明記潮館 (砵蘭180+商場)

今日年廿九,和老婆和外母行花市前於旺角明記潮館食晚飯打冷,我們點了豆苗,鹵水鵝片,蠔仔粥和豉椒炒蟶子皇,餐前小食有花生和菜脯,花生食落香脆惹味,佐酒一流,豆苗我們選了雞油炒,食落新鮮爽口,鹵水鵝片食落肉味香濃,有油花,而豆腐吸收鹵水汁,口感滿足,蠔仔粥蠔鮮甜肥美,粥底軟綿,最後豉椒炒蟶子皇共有6隻,蟶子大大隻,食落新鮮,吸收豉椒汁後口感惹味,餐店食物美味,份量十足,而且座位舒適今日年廿九,和老婆和外母行花市前於旺角明記潮館食晚飯打冷,我們點了豆苗,鹵水鵝片,蠔仔粥和豉椒炒蟶子皇,餐前小食有花生和菜脯,花生食落香脆惹味,佐酒一流,豆苗我們選了雞油炒,食落新鮮爽口,鹵水鵝片食落肉味香濃,有油花,而豆腐吸收鹵水汁,口感滿足,蠔仔粥蠔鮮甜肥美,粥底軟綿,最後豉椒炒蟶子皇共有6隻,蟶子大大隻,食落新鮮,吸收豉椒汁後口感惹味,餐店食物美味,份量十足,而且座位舒適闊落,食了一頓美味打冷,食了一頓美味打冷…Read More

今晚朋友想食打冷， 佢帶左我去試呢間位於旺角的明記潮館📍-我地首先點左蠔仔粥🥣蠔肉鮮甜，每啖都好足料-朋友點左金磚豆腐🤍外表炸到金黃色，再點上甜酸醬，好夾不過食太多會熱氣😆-點左招牌煲仔焗花蛤🎀都算幾多隻，鮮甜✅但如果湯底再多少少會更好！ -仲有特大凍檸菜，真係好大杯，打卡岩晒😆-原來下單滿300元，仲可以8元叫個滷水雜拼，好抵食😂-餐廳上菜好快，但環境就普通同熱鬧適合快食之選未必岩同朋友慢慢食同傾😂…Read More

🐻男人飯局當然首選打冷，明記在旺角開業十餘年，有口碑食物質素穩定，成為我們今次聚餐的地方。🐻一坐下來就先來一塔朝日啤酒，配上韮菜豬紅跟鹵水拼盤，兩道下酒菜配合下，一杯接一杯，一塔朝日就沒了，第二塔很快就到。🐻朋友陸續到達，開始全力開吃，一道辣酒煮花螺香辣惹味，螺肉鮮甜。再來蠔仔孖寶，蠔仔餅酥脆香口，蠔仔粥蠔肉飽滿，惹味十足。🐻燒汁脆牛腩外脆內軟，牛味十足。黃金蝦滿滿的蛋黃，配上彈牙的蝦肉真是一絕，奈何一碟數量較少，過不了口癮。🐻接著鹵水鵝片，鹵水味濃而不咸，啖啖鵝肉。鹵水豬手又是一道下酒良品，一口豬手一口啤酒，啤酒好像永遠都不夠。🐻兩塔朝日加十枝大啤後，大家都意猶未盡，再來一道小炒王，豉椒炒蜆，椒鹽白飯魚，每道都對上我們的口味。至此大家都差不多飲飽食醉，各自歸家。…Read More

