天然豚骨拉麵專門店一蘭

香港開左一蘭都有段日子, 好多人貪新鮮試左一人前拉麵, 其實拉麵自己一個食都幾好, 只係我唔慣.幸好尖沙咀分店有屋台可以一齊食, 唔使甘毒啦. 我同友人點左一人一個拉麵, 再加個限定食品豚肉燒釜醬汁豚肉燒 ($59) :尖沙咀分店限定食品, 釜醬汁豚肉燒, 用醬汁醃煮的五花腩, 切成薄片晶瑩通透.看上去脂肪位好多, 但由於切成薄片, 更入味更易咬, 入口油潤軟滑. 加少少附上辣粉好惹味.一蘭拉麵 ($89):按個人喜好選擇 : 濃味湯, 普通油, 青蔥, 叉燒, 1/2倍辣, 硬麵.湯底味道好濃郁, 但過咸少少. 食完唔會好油膩. 不過拉麵份量好少, 女仔都唔多夠喉.拉麵好幼身, 個人不喜歡, 覺得太幼冇咬口而且又吸唔到湯汁.不過揀左硬麵已經煮得幾好, 影完相慢慢食, 麵條都未淋.叉燒柔軟唔算肥, 但太過薄身, 好似食左陣風咁, 當然唔膩.1/2倍辣冇咩辣既感覺, 可以揀1或2倍辣.半熟鹽煮蛋 ($14):雖然鹽煮, 冇醬汁醃過, 但仍然好好味.半熟效果明顯, 中間的蛋黃好香好滑.填好拉麵下單紙 (menu), 交給店員, 稍後就會送上食物, 食完會有店員收拾.店員提供凍水, 自行去取. 旁邊也提供紙巾及牙簽掛於牆上. 總括, 拉麵沒想像好, 幸好湯底不錯只係過咸少少, 追加配料好味, 只係每樣都另外需要追加, 計落不平宜.比一般拉麵貴少少. 但店內裝飾感覺幾特別, 好有日本屋台(路邊攤)感覺.…Read More

對於一蘭拉麵的印象，小妹剩係記得在銅鑼灣開設第一間分店時引起的迴響甚大，因為它是第一間在港24小時營業的拉麵店，當然又引來一窩風的排隊熱潮。一講起排隊小妹就怕怕，都係待熱潮過了再試吧!.最近原來在尖沙咀也開設了第二間分店了，位置就在棉登徑，一路走的時候已見到大廈上掛了大大個一蘭拉麵的紅色大招牌，相當顯眼呢! 一蘭就在棉登徑的地庫內，一路往樓梯向下走便是。.這分店的環境很大，座位滿多，更撇除了「自修室」的座位的設計，整個感覺不迫狹滿舒適，地下更有藍子讓客人擺放手袋雜物呢。.收銀處更放有不同味道的拉麵讓客人買回家自煮呢，就連拉麵碗也有。.如客人覺得口渴，可到這裡自行拎水呢。.說到缺點就是不太接收到手機的網絡信號，雖然餐廳也有提供WIFI給客人使用，剛好那天WIFI卻在維修中，所以用餐時間幾乎是連接不到上網，那便可以慢慢的享用這碗人氣拉麵了。.每個座位上都擺有「呼叫鍵」和迷你餐牌，但這呼叫鍵便不包括落單，客人需自行到收銀處落單付款!.落單紙上客人可選擇適合自己口味的拉麵，還可追加麵底和配菜等等。.小妹就叫了一碗天然豚骨拉麵 $89，揀選了濃味湯底，1份香蒜、叉燒、青蔥和硬麵條，而本身拉麵是沒有配半熟蛋的，客人需自行追加；等了大約20分鐘便送來了。.拉麵用上小妹喜愛的幼麵身，左邊放了青蔥，右邊側是叉燒；望上去湯底不是很濃郁那種，還在想會否不夠味呢?! 看來我的想法是多餘的，入口那股豬骨味道相當濃郁醇厚，質感卻是清爽那種，飲落比平時的拉麵湯底輕盈，負擔感沒這麼重；.麵條亦是我喜愛的硬身麵質，加埋青蔥食，再呷一啖底湯，好食!.叉燒是半肥瘦那種，質感豚腍頗入味。.釜醬汁豚肉燒 $58用上半肥瘦的五花腩所製的豚肉燒，加上釜醬汁和紫菜，食落甜甜的，咬落油脂豐腴，味道甘香，好邪惡呢!.抹茶杏仁豆腐 $49這客杏仁豆腐上放了一粒柯杞，下層綠色的係抹茶醬，之後便是杏仁豆腐。杏仁豆腐的質感滿滑溜，杏仁味不會很重，滿怕杏仁味的小妹都食到，唯那抹茶醬有點畫蛇添足，整體味道較一般，而且價錢稍高。.最後順道叫左枝脂解美茶 $39，順道消消脂肪，清清味蕾咁話。 …Read More

