板神鉄板燒日本料理 (信和廣場)

呢間板神鉄板燒bookmark咗好耐，今次因為best friend生日終於有機會去試下；銅鑼灣嘅旗艦店舖係全港最大型嘅鐵板燒店，呢排仲推出咗個體驗活動，响廚師嘅指導下可以烹調一個菜式😄。鐵板金選 • 極品海鮮盛宴二人餐👯‍♂️🥢刺身五點 五點刺身包括有赤蝦、扇貝、間八、真鯛及吞拿魚，款款都好新鮮。🥢火焰蟹肉魚子醬好有儀式感，記得攞定手機在火光熊熊嘅一刻打卡；盒子內藏魚子醬、蟹肉、拖羅蓉及三文魚籽，鹹香鮮甜共冶一爐。3選2嘅海鮮我哋揀咗👇：🥢象拔蚌：食法可以鐵板燒又或者刺身都得，我哋揀咗刺身，超新鮮，入口爽脆鮮甜。🥢龍蝦拌天使麵龍蝦好大隻好有睇頭，而且仲好多肉添，與龍蝦頭膏一起炒，鮮度與濃度超爆分，肉質爽彈，配合即炸脆卜卜嘅天使麵，吸收哂啲龍蝦汁，好味又創新😋。雖然無揀澳洲鮑魚，但見到隔離枱嘅食客個隻鮑魚有手掌咁大，巨誇張，下次一定要試下。🥢季節魚白鱈魚好厚肉，表面煎得夠香脆，內裡肉嫩多汁又爽彈，以香草牛油烹調，帶香濃嘅牛油味並滲出淡淡嘅香草味。🥢季節煮物蔬菜煮，包括有西蘭花、甜豆、蘿蔔及鮮菇， 雖然話係清一清味蕾迎接下一道菜，但係一啲都唔揸流灘，鮮菇與蘿蔔都煮得好入味又多汁。🥢美國牛肉薄燒及厚燒• 牛肉薄燒：包住脆蒜片及蔥花，惹味香口，另一件我蘸咗啲芝麻味噌醬，有味噌香之餘亦帶生薑嘅香味，使得薄燒牛肉味道層次更加豐富。• 牛肉厚燒：質地軟嫩亦不失口感，牛味濃郁又juicy。套餐並包咗:🥗沙律： 用咗甘筍蓉醬汁，酸酸地好清新。🍚炒飯：師傅炒到飯粒粒粒分明，爽口唔油膩，好有蛋香。🥣味噌湯：味道清香，內有蟹件、昆布及卷麩。🫜漬物： 日本醃蘿蔔🍰甜品：焦糖多士煎到金黃香脆又唔會好甜，牛油味香濃。食下食下都好飽，不過見到板神與Ganto Gelato首次聯成，忍唔住又想試下😝。🍨開心果口味：開心果味濃郁，口感幼滑。🍨芒果雪葩：芒果味夠甜香，質地滑溜溜，食完熱辣辣又好味嘅鐵板燒後，食番杯冰凍透心嘅雪糕，超爽。邊同朋友傾計邊望住師傅好有心機咁烹調，感覺好 治癒，師傅功力好好，所有食材煎得啱啱好，上菜時間亦恰到好處，服務人員都好nice好有禮貌。…查看更多

⛇☃︎ 鐵板金選·極品海鮮盛宴二人餐 $2780ও 刺身五點首先以新鮮的刺身開啟本晚大餐赤蝦鯛魚帆立貝間八腩及吞拿魚每一款刺身都很新鮮富有油脂感ও 火焰蟹肉魚子醬三文魚子和吞拿魚蓉增添層次感滿滿蟹肉加上火焰效果令人滿足Flame Crab Caviar ও 象拔蚌可選刺身或鐵板燒方式吃象拔蚌厚切象拔蚌刺身很爽滑帶海水味Geoduck Sashimi ও 澳洲鮑魚大如手掌的澳洲鮑魚有三種吃法薄切、厚切和鮑魚裙邊層次分明Austrian Abaloneও 本日の魚以金黃色的白鱈魚結束海鮮環節白鱈魚表面香脆肉質細嫩魚味濃Today’s fishও 季節煮物蟹肉芡含大根、杏鮑菇及西蘭花味道較清淡可以平衡早前的膩感Simmered ও 美國牛肉薄燒及厚燒 美國厚燒牛肉表面香脆呈粉紅色肉質軟淋加添海鹽更突出牛肉香接著是自己烹調薄燒牛肉很有趣！U.S. Sliced Beef and Steak ও 炒飯師傅表演香蔥牛肉炒形成大心心炒飯粒粒分化即使很飽也想吃光ও 甜品精緻的焦糖多士以「井」字型呈現香甜的金黃多士配𝐆𝐞𝐥𝐚𝐭𝐨更好吃！ও 開心果𝐆𝐞𝐥𝐚𝐭𝐨 $98巧合遇上𝐆𝐚𝐧𝐠𝐨 𝐆𝐞𝐥𝐚𝐭𝐨聯成板神當然要試試這家著名雪糕店的出品開心果口感細滑味道香濃非常出色————————————————————————————板神鉄板燒日本料理 (銅鑼灣)銅鑼灣告士打道255-257號信和廣場1樓103號舖𓍼 #foodietiffhk 𓍼 #foodietiff推介𓍼 #foodietiff銅鑼灣…查看更多

