馬祖無限時台灣養生涮涮鍋

朋友想吃冇限時火鍋放題，我揀咗《馬祖冇限時台灣養生涮涮鍋》慢慢食慢慢傾。地點方便，就近旺角港鐵站。環境乾淨，而且座位闊落舒適，近窗邊仲有靚景，一路傾一路食冇限時非常正❣️ 一系列嘅養生火鍋湯底，大部份附台式風味，今次試吓新野「爆漿熔岩莞茜豆腐鍋」😍綠油油嘅湯底😍充滿芫荽香氣。芫荽熔岩湯底估唔到配靚牛肉係好夾，唔會蓋過牛肉味。餐前小食有地瓜條配唔同嘅調味粉😋麻辣味道相當有特色，唔會太辣。🔆肉類「Prime Grade 霜降牛小排」油脂分布平均，入口甘香，吃不停之選。「Prime Grade安格斯牛頸脊 」同樣出色，牛味香濃。「西班牙伊比利亞黑毛豬 」肉質軟腍好吃不柴🔆海鮮蜆肉隻隻新鮮開口，鮮甜無沙。海蝦爽甜，仲有彈牙白鱔片😋🔆飲品選擇非常多，果茶、花茶、冷泡茶台式果茶，韓國果汁、港式飲品，竟然仲發現有這款來自泰國嘅梳打水～另一邊仲有暖嘅飲品，非常窩心❣️🔆蔬菜選擇唔算多，推介油麥菜同萵筍，清甜鮮嫩。其他火鍋配料都非常高質，手打3寶丸非常彈牙，花膠腍滑。飯後甜品可每人選一款雪糕，大滿足了～埸內冷氣非常充足，如果坐得唔耐分時段離埸也有折扣優惠～…查看更多

瓊華中心內一連3間火鍋放題店，當中只有這間沒有限時，可以與友人沒有壓力地慢慢吃、慢慢聊。是日被安排到卡位，私隱度高，上菜快、零漏單，店員主動收拾餐桌，行動爽快。最重要的是從湯底到配料都很高質，已被納入可以Encore名單上。台灣養生涮涮鍋吃到飽套餐有4個等級，正價時段$408吃第2等級就可以吃到4款高質牛豬，包括極級Prime Grade安格斯牛頸脊、Prime Grade美國安格斯牛肉、西班牙伊比利亞黑毛豬及西班牙無激素豬肉片。4款肉肉都很不錯，雪花脂肪平均，肉味濃郁，完全不用醬料就吃到本身的鮮甜。無限Refill下質素也得以保持，大吃特吃滿足肉望就是爽！湯底有近20款，藥膳椰子雞涮涮鍋正中口味，雞件厚肉嫩滑，椰味香甜，還有紅棗、杞子等藥膳材料，不少得還有清甜的粟米。暖烘烘的甜薯條配4種口味Shake Shake粉成為全晚唯一攝入的澱粉，這邪惡小食讓人停不了口，當中甘梅和紫菜味最得歡心。邊爐配料選擇很多，特別Highlight海鮮類，白鱔、脆骨腩、大蝦和是日海鮮大蜆都是出色之作，放題任食如此高質的海鮮實在很佛心！丸丸種類也有用心，小小一顆One Bite Size可以嘗試多款少量，大愛梅菜豬肉丸和墨魚丸。…查看更多

上年同朋友嚟過一次覺得啲肉類頗高質所以今日就同朋友encore咗😋嗌翻同樣嘅level3 有極級Prime Grade牛頸脊 極級SRF極黑和牛肩脊肉 Prime Grade美國安格斯牛肉西班牙伊比利亞黑毛豬 西班牙無激素豬肉片雞肉就唔係跟餐而係喺火鍋配料度點🥢前菜有我平時最愛嘅涼拌木耳 冰冰涼涼記得上次食調味偏向麻辣 今次就酸味較突出 好開胃特別啱打邊爐嘅時候食！