稻埕飯店 (V Point)

台灣料理，我相信對於好多香港人都不會陌生！但新派台式料理大家又有沒有食過！最近發現銅鑼灣一間台式料理餐廳，主打「新派精緻台式料理」！裝修及餐單也很特別！到底有幾特別？大家繼續看下去………餐廳裝修方面，以台式酒館風格為題門口有一個接待處，然後就要坐電梯往下走，當入到餐廳。可見多面由霓虹燈裝飾的主題牆，遍佈耀眼的紫紅色燈光，既復古又華麗，除了霓虹燈裝飾之外，還有其他装置，徬彿讓你走進華燈初上場景，回到80年代的台灣酒廊！裝修方面相信已經好吸晴，食物質素方面呢？食物方面要講求「色香味俱全」色：賣相方面很精緻和特色！每一款食物上枱，都急不及待「手機食先」！過關！！！香：每一道菜上枱都香氣撲鼻！過關！！味：味適方面：1)白滷水六福拼盤(獅頭鵝）$198六福拼盤包括「鵝件肉，鵝掌，鵝翼，鵝腸，滷水蛋，滷水冰豆腐」其實滷水是有黑白之分，而滷水一般會分為黑滷水及白滷子，除基本香料差不多，但色澤就大不同，而味道也大有分別！一般餐廳用的是黑滷水！而這餐廳用的是白滷水！白鹵水要求色澤乳白又不失香氣，因此選料比較講究。而白滷水一般注重食材原有味道，故除用鹽調味外，只簡單加入香葉、八角、果皮等約10多種來熬製。 由於拼盤用上白滷水關係，令到獅頭鵝的肉更加有鮮味！更他的食材也味道不錯！贊！！2）蒼蠅頭爆炒韭菜花 $98就這樣聽個名字知不知道是什麼？其實蒼蠅頭不是主菜，是黑豆豉！原因是在炒韭菜花期間，會使用大量黑豆豉，炒過之後又黑又亮，混在韭菜花中，就像是一顆顆的蒼蠅頭，也因此就將這道菜取名為蒼蠅頭！雖有是基本炒菜，但也水準之上！3）不夠。臭豆腐 $82臭豆腐在台灣是很常見的小食，相傳起源自清朝，當時是由差不多變壞的豆腐演變而成！事至今日當然不會是這樣！這間臭豆腐的確是唔臭，但吃下去就有街邊臭豆腐的味道，唔錯呀！4）話梅小山藥 $55根據菜單寫著「以台灣直送話梅计，再浸泡山藥多達48個小時」當夏天無咩胃口，吃了這個酸酸甜甜的前菜，會很開胃呀！5）綜合八寶冰 $52一杯八寶冰，集地瓜圓，芋圓，紅豆，珍珠，白玉，抹茶蕨餅，紅柚蓉，香草冰淇淋！集八種台灣甜品常見的食材，夏天吃了會透心涼！6）原味純米水 $18整體來說，環境寬敞有情調，食物擺盤也很精美，絕對是打咭之選！味道方面亦挺出色，值得一試！…Read More

一直想來這台式料理，今晚終於可以用寶寶來嘩～～ 原來裡面裝潢非常華麗，但又不失時尚。 一道道霓虹燈，令環境更有情調🥰我們選了品味華饌二人套餐，一共有四道菜、兩份甜品及神品菜，都幾豐富前菜話梅小山藥，酸酸甜甜，又爽口，好開胃鵝不是鴨肉（獅頭鵝），份量多鵝肉嫩，伴菜還有芽菜及酸蘿蔔秘製台汁骨膠豬手花膠石鍋，豬手煮得非常軟腍，而且離骨，食落滑溜，膠質豐富，還有厚身大件的花膠黑松露奶油鮮百合花是我最喜歡，白色一個沾滿香濃的黑松露奶油醬汁，原來是意想不到的百合花甜品有芋圓珍珠紅豆湯，及芒果西柚丸子，兩碗滿滿，色彩鮮艷。食完再飲神品茶，香口解滯另外還可加購金不換千貝螺頭燉雞湯，材料滿滿，味道鮮甜滋潤…Read More