每逢聖誕佳節honey都總會忙於購買聖誕禮物，好多時為咗要盡快攞到某啲貨品，仲要專程去不同分店搜羅；尋晚收咗工去尖沙咀已經算係近，眼見佢每次都一袋二袋，跟得男友當然係自薦幫手拎野啦 ！為慰勞XO仔，honey仲好有心地請食「一蘭」拉麵添，哈，唔講真係唔知麵店喺九龍有分店喎。尖咀「一蘭」位於地牢，拉開鐡門即可見到接待及收銀處，中央o既玻璃櫃架上陳列出多款精品，隨咗有即食拉麵之外，就連碗同T恤都有得賣，真係搞鬼 。右手邊同灣仔分店一樣有個「空席案內板」，顯示出座位吉滿狀況。正當小肥以為店內o既間隔會同灣仔一樣全為獨立式座位時，有禮o既店員就帶我地穿過「一蘭屋台」布巾，進入地牢飯堂。 原來為咗結群o既食客可以面對面一齊用餐，店子專登加插咗寬敞啲o既散座區，另一邊則保留為獨立式單卡位。點麵形式依舊，每位客人都要填寫自選o既湯底濃度、辣度、麵條硬度、配料等。歡樂時光喺飯堂食飯最適合就係啤一啤佢 ！不過如果大家想健康啲飲水o既話，店內有個自助取水處，無限量供應淨化咗o既靚水 ，極之清甜解渴。兩口子黎食晚餐，見到餐牌咭上有個「釜醬汁豚肉燒」好似幾吸引，所以就叫咗客黎試。 釜醬汁豚肉燒（$59）：豚肉燒乃肥瘦均勻o既五花腩，香軟腍滑，夾上紫菜食分外鮮甜惹味 。餐桌上有個呼叫鍵，食客有任何需要可隨時搵到服務生，想追加食物可真超級方便。紙巾同牙籤都擺放喺牆上，餐枱有更多空間，感覺都好衛生。 一蘭拉麵（$89）：一蘭拉麵水準仍然高企，湯底香濃且可選唔油膩，超硬麵條韌度夠，份量足，叉燒都好夠軟薄 。身為「一蘭」粉絲o既小肥當然係連最後一滴都唔放過啦 ！翻閱餐牌，發現食店有甜品食，XO仔好自然地就追加咗客「抹茶杏仁豆腐」。 抹茶杏仁豆腐（$49）：杏仁豆腐清涼軟滑，面頭綠色o既抹茶汁甜濃得黎都好討好，好啱細佬口味。「一蘭」由一間快餐式拉麵店擴展成地牢式飯堂，感覺依然隨意，但又不失舒適衛生，老板當真好有生意頭腦！…Read More

食拉麵要排長龍、相信只有香港先咁誇張。一蘭自插旗香港己風魔一眾粉絲、通宵排隊都係為了一碗麵。在日本我嚐過無數次、跟本不用排隊、如要等上10分鐘以上都不須預我了。今日行經棉登徑見門外沒人排隊、一於撞下運氣、好彩即時有位、可能6時尚早啦…！Lucky!釜醬汁豚肉燒醬汁不會太濃、醃製時間恰到好處。肉質軟熟、肥脂位比例上少。 加少許辣粉更顯滋味。拉麵基本上味道跟日本差不多、沒太大分別。麵條幼細疍味香濃、掛汁力高。我要求秘製醬汁辣度剛好、辣而醒胃。二片义燒略為單薄了。湯底散發出豬骨的香濃。原味乳酸不知為何食拉麵飲凍品是最適合的。可能一冷一熱、互相配合。抹茶杏仁豆腐杏仁香味突出、質感滑嫩。抹茶醬汁並沒有苦澀味、反而提升了口感。門口位置是售賣區、有紀念品、拉麵、T shirt等等。每次我去日本時指定會買柚子味冷麵、現在香港有售、就不用山長水遠買回來了…太好了！…Read More

