倫哥火鍋私房菜 (已搬遷) 新店位置

轉眼又過1個月，又到賴生同屈小姐既紀念日啦。咁岩呢日我地既舊同事又約食飯，仲邀請我地食《倫哥雞煲火鍋》添，實在太好啦！我地想試好耐嫁啦！同事好好，幫我地Book左去佐敦呢間，平尖沙咀$30個人嫁，頓時覺得抵左！除左平左之外，佐敦呢間舖呢，坐都Ok既，又唔係話鬆動，又唔算逼既！不過有個重點要提提大家，呢間舖冷氣超勁，成個雪房咁，記得帶定件褸去⋯連賴生都頂唔順食任食邊爐，比$278（連加一$306）一個人，除左食物質素，相信大家都會對佢既服務有一定既期望，事實上佢既服務又真係幾好既呢每枱有個服務制，按一按唔駛10秒就有專人serve你，無論落order，拎野飲同執野都可以嫁！最最最sweet既係舖頭有褸提供，如果你真係好凍⋯就問佢地拎啦！另外，每位店員手腳都好快，目光銳利，自動自覺加湯，執碟同比桶你倒骨，唔會搞到成枱骨，好好Service! 而且，有時候一班人食野，梗會有人遲到，呢度除左唔限時之外，早到既人可以即刻入去坐，仲即時有前菜小食食添，而且你可以叫住雞煲食先！因為都係任食嫁（只要係轉火鍋前都係任食），咁就唔怕餓住等啦？ 更何況有D野食，例如蠔皇扣鮑魚同蒜蓉粉絲蒸象拔蚌都係等齊人先上

窩夫與蝦子餅跟家人一行11人去試倫哥火鍋私房菜，星期六成人每位288元，5歲以下免費，5歲至11歲半價，持長者卡的長者也有半價優惠。首先上桌的是蠔皇扣鮑魚，雖然鮑魚不算很大隻，但口感和味道都控制得很好。接下來是太湖大閘蟹，是10月和11月季節限定的。吃過鮑魚和大閘蟹後，倫哥招牌雞煲出場了，埋首吃大閘蟹的窩夫竟然忘了替雞煲拍照。我們選了不辣的雞煲，雞煲要煮約8分鐘，每兩分鐘左右炒一炒，非常惹味，用的應該是新鮮雞，肉質特別好吃。店員取走雞煲後，換來波士頓龍蝦鍋(每鍋另加30元)，準備火鍋。最期待的環游海鮮盤出場了，有生蠔、蟶子、海蝦、龍躉、白鱔、脆肉鯇、鑽石蜆和魷魚等，各類海鮮都非常新鮮美味，貝殼類的都洗得很乾淨，完全沒有沙。除了生蠔、蟶子和本地手切牛頸脊外，其他海鮮、大大力手打四寶丸、阿媽雲吞水餃、低鹽少油響鈴魚皮和田園有機蔬菜等都是任食的，而且沒有限時。窩夫與蝦子餅忙著吃，都沒有拍照呢。

第一次寫食評⋯⋯約左姊妹吹水食飯、有乜好過打邊爐、不過時下嘅火鍋多數限時限刻好冇癮😳而倫哥私房菜就是老公極力推薦我去的、冇限時、食物新鮮高質素兼服務好👍🏻衰佬同friend 食左三次都冇帶我去😥我們一行五人七點鐘到、安排了高背長卡位比我地、私隱度高、高談闊論冇有怕。講番食物、坐低先來個夏日特飲-西瓜盅🍉、每人送一個👍🏻。接著上蠔皇扣鮑魚及蒜蓉粉絲蒸蟶子皇、超大隻冇欺場😋😋之後叫左BB辣招牌雞煲、職員會講解隻雞係煮至半熟、要跟指示兩分鐘攪一攪、加埋水魷同牛栢葉落去至八分鐘左右就食得。好大煲呀！五個女人仔食吾哂😜因為要留肚。雞滑不過味濃、女人喜歡清淡D☺️食完就換上另一個火鍋湯煲, 我地選了西瓜鮮果蟹鍋（夏季限定）湯底清甜，蟹味鮮-絕配👍🏻而且係有全隻蟹响湯度、不是一般的幾隻爪。再來個環球海鮮盤。嘩嘩嘩⋯⋯大家急不及待先放貝類海鮮落去、我也分不清乜蜆物蜆⋯⋯總之有細有大有超大、樣樣新鮮。咦！數數下我冇左生蠔同象拔蚌嘅？下次補番😅而且還有少見龍躉片做火鍋、足本播放👍🏻本地手切牛頸脊每二人一碟、份量剛好而且好有牛味兼淋滑！其餘還有自家手打四寶丸、阿媽雲吞水餃、魚皮響鈴、田園蔬菜等....因為有部

倫哥，你以為你暱嚮度就book你唔到咩？無用架！好似你呢啲咁出色嘅男人，無論嚮咩地方，都好似漆黑中嘅螢火蟲一樣，咁鮮明，咁出眾！你憂鬱嘅眼神，唏噓嘅鬚根，神乎奇技嘅刀法，同埋嗰煲麻辣雞煲，都徹底咁嘅將你出賣咗。 我地尋晚一行七人黎到搵你，一坐低就嗌左個中辣嘅雞煲開下胃先，雞煲未到，首先就黎左七隻手掌咁長嘅蒜蓉粉絲蒸蟶子，味道比得上一啲所謂嘅海鮮酒家；跟住出現喺我地面前嘅係蠔皇炆鮑魚，鮑魚size絕對唔失禮，彈牙有咬口。 雖然等左半個鐘個雞煲先至到，但聽到話呢個雞煲係倫哥你親手炒嘅時候，即刻覺得呢30分鐘嘅等待係值得嘅。煲內雞肉嘅嫩滑同惹味嘅麻辣醬合而為一嗰種好味道簡直係筆墨難以形容呀！食完一round唔夠喉我地仲encore 左大半煲，未到火鍋出場已經半飽。 餐廳內嘅汽水同五花茶亦都係任飲的，最貼心嘅係佢有唔凍嘅五花茶供人選擇，啱曬啲唔飲凍野嘅朋友。而冷盤麻辣木耳亦做得很出色，香濃脆口，絕對唔會因為免費任食而馬虎。 再等多陣，欣勤嘅侍應就將一盤堆到滿滿嘅海鮮併盤放喺我地面前，我地即刻嘩左一聲，因為盤內嘅食材亦都唔弱，有花竹蝦(無錯，並唔係平價嘅基圍蝦或普通海蝦)，帶子，生蠔