較早前食過板燒鐵板灣仔店的鐵板燒料理令人一食難忘，知道銅鑼灣都開設旗艦店，而且位於銅鑼灣信和廣場，有「米芝蓮星級商場」之稱的廣場，當然都要再次品嚐那美食。不愧為板燒旗艦店，香港首間最大型鐵板燒料理店，那種獨樹一格的裝潢，配上巨型螢幕顯示著日本美圖、美景...甚有氣勢！話明旗艦店，環境超大，佔地過萬呎，他們還把不同區域分格，如炭火燒、鐵板燒、壽司吧、日本酒吧、WineRoom 五大區域...真是每一個角落都花盡心思，淨係聽都知幾有氣派！壽司吧 - 因這裡邀請到日籍殿堂級主廚 - 大倉正考，一位具有42年豐富經驗的壽司師傅，而且技藝嫻熟，當然想一試其手藝。中午時段：有自選十多款日本空運新鮮壽司晚市時段：當然要食Omakase，由殿堂級主廚大倉師傅廚師發板Omakase - $1600水雲水雲口感黏滑，味道酸酸甜甜，非常醒胃！靜岡溫室蕃茄聽到是靜岡蕃茄已經知道佢嘅會有一定嘅甜度，而且蕃茄味極濃，多汁無渣，配以酸汁啫喱，入口更加清新無比。北海道厚岸真蠔厚岸真蠔足足有手掌咁大 ，肉質肥美，蠔味濃厚，口感甜美，啖啖Creamy。石鯛卷海膽以石鯛卷著北海道馬糞海膽，再添上竹炭鹽、芥末、香蔥，頓覺神美。石鯛入口細膩，清新爽口，配上馬糞海膽，味道濃厚甘甜，回甘強，現在夾在一起進食，味道層次更豐富，令人一食回味。深海池魚深海池魚加上即磨柚子皮、紫蘇花、賣相都攞哂分！其肉質鮮嫩肥美，脂厚油香，入口魚油甘香。粒貝粒貝加入檸檬汁，有種清新感覺，而且入口爽脆帶咬口，味道清甜，更有種清淡海水味👍🏻。牡丹蝦牡丹蝦晶凝通透，厚身肥美，入口極甜美，豐腴甘香，還有細綿帶爽的口感，讓人印象深刻。油坊主魚皮微微火炙，令魚味更香，但又食到其爽口嘅鮮味。活赤貝赤貝肉質爽口，經師傅拍打後，令口感更鮮甜，有彈性。中拖羅中拖羅顏色粉紅，油分恰到好處而無筋，入口即融而魚味濃厚。帶刀魚帶刀魚經過鹽燒後，魚香味濃厚，口感有彈性。金目鯛金目鯛肉質細膩，油脂含量適中，味道鮮美。瀨尿蝦瀨尿蝦賣相討好，肉質厚肉，沾上醬汁，更顯鮮味。黑目魚黑目魚肉質細嫩鮮味，甘香甜美。鯖魚鯖魚油脂豐潤，肉質細緻嫩滑。沙甸魚沙甸魚加上香蔥，肉質爽甜，油香鮮甜。象拔蚌象拔蚌肉質脆嫩爽滑，爽口清甜。小肌魚小肌魚肉十分薄，再經師傅巧妙制作，變成好味的極品壽司，入口有爽彈，清香。掃羅拖羅有入口即溶的口感，鮮味十足。海膽看到他們用的是大極上海膽，北海道中最頂級的，味道清甜，質感幼細，回甘味強。蝦頭味噌湯香甜的湯頭中，帶點濃郁的蝦味，融在香甜的湯頭，簡直無得頂。靜岡密瓜最後送上靜岡的密瓜香甜多汁，令人齒頰留香的感覺。真是一頓令人回味的Omakase！…查看更多