亞蘇爾 (形點) (已結業)

最近都去元朗上班, 之前去了形點食拉麵, 醒起以前食過的澳門茶很想再食! 所以今天放工去食!!! 星期六沒有下午茶餐, 不過單點我也可以, 最重要是餐廳環境真的很舒服, 寬闊的沙發卡座, 望著落地玻璃外的園景, 很舒服!食澳門菜例牌要點豬扒包, 另外想試其他未食過的, 見到”十月初五”當然要點~路氹香脆豬扒包: 一直也是很大份! 豬扒有咬口但不會韌,麵包是又脆又軟, 薯角炸得極度邪惡十月初五蝦籽松露意大利麵: 有驚喜!!!松露十分香濃, 配上適量的奶油忌廉醬汁, 也不會很膩! 路氹蝦醬炒雜菜: 上菜是一直冒煙, 很熱, 蝦醬味很強烈, 雜菜我最怕是水汪汪, 這個沒有, 蝦醬汁是掛在雜菜上。黃金忌廉軟心多士配雪呢嗱雪糕: 厚身的西多士, 一切開就看到內裡的滑嘟嘟的, 雪糕是Movenpick , 焦糖醬真美味!! 必定要加在西多士上配著吃很喜歡它各類型的菜也不錯, 可以食澳門特式菜的同時, 點其他中、西餐。…查看更多

自從形點開張後，好多時覓食都已經習慣喺openrice search Yoho Mall搵吓有咩推介，最近搵到呢間「亞蘇爾」，除咗有唔少食評外，每次行過去某日式放題餐廳時都會經過見到有人排緊隊，所以想試咗好耐。今個週末諗起佢，一於同男朋友試試佢。｜入座｜星期六8點入座當然有人等緊位，目測大約都有5-6張枱等緊。我哋因為已經訂左枱，去到報低名之後就已經被安排入庭，侍應亦非常友善比左四人卡位我哋兩位坐，位置寬敞，座位都乾淨，第一印象不俗。｜菜單｜菜單選擇有好多，從前菜、小食拼盤、主菜、甜品到飲料，應有盡有。值得一提嘅係佢有一份wine list，望到入面除左有大路嘅red同white之外仲有rose，選擇之多令人驚喜。但今次主要想試佢哋嘅菜式，前一晚亦飲過啤酒盡過興，所以無點酒類。其實由一開始話想食亞蘇爾嘅時候我一心係想試葡國雞，食過咁多港式嘅葡國雞都想試試正宗口味，不過男朋友一見到乳豬後就抵受唔住誘惑，所以無試到葡國雞，下次可以值得一試。｜上菜｜焦糖葡撻（$14/1）估唔到首先上嘅竟然係葡撻，由甜品變成前菜。葡撻上枱時帶微熱餘溫，係可以接受嘅溫度範圍，值得比個like。一咬落去感覺口感非常紥實，奶香味濃，酥皮亦都做到酥脆嘅口感。不過味道偏甜，而且都幾飽肚，食完又無覺得好驚艷嘅感覺，我個人覺得$14一個唔算太化算，不過不失。亞蘇爾小食拼盤（2人用）（$162）一上枱我同男朋友都比佢巨大嘅size嚇親！而且擺盤做得幾精緻，令人食指大動。首先試咗辣肉腸芝士脆多士先，因為驚耐咗就唔脆，口感影響好大。其實食嘅時候已經唔記得咗佢係辣肉腸，但入口非常之香，帶鹹味，當然亦都保持到香脆嘅口感，個人都比幾高分。第二個試嘅係霹靂魷魚，呢個就唔太啱我自己個人口味，我食咗一條就交比男朋友繼續解決，因為佢嘅辣度我唔太接受得到。我食咗一條覺得口味偏酸，但男朋友就覺得酸酸甜甜幾好食，都好睇每個人嘅口味。之後試埋黑醋豬手，呢個好有驚喜！雖然豬手食嘅時候比較唔方便，用叉真係食唔到，最後都係用紙巾拎住食，但豬手嘅軟骨非常有彈性，凍冰冰好爽口，配上開胃黑醋，我十分推薦！最後嘅芝心馬介休球亦都好香口，好中意帶薯蓉嘅口感，不過芝士同整體口味都偏鹹，一舊起兩舊止。整體呢個拼盤表現算係唔差，但食到呢到我已經有少少飽飽哋，同埋不停飲水，因為每款小食嘅口味都頗重，適合重鹹朋友仔。葡式香烤脆皮乳豬件配薯菜（$188）主菜終於上菜！擺盤利用蔬菜同醬汁打造奪目鮮艷色彩，好值得影相。一碟總共有5件乳豬件，其實與菜單圖片係相符，但始終覺得唔算太抵食。加上每件乳豬件嘅肉唔多，不過我都明白客人們想要呢個乳豬件係為咗香口嘅乳豬皮，而我個人覺得佢係做到呢一點嘅。但我略嫌佢仍然烤得有啲乾身，口味一樣偏鹹，所以不停飲水……喜歡食肉嘅男朋友就對呢碟餸讚口不絕，佢鐘意就可以啦哈哈！個人另一稱讚位係佢啲薯條，每條size適中，夠厚身有口感，配上酸甜偏甜嘅茄汁，我係食哂嘅！路氹香脆豬扒包（$72）最後上枱嘅係豬扒包，其實我同男友都已經6、7分飽，但因為我自己好鐘意食豬扒包，所以仍然食左半舊～因為前面食咗幾款肉都開始有啲滯，所以見到生菜蕃茄好開心，入口都算清爽，令我覺得有驚喜嘅係豬扒非常之腍同香口，不過如果沙律醬多番啲去中和成個包嘅油膩感就會更perfect！食完後我同男友都覺得好夠飽，份量都好夠大，但一致認同亞蘇爾菜色嘅調味略嫌偏鹹，但整體味道唔錯，如果下次經過諗唔到食咩都可以再試，不過下次應該會揀番葡國雞同蔬菜，唔洗一味食咁多偏乾嘅菜式。…查看更多