又到銅鑼灣登龍街V Point覓食，之前經過看到氣派非常、別具心思的裝修，已知道這並非一般的台灣菜。復常後，還未有機會飛台灣，先吃個感覺奢華又高質精緻的台灣菜頂頂癮吧。品味華饌二人套餐 $598 / 2人- 話梅小山藥- 鵝不是鴨肉(獅頭鵝)- 秘製台汁骨膠豬手花膠石鍋- 黑松露奶油鮮百合花- 米飯- 芋圓珍珠紅豆湯(熱) | 芒果西柚丸子(凍)- 神品高山珍青綠茶 | 神品茉莉龍珠綠茶不夠‧臭豆腐 $82從前菜小食到甜品都讚一絕口，驚喜連連！小山藥口感清爽順口，加上酸酸甜甜的話梅，開胃又惹味。作為主打招牌菜，例牌鵝肉可算是近乎完美之作。以白滷水製作，色澤清澈，味道較潮式滷水清新，更突出鵝肉本身的鮮味。肥瘦恰當，富鵝油香之餘，又吃到肉的細嫩質感，連伴碟的小芽菜和醃蘿蔔也爽脆可口。花膠豬手石鍋熱辣辣上菜，沾沾聲讓人垂涎三尺。秘製台汁帶微甜，不但是白飯小偷，也把花膠和豬手炆得透切入味。大大件豬手保留著口感，筋腱位的膠感非常豐富。初嚐鮮百合花原來可以煮到這樣綿滑，黑松露奶油香氣噗鼻。以充滿台式風味的甜品作結，一冷一熱，甜度恰到好處，同樣高質足料。外加臭豆腐一客，外皮超酥脆，也有豆香，重口味的倆口子當然覺得可以更臭一點，但視覺影響味覺，將這個平民小食擺盤出那麼高尚的感覺，值得加分和掌聲！…Read More

點菜之後10分鐘上了一杯梅酒，20分鐘之後才上了一碟前菜冷盤山藥，開胃，但等食物等得太久，已經飢腸轆轆，40分鐘之後才上熱菜。臭豆腐得個鹹字和臭字，完全不能入口，差過街邊檔九條街還要盛會$82（和收+1）。香煎帶子成口都是油，完全無味亦不香。虎蝦味道尚可但不新鮮。未有前菜山藥和炸香腸還算好味。不知為何，我們正在夾菜，職員就已經伸手過來收個空碟，搞到我們要縮手讓他收走個碟先夾到菜。第二次個碟入邊還有菜，職員竟然想直接拿起收走，還好被我們及時阻止。到付款時，竟然說壞機無法刷卡，等了好久才搞定。出品慢，菜品差，服務不周，以後一定不會再來。…Read More

入餐廳前要落扶手電梯，佢桃紅色同紫色既燈光有啲迷幻，好似入左時光隧道咁，入到餐廳，入面有好多打卡位，好多酒櫃同有個corner可以飲酒，好好feel同好靚~講下啲野食先，我地4個人，叫左3款cocktail，第一杯係氣球小女孩，佢上左杯酒先，然後侍應哥哥再用支泡泡槍噴個波上杯野飲度，個波入面係雜莓既煙，當個波爆左之後侍應哥哥會再放粒會發光既冰入杯野度，呢杯野除左好飲仲好打卡able~呢杯係深海玫瑰，個杯超靚~當鳳梨遇上冧酒，呢杯個樣無咁華麗，但好好味，酒味唔重好易入口，感覺唔似syrup而係新鮮菠蘿汁。前菜一~ 話梅小山藥 - 山藥爽爽地，酸酸甜甜好開胃前菜二: 白滷水九孔鮑魚 - 隻鮑魚其實都大隻，好少用滷水，所以幾特別，佢下面墊左個炸魚片，2個都好好味~之後到個湯- 蟹肉蛋白泡泡脆米金湯 - 個湯好靚，上面有4個蛋白波波，個波外面係實淨既，但入面好滑。個湯入面有啲脆米、蟹肉、蝦同帶子，口感好豐富之餘仲好好味。到主菜啦~ 呢個係鹽酥波士頓龍蝦脆角豆金瓜，首先個賣相已經一流，好似用個箱裝住咁，佢入面全部野都炸得好脆，除左龍蝦之外，南瓜、米通同秋葵都係接近原味，但係龍蝦係有用椒鹽，所以佢地夾埋一齊放入口可以balance番。黑松露鮮百合花，好濃滑既奶油味加埋，啲百合花真係一棵棵咁整，好特別。鐵板香煎一口鵝肝牛小排 呢個好fusion，佢側邊圍住既係韓燒時嗰種蒸蛋，呢個半生熟，食落口好滑。個牛整得好腍，一啲都唔鞋，正!最後係八斗子炒飯，見佢係餐廳既名菜點都要試試。隻蝦好大隻，入面仲好多料，個炒餐飯一啲都唔油，我鍾意~ …Read More

