正宗水上人蒸氣鍋專門店

今晚既然有老細埋單,  一於食大佢！！有理冇理先來一隻是日精選 : 生猛北海道花咲蟹, 仲有要叫生猛海鮮, 通通幫我哋攞曬嚟, 夠土豪吧大枝裝啤酒$2X, 唔貴。用正宗存熱草帽蒸汽鍋, 開餐前先混好自己的醬。先來一支 Lemon ginger cider 解解渴, 呢枝来自瑞典的來佬貨我都系第一次見， 入口冰涼爽口, 薑味清新自然， 一啲都唔chemical。We are ready! 鍋底的水蟹雞蟹粥材料同樣 ready！海鮮餐開動了。北海道花咲蟹新鮮生猛原隻上蟹肉非常鮮美爽口, 甜甜的, 爽口的蟹肉, 配甘香蟹膏, 天下美食之最, 游水蟹口感無得頂！最愛還是蟹鉗一梳梳的爽口蟹肉貴妃蚌勁大隻, 幸好食落完全唔韌, 兼鮮甜爽口, 個人覺得上面啲醬可以省回, 海鮮就噉食已經夠甜夠鹹, 頂多都系加少少蒜蓉及蒸魚豉油即可, 所以 pat 醬我係食完海鮮先再試, 個醬似淡忌廉芝士加鹽混合。黑松露蒸大元貝呢度啲海鮮既新鮮又肥美, 就算size 有返咁上下大, 在火候控制得宜情況下, 口感也很好, 大元貝蒸得剛剛熟, 鮮甜多汁, yummy, 雖則我都好鍾意食黑松露, 配海鮮未免太過搶, 我都係堅持先撥開它香氣熏天嘅黑松露醬......食完元貝才食。粒元貝切開2層都仲咁厚肉, 爽甜多汁。馬甲背其實食海鮮, 衹要海鮮新鮮及火候控制得好, 真係冇得輸, 呢個馬甲背鹹鮮, 無沙, 甜！怪味猪猪片带少許肥肉, 肉質甘香爽脆, 猪肉香口, 沙爹孜然醬添美味。水蟹鷄粥所有海鮮精華所在, 粥底材料有水蟹、雞及海鮮水, 粥底又棉又鲜甜生果盤 (送)今晚有老細埋單, 單都冇機會見, 抵唔抵食唔知道, 衹能話畀你聽今晚啲海鮮好新鮮, 招呼也很周到。…查看更多

約了幾個朋友去了食海鮮蒸汽鍋，大家都在尖沙咀附近返工，所以決定了去這間位於厚福街的水上人。餐廳有自家養缸，海鮮日日新鮮運到再養入缸內，保證新鮮。先點了個粥底鳳凰水蟹粥，即係雞蟹粥，放左落去鍋內就開始蒸海鮮。旁邊有些醬油及葱花，款式甚多，但個人比較喜歡嘗鮮，因為新鮮的海鮮基本上不需要加任何調味。先蒸馬甲貝及芒蜆，味道鮮甜，每隻都新鮮全開口而且無沙。黑松露蒸大元貝，本身元貝肉厚，已經一開為二，方便蒸熟而且不怕過火，黑松露味道比較淡，反而元貝鮮味突出。中蝦上枱時還未死，新鮮彈牙，還有些蝦膏。貴妃蚌大大隻，但肉質不鞋口，而且鮮甜。怪味禾豚肉味道一點也不怪，反而有很濃郁的孜然粉味，豚肉肉質嫩腍而且無豬騷味。最後食埋個粥底，蟹肉的鮮甜味及雞油都落哂粥底裏面，粥底既綿又鮮，加上菜甫及葱花增添香味。店員還送上香甜多汁的西瓜。幾特別的檸檬薑啤，但一點也不似啤酒，反而似汽水。…查看更多

