家上海 (東港城)

因為平時我自己好鍾意食上海菜，而且家上海好方便可以喺THE GULU攞定飛🎟️，唔使喺現場攞飛慢慢等，所以我同屋企人都食過家上海好幾次😆今次我同屋企人嗌咗一籠金牌小籠包、一客鐵板灌湯生煎包，同埋一碗菜肉餛飩拉麵🥟🍜金牌小籠包啲皮夠薄夠煙靭，入面都好夠湯汁，而且啲肉餡唔嚡，唔錯👍🏻！而鐵板灌湯生煎包嘅肉餡鮮嫩多肉汁，但係我就嫌佢煎得多油咗少少🤏🏻。至於菜肉餛飩拉麵🥟🍜啲餛飩皮好夠薄同滑，啲拉麵亦都好彈牙唔會話煮到好淋，而且個湯底都唔錯，飲落好舒服😛…查看更多

是日和親戚去了坑口東港城，帶婆婆試試家上海，一行人都未試過這間上海菜館。我們一行10人，適合的套餐有兩款12人用的，最後選了「老上海套餐」。點餐時，職員提醒我們12人用的套餐份量很多，建議我們先點6人餐，不夠吃的話再散叫亦可，我們遂聽從職員的建議而叫了6人餐 ($1,488)。淮揚五福拼盤，拼盤有女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩。醉雞滑溜兼充滿酒香，酒味香而不烈。海蜇頭冰凍爽口，與青瓜製成涼拌，味道微酸開胃。燻魚又香又入味，但好需要牙力，口感偏硬。烤麩入味，香濃帶甜，口感鬆軟。瑤柱賽螃蟹，將魚起骨拆肉後，加入蛋白和瑤柱一起炒熟，口感軟滑，仿如吃蟹肉一樣。人氣No.1煙燻脆皮雞（半隻），雞皮十分香脆，肉質嫩滑，帶點雞油，充滿煙燻香又不會太鹹！果然是人氣No.1的招牌菜，全枱人都好滿意這道菜。黃金蝦球，蝦球炸得脆口不油膩，鹹蛋黃醬份量適中，令蝦球帶點鹹香之餘又不會令人覺得太重負擔。濃湯砂鍋餛飩雞（半份），湯底味道鮮美，雲吞皮薄餡料飽滿，津白入味，雞肉滑溜。好味之選！松鼠桂魚，炸好的桂魚澆上醬汁，味道酸甜惹味，魚肉仍帶點脆口，加入松子仁及菠蘿等配料，口感豐富。濃雞汁蘿蔔，蘿蔔炆煮至軟硬適中，清甜不會起渣，加上入味的雞汁，是一道清爽的菜式。鍋塌豆腐的賣相有如紅燒豆腐，豆腐又滑又入味，帶豆香之餘，配以濃甜醬汁，將簡單的豆腐化為滋味。金牌小籠包，6人套餐只得一籠6隻，我們額外點多一籠。大大粒的小籠包外皮厚薄適中，肉餡足料，充滿湯汁，肉汁鮮甜，好吃！招牌十景揚州炒飯，簡單的配料，只有雞蛋、菜粒、叉燒及少量鮮蝦仁，飯粒炒得乾身不油膩。最後就是甜品，豆沙鍋餅賣相金黃亮麗，不會焦焦的，而且一點也不覺油膩！豆沙餡軟滑，甜度適中，是我暫時所吃過的豆沙鍋餅中為之滿意之選。用餐後，我們都對職員予以正評，不會為多賺客人的錢而要我們點未必吃得完的12人餐，添茶水也不會怠慢。加上食物質素佳，值得再光顧！…查看更多

