駒記海鮮大排檔

話說呢排政府成日叫人出去夜繽紛，加上呢排工作壓力大，於是收工就同同事們去左鵝頸橋附近既駒記大排檔。由於無訂位去，所以去到時都係要等一陣，但都唔算太耐。入面環境夠曬大排檔風味、氣氛岩曬，於是即刻叫左2枝藍妹啤酒，睇睇餐牌，款式好多，對於我地呢D有選擇困難既人都係一個痛點。於是睇睇隔離D人食乜，見都好多人叫乳鴿、炒蜆，於是我地都唔執輸，如果都無令人失望，性價比都高。所以決定一陣隊啤、一邊食野，開開心心又一晚。呢個地方值得推介下，下次會繼續幫襯。…查看更多

兩公婆拍拖去咗食小菜,叫咗個鹹酸菜胡椒豬肚湯👍🏻夠曬胡椒味好味！d豬肚都好林😋另外叫咗份豉椒炒蜆,因為同老公都好鍾意食,所以叫咗份半🤣🤣🤣冇肉食點可以,所以嗌咗個避風塘雞翼,好味嘅,但係如果再辣啲就好喇!仲嗌咗個椒鹽九肚魚,但呢個今次就爭少少啦！平時食就好好食嘅！今次冇平時咁脆！兩公婆眼闊肚窄,食咗一半,打包一半返屋企,淨係食曬碟豉椒炒蜆,同飲咗啲湯,兩個食飽飽,好滿足咁返屋企🤗🤗🤗…查看更多

今日返工 好多野要搬 搬完野感覺太大體力勞動 即call 我個好朋友出黎陪我食飯 自疫情開始 我都唔敢多人聚會 次次食飯都係約哩個朋友 我地相依為命架 就係咁係全無計劃之下 我地去左成日去既駒記食飯哩間野我地成日去 因為佢平、靚、正…查看更多

去銅鑼灣逛街,通常都光顧連鎖式餐廳,但係當天想吃地道菜,所以周圍尋找一些有地道風味的大排檔,我們一行五人就選擇了在街市旁的駒記海鮮大排檔.首先我們叫了海鮮分別是避風塘炒大蟹這個蟹很大,而且辣味很重,很多蔥加在裡面很惹味,非常捧,不愧是招牌菜!豉椒炒蜆聽聞說也是香港人必點的小炒,豉椒非常濃味,汁都掛在蜆的殼及肉上,人人都搶著要吃啊!!我們五個人就叫了風沙雞吃,風沙雞是用炸的方式,雞皮被炸得很香脆,而雞肉在不會炸的乾乾的,不錯的煮法!我的朋友最愛吃沙拉骨,所以都點了一碟,醬汁調得剛剛好,不會太酸,沙拉汁也有很多啫啫通菜煲,要鍋上比一般清炒都會更美味,也挺好!…查看更多

因為去咗外國住咗幾個月，所以好掛住香港嘅大排檔式烹調嘅海鮮只係番咗香港幾日就已經忍唔住，今晚特登約咗幾位識食嘅舊同事聚舊食飯即使八、九點已經特登過去，留咗「十點半四位」，去到都係要等好在一早已經留咗蟶子，否則連食都無得食～（十點過去見到已經無哂！）我個人最～～愛食九肚魚，所以每次食飯都會叫椒鹽九肚魚！駒記嘅椒鹽九肚魚真係值得一讚！除咗最基本嘅新鮮之外，個皮唔係一團粉、外脆內軟都做得好好～～ （雖然你可能會話「九肚魚點會唔軟？」但係佢真係做到，令我覺得軟滑得好完美嘅感覺～）下一碟出場嘅就係白灼東風螺！螺肉嘅生熟剛剛好，鮮甜而且肉厚，絕對值得一試！之後就係豉椒炒蟶子，等咗成晚就係為咗食佢！呢間店最好嘅就係價錢唔貴、份量又多～～（呢個係例牌＄９８）所以，蟶子都唔例外，份量一啲都唔ＨＥＡ！而且真心欣賞佢唔會好似某啲店咁成碟殼或者配菜（椒）所以即使四個好大食嘅人食，每個人食嘅量都唔會少～豉椒好香，但唔會太濃而遮蓋咗蟶子原有嘅鮮味 　讚！！再點食都要叫碟菜～尤其我哋呢啲為食鬼～～所以都叫咗碟椒絲腐乳通菜，普通＆穩陣嘢，無咩特別，唔講咁多～～朋友話叫嘅炸豬大腸呢店嘅大腸夠哂肥美，炸得亦夠脆皮～不過你知啦～～炸嘢，你唔一下子食哂嘅話，轉頭就會無咁好食....你睇佢個樣？唔講嘅話可能會以為係半隻炸子雞！大份到呢....呢個真係叫得過！又一真心推介～～芝心墨魚丸～～ 望個樣都知，一啲都唔覺得油膩！！但係又炸得好鬼香脆喎～～個人認為佢係暫時食過最好嘅「芝心丸」～～粒丸好彈牙，仲有一粒粒墨魚肉，而個芝心口感同味道（濃淡）亦剛剛好～～大家不妨一試～～真係好好味！不過小心「辣」到嘴喎！呢個又係食海鮮必叫之選～～蒜茸粉絲蒸扇貝！個人認為好味，不過唔係正到會想特別推介嘅菜式～而扇貝嘅質素同份量都算唔錯，亦唔會太熟蒸到硬哂，所以下次都會再食！由於我哋大食，所以之後再加多咗個豉椒炒蜆～～不過不失～～雖然蜆肉都係唔少，味道亦唔錯，不過炒蜆好似無炒蟶子咁正喎？可能因為我當時已經飽？又或者係蜆肉無蟶子肉咁肥美、鮮甜？最後，真心推介呢間駒記～有睇過我其他ＰＯＳＴ嘅人都知，差嘅店我真係會俾喊樣佢！但係正所謂「有圖有真相」，呢間店無論蒸、炒、炸嘅賣相都見得人份量、新鮮度等等都好令人滿意，而且炸嘅嘢一啲都唔會覺得油膩！ 另外，店員基本上都有禮、熱心、動作快，所以又係加哂分！如果下次再有其他朋友約我去鵝頸街市附近食，我都會介紹駒記！（希望佢ＫＥＥＰ住咁嘅態度同水準啦～～）…查看更多