最近都食蒸氣石鍋，皆因友人們都食厭火鍋，所以都不停食蒸氣石鍋，但揀選了呢間正宗水上人蒸氣鍋專門店，因為友人同我都覺得海鮮夠新鮮，所以再同朋友黎食。好大個玻璃魚缸，俾客人見到海鮮有幾新鮮。有套餐，也可散點海鮮菜式，當然少不了我地至愛啤酒，由於友人都不想花時間揀海鮮，所以不用煩，點了套餐A $398就可以，有幾款海鮮，還有肉及菜，最後有個粥，我們見啤酒價錢算合理，所以也點了。嘉士伯支裝才$28，算抵飲啦。等待食物時出去自取醬酒配料，超多的選擇，有成18款，有重慶醬微辛辣又惹味，仲有桂林辣醬味道幾刺激，呢兩款都幾特別。先蒸貝類，點菜前我地like facebook有沙白蜆送。沙白蜆有少少沙，蜆肉有點細，但送的沒要求，幸好都鮮甜。花蛤皇好大粒肉，脹卜卜好飽滿，鮮味十足又爽口。鑽石蜆比較爽好好咬，鮮味不算重，但冇沙而且新鮮。波士頓龍蝦唔算好大隻，但勝在有埋龍蝦鉗，所以都好多肉。肉質爽彈，好易起出龍蝦肉夠新鮮，龍蝦鮮甜味突出，值回票價。珠江奄仔蟹，唔大唔細岩岩好，清蒸食出原味。驚喜黎啦，超多蟹糕，不過蟹糕唔算濃香，creamy滑溜的蟹糕一啖吸食完，有點唔夠喉。黑松露蒸元貝，好大隻而且好厚肉。黑松露味好重，傳來陣陣香味，而且好夾帶子。帶子蒸得梗梗熟，肉質嫩滑軟淋，味道好好。貴妃蚌用芝士來蒸，雖然芝士味清淡，但都蓋過海鮮味了。好彩肉質爽口又大隻，救回不少分數。怪味禾豚肉只有六塊，每人才三塊太少了，不過薄切快熟又易咬。而且醬料好惹味，有沙茶醬的味道好香好夾豬肉。時菜有菜心、芥蘭、娃娃菜選擇，我地揀較安全的菜心，蒸出來的蔬菜都保持原味，食落好清甜，味道幾好。最後個南瓜豬筒骨粥都食得啦，呢度用豬筒骨幾特別，味道更濃豬味，連骨髓也煲出味來，好正。有海鮮的鮮甜味，配豬筒骨髓濃味，個粥好綿又夠味，正。最後送上西瓜，的確好多汁，但不夠清甜，也不錯。…查看更多

話說蒸氣火鍋係香港流行左咁耐，我都未曾試過，認真慚愧趁住啱啱出糧，就請屋企人去試一次啦！正宗水上人氣鍋專門店位於尖沙咀加拿分道，從地鐵站B2出口走去只需5分鐘，非常易搵入到鋪內就看見呢個一層層的魚缸，非常震撼！裏面的海鮮游來游去，生猛十足！首先睇下菜單，目測都有80多種，有選擇困難症的我，真的無從入手幸好菜單反過來有套餐可以選擇，真的適合懶惰的我最後我哋揀咗套餐A（要注意：套餐是以每位計的，而且至少要兩位起）另外再加埋臘香鮑魚糯米飯和手打四寶丸店員首先將南瓜豬骨粥的材料放在石鍋，然後在上面放上蒸格然後他會將一碟碟食材放上蒸格，蓋上草帽然後開始計時，時間一到他又會走來將食物分給我們真係坐喺度擘大口就有得食！完全唔驚因為自己唔識調控時間而浪費了食材～打頭陣的是鑽石蜆同花蛤皇火候恰到好處，好鮮嫩，不用沾醬反而更能突顯海鮮的鮮味跟住就係黑松露蒸元貝同貴妃蚌平時蒜蓉蒸元貝就食得多，原來黑松露蒸元貝又是一種風味，黑松露增添了味覺的觸感，吃起來更有層次貴妃蚌配合芝士汁，肉質豐厚，鮮到不得了唔好比佢停，跟住出嚟嘅係波士頓龍蝦龍蝦啖啖肉，不消一會兒，就全部掉進我們肚裏珠江奄仔蟹蟹就唔算太大隻，但當將佢切開的時候，黃色的蟹膏幾乎流了出來蒸完之後嘅蟹膏，依然滑溜， 吃來很新鮮，大滿足！