之前經過銅鑼灣登龍街，見到呢間稻埕已經好想試，今次終於有機會一行入餐廳，周圍都係打卡位，仲有私人包廂可以唱K，幾特別今次同3個朋友黎可以點多啲嘢試，而見環境咁好feel，我地都叫埋cocktails🌟話梅小山藥賣相似醃蘿蔔，但其實係醃過酸酸地嘅淮山，口感幾爽口，做前菜幾開胃🌟白滷水九孔鮑魚鮑魚新鮮爽口彈牙，滷水味滲哂入鮑魚，味道恰到好處，鮑魚底仲有塊甜不辣🌟蟹肉蛋白泡泡脆米金湯賣相吸引，蛋白食落似棉花糖，湯份量都多，每人都飲到兩碗，而湯入面仲有好多海鮮🌟鹽酥波士頓龍蝦脆角豆金瓜龍蝦肉質好爽口，鹽同胡椒帶出到龍蝦嘅鮮味，而仲有炸得好脆嘅南瓜同秋葵🌟鐵板香煎一口鵝肝牛小排鵝肝入口即溶，牛小排好淋好嫩滑，碟旁邊仲有啲煮得啱啱好熟嘅蛋，好滑🌟黑松露鮮百合花呢個好香奶油味，同埋甜甜地幾特別，食完呢個都幾飽🌟八斗子炒飯我最鍾意呢樣，望落個樣雖然比較平凡，但食落驚艷，面頭好多肉鬆，炒飯入面有好多帶子、蝦、蟹肉，食落好香好有層次，而隻虎蝦又大又新鮮🌟奇幻世界、金鳳仙子、寶島濃情、好....茶我同朋友分別點咗呢4杯cocktail，我覺得奇幻世界唔錯，入面有幾款水果，飲落清新怡人朋友就有讚金凰仙子，而好....茶就有3杯野，要由淺味飲到濃味，幾特別，仲有提子、無花果乾同土鳳梨酥伴碟送酒寶島濃情就相對酒味濃啲，冇咁易入口…Read More