還記得有一段時間一蘭在香港掀起排隊人潮, 不分晝夜也有人排隊等入座, 的確很厲害, 但我每次也只是一人路過, 真的不想獨自在街頭呆企, 總覺得一人企的時間會過得特別慢, 雖知是心理作用, 但總是不想, 難得今次有朋友願意相伴, 大家也有心理準備罰企30分鐘以上, 那一齊去吧!選了位於尖沙咀的分店, 轉角位已看到一個巨大的指示牌高高掛, 轉一個小彎便看到紅通通的門面, 正中掛上大大的招牌, 樓梯旁掛了介紹麵店的資料。沿樓梯往下, 拉開兩道重重的大門便看到一位招待員, 並沒有見人龍。看來我倆策略是對的, 大約6:00pm便來到, 大家都未到吃晚餐時間, 不用久等, 太好了!招待員先問我倆想選坐 “一蘭屋台”, 還是 “味集中”。 “一蘭屋台” 燈光柔和, 地方寬敞, 設有多張二至四人的摺枱, 日式的裝潢, 如置身於日本中; 而 “味集中”是個人counter座, 多是為孤身隻影人仕而設, 獨自快樂, 但今日既然有朋友陪伴, 獨樂樂不如眾樂樂, 選 “一蘭屋台” 更有氣氛。初到貴境, 當然要細心觀察四周環境。四處掛上印有“一蘭屋台” 的布簾, 牆上貼了多張介紹各菜式的海報, 亦裝有數部電視。設有一個自斟水台, 旁邊放了水杯, 全自助形式。一般的拉麵店枱上多配有昆布醋、七味粉、漬物、芝麻等配料, 但這裏通通都沒有, 只有一本設計成扇子般的餐牌和一個鵝蛋形的呼叫器, 如有需要便按按它吧!******************************入座前, 店員便派每客人一張點選紙, 坐下細細看, 逐一挑選。湯的濃度為普遍；油膩度要清淡, 怕忍不住喝光全碗會太飽滯。配料要普通份量的香蒜, 必要白蔥和青蔥, 相信吃起來會清香一些, 而叉燒當然不能少。秘製醬汁是以唐辛子為基調, 本想要8倍, 但因第一次來一蘭不知辣度如何, 最終也卻步, 只選3倍, 而麵硬度為普通。******************************拉麵只有兩塊叉燒又怎能滿足, 來一客釜醬汁豚肉燒 Premium Sliced Pork -Kamadare Style- ($59)吧！一客約有六塊, 塊塊大小相若, 頂部中央放了紫菜幼絲, 另配備了一蘭特製的赤胡椒粉。挾起一片仔細看看, 油光亮澤, 肥瘦相隔, 約有五層, 肥瘦分佈尚算平均。咬一口, 油潤甘香, 吃至滿口油香, 肉質腍嫩中帶微爽, 烹調得挺入味, 鹹香的味道已吸引。但亦要試試加入赤胡椒粉, 的確添加肉香, 稍稍香辣, 吃得更加滋味。******************************細看宣傳海報, 原來這客簡簡單單的抹茶杏仁豆腐 Matcha Annin Tofu ($49)在顏色選材上亦花了心思, 皆因綠色抹茶、紅色的枸杞 和黑色的容器, 正正是一蘭標誌的代表色。其口感極之滑溜, 差不多一入口已滑入喉中, 啖啖杏仁香。雖面層淋上抹茶醬, 可惜抹茶味和豆香並不突出, 幸兒甜度合宜。整體來說, 味道一般, 份量略為少, 以此定價來說有點高。******************************拉麵的湯味道的確很濃郁, 令人忍不住口, 但喝至有些溜滯, 看見有一款脂解美茶 Shikaibicha- ICHIRAN's Original Blended Tea- ($39)飲品, 單看其名字, 好似又能解油脂, 又有健美之用, 一於就叫它試試吧! 樽身包裝膠紙印上 “一蘭” 的名字, 可能是獨有的品牌, 大部分也是日本字, 只看得懂成份中有綠茶 和烏龍茶。色澤呈深啡, 茶味香濃, 亦存麥香, 喝後有回甘, 甘香留待口中, 它的確有助消滯解膩, 選很好!------------------------------走往付款處埋單, 發現有不少產品供客人選購, 有不同醬油、拉麵碗、杯墊, 當然不少得一盒盒即食拉麵, 但我沒有購買, 因為有很多朋友都跟我說過, 香港一蘭雖美味, 但去過日本的一蘭就知那種味道是難以取替, 日本一蘭真是不同嗎? 看來如有機會飛往日本必要一試, 雖此刻不知, 但只知買了這盒即食拉麵回家, 由我自煮一定知道香港的一蘭味道是難以取替, 哈! …Read More

