漢發麵家 (大南街)

似乎不如從前咁好食，但依然要排隊星期六下晝三點到達攞咗飛等咗大約20分鐘坐咗喺埋邊位置，一路食一路流汗，而且空氣比較侷促豬潤麵，豬潤比起以前好似少咗，但係每舊都仲係好厚實，湯底有好濃嘅燒酒味，唔知係咪因為燒酒味太濃，遮咗豬潤同埋本身個湯嘅味道蝦子撈麵加雲吞，面有啲硬身，浸咗個湯都仲係比較硬，雲吞就有五粒，粒粒都脹卜卜，口感幾好食西多士，西多士等咗好耐，唔熱唔脆只能夠講係兩塊搽咗花生醬夾埋一齊，而且沾滿晒蛋漿油淋淋嘅白麵包，的確令人非常失望 另外嗌咗杯涼粉紅豆冰，不過不失冇乜特別，但係$40一杯，飲手搖仲開心🫠…查看更多

之前已經食過一次，今次咁啱經過梗係要再嚟食啦呢度出名嘅係豬潤，所以今次照舊豬膶公仔麵再加個豬扒米粉豬潤爽口大舊兼厚身，係我鍾意嘅質感（張相食到一半先記得影），配上公仔麵所以湯底會偏濃味，枱面有日式麻油，如果鍾意嘅話都可以加幾滴應該會更加好食另外叫咗個豬扒米粉，豬扒係第一次食估唔到好有驚喜，豬扒係分開另上唔會俾啲湯浸林左。豬扒大大塊好入味而且容易岩入口，下次去會再食豬扒！！！！不過豬扒米粉個湯底就比較清淡，我就會加埋豬膶公仔麵嘅湯底落去就比較有味…查看更多

幾年前第一次食已經覺得係世界第一豬潤麵簡直刷新咗我對呢種食材嘅認知同同區都係出名食豬潤麵嘅X記絕對冇得比今日帶女朋友去食依舊好味我哋叫咗豬潤公仔麵同埋豬潤米粉公仔麵出色d因為好掛湯個湯好鮮味有酒香重薑味每塊豬潤都好厚身一啖咬落去集爽！嫩！於一體一碗有成四至五大塊每塊大到要分兩啖先食得晒食到一半嘅時候，我哋都加咗啲辣椒油多咗啲香！辣！又係另一個風味食食吓中途唔小心濁親姐姐好貼心咁靜雞雞俾咗杯暖水我以為我太辣頂唔順🤣細心！另外叫咗份西多士姐姐好貼心，問我哋要糖漿定煉奶無論糖漿派定煉奶派都照顧到我哋就揀咗糖漿，你會揀咩呢？佢係法式style, texture比較軟身加埋塊厚切牛油好香口中間夾住薄薄嘅花生醬不自覺令人一口接一口！正！兩碗麵一杯嘢飲一份西多久違了的幸福感！滿足！…查看更多

天氣熱，有時都唔想太辛苦和勞累，想簡簡單單咁慢活和休息，但⋯來不去都係食、食同埋食😅😅 很久沒去深水埗食嘢，是日和T先生去深水埗覓食😇 第一站就揀選<漢發麵家> ，貴為該區其中一間人氣食肆，當然跟風試下啦。原來食店有用the GULU 排隊用，我地攞飛後，等了大概10-15分鐘就入座。我地當然揀選該店人店名物啦～～📍豬膶公仔麵 $48人人都叫豬膶麵，我地都叫😆 有4塊厚切又大塊既豬膶，煮得剛剛熟，入口軟軟綿綿，帶有陣陣酒香和薑味，好醒胃，湯底夠熱亦有適量既酒香豬膶味，係我既favourite, 令我想一口一口地飲。公仔麵煮得剛好，唔會太硬或過腍，一口豬膶 + 一口麵 + 一口湯，一個字：正👍🏻📍蔥油撈麵 $50 + 水餃 $10簡直要嘩一聲，賣相非常得體，麵餅上鋪上極多既蔥，麵鋪上適量既蝦籽，麵底就有4隻足料水餃；食得撈麵，當然跟上碗清湯啦。店員姐姐話，要將麵和蔥放入清湯一齊食，是的，因為蔥都有點硬身，齋生食會有點辣。清湯夠熱，用上大地魚熬製而成，清甜中帶有鮮味😋。麵餅較難分開，完全一餅野，如果有剪刀剪幾剪，會較方便入口。至於水餃，正常亦足料，配上辣椒油風味更佳👍🏻 難怪店員姐姐話加錢配餸抵食啲啦😅📍炸鯪魚球 $42 一份有5粒，即炸即上，夠熱夠脆口。鯪魚肉足料，有淡淡陳皮味，好似乒乓波咁大粒，而且冇因為放耐左而縮水，配上蜆蚧一齊食，好惹味好好食。真心推介。📍凍檸茶 + 凍奶茶 $21/杯味道正常，但偏貴。事後食評：我幾欣賞豬膶麵湯底，有酒香亦有薑味；而炸鯪魚球最令我驚喜，足料而且又惹味，我個人覺得鯪魚球比起中環羅富記更佳。豬膶反而係羅富記好啲啲⋯味道：4.0/5.0價錢：3.5 -4.0/5.0環境：3.5/5.0服務：4.0/5.0衛生：3.5/5.0…查看更多