之前喺Yohomall行街經過呢間亞蘇爾，已經對葡國菜有興趣，所以今晚決定黎食下先。門面好靚好光猛，雖然唔係Happy Friday，但餐廳入面都非常多人，所以都要等一陣，不過唔算等得耐。等候期間，見到一隻隻嘅葡撻十分吸引！入到去嘅時候，四周環境好靚，牆上配上葡式花磚感覺嘅手繪圖畫，令我諗返起同老公一齊去澳門嘅回憶，成晚帶俾我一個悠閒舒適嘅感覺。呢個至尊鵝肝焗鴨飯只係＄148，完全衝住鵝肝而叫嘅菜式，裏面有鴨胸、葡式辣肉腸及橄欖等材料，非常豐富。上菜時香氣撲鼻，立即試下塊鵝肝，外面煎到好香脆，裏面非常柔軟，入口即溶，一試難忘。焗飯很乾身，飯粒軟硬度適中。配上足料鴨肉、葡國腸，味濃又多肉。葡汁焗四蔬份量唔小，葡汁濃郁，味道恰到好處。陣陣椰奶嘅香味，但又唔會過甜，上面加上芝士粉更加係點睛之作，食到唔停口，回味無窮。路氹香脆豬扒包微烘的豬仔飽香脆鬆軟，帶住淡淡嘅牛油香味。豬扒大大塊，有葡國香料嘅味道，有d香茅嘅幽香，而豬扒外層煎到微微酥脆，肉質鬆化軟腍，富有肉汁，鹹味唔重，即使個包裏面冇乜醬料，都一樣惹味。再夾埋新鮮嘅番茄，非常配之餘，仲可以減走油膩感。另外，豬扒包仲配左個秘製醬汁，味道香辣，加入檸檬汁，酸酸辣辣好開胃，比澳門的更加好食，必試之選。服務員嘅服務態度好好，有禮貌。最記得一個唔係本地人嘅姨姨，成日都笑臉迎人，非常有禮餐牌好似本雜誌咁三百幾蚊食到好食嘅葡國餐，好滿足呀～…查看更多