日本拉麵店之中, 一蘭是我最愛之一, 知道尖沙咀開了分店一段時間, 一直未有時間來吃, 不用過海對我們來說方便了, 襯今晚happy friday和有點涼涼的, 去吃個暖笠笠的拉麵吧。晚上大概九點去到, 等位的人不多, 大約十來分鐘就可以就座, 一蘭拉麵熱潮比之前冷卻了, 這對我來說卻是好事, 只是吃個麵, 排這麼久很辛苦啊。從長長的樓梯往地牢...電話訊號同時接收困難甚至收不到, 不過餐廳有提供wifi呢。有日文的餐點選擇display在牆上, 增添日本風味, 在場所見又真的有日本人來吃啊。像銅鑼灣店, 這裡也有不少商品售賣。一蘭即食麵, 如果和店內吃的不一樣, 那我寧願來吃好了。店員指示向這走廊走, 很像看展覽的樣子呢。先到達「自修室」區, 有長椅可以坐著等。每人一格座位, 還有簾遮掩, 獨男獨女來吃也不怕尷尬, 好自在。再穿過多一條走廊.....便到達了可以和友人一起吃的坐位區。每張桌子上有一個鐘可叫店員來, 有紙張可以自選菜式, 交給店員就可以了。最後就拿著單出外櫃位結帳, 形式和銅鑼灣店相若。拉麵 $89湯的濃度(普通)、油膩度(清淡)、香蒜(一份)、蔥(青蔥)、秘製醬汁(普通)、麵的硬度(普通)一蘭拉麵的豬骨湯底濃稠適宜, 味道不會過重, 亦不會清淡, 很好喝, 秘製醬汁是唐辛子為基調, 唐辛子即是辣椒, 是一碎粉狀的, 不會溶至湯中, 攪勻後還是會存在, 不動它就慢慢沉到底。青蔥切成碎碎的, 拉麵麵質軟硬適中, 最喜歡它那細細的麵條, 掛湯能力不錯, 完全能享受湯底的味道。叉燒和以前一樣瘦和薄, 口味一般, 但我本不愛吃肉, 也就沒所謂。 半熟鹽煮蛋$14雖然知道一蘭的蛋沒有很好吃, 但來吃拉麵就總想配個蛋, 拉麵本身沒附蛋, 要額外加錢點算才有的, 蛋不流心, 似是全熟, 蛋白和蛋黃也偏硬, 不過蛋味還蠻濃郁的。釜醬汁豚肉燒 $59如果嫌棄拉麵附送的那兩片薄肉, 強烈推介點選釜醬汁豚肉燒。醬汁濃淡適宜, 不會過咸。豚肉肥瘦均勻, 入口油脂味香濃, 肉質軟嫩, 令人溶化。脂解美茶 $39, 原味乳酸 $39脂解美茶, 就和巿面一般的消脂茶一樣味道, 而乳酸味道則很像caplis白色樽裝那款, 杯裡有好多冰呢。兩款飲品價錢偏貴, 所以店內客人多是喝水算了。抹茶杏仁豆腐 $49餐廳介紹:「抹茶的緣、枸杞的紅、容器的黑是一蘭標誌的代表色, 外觀獨特精緻, 淡雅高尚的甜味和口感滑溜的抹茶杏仁中, 配上濃郁風味的抹茶醬, 造就成嶄新的頂級甜品。」記得之前在一蘭吃的甜品, 表現普通, 今次試新出的抹茶杏仁豆腐, 卻很有驚喜, 豆腐滑溜帶有豆香味, 抹茶醬很濃郁而不苦澀, 甜度剛好, 實在很美味呢!話說今年日元疲弱, 已經去過兩次東京旅行, 期間有吃日本正宗拉麵, 包括有些人氣排隊店, 卻發現很多日本的豬骨湯拉麵味道太濃及咸, 也較油膩, 我反而獨愛一蘭, 口味較清新, 吃得舒服, 我還是會再來光顧的。…Read More

