叫左杯drinkssssss朋友既“奇異果青瓜乳酪”HKd$58+10%朋友話好fresh，飲落好舒服亦唔會有草青味我既“雜莓乳酪”HKd$58+10%賣相美美的！飲落酸甜平衡，smooth得黎又開胃兩個前菜都揀左蔬菜為主既菜式！“田園沙律配橙香油醋汁”HKd$78+10%份量好大呀，一大碟蔬菜令我呢個沙律怪食得勁開心當中香橙粒同青蘋果粒既酸甜更能帶起沙律菜既清新而另一款前菜係朋友揀既“烤茄子佐燉燜蔬菜”HKd$58+10%估唔到呢個前菜咁有驚喜！！肥厚既茄子上舖滿用茄醬炒過既茄子粒、青瓜粒同洋葱等，加埋芝士同香草再焗！食落香得黎又唔漏跟住係我要order既“蕃茄蟹肉紐紋粉”HKd$148+10%正呀，好滿意呢個紐紋粉，每一啖都食到蟹肉絲架！紐紋粉煮得軟硬適中，個醬微酸帶辣，令我地愈食愈開胃跟住就係朋友期待以久既“鎮店漢堡”HKd168+10%哇~~~呢個burger真係好巨型呀！Burger上有兩大塊洋蔥圈，入面有一片煙肉、火腿、芝士、厚而富肉汁又重牛味既漢堡、兩片新鮮既蕃茄同生菜，分同朋友一人一半，大口大口咁咬落去~好邪惡呀但真係好滋味呀而伴碟仲有海量既炸薯條，岩岩炸起，仲要，係粗薯條添甜品揀左“自制威士忌雪糕伴鮮果”HKd$68+10%自制既威士忌雪糕有淡淡既酒香，唔錯唔錯！店方好好咁幫我喺甜品度寫上“Happy B-Day”，好讓我可以提前俾個小驚喜朋友仔雖然價位唔算低，但不論餐廳既服務、環境定食物質素同樣高，所以我同朋友今晚都食得開心滿足又滿意…查看更多