怪味禾豚肉賣相不算太討好，但佢的內在美都有味道，那足以自豪雖然叫怪味，但吃起來的味道不怪之餘，還很特別，有少少沙嗲醬的味道臘香鮑魚糯米飯呢個糯米飯十分讚，臘味的味道完全滲入在糯米中，而他的飯並不像在酒樓叫的生炒糯米飯般結實，食完冇好滯的感覺手打四寶丸最後，令人期待的一刻來了，要享用面面的南瓜豬骨粥了：吃之前加上蔥花芫莤頭菜之前蒸的海鮮、食材精華全部都落到粥裏面，加上已經煲了個多小時，已經煮到綿身，鮮味十分！我哋即使已經食到很飽，都不敢來一招「美女照鏡」，將佢完全吃掉！如果要我用一個字去形容呢一晚，呢個字會係「鮮」！PS:另外值得一讚的是，這間店的店員服務有加，經常斟茶換碟…查看更多

食過旺角總店念念不忘，今天又相約好友前往尖沙咀分店試下。中式的裝潢又帶點西化，都幾好呀⋯⋯中西共融。雖然海鮮是我們的主打，但食蒸氣鍋始終要有粥底去吸收海鮮精華才不會浪費美食。一如既往，南瓜，豬骨，珍珠米材料落鍋，蓋上蒸盆，主角就會陸續出埸了。蟶子皇比想像中要細小，用了大隻的蒸煮時間所以質感比較老。明明是海鮮要吃的是鮮味，不知為何淋上了黃，紅椒製成的醬汁，那辣味蓋過了鮮味，有點失望！另一款的貴妃蚌又是浪費了鮮甜味。加入了金菇和芝士白汁，味道不夾。蒜茸粉絲蒸元貝回復正常了，鮮甜嫩滑，這才是原汁原味啊！美國石蠔件頭又細了一點，好彩蠔味豐富，取回不少分數。最鮮甜是重皮蟹，肉質鮮嫩，不過蟹膏欠缺，美中不足。金蒜蒸勝瓜份量不少，食得滿是又飽足。手打蝦丸也不錯，爽口彈牙，滋味。重頭戲粥底己完成了。綿綿鮮甜的口感，好味。整體中規中矩，希望店方不要加太多創意在海鮮裡，原汁原味才是最重要。…查看更多

現時，我有十多個 what's app group，其中一個是多達十五位成員的 “食玩Group”！  群組中，大家來自各行各業，有三位執業會計師、銀行業、IT、公務員…等！當中，我們有好幾位負責不同範疇，我負責攪飯局，喜歡旅行的有旅遊達人，康樂的有位在警察部門做了多年的朋友，唱 K 又有歌王歌后…大家間中出來聚一聚，嘻嘻哈哈！都幾開心！ 早前，聽聞無線藝人也開設了一間蒸氣火鍋店 <正宗水上人氣鍋專門店>，嚐過其旺角總店的質素！值得推介我們群組的朋友來啊！ 尖沙咀加拿芬道分店位於厚福街！店子門口在地下那層，食客要行樓梯上到上層用膳！ :) 今次，我們一行 8人，4男4女的組合，大家也很準時 7:30 到齊！  我們被安排到窗口位的 8人大枱幸好有預先訂枱，我們被安排到窗口位的 8人大枱， :)  就算佔地全層，這裡比預期細而迫狹！ :(  以竹林為裝潢主題，空間感一般！ :( 每張桌子旁邊，均放有一個木茶几，以便放上送來的食物！認真貼心！  另有多種配料及醬料任君選擇！ 店員們勤快主動，值得一看讚！卻是食飽臨走時，部份店員不見了！  恐怕是已經收工！當時，想找個店員都難！ 