影片
更多
2019-02-18
512 浏览
自从形点开张后，好多时觅食都已经习惯喺openrice search Yoho Mall揾吓有咩推介，最近揾到呢间「亚苏尔」，除咗有唔少食评外，每次行过去某日式放题餐厅时都会经过见到有人排紧队，所以想试咗好耐。今个周末谂起佢，一于同男朋友试试佢。｜入座｜星期六8点入座当然有人等紧位，目测大约都有5-6张枱等紧。我哋因为已经订左枱，去到报低名之后就已经被安排入庭，侍应亦非常友善比左四人卡位我哋两位坐，位置宽敞，座位都干净，第一印象不俗。｜菜单｜菜单选择有好多，从前菜、小食拼盘、主菜、甜品到饮料，应有尽有。值得一提嘅系佢有一份wine list，望到入面除左有大路嘅red同white之外仲有rose，选择之多令人惊喜。但今次主要想试佢哋嘅菜式，前一晚亦饮过啤酒尽过兴，所以无点酒类。其实由一开始话想食亚苏尔嘅时候我一心系想试葡国鸡，食过咁多港式嘅葡国鸡都想试试正宗口味，不过男朋友一见到乳猪后就抵受唔住诱惑，所以无试到葡国鸡，下次可以值得一试。｜上菜｜焦糖葡挞（$14/1）估唔到首先上嘅竟然系葡挞，由甜品变成前菜。葡挞上枱时带微热余温，系可以接受嘅温度范围，值得比个like。一咬落去感觉口感非
｜入座｜
星期六8点入座当然有人等紧位，目测大约都有5-6张枱等紧。我哋因为已经订左枱，去到报低名之后就已经被安排入庭，侍应亦非常友善比左四人卡位我哋两位坐，位置宽敞，座位都干净，第一印象不俗。
｜菜单｜
菜单选择有好多，从前菜、小食拼盘、主菜、甜品到饮料，应有尽有。值得一提嘅系佢有一份wine list，望到入面除左有大路嘅red同white之外仲有rose，选择之多令人惊喜。但今次主要想试佢哋嘅菜式，前一晚亦饮过啤酒尽过兴，所以无点酒类。
其实由一开始话想食亚苏尔嘅时候我一心系想试葡国鸡，食过咁多港式嘅葡国鸡都想试试正宗口味，不过男朋友一见到乳猪后就抵受唔住诱惑，所以无试到葡国鸡，下次可以值得一试。
｜上菜｜
焦糖葡挞（$14/1）
焦糖葡挞
$14
21 浏览
0 赞好
0 留言
估唔到首先上嘅竟然系葡挞，由甜品变成前菜。葡挞上枱时带微热余温，系可以接受嘅温度范围，值得比个like。一咬落去感觉口感非常紥实，奶香味浓，酥皮亦都做到酥脆嘅口感。不过味道偏甜，而且都几饱肚，食完又无觉得好惊艳嘅感觉，我个人觉得$14一个唔算太化算，不过不失。
亚苏尔小食拼盘（2人用）（$162）
亚苏尔小食拼盘（2人用）
$162
22 浏览
0 赞好
0 留言
一上枱我同男朋友都比佢巨大嘅size吓亲！而且摆盘做得几精致，令人食指大动。首先试咗辣肉肠芝士脆多士先，因为惊耐咗就唔脆，口感影响好大。其实食嘅时候已经唔记得咗佢系辣肉肠，但入口非常之香，带咸味，当然亦都保持到香脆嘅口感，个人都比几高分。第二个试嘅系霹雳鱿鱼，呢个就唔太啱我自己个人口味，我食咗一条就交比男朋友继续解决，因为佢嘅辣度我唔太接受得到。我食咗一条觉得口味偏酸，但男朋友就觉得酸酸甜甜几好食，都好睇每个人嘅口味。之后试埋黑醋猪手，呢个好有惊喜！虽然猪手食嘅时候比较唔方便，用叉真系食唔到，最后都系用纸巾拎住食，但猪手嘅软骨非常有弹性，冻冰冰好爽口，配上开胃黑醋，我十分推荐！最后嘅芝心马介休球亦都好香口，好中意带薯蓉嘅口感，不过芝士同整体口味都偏咸，一旧起两旧止。整体呢个拼盘表现算系唔差，但食到呢到我已经有少少饱饱哋，同埋不停饮水，因为每款小食嘅口味都颇重，适合重咸朋友仔。
葡式香烤脆皮乳猪件配薯菜（$188）
葡式香烤脆皮乳猪件配薯菜
$188
20 浏览
0 赞好
0 留言
主菜终于上菜！摆盘利用蔬菜同酱汁打造夺目鲜艳色彩，好值得影相。一碟总共有5件乳猪件，其实与菜单图片系相符，但始终觉得唔算太抵食。加上每件乳猪件嘅肉唔多，不过我都明白客人们想要呢个乳猪件系为咗香口嘅乳猪皮，而我个人觉得佢系做到呢一点嘅。但我略嫌佢仍然烤得有啲干身，口味一样偏咸，所以不停饮水……喜欢食肉嘅男朋友就对呢碟𩠌赞口不绝，佢钟意就可以啦哈哈！个人另一称赞位系佢啲薯条，每条size适中，够厚身有口感，配上酸甜偏甜嘅茄汁，我系食哂嘅！
路氹香脆猪扒包（$72）
路氹香脆猪扒包
$72
35 浏览
0 赞好
0 留言
最后上枱嘅系猪扒包，其实我同男友都已经6、7分饱，但因为我自己好钟意食猪扒包，所以仍然食左半旧～因为前面食咗几款肉都开始有啲滞，所以见到生菜蕃茄好开心，入口都算清爽，令我觉得有惊喜嘅系猪扒非常之腍同香口，不过如果沙律酱多番啲去中和成个包嘅油腻感就会更perfect！
食完后我同男友都觉得好够饱，份量都好够大，但一致认同亚苏尔菜色嘅调味略嫌偏咸，但整体味道唔错，如果下次经过谂唔到食咩都可以再试，不过下次应该会拣番葡国鸡同蔬菜，唔洗一味食咁多偏干嘅菜式。
张贴