放寬左堂食之後， 開始約多幾個朋友食飯，今日一行四人黎到Vpoint呢間稻埕飯店食晚飯。環境非常特別，櫻花樹、日文、日本酒同粉紅色嘅燈光，型格得黎又帶少少日本風，朋友話佢有台劇「華燈初上」🏮嘅感覺🥢話梅小山藥 $55山藥爽口，帶甘甜嘅梅汁味，非常清新開胃🥢白滷水九孔鮑魚$238鮑魚新鮮肥美，肉質結實彈牙，個底仲放左一件台式滷水甜不辣，好入味🥢蟹肉蛋白泡泡脆米金湯🦀 $138呢個湯黎到嘅時候已經覺得幾得意，4個大波波浮係面，係發起左嘅蛋白，咬落去軟綿綿，好特別！金湯唔算太重南瓜味，不過加入左脆米、蟹肉絲、蝦仁等等，味道更突出鮮味🥢鹽酥波士頓龍蝦脆角豆金瓜🦞 $328龍蝦每人都分到兩件，配炸秋葵、南瓜同脆米通，香脆可口，蝦肉飽滿，用立方體做擺盤夠吸睛🥢黑松露奶油鮮百合花🌸$138呢個一黎到大家都覺得勁香，奶油味濃郁，配百合花口感特別🥢鐵板香煎一口鵝肝牛小排🐮$328鵝肝同牛小排都煎得好靚好吸引，味香肉嫩，入口即溶有油香🥢八斗子炒飯🦐$158炒飯夠鑊氣，材料豐富高質。有大大隻虎蝦、北海道帶子、鵝肉、蟹肉蟹籽同豬肉鬆，炒飯粒粒分明，味道偏和風，又有蟹籽嘅口感，香口🥢桃·米水 🍑$78飲落就唔太大桃味，仲加左日本青森蘋果汁🍹，果汁感重，酒味相對冇咁濃。米水另外用古色古香嘅杯仔裝住，可以自由選擇落幾多🥢金鳳仙子🍍$88用左台灣鳳梨汁整嘅鳳梨沙冰cocktail，仲有一片鳳梨乾做裝飾，帶淡淡酒香味，唔太甜，沙冰幼滑綿密，個杯仲要用埋金色鳳梨，勁有心🫶🏻🥢氣球小女孩🍸$108一黎到嘅時候店員就會整成一個氣球咁🎈相機食先📸之後氣球爆開左會再放一粒識閃嘅冰燈係入面，打卡必點✅酒味較強烈，帶清雅嘅柚子同烏龍茶香氣🥢桂花胚芽米水（熱）🌼 $35如果唔飲酒就推薦呢個，桂花同胚芽都係我至愛🥰估唔到都幾夾，麥味香濃又有桂花清香除左好食，食物擺盤、設計、餐具配搭都感覺到落左好多心機，睇得又食得，色香味俱全，大家都食得好開心😁…Read More

V Point入面有好多出色餐廳，其中稻埕飯店主打精緻台灣菜。餐廳環境超級大，燈光以紫紅色為主，整體裝潢非常華麗。餐廳推出多款signature cocktail，我試左fall in love，入面既冰係圓形，味道偏甜。至於女友試左Balloon Girl，頂層有一個大氣球，外型獨特，口味頗清新。- 話梅小山藥山藥浸落話梅汁之後味道味道酸酸甜甜，非常開胃。- 白滷水九孔飽魚飽魚好大隻，肉質彈牙，而且唔會話好韌。- 蟹肉蛋白泡泡脆米金湯湯上面係四粒蛋白球，我地啱啱好一人一粒🥰。南瓜湯味道清甜，入面仲有脆米、蟹肉、帶子粒，口感好豐富。- 鹽酥波士頓龍蝦脆角豆金瓜餐廳用玻璃盒呈上菜式，非常型格。龍蝦肉質鮮甜，而且用左台灣鹽酥調味，旁邊既秋葵同南瓜片整到薯條咁香脆。- 黑松露鮮百合花食落口感好似薯蓉，滲透百合既清香味道，加上黑松露同奶油真係無得輸。- 鐵板香煎一口鵝肝牛小排牛小排肉質鬆軟，鵝肝味道香濃，不過自己唔太鍾意濕潤既口感。旁邊有邊爐蛋，加上用鐵板上菜，有少少好似食緊韓燒咁。- 八斗子炒飯　炒飯粒粒分明，入面有肉鬆令炒飯整體味道微甜，另外仲有多款海鮮包括帶子、蟹肉同虎蝦，食完非常飽肚。以上每一道菜同飲品都有驚喜既地方，而且服務態度好，絕對值得encore！…Read More