老朋友剛剛生完BB，今日專程去元朗玩BB，BB好cute cute，為免阻住朋友休息，我坐了個幾鐘後就走，之後行下Yoho Mall，行到差唔多攰的時候就去了亞蘇爾食晚飯。店內樓底好高，窗口外是商場種滿樹木的休息地方，窗口採用落地玻璃設計，坐在窗口隔離分外舒服，好relax，坐到唔捨得走。餐廳食物主打澳門地道小食以及澳葡菜，選擇非常多元化。熱情果梳打我先叫了一杯熱情果梳打，熱情果營養價值高，1個熱情果的維他命C含量 = 8個橙 = 8個蘋果，而維他命E含量 = 15個橙 = 10個蘋果。熱情果味道濃而且甜度高配上有氣梳打，是絶佳的配搭。路氹香脆豬扒包大大份配上香脆美味的薯角及清新的沙律菜，值得推介。豬扒醃得入味，而且嫩滑多汁，包外脆內軟，是澳門的味道。葡國雞配飯或蒜蓉包焗過的葡國雞滑溜入味而且雞肉厚身啖啖肉，配上香濃的葡汁及充滿葡式風情的辣肉腸，非常值得推介。焦糖葡撻及濃香咖啡葡撻葡撻熱辣辣，皮酥化，亦唔會過甜，唔錯。…查看更多

今日同媽咪黎行街，行街前食個午餐，見呢到新開，睇左一眼menu好似都ok就決定入去試下呢到環境好好，坐得好舒服，將主打食品放上牆身，令人更加想試下食開放式廚房，一目了然Menu設計都好靚，但感覺好快會被整到好油同皺晒，一至五有午餐，3點後有下午茶，睇左主Menu，午餐其實都好抵咖哩牛根腩，咖哩超香，入口少少辣，同好滑，送飯一流，入面有好多舊牛腩&牛根，都好林，薯仔硬左少少路氹豬扒包，一上枱，嘩，原來都幾大份，仲配左薯角同沙律。個包外脆內軟，豬扒好大塊好juicy，而且煎到個邊好香脆，夾埋d醬汁同蔬菜，好有驚喜，薯角亦係熱辣辣上，好正！餐飲我見佢寫有卷仔奶茶，我叫左凍奶茶，又係嘩一聲，好好飲，個茶味好香好濃，又滑，可惜媽咪唔飲奶茶，否則一定叫佢叫杯熱奶茶試下最後叫左杯木糠布甸，好滑但甜左少少，作為飯後甜品剛剛好其實已經飽飽地，但見到d葡撻又想試下，於是又叫左一件試下，可惜只係暖暖地，熱d會好d，但味道係Ok的總結呢餐好有驚喜，食物都做到色香味俱全，值得一提係服務好好，除左有簡介菜式之外，亦主動向搵唔到紙巾既媽咪遞上餐紙，好細心！…查看更多

