武丼

作為打工仔其中一樣最關心嘅事當然係午餐食咩—最近公司附近開咗間刺身丼專門店，同事們大讚，值得推介～海鮮五式丼分別有三文魚、油甘魚、呑拿魚、池魚、季節魚，今期嘅季節魚係蜜柑鯛，名副其實帶淡淡果香，肉質比另外幾款刺身爽口。刺身新鮮厚切，飯係用日本珍珠米，醋味唔會太重，仲會配中華沙律同味噌湯添。相比之下角切櫻花丼嘅性價比更高—切粒什錦魚生比較特別嘅有希靈魚，加上蟹籽、蟹柳絲、櫻花蝦，口感豐富。除咗大路嘅配搭之外，佢地仲推出咗好有特色嘅創意丼，例如有麻辣醬刺身、黑松露醬油漬刺身、白桃三文魚等，要幫襯多幾次先試得晒呢～…查看更多

一出鰂魚涌地鐵站B出口就會見到依間外賣店，主打刺身丼。等了約5-10分鐘就拎得睇包裝已經覺得吸引一點都不吝嗇，豉油都俾夠三包今次試了角切櫻花丼 $68CP 值高 （同區小店差不多依個價）刺身新鮮，而且份量都適中 (岩女仔）飯涼涼地 夏天食好適合，青瓜得3小粒略嫌少左如果有牛油果粒加埋入去的話，口感層次會再豐富。有櫻花蝦系飯面配菜中華沙律ok湯不過不失，如果再熱啲好啲整體覺得吾錯，朋友試黑松露醬油漬刺身丼 $78 都讚好。不過食完就好口渴。…查看更多

第一次食佢哋嘅黑松露油漬刺身丼，真心唔錯，料足味道好，黑松露好夠味，魚肉亦新鮮，雖然味噌湯比較簡單，但係78蚊有個set，已經好唔錯，滿足晒我嘅願望。今次再黎食個角切櫻花丼，一樣無失望，2個嘅份量都啱晒我，食得晒之餘又唔會過飽，會繼續試其他！…查看更多