我同朋友都嗌咗幾碟🍟每枱附送一份即叫即炸嘅蕃薯條 四味shake shake粉分別係麻辣 蕃茄 甘梅同埋海苔 我哋就混合咗麻辣同埋海苔前者惹味刺激後者就鹹香味濃食落係感覺係好純粹嘅黃蕃薯蓉 香甜軟糯🍲今次鍋底揀咗日本壽喜燒sukiyaki野菌鍋養生嘅朋友仲可以嗌大量蟲草花加入湯底 滋補得嚟增加藥材甜味最鍾意佢係鍋底一上嘅時候已經包含咗大量野菌 杏鮑菇 雞脾菇同埋冬菇都有我同朋友另外嗌咗碟雜菌拼盤都差啲食唔哂🤣🐮同上次一樣最愛係個伊比利亞黑毛豬色澤紅潤好新鮮 烚完之後片肉會卷埋咗少少 肉質鬆軟好容易咬保留到豬肉香甜味得嚟唔會太油膩甚至騷🐚海鮮方面同樣驚豔 大蜆肉厚肥美而且無沙海蝦 白鱔片同脆鯇魚片都好新鮮彈牙🥢配料比較有記憶點係金沙魚蛋 亦係我同朋友第一次食最近愛上咗鹹蛋黃整成嘅食物 呢款係魚蛋包著鹹蛋黃心 一咬開就有滿滿嘅沙感 超級正😋彈牙嘅貢丸包著油香味濃嘅三星蔥肉餡 黏黏哋又有爆醬濃芝牛丸食嗰時會有微微拉絲水牛芝士 牛味配搭淡淡芝士鹹香醬料區都體現到佢哋嘅貼心位 除咗一般都見到嘅蔥辣椒芫荽豉油之外仲有芝麻醬同埋沙茶醬我嘅標配就係大量蔥花配大量紅辣椒加少少豉油 點完令所有食材都level up！…查看更多

嚟到旺角 邊爐放題真係花多眼亂🫨咁都比我喺瓊華搵到一間正野-- 馬祖台灣養生涮涮鍋♨️有4款台灣養生涮涮鍋食到飽套餐揀我地要食緊係食最好😏♨️湯底選擇好多 有成十幾款我地試左個藥膳花膠雞涮涮鍋🐔非常足料 喺淥野食之前飲左幾啖 好有杞子帶出嘅甜味 又有雞肉嘅鮮味😋大家又可以按照個人口味加入唔同調味粉 咁體貼得唔得架😇後期加嘅湯都唔會好鹹 我幾中意啊😍🐮極上Prime Grade霜降牛小排呢個係最正 不斷encore肉質鮮嫩多汁 豐富脂肪分怖均勻 入口即溶同埋每一啖都有濃郁嘅牛肉味🐮Prime Grade安格斯牛呢款牛肉就每個餐都有質地柔軟 口感都唔錯架 (咁當然唔夠牛小排咁正啦😂)我自己中意配搭加左日式醋嘅醬料 可以解左個油膩感🐽西班牙伊比利亞黑毛豬我諗任食火鍋大家都唔多叫豬 但呢款豬真係唔叫唔得!!平時嘅豬肉質地緊實 但呢度竟然夠林又juicy入口即化好滿足味蕾👍🏻🐽西班牙無激素雞豬肉片呢種肉片鮮嫩多汁 口感細緻冇激素嘅使用使得肉質更加天然健康 令人放心唔單止食到飽嘅套餐超抵食 而且仲有好多新鮮嘅火鍋配料絕對可以滿足不同口味嘅食客除咗牛肉同豬肉 仲有海鮮如蝦🦐、蜆、黑松露墨魚滑🦑、帆立貝等等 真係應有盡有架飲品方面除左有平時罐裝/紙包飲品之外餐廳仲供應自家製嘅冷泡茶🧊🍵呢度嘅茶飲款式多樣 可以盡情飲 消暑又解渴推薦桂花烏龍同埋蜜香紅茶 👍🏻👍🏻食到尾唔好唔記得叫甜品啊 有movenpick等高汁雪糕架!!🍨🍦😛餐廳環境闊落舒適 服務態度友善 食材嘅質量都好高幾適合又想任食又想食到咁上下質素既朋友們🥰…查看更多

午市可以食足6個鐘超級癲！晚市就分咗3個時段10款湯底有辣有唔辣 鴛鴦鍋可以另加錢我就叫咗個比較少見嘅爆漿熔岩莞茜豆腐鍋🍲爆漿熔岩莞茜豆腐鍋身為莞茜控見到咁特別嘅湯底梗係要試試！