之前係門口見到呢間咁有格調嘅餐廳已經好想試吓 今次同屋企人終於有時間嚟食😍 趁happy hour嚟飲cocktails仲有折添白滷水九孔鮑魚擺盤精緻 店員好貼心 預先將鮑魚切開 方便食用😚 底層仲有塊魚餅 白滷水鹹鹹地 但又冇平日滷水嘅顏色 都幾特別話梅小山藥呢個係個開胃小食 鹹鹹酸酸 小山藥係淮山 每一粒都沾滿咗話梅嘅酸汁🫢蟹肉蛋白泡泡脆米金湯十分推介呢個湯👏🏼 首先係用料非常豐富 有蝦肉 北海道帶子 蟹肉 金湯底好香蟹味 而且南瓜味都好甜 面頭白色嘅係蛋白泡泡🫧 質感好特別 有少少似食緊疏乎厘pancake 然後仲有啲脆米喺蛋白入面😉 口感好有層次鹽酥波士頓龍蝦脆角豆金瓜呢個賣相都好別緻 有秋葵 南瓜片 米通 同埋波士頓龍蝦🦞 龍蝦已經預先剪開一細件 方便食用 龍蝦肉質彈牙 仲好有鮮味添 米通同南瓜片都脆卜卜 勁想食完一片又一片黑松露奶油鮮百合花呢個有啲似煲仔飯咁樣上 鮮百合花味道香甜 有少少粉粉地嘅質感😝 再加埋好creamy嘅醬汁 雖然有少少邪惡 但係真係食唔停口啊🫢 鐵板香煎一口鵝肝牛小排鵝肝入口即溶 味道有少少鹹 牛小排半生熟 肉質唔韌 又好香牛味🐮 整體調味有少少椒鹽咁嘅味 鐵板側邊仲有爐邊蛋🍳八斗子炒飯呢個炒飯材料好豐富 有一隻虎蝦 又有北海道帶子 鵝肉 蟹子 蟹肉 豬肉鬆 皮蛋🍙 每一啖都係幸福🥰 虎蝦蝦肉彈牙 再加上蟹子同埋豬肉鬆 令到炒飯嘅口感更加昇華奇幻世界本身想嗌呢個係因為餐牌上面張相好靚 雖然上碟同預期有少少差別 冇咗個藍色 但係Kavalan whiskey嘅味道真係唔錯☺️ 再配埋香橙 檸檬 同埋菠蘿🍍 都真係幾Fresh氣球小女孩呢個真係打卡一流⭐️ 好似欣賞緊一個表演咁 入面有我最鍾意嘅Gin🍸 再加埋有甜甜酸酸嘅果汁 西柚同埋檸檬汁 甜甜地都好易入口巨峰烏龍入面有Kokuryu sake 味道冇咁甜 可能女仔未必會鍾意😮 有微微清酒嘅甘甜Iced cappuccino冇諗過呢間台式餐廳嘅凍咖啡都幾好飲😚 啱晒要揸車嘅屋企人整體來講呢間餐廳地理位置方便 而且食物都幾出色😍 屋企人好滿意呢一餐🥰…Read More

想不到鬧市中竟有一間餐廳如此神祕，餐廳需要下一層扶手電梯，七彩的燈光微醺，擺放了不少酒，放了不少八十年代的裝飾，有時代感卻不俗套。這裡的飲品別出心裁，例如不少台灣水果、茶和米，富有台灣特色。 ⭐️話梅小山藥山藥加上話梅，山藥吃起來很爽脆，配上話梅味道鮮甜鮮甜的，很開胃。⭐️白滷水九孔鮑魚每人一隻九孔鮑魚，入口軟腍。底下鋪墊了一塊齋，更有新意。⭐️ 蟹肉蛋白泡泡脆米金湯這個湯飯很特別，將飯放入湯中煮沸，再加上蛋白球、瑤柱、西芹和蝦等配料，增加口感。賣相一流，蛋白球沒有味道，入口味淡，有脆米增添口感。⭐️燒香金鑽鳳梨芭樂安格斯牛小排安格斯牛小排有一定厚度，入口肉嫩，牛小排油脂充沛，香滑無比。⭐️石榴傾情$78加上石榴汁，淡淡的酒精下，更醉人。⭐️微風醉人$78有台灣番石榴，加上蔓越莓果汁，容易入口。⭐️氣球小女孩$70這杯氣球小女孩很特別，店員在飲品上加上一個小氣泡，戳穿以後加上一塊有燈光的冰塊。這杯飲品容易入口，酒精濃度不高。⭐️寶島濃情$78這杯苦瓜特飲，選用白苦瓜，苦瓜入口清脆，微苦中甜味。…Read More