朋友又過開黎尖沙咀開工, 話想食日本野.. 最後o係列舉出既一埋店後, 選擇左新開既一蘭分店。之前食銅鑼灣分店既一蘭時都要起碼排10pair 人左右先拎到牌落order. 今次等左唔駛5mins 就可以落order 啦!!! 一直都以為同銅鑼灣一樣, 但原來呢度係有屋台! 同一班朋友一齊食就更開心啦 (唔駛隔住塊板傾計).屋台有"屋台限定"既menu items.. 但由於朋友唔飲酒既, 所以只試左其中一個。麵: 湯-普通濃度, 油膩-濃厚, 1份香蒜, 白蔥, 叉燒, 1/2倍秘製醬汁, 超軟麵首先上菜既係屋台限定"釜醬汁豚肉燒" Premium sliced pork -kamadare style-:如果會黎既朋友, 絕~~對唔可以錯過! 自己本身都唔怕食油/肥既野食, 但如何怕既話, 可以伕夾埋放o係上面既蔥一口食!~ 有入口即溶既感覺。下次食, 一定要order 埋sake/beer,配合一齊食+飲! 拉麵~湯-普通濃度, 油膩-濃厚, 1份香蒜, 白蔥, 叉燒, 1/2倍秘製醬汁, 超軟麵記得第一次食時, 唔知點解食到個湯有魚味 (其實都係因為自己唔鐘意je).. 所以有段時間都無去。但今日食完, 又ok wo.. 下次決定要加大個秘製醬汁同湯既濃度先~(都想加香蒜同蔥, 但感覺好唔抵食 ><)…Read More

全新一蘭屋台尖沙咀分店終於開幕, 以後食一蘭唔洗特登過海到灣仔食了, 屋台特色始於日本福岡, 這裡裝潢別致, 位於棉登徑可謂靜中帶旺, 182個座位聽說是一蘭最多位的分店, 座位寛敞店員有效率, 食過一蘭既朋友都知這裡獨枯一味豚骨拉麵, 只是可選擇湯底濃度油膩度, 麵質軟硬還有各式各樣配料像叉燒青蔥黑木耳及香蒜等等, 2倍秘制辣醬是指定動作, 剛剛好不會蓋過豚骨的味道, 小弟每次都會追加青蔥同木耳, 特別肚餓時還會追加多碗白飯, 今天除了拉麵還點了釜醬汁豚肉燒, 厚厚的豚肉口感一流配上自家制赤胡椒的味道十分出色, 值得推介, 嗜酒的朋友就更加不要錯過, 絕對是佐酒最佳配菜。食飽走去埋單還有不同一蘭原創制品可供購買, T-shirt, 杯墊, 一蘭拉麵等任君選擇。…Read More

是日刻意請假，為的就是希望能第一時間食到新開張的拉麵當日原本上午1130便到達尖沙咀了，但小弟完全找不到傳說中很大的招牌，問了街上派一蘭宣傳紙扇的職員後也迷迷糊糊地找了半小時才終於找到(或許我方向感太差了吧。。)正午到達，完全不用等位(是星期二的關係還是一蘭熱潮已過？)，出呼我意料之外，但也正合我心意，由門口走到地下之間，差不多有七八名店員向我打招呼，是新開張的關係吧，店員先問我想坐屋台還是'自修室'，獨行的我無疑選擇了自修室，怎料原來屋台才有'釜醬汁豚肉燒'(我有一半程度是為它而來的)，我馬上請求店員替我調到屋台，真是十分失禮～屋台的點餐方式跟'薩利亞'差無幾，就是按鈴然後有人替你落單，我今天選了平常吃的超硬麵普通濃度湯底超油膩走辣有青 白蔥有叉燒，然後當然是追加豚肉燒，既然它是佐酒小吃，我又點了生啤酒，然後我又看到介紹豚肉燒餐牌上寫著配白飯吃也一流之類的東西，我又點了一白飯未幾，餐就到齊了，一如以往先喝一口湯，感覺上比cwb分店的湯'鹹'，對此我十分失望，事關我一直認為一蘭的湯在香港的no.1的，但這湯底實在不太行，是第一天的關係還是甚麼甚麼，我不太想理會了麵，叉燒，其他等等都跟cwb分店相同，我也不說太多廢話了～(啊，順帶一提，屋台是需要客人自己走到某角落斟水的，但我太餓不太想動而且又有啤酒，就放棄一次冰水吧～)說到啤酒，我之前在cwb分店也喝過一次，那裡的啤酒十分重小麥味，不愛喝酒的我也有點喜歡，但屋台的啤酒跟便利店普通啤酒差不多(至少對我來說是)，$59?不值。再說說白飯，老實說我不知道這白飯是應該怎樣吃，我就直接把飯倒進喝剩的湯中，當作是泡飯吃，味道意想不到地好，可能白飯夠清淡平衡一下了鹹鹹的湯，說實話我個人覺得這泡飯比剛剛的拉麵更好吃。(後來上網找查一下，才知道原來我這食法也不是完全錯的～)好了，要說我本人期待已久的豚肉燒了，我先試一塊沒有落胡椒粉的，噢賣角，這跟我母親經常煮給我的半肥瘦叉燒有甚麼分別！算了，我看那塊介紹豚肉燒的餐牌說加上胡椒粉可提升鮮味，加就加吧，但其實也分別不大，只是多了一層麻的味道，又是$59，又是不值對我來說今天一次吃了兩餐，第一餐是豚骨拉麵，第二餐泡飯配母親半肥瘦麻辣叉燒，哈哈賣單$229，第一次吃拉麵超過$200，也是我第一次覺得吃一蘭不抵食，不過最送贈我一雙筷子紀念，就算吧～～～總結來說，還是建議大家回到cwb分店吃好了～P.S.我差不多吃完後，一個身穿西裝疑似一蘭高層的女人走來用英文問我是否第一次吃一蘭，然後又問我為什麼不在自修室食，我只好答她我是為了豚肉燒才坐屋台，但我英文程度低得要緊，否則我一定會告訴她這豚肉跟我母親弄的差不多，哈哈…Read More