一嚟到視覺效果已經滿分 綠綠嘅湯底放咗滿滿嘅莞茜葉同埋莞茜蓉莞茜味會越滾越出 離得遠都聞到xd入面本身有大量雲耳 豆卜 蜂巢豆腐同埋連莖嘅芫荽味道清香唔會太嗆嗌咗嘅餐跟咗Prime Grade美國安格斯牛肉極級Prime Grade安格斯牛頸脊西班牙伊比利亞黑毛豬西班牙無激素豬肉片其中最鍾意絕對係牛頸脊同伊比利亞黑毛豬🐽大理石紋嘅脂肪分佈 肉質鬆化豬味都好香濃🐮安格斯牛頸脊都好出色位於牛頸同肩胛之間 口感軟稔牛味香濃火鍋配料超過60款 常見嘅鴨血 花枝丸 台灣凍豆腐到比較特別嘅台灣瀨尿麻辣鹵肉丸 三星蔥熔岩醬貢丸 同埋自家製手工拉麵都有其中幾款丸類仲要有流心 視覺味覺效果都爆燈xd🥩精選肉類沙茶牛肉 雞脾肉 滷水雞腎調味醬汁都緊緊掛住喺肉類上面 就算放入火鍋煮完都食到佢自帶嘅味道而且口感味道都好新鮮🔥炸物類無諗到一份嘅份量都咁多 兩個人食到尾先清哂🤣炸魚皮炸到金黃色鬆脆而且唔會過鹹意外地仲食到啲魚香味🍠自家製Shake shake黃金地瓜條跟咗四款調味粉 甘梅 番茄 海苔同香辣甘梅同海苔粉都好愛 前者微微帶酸後者就鹹鹹香香地瓜條偏粗身炸到金黃色 口感鬆脆唔會太油膩係會令人想一條接一條嘅邪惡感～🥢手工配料類手工黑松露墨魚丸 手工麻辣牛丸 自家製手工韭菜餃 蟲草花香菇雞肉餃以上咁多款都好特別好有驚喜 墨魚丸爽彈帶香濃黑松露味 牛丸同樣爽彈而且有惹味嘅麻辣味黑松露墨魚丸細細粒幾彈牙🥣火鍋配料類順德魚腐 足八寸長蟹棒 芝心丸 金沙魚蛋 甜不辣港式日式同台式配料都有 經典款到創新特別款都會有！最鍾意常見嘅芝心丸同埋第一次試嘅金沙魚蛋後者有滿滿嘅鹹蛋黃流沙餡🥬蔬菜類除咗常見嘅生菜菇類仲有個雜菇拼盤可以一次過試哂幾款菇類嗌咗嘅油麥菜又係超級大盤 同朋友都鍾意食菜都覺得份量頗多🤣🍦雪糕雖然限咗一人一件 但都有Movenpick Häagen-Dazs揀食到超滿足～…查看更多

由於youtuber 肥仔陳👱🏻‍♂️效應，心血來潮想試吓啲間無限時嘅火鍋放題。今日係國慶日，明知多人在冇book位嘅情況下試吓walkin得唔得。我哋下午3:45左右到，前面有一張飛我哋係第二張，等到4:30先有得入。7:30之前交枱有8折，但我哋就係想試吓無限時慢慢打邊爐，所以都揀左正價。佢有好多價位，我哋揀左第二級$398 （假日再加$10），啲個價位就係極級Prime安格斯牛頸脊，算係中規中矩。湯底有好多選擇，因為之前食得太多麻辣鍋，今次就揀個唔辣嘅「田園蕃茄濃湯牛肉涮涮鍋」。個湯底好多料亦好濃郁，甜甜地好有蕃茄味。一開始佢會送上個shake shake 蕃薯條，有幾款口味嘅粉俾你揀。幾好食蕃薯好甜，但我哋食1、2條就夠，要留肚食其他野，其實都真係幾浪費，應該份量可以少啲/按要求先上。極級Prime安格斯牛頸脊👍🏻👍🏻👍🏻有牛味，亦幾淋，但未至於會一想再食果種。淨係睇個樣都知道唔係屬於好靚果種。而且唔知係咪想控制成本，師傅切得超薄幾乎一夾就爛，口感上會差啲。放落湯碌幾下5秒左右就要夾起，否則會「鞋」西班牙伊比利亞黑毛豬👍🏻👍🏻👍🏻好有豬味，幾好食。一樣係切得好薄，所以要注意碌嘅時間，太熟就會變「鞋」。手工丸配料👍🏻👍🏻👍🏻👍🏻👍🏻啲個反而係我最欣賞嘅地方，佢有多款手工丸，包括梅菜豬肉丸、松露墨魚丸/滑、麻辣牛丸，好彈牙亦都有肉味。可惜佢冇蝦丸（可能又係成本嘅考慮？）丸之外仲有幾款自家製餃子，都係幾好食的。