從一個個大型屋苑相繼落成，更多區外人進駐後，元朗的飲食業生態亦來了個大轉變；由原本的酒樓、大牌檔、小炒店、小吃店、車仔麵店、以大件夾抵食的刺身、寿作招徠的日式食店等衍生出更多不同類型的食肆，如Omakase、鐵板燒、精緻具質素的甜品店、過江龍食肆等。好友便屬其中之一，搬入元朗後，我們在該區飯聚的次數也越來越多，就近西鐵站的形點也成為了大家的聚腳地，只是每次試不同的餐廳，也夠我們玩上好一陣子。今次試葡國菜，也是其中一樣我喜歡的菜式，說起葡國菜，很自然便會想起澳門，可能因為歷史背景吧。給這個香噴噴的葡達吸引著是意料中事吧，貼心的友人早已為我落了柯打，果然知我心呀！一目了然的開放式廚房，光猛整潔，不禁令我對它加了一點分數。高高的樓底令窄長的空間少了壓迫感，以卡位佈局為主，合乎大多為三、四人的小家庭需要。焦糖葡撻、香橙檸檬葡撻焦糖葡撻 - 外層酥脆，咬下去充滿牛油的香氣，微微焦香的蛋漿面層焦糖味突出，甜度卻不會太高，應是為了照顧香港人的口味而作出了調整。香橙檸檬葡撻 - 主要是多了陣橘香味，感覺更清新，不太嗜甜的可選這個呀。陳皮紅糖薏米水∼天氣開始轉冷，喝這個暖暖的特飲最適合不過；陳皮有理氣健脾，燥濕化痰等功效，薏米有利水消踵的作用；加上微甜的紅糖，真係健康又好味的選擇。友人陸續到來，大伙兒便興高采烈地開始點菜的環節。沙甸魚蒜香包∼這味菜令我想起當年到澳門遊玩時，第一次坐凳仔吃沙甸魚包的情形，不同的是；這裡的是包、魚分家，躺在罐頭內的沙甸魚以芫荽、洋蔥、紅椒、油醋等作調料，非常惹味，伴以法包同吃，有點吃Open Sandwich 的feel！估不到配角炸薯條的吸引力一點也不遜主角，外脆內粉軟，非常不錯。路氹香脆豬扒包∼豬扒包可說是澳門小吃中的表表者，當然要一試啦，豬扒頗有厚度，軟腍而不乾澀，夾着青瓜、蕃茄同吃，感覺更清爽健康。香烤乳豬伴慢烤蕃茄及意瓜沙律∼乳豬皮酥脆而肉質也軟嫩，份量不少，伴着沙律菜、番茄同吃有助平衡油膩感。薯角烤得外脆內軟，教我這個澱粉人吃得歡喜。烤焗原條盲鰽魚伴香蒜牛油煮海蜆∼翻開焦香的魚皮，試一口魚肉，嫩滑，但調味卻嫌過於輕手；撒了點鹽和胡椒後味道立時鮮活過來！伴碟的海蜆加上香蒜牛油，得到大家一致的喜愛。路環鹹魚炒椰菜苗∼爽脆的椰菜苗與鹹魚，是不敗的組合。招牌活蜆海膽鮮蟹粥（2人份量）∼粥底綿密，可惜不怎麼有蟹味，兩者有點各不相干，相信蟹應是「後下」？還好蟹肉鮮甜，挽回了不少分數。水準不差，但仍有改進空間，希望下次到來，這裡會更進一步。…查看更多

今日嚟試新嘢亞蘇爾， 澳門菜。呢間亞蘇爾應該係今個月先新開既， 之前行咗幾次yoho都冇見過， 咁見到有新嘢就梗係要試下啦！一入去嘅第一個感覺， 就係覺得佢個抽風系統好似唔係咁好， 有少少油煙味同埋有少少煙霧瀰漫嘅感覺。我哋兩個人嗌咗兩個餐， 一個係路氹香脆豬扒包配薯條沙律， 另一個係辣肉腸松露芝士豬扒包配薯條沙律， 冇跟餐飲，檯面有樽水，兩個杯，自己嚟。等食嘅同時周圍望望個環境， 出面有幾張枱不過冇人，我諗平時冇咁凍應該可以出去坐下。先嚟咗個路氹香脆豬扒包， 個賣相都唔錯， 不過個薯條好明顯係擺咗好耐， 已經唔熱唔脆之餘仲好實， 雖然個調味料唔錯但係口感扣曬分。不過始終主角都係個豬扒包， 豬扒包真係有驚喜， 豬扒厚得嚟又唔會好實，好多汁，真係第一次食豬扒覺得好味過食牛扒。大約五分鐘之後， 個辣肉腸松露芝士豬扒包先到， 竟然呢一碟嘅薯條又唔同喎， 熱辣辣新鮮炸起， 同之前嗰碟嘅薯條真係差天共地， 好味好多喎， 希望佢注意下下次唔好攞啲擺咗好耐嘅薯條出嚟俾客人食啦！呢個辣肉腸松露芝士汁真係不得了， 個感覺完全係將凱撒沙律上面嘅芝士加埋松露嘅味道濃縮咗做醬汁，然之後放咗喺塊豬扒上面， 佢的芝士味相當之濃郁， 有淡淡嘅松露味， 成件事配合起上嚟好似食緊漢堡包咁，好新奇， 塊豬扒唔使講啦，都係一樣咁好味！我就真係覺得好味到想連隻碟都食埋，一個餐嘅份量足夠食飽一個正常嘅男人， 如果細食少少嘅女仔都可能會食唔曬！呢一餐兩個人食咗161蚊包埋加一！…查看更多