琳瑯滿目的海鮮，令我們花多眼亂！  起初，我們打算點長腳蟹 $28/兩，店經理帶我們 4位女生看看長腳蟹實物，水缸內有 3隻長腳蟹，拿了最細兩隻磅重，一磅之下，嘩！  3.5~4.7公斤，起碼動輒千多元，平均每人夾 $200，實在很貴！  跟男生們商糧後最終無點！ 還有套餐可供選擇，卻是份量不夠分！8人大枱設有一個海鮮蒸鍋，桌上有可旋轉的玻璃，方便大家！  以不同食材調教所需蒸製時間。和風餐具紐西蘭鑽石蜆 $68粒粒飽滿鮮甜有嚼勁！可能先入為主的關係，覺得特別鮮美！ 蟶子皇 $48/ 隻共有 8隻蟶子皇，我們建議店員分兩轉蒸吧！原來有兩層呀！ 可以一氣呵成，實在太好嘞！除了以粉絲墊底之外，另加上橙黃色的醬汁，這是用上黃椒及洋蔥混合而成， 入口帶微辣又惹味！的確為味蕾帶來刺激及驚喜！ 大家對這款調味醬汁也讚不絕口！ 為本身鮮美的蟶子皇，口味變得精彩起來！貴妃蚌 $38/ 隻貴妃蚌肉厚飽滿鮮甜有嚼勁！ 店方巧妙地把貴妃蚌配上金菇加上芝士，配搭出乎意料之外的絕配味道！出奇地夾！ 推介之選！瀨尿蝦皇 $158/ 隻坐我隔離的靚女嚷著要食瀨尿蝦，  卻是其他人不為所動！只好為她而叫一隻吧！  店方選用特大條的瀨尿蝦皇，對比筷子可略知一二！  在石鍋裡一隻孤獨的瀨尿蝦，大家都忍不住食出來！ 她並非獨食，還跟我分享！好讓我在食評中評語一番！  細心的她小心翼翼剝殼後，放得很整齊給我拍照！:)瀨尿蝦皇蒸熟後，蝦殼呈橙色；肉質肥厚爽彈！鮮美無比啖啖肉！ 黯然銷魂魚 $198這是招牌菜之一， 以沙巴魚灑上薰衣草蒸製！ 等候蒸製的時候，薰衣草的香氣由草帽蒸蓋散發出陣陣的幽香！  令人很 relax! 未嚐先帶來嗅覺的享受！沙巴魚魚肉鮮滑，加上薰衣草的配合之下，增添一種迷人的香氣！ 但未至於令人銷魂！哈哈！ 個人覺得口味特別而已！和牛粒 $198和牛粒比牛肉片口感更佳，較有咬感！一啖入口，肉汁洋溢口中！  肉厚而鮮嫩，食得滋味無窮！ 一粒又怎夠喉呢？  教人回味！ 蟲草花蒸雞半隻 $188最怕食到入口嚡的雞肉，時間控制剛好，:) 幸好肉質尚算嫩滑！同時，帶出鮮味！蟲草花吸收雞汁精華香口惹味起來，變得口感柔軟！臘香鮑魚糯米飯$198多人分享糯米飯份外高興又滋味， 用上新鮮鮑魚切粒，配上臘腸，灑上芫茜，多了一份清香！飯粒煙韌軟糯，吸收鮑魚精華及臘腸的油份，啖啖油潤滋味！食得一口滿足！水上神仙粥 $168原來是椰子配排骨，口味清新！混合芫茜，添上清香！:)吸收海鮮精華，粥底味道鮮味十足，與別不同！金蒜蒸勝瓜 $78熟透的絲瓜充滿水份，入口非常熱燙！ 食完一頓豐富濃膩的海鮮大餐，清一清味蕾也來得不錯吧！只要每人在 Facebook 打卡，大家便可添食免費海鮮！總括而言，海鮮蒸鍋店繼潮福、金豪...之後，<正宗水上人蒸氣鍋專門店> 調味合大家胃口之餘，價錢又合理！這類型海鮮蒸鍋店一間比一間出色！期待在其他地區有分店呢！…查看更多