丸同餃子都推薦一試海鮮類👍🏻👍🏻有蝦、BB蟶子、蜆、鱔片、脆肉鯇、花膠片、帆立貝、雪藏魚柳蝦都幾大隻同新鮮但冇蝦味（因為唔係海蝦）。蜆都新鮮可以食，蟶子超細隻而且冇味的，唔推薦。鱔片/脆鯇片切得太薄，完全冇口感亦冇鮮味。其他海鮮例如花膠、帆立貝、魚柳都係啲下價貨色，同$200 任食火鍋放題果啲冇分別，唔食唔會可惜果種。飲品同其他嘅火鍋放題店一樣，除了汽水紙包飲品外，都會有幾款自家製茶類飲品。較特別嘅係佢設有暖飲品區，有熱維他奶、熱茶（紙包）。跟住就係啲一般野例如蔬菜、麵類、魚皮響鈴等等就唔介紹了，都係普普通通（台灣凍豆腐唔推薦，好似食麵筋咁，並唔係蜂巢豆腐應有嘅質地）甜品有movenpick雪糕、dryers甜筒，但每人限食一杯。其實食咗2個鐘啲食物已經試過晒，牛豬okay但又唔會想不停添加果種，丸好食但每款試左兩粒就夠，海鮮唔太鮮，其他火鍋配料都係好一般唔會想encore。4點半入座7點其實都食完，後悔揀左無限時，早知揀7點半前離座有8折，最後我哋慢慢食坐到9點半先走🤣 算係食左5小時抵番，肚皮飽了，但口福就唔係好滿足，因為冇嘢係好好食（包括牛）…基本上你係冇可能食得返本，係靠「時間」上抵番。總結：雖然係無限時放題，但食物種類同質素都係一般般。建議一早book枱食lunch，咁你可以一直打到天黑仲有8折。如果打算夜晚食火鍋放題，同價錢有更好選擇，唔推薦啲間。食物：❇️❇️❇️環境：❇️❇️❇️服務：❇️❇️❇️價錢：❇️❇️❇️翻兜指數：❇️…查看更多

我同朋友都好鍾意打邊爐🍲，大熱天時都無阻我哋嘅興致，星期日就幫襯咗位於旺角瓊華嘅「馬祖無限時台灣養生涮涮鍋」。估唔到下午時段，餐廳都近乎全場滿座，而且客源涵蓋後生以至長者，人氣超高的👏。另一邊廂，餐枱夠晒大張，啱晒食放題。我哋揀咗牛頸脊套餐🐮，週末夜晚七點前埋單只需$329位，仲要係真正無限時吃到飽。餐廳採用QR Code落單，上菜速度勁快，所以驟眼間就嗌到成枱都係。打邊爐前，先來小食：黃金地瓜條💛🍠🍟，蕃薯條炸至外脆內軟，味道甜甜的，另外更有多種Shake Shake粉作調味。涮涮鍋湯底有超過十款選擇，鴛鴦鍋加$48，我哋要咗藥膳椰子雞併麻辣蕃茄牛肉(小辣)。前者椰子香四溢🥥，味道清甜，適合淥菜同丸類。後者嗰款相反，蕃茄味濃郁🍅，調和咗辣度，小辣易入口。再者，個爐火候掂當，啲嘢好快淥熟！套餐包嘅兩款牛質素唔錯🥩，最起碼大大片、唔會太薄，食落有質感。牛肉肥瘦均勻，肉味亦都強，兩款肉整體分別唔大，各有千秋。黑色碟係Prime Grade安格斯牛頸脊，而白色碟就係Prime Grade美國安格斯牛肉。我哋試咗其中一款豬🐷：西班牙伊比利亞黑毛豬，味道OK嘅，但脂肪位稍為多咗啲。除咗肉之外，海鮮都係任點任食。是日精選有蜆、蟶子同生猛海蝦，🦐啲蝦好新鮮，口感彈牙。手工配料方面🍡，我哋嗌咗梅菜豬肉丸同麻辣牛丸，估唔到每份有四粒，好彩細細粒。梅菜豬肉嗰粒幾夾，另一粒麻辣就好鬼辣🌶。此外，黑松露墨魚滑好正(無影相)，口感爽彈，黑松露勁香。火鍋食材款式繁多，兼且唔係行貨。