終於可以喺香港食到「一蘭」，仲要唔使排隊，非常好！ 之前只在東京食過，覺得好好食，所以對香港的分店 頗有期待。尖沙咀喱間是開24小時，真係瞓醒想食拉麵做早餐都得!講返食物，不單止拉麵軟硬有得揀，湯嘅咸淡有得揀，基本上全個拉麵嘅內容都可以自己決定。讚!拉麵以外，其他的選擇不多，只有一款小食&一款甜品。「釜醬汁豚肉燒」超好味，一定要叫。「抹茶杏仁豆腐」抹茶似乎落得太多，掩蓋了杏仁豆腐味。埋單盛惠$350 for 2 個拉麵, 1 碟小食& 1杯甜品。Overall experience is pretty good except it's a little bit expensive for a ramen lunch.…Read More

個人曾在2月份寫過關於位於銅鑼灣一蘭的食評: http://www.openrice.com/zh/hongkong/review/%E9%8A%85%E9%91%BC%E7%81%A3-%E5%A4%A9%E7%84%B6%E8%B1%9A%E9%AA%A8%E6%8B%89%E9%BA%B5%E5%B0%88%E9%96%80%E5%BA%97%E4%B8%80%E8%98%AD/2425077?tc=sr2rvw&con=rvw引用在2月份的食評當中的部份文字，曾提及過關於一蘭屋台及限定拉麵:一蘭特別之處是自修室型式的格局，但也不是所有一蘭也是自修室形式，有些是屋台式的，例如在日本大分縣的一蘭 大分弁天店的「一蘭屋台」，座位是一張張四方枱及圓凳的型式(如圖)。說到一蘭是否獨沽一味只有一款口味的拉麵呢？原來也是有限定拉麵的，就在福岡縣的「一蘭 天神西通店」就有一款名為「釜だれとんこつラーメン」，盛麵的器皿不是圓碗形，而是長方形盒子，看上去就是盛飯的便當，日本人稱之為「重箱 ラーメン」，叉燒是方形的，就像是腩肉叉燒(如圖)。6月9日是尖沙咀一蘭正式開張的第一天，入座的時候沒有看到人龍，可能尖沙咀店暫時是全球最大的一蘭，座位有182席，要形成長長的人龍也不容易吧？尖沙咀店的拉麵水準與銅鑼灣店的差不多，今次焦點放於「釜醬汁豚肉燒」。釜醬汁豚肉燒，就是出自「釜だれとんこつラーメン」中的叉燒，其叉燒偏肥，肉質軟諗，醬汁味道帶少許甜味，赤胡椒能使美味程度提升，水準不俗。若要說的話就是脂肪位偏多，肉的部份與脂肪位比例不平均，吃的時候感覺像吃脂肪多一點，若脂肪位少一點，相信吃上去會更為美味。在香港一蘭menu 及 facebook的官方圖片中，就看得到肉的部份較多，脂肪位較少。拉麵+半熟鹽煮蛋+釜醬汁豚肉燒+抹茶杏仁豆腐合共$210, 價錢偏貴，當然這亦已是預料中事。…Read More