前排經過位於東港城的家上海已經好想試下， 但因為太多人排隊，所以今次就下午茶時間先過嚟。 大約兩點幾到達都要等一陣先可以入座， 但入到店內發現原來有幾張枱沒有坐滿的。 下午茶時段兩點至五點， 可以點套餐，上海粗炒配麻香雞絲粉皮$78、 招牌十景揚州炒飯配女兒紅醉雞$78、 上海擔擔麵配金牌小籠包$78、 鮮肉鍋貼$38。 ▫️上海粗炒 ～ 份量偏少，但可能下午茶都係咁上下， 味道不錯， 配上豆瓣醬吃好惹味。 ▫️麻香雞絲粉皮 ～ 粉皮都幾q彈， 如果麻醬可以再多啲就更好。 ▫️招牌十景揚州炒飯 ～ 炒得夠乾身，粒粒分明。 ▫️女兒紅醉雞 ～ 酒味香濃，雞肉用酒提香， 特別美味。 ▫️上海擔擔麵 ～ 湯底濃郁鮮香，辣度剛剛好， 擔擔麵的口感偏腍。 ▫️金牌小籠包 ～ 小籠包湯汁好飽滿， 趁熱食好正。 ▫️鮮肉鍋貼 ～ 外皮酥脆內餡香甜， 味道不錯呀！ 幾款菜式都做得好， 下次有機會嚟試下晚餐先。 🏷️溫馨提示～ 整個用餐體驗均屬個人分享意見， 只作參考😊。 …查看更多

家上海 將軍澳重華路8號東港城1樓108號舖2023年1月21日（年三十）今年來到位於東港城的家上海吃團年午飯；之前吃過元朗那間分店兩次，今次為方便家人在將軍澳區吃。預訂了12時入座，出面已經開始要等位了。五福拼盤，冷盤好味精緻～ 尤其喜愛熏魚。炒飯，炒得乾身，但食唔到有蟹，但有大量火腿、雞肉⋯炸子雞，脆口、嫩滑。四季豆，好味，餸飯一流。小籠包，肉汁香濃。椒鹽小黃魚，香脆、惹味。大家都吃得很飽，沒有叫甜品。這午餐共$962，很抵食～祝大家兔年快樂，身體健康！…查看更多

中秋前夕黎到坑口新開既家上海食中菜🤩餐廳開幕之前都已經聽到唔小好評，岩岩開既時候更加長期都有長長既人龍😮試完之後終於明，果然係菜式質素高，味道有驚喜，賣相亦好吸引🥳中意食中菜既朋友必試💯🐟松鼠桂魚（$198）呢道真係色香味俱全，好好食😍一上枱已經被魚既賣相吸引😋酸甜汁調得岩岩好，唔會太酸或者太甜😉桂魚炸得好香脆，肉質都仍然保持到嫩滑👍超級開胃，十分推介‼️🍜炸醬拉麵（$58）我一向都超中意食中式既炸醬麵😍呢碗炸醬麵亦冇令我失望，最驚喜既係麵質好好食☺️夠滑又彈牙，唔會太林😝醬汁味道亦岩岩好，加埋青瓜絲好清新😋下次想試下其他湯麵🤗🫓金牌小籠包（$54／6件）小籠包係食上海野必叫既🤣做到皮薄餡靚，好多湯汁😚一上枱熱辣辣食真係好滿足💯🥟寧波蜂巢餃子（$68／5件）呢個餃子賣相好似日式餃子咁，但味道就反而冇咩特別🤓同普通窩貼有啲似，可以唔洗特別試😛🌮蓮香蜜餞火方（$128／4件）呢款傳統上海菜已經唔係好多餐廳有做😊係白色類似饅頭既皮包住金華火腿同脆脆，再點有蓮子既甜甜地既汁🤭一啖食落去有幾種味道，之前都未食過，夠晒特別👍🫔蘿蔔絲酥餅（$52／3件）蘿蔔絲酥餅上枱熱辣辣，新鮮炸起😚入面滿滿既蘿蔔絲，加上外面既脆皮好正😍而且雖然係炸，但走油做得好好，唔會成舊都係油🤭🍌高力豆沙香蕉（$60／4件）食上海野最中意既甜品就係高力豆沙😍味道唔會太甜，加埋我最中意既香蕉😆大滿足🥳/📌家上海 (東港城)將軍澳重華路8號東港城1樓108號舖/😋食物質素：8.5/10🍽️用餐環境：8/10💰性價比：7.5/10👣回頭率：8.5/10…查看更多