🦀足八吋長蟹棒好值得嗌，超市買都唔平，淥完唔易散，口感佳。🖤墨汁香腸可算係台灣食材，而墨魚腐皮卷就相對普通，略嫌口感偏淋。🧀醬爆濃芝牛丸高質，牛丸本身好彈，入面爆晒漿，超級流心。每款食材份量都唔少，擺盤整齊。由左上數起分別係花膠片、鮮萵筍、海鮮菇、栗米件、牛柏葉同埋雜菇拼盤🍄。蔬菜類味道天然鮮甜，特別係粟米，啲菇都幾好。牛柏葉同響鈴(無影相)就係索湯之選。本身油麥菜就冇乜好介紹🥦，但我想強調啲菜洗得好乾淨，而且塊塊葉都好翠綠，實在難得。飲品方面🥤，大大個雪櫃幢咗喺度，佢有四款自家製泡茶，包括桂花烏龍、愛文芒果茉莉花茶、黑糖冬瓜檸檬茶同埋日月潭蜜香紅茶。我全部試晒😛，其中無糖嗰兩款(即烏龍同紅茶🍵)比較清新，亦可解膩。最後仲有甜品🍨，但就唔係任點，按人頭計。雪糕款式有齊幾個大牌子，例如Häagen-Dazs、MOVENPICK同Dryers等。餐廳自助區只係放置咗醬料吧同湯底瓶，咁樣其實仲好，冇開放式凍櫃，衛生得多👍。總括嚟講，而家市面上開咗唔少台式任食火鍋店🇹🇼，雖然大家有唔少共通點，不過我認為馬祖喺各方面都較為優勝。火鍋食材多選擇、質素高😋，全部都係任食，絕無花假啊。溫馨提示：食物份量有啲難預，加上無限時，建議可以慢慢嚟～。…查看更多

🥚🥚🐷超高質無限時火鍋✨性價比：8/10🍳食物：9/10🌏環境：7.5/10🕺🏻服務：8/10💰是次消費：每位 $ 538 (最貴套餐，已加一)#蛋蛋豬 🏝地點分類: #蛋蛋豬在旺角🍰食物分類: #蛋蛋豬吃台灣菜 #蛋蛋豬吃火鍋————————今次去試下最近火熱的馬祖無限時火鍋，叫了最貴的套餐，發現質素遠高於期望。選了椰子雞湯底，打邊爐都盡量養生。等待配料期間偷飲了幾口，在最清純最無油時試味，發現好好味！濃郁香口又甜，比上老火湯。本身湯底內附雞肉，肉質不過不失。肉類：先說說大家最關注的肉肉，最想讚的是無論order第幾round，質素都不會下降，每碟從外表都可以見到，明顯是高質牛肉。誇張地，明明放了肉都找不到，原來太搶手，眨眼已被兩老清空，家人讚不絕口。西班牙伊比利亞黑毛豬 - 薄切，肥瘦均勻，軟滑甘香。極上Prime Grade霜降牛小排 - 牛味最濃郁，霜降花紋漂亮吸引極級SRF極黑和牛肩脊肉 – 牛味愈嚼愈甘香，建議咬多幾口才吞下丸子：松露墨魚丸 - 黑松露味幾出，幾彈牙，細細粒一直吃都不覺飽丸子細細粒，看得出是因為全手打，不同於街市買一兜丸子那樣，表面乾爭爭，這裡的丸子光亮鮮色。其他配料：豬大腸好淋身，豬耳爽口提供台灣菜必有的甜不辣、台灣腸等用的是台灣白膳，口感與平時吃到來自內地的白膳完全不同，台灣白膳爽口，內地膳則軟軟的。包不少海鮮，如魚蝦、帆立貝、蜆、花膠片。雪糕：有Movenpick/ haagen dazs/ Dreyers 選擇，限叫一次。服務方面，店具態度好，勤換碟換加湯樽。食物選擇幾多，飲品種類也是去過多間放題中算多的第一次聽到真正無限時，由開門食到收工，食足9小時都可以。無限時的好處就是可以抖下食下，飽飽地又玩玩手機休息，吃個雪糕過冷河，去完洗手間又再戰。雖然要$538位貌似很貴，實際回本位極多，食物質素亦對得起價錢，回頭率十分高。馬祖無限時台灣養生涮涮鍋 MAZU🚦旺角彌敦道628號瓊華中心11樓(旺角站 E2 出口, 步行約3分鐘)🕰營業時間：12:00 – 21:00…查看更多

呢間火鍋睇個店名就知夠晒瘋狂，無限時任食，中意嘅話真係可以由開鋪食到收鋪都得，真係好難想像點樣賺錢🤣呢到佢個吃到飽套餐有4個價位選擇，我地揀左第二級(正價$398/每位)，如果7:30PM前離座就$318/每位，第二級就肉類就包左 極級PRIME GRADE安格斯牛頸脊、西班牙伊比利亞黑毛豬、PRIME GRADE美國安格斯牛肉、西班牙無激素豬肉片，湯底揀左藥膳花膠雞涮涮鍋，如果想鴛鴦鍋就+$48自助調味BAR出面自行混醬冷熱飲品一應俱全自家製飲品方面有愛文芒果茉莉花茶、冷泡日月潭蜜香紅茶、黑糖冬瓜檸檬茶、冷泡桂花烏龍4款口味，最中意就係愛文芒果茉莉花茶，甜甜地又清香😍叫完湯底之後職員會返低壺湯用作加湯之用，而且呢到加湯唔係加水咁簡單，咁就唔會愈加水愈淡味😉藥膳花膠雞涮涮鍋：趁未落火鍋配料之前飲返碗先得，藥膳嘅味道幾濃郁，真係落足料，花膠大大塊而雞肉都幾嫩滑，正😍秘制麻辣木耳、麻辣手拍青瓜：叫左D前菜食下先，少少辣辣地幾開胃😃黃金地瓜條：每一枱都會送一份，可以按照自己口味揀落邊包粉SHAKE黎食，我最中意當然就番茄味啦😋Prime Grade安格斯牛頸脊：第二級放題就已經食到，肉質非常高質，牛味幾濃而且肥瘦比例幾好，非常超值🤩西班牙伊比利亞黑毛豬：冇諗過放題都有黑毛豬任食，肉質肥美得黎仲要豬味夠濃郁，高質豚肉真係值得ENCORE😍響鈴卷、炸魚皮：打邊爐必食之選，夠脆冇放到淋晒，輕輕淥兩淥就食得，夠快捷方便😄花枝丸、魚皮餃、金沙魚蛋、三星蔥熔岩醬貢丸、芥末魚丸、濃芝豆腐燒(流心)、爆醬濃芝牛丸(流心)：呢到肉類固然高質抵食，連配料嘅丸類都一樣有質素，冇雪藏味，食三星蔥熔岩醬貢丸小心D睇熱，內裡D餡爆出黎幾滋味😋足八吋長蟹棒：大大條蟹棒夠晒吸引，同埋因為咁樣冇咁容易散開👍🏻手工黑松露墨魚滑、手工墨魚滑、手工三寶丸、手工墨魚丸：呢到無論自家製手工丸或者手工滑味道同樣出色，而且打得好滑，食落彈牙爽口，手工黑松露墨魚滑D黑松露味仲要好出好正😍台灣鴨血：好嫩滑，而且吸左湯底D味更香深海魚柳、帆立貝、脆鯇魚片、是日精選海鮮、生猛海蝦：海鮮類別嘅配料選擇都唔少，夠新鮮唔會肉質霉，同埋處理都唔錯，D蜆食落冇沙，魚片魚柳唔會腥🤤花膠片、沙茶牛肉、蟲草花香菇雞肉餃：花膠片都有得ORDER，咁可以叫多D，令個湯更加鮮甜😋沙茶牛肉又幾入味娃娃菜、超甜栗米件、蕃茄、白蘿蔔、山根、雜菇拼盤：蔬菜類夠多款夠新鮮最後當然唔少得甜品，每人限點一件，有MOVENPICK, HAAGEN DAZS, DREYERS 任你選擇，夠晒滿足🤩🤩🤩呢到火鍋放題任食仲要可以超級長時間，仲要食物飲品非常高質素，絕對係物超所值，悠閒地同朋友可以傾計，邊食邊嘆，都唔使驚唔夠時間啦😍🤩一定要再ENCORE瘋狂食多幾次先得🤤補MENU…查看更多

朋友們是愛吹水一族，每次飯聚總對交枱時限感到掃興。藥膳湯麵店【馬祖】最近在旺角瓊華中心新開了副線【馬祖無限時台灣養生涮涮鍋】，只需$298起便可任吃任喝長達10小時，絕對足夠慢慢談，暢快吃。放題價錢按所選肉類而定，$298、$398、$498、、$598 四個等級。最平已包括"Prime Grade 美國安格斯牛肉"及"西班牙無激素豬肉片"。想吃得豪一點則可選"極上Prime Grade霜降牛小排"、"極級SRF極黑和牛肩脊肉"。店內主打養生藥膳雞湯，共19款湯底可選，包括滋補的花膠、姬松茸、蟲草花桃膠，養生的醉雞、椰子。重口味的朋友可考慮麻辣，沙茶或爆漿熔岩莞茜，還有濃而不膩的蕃茄雜菌與日本壽喜燒可選。點了$498套餐，選了"麻辣鴨血凍豆腐"及"蕃茄濃湯豆腐雜菌"鴛鴦鍋。麻辣湯底麻香並重，辣得過癮又不會鹹，鴨血軟嫩入味。蕃茄濃湯加入大量菇菌熬製，酸中帶甜，用來淥蔬菜特別鮮香滋味。下單後首先奉上的是小食"Shake Shake黃金地瓜條"。地瓜條厚切，粉漿薄薄一層炸得金黃，吃下外脆內軟糯，味道香甜。配上麻辣、海苔、蕃茄、甘酶四款調味粉，好玩又好食。火鍋配料以QR Code下單，有前菜、肉類、炸物、手功肉丸餃子、海鮮、蔬菜、麵類等70多款選擇。"極級SRF極黑和牛肩脊肉"結合日本和牛的油香與美國頂級黑安格斯黑牛的口感，油脂比例平均，入口肉味濃厚，柔嫩多汁。相對下"極級Prime Grade 安格斯牛頸脊"油花較少，肉質鮮嫩爽滑，不會過膩。除了牛肉，"西班牙伊比利亞黑毛豬"也甚精彩，油脂分佈清晰猶像大理石紋，吃下肉質鬆化，甘香豐腴。"帆立貝"大大粒彈牙有口感，"海蝦"生猛鮮味，"長蟹棒"足有八吋長，肉質結實，海味十足。"手工三寶丸"細細粒肉味濃郁，口感彈牙不會粉。蔬菜選擇很多，包括營養價值極高的"羽衣甘藍"及含豐富抗氧化物"紫蘿蔔"。飲品除了常見的罐裝汽水無糖茶，最吸引的是一系列自家製的冷泡茶、冬瓜茶。其中"愛文芒果茉莉花茶"清幽中帶濃濃果香，配上微微甜度，令人一喝愛上。店家還貼心地提供熱飲櫃，養生朋友也能照顧周到。吃飽了火鍋，最後個冰涼甜點降溫作結。雪糕可從Mövenpick、Häagen-Dazs、Dreyer's等9款任口味任擇其一，吃畢大家也捧著腹滿足地離開。…查看更多

旺角打邊爐多選擇，但無限時任食既真係選擇唔多，今日同同事farewell搵左呢間坐得耐既打邊爐，擇左「$398 無限時任食套餐」，包任食Prime grade 安格斯牛頸脊、西班牙伊比利亞黑毛豬、Prime grade美國安格斯牛肉、西班牙無激素豬肉片同其他海鮮/食品。.Prime grade 安格斯牛頸脊，牛肉好高質👍🏻 牛頸脊部位雪花紋細緻，嫩滑有咬口，真心任食黎講好好食 .除左飲品同醬料自取，其他全部都用QR code落單，總結成晚都得一兩次漏單，算唔錯。首先擇湯底，之後再選擇食物，肉類有4款，其他炸物、手工配料、海鮮、火鍋配料、蔬菜、麵類、等應有盡有，一定食唔晒咁多種款，但手工配料同海鮮都幾抵讚，鮮甜好味，尤其係蝦，粒粒彈牙。.由6:00食到10:00埋單一位$437，食足4個鐘，都算係咁啦👍🏻…查看更多