這間明記潮館我和朋友已光顧過好幾次，一、兩年前來過後便會偶爾再來吃飯，因為海鮮新鮮性價比高，潮州菜正宗美味😋餐廳佔地極廣，很多卡座，所以坐得舒適，與其他客人亦有充足的距離，裝修是中式風格，還有很多海鮮在透明水箱中任人觀賞。每次來到幾乎都會點蠔仔粥，今次也不例外，但這次亦有點其他未品嘗過的菜式，有鮮竹翡翠苗、潮式蠔仔餅、黑椒牛仔骨，而叫滿300元餐廳更會送一份鹵水拼盤😆明記潮館亦有提供茶芥，包括濃茶、調味品、醬菜、炒花生、小食和紙巾等，十分方便，小食和醬菜都令人胃口大開，又有潮州風味。餐牌上有潮州菜、打冷和明記的簡介，可以讓客人進一步了解潮州菜和明記潮館，我和朋友終於明白打冷的起源和意思👍🏻鹵水拼盤作為前菜首先送上來，雖然是滿金額贈送的，但餐廳毫不吝嗇，端上滿滿一大碟鹵水拼盤前來，而且款式很多，有腩肉、紅腸、大腸、豬耳、魷魚和芽菜等，腩肉肥瘦適中，大腸乾淨厚切帶嚼勁，魷魚薄切很入味，豬耳軟骨很容易便咬開，還能補充骨膠原，最重要的是整碟鹵水拼盤都十分入味，我和朋友很快便分吃完這碟拼盤😋蠔仔粥一如往常的足料和新鮮，很多蠔仔都大顆飽滿，加上肉碎和芫茜，再灑上少許胡椒粉，便是我每次來都必定會點的人間美味。鮮竹翡翠苗包含上湯、鮮竹、蒜頭和翡翠苗，鮮竹很香滑大塊，翡翠苗又嫩又爽口，再配上無添加味精的上湯，味道十分搭。黑椒牛仔骨份量很多，性價比高，肉質鮮嫩重牛味，三色椒、洋蔥和黑椒粒等配料令牛仔骨更添風味，絕對是超值之選。我和朋友都想一試這裏的蠔餅，所以點了潮式蠔仔餅，之前已經知道蠔仔粥好吃，原來潮式蠔仔餅也很正宗和美味，外脆內軟的蠔仔餅有金黃色香脆的外皮，內裏則有一顆顆新鮮飽滿無沙的蠔仔，再沾一下醬汁，簡直令人停不下口，一口接一口😁這次晚餐十分滿足，下次會再來試試其他菜式和海鮮☺️…Read More

今日去左朗豪坊行街行完之後又好想食潮州菜，行去砵蘭街見到有一間明記潮館就上左去。每枱都有兩碟前菜花生好鬆脆，酸菜又好爽口，仲有埋醬汁點野食。馬拉盞通菜炒鮮魷馬拉盞通菜炒鮮魷，通菜炒到好碧綠又爽脆，鮮魷又爽彈又新鮮，配埋馬拉盞將醬汁一起炒更加美味又好有鑊氣明記荔枝骨炒到酸酸甜甜幾開胃，真是有荔枝，骨又好入味肉質又嫩滑蠔仔粥（小）都好大兜，可以盛4-5小碗，蠔仔又新鮮又鮮甜，又有肉碎好好味😋滿$300仲送個拼盆有，墨魚，紅腸，鵝腸，大腸，腩肉，豬耳等。真是滷水拼盆勁足料，墨魚好爽彈，豬耳又爽脆，其他配料又滷到好香。…Read More

【地理位置】地理位置方便，離地鐵站也不遠，但是他位於一個破爛的商場 （應該是全面裝修中其他樓習像也沒有任何餐廳），入去的時候真的有點恐怖，有時會懷疑自己是不是去錯地方，幸好入咗去餐館之後，又是另一番天地同正常餐廳沒有分別。因為是朋友介紹所以進來食，要不是也不知道有這麼的一間餐館。【食物】蠔仔粥大碗美味鮮甜，十分之喜歡食，我們叫了一個大號，可以四個人happy share黃金鮮魷應該是蛋黃麵粉包住魷魚鮮榨的,  所以除咗食到魷魚的大口之外，也吃到濃濃的蛋黃香味送飯一流明記荔枝骨味道正常，  骨比較大。沙嗲牛肉炒芥蘭因為想健康啲所以想叫一道菜，雖然味道OK但是價格不OK！ 如果在出邊食應該80 90都有一碟。無計小食很地道的潮州菜小食，但是五花肉有點肥，豬腸也很肥但是應該是正常的，其他都OK好食【價格】埋單約每人$200 ， 不算抵食…Read More

豉汁食潮洲菜好多時候啲餸都會大大碟，所以起碼4個人食先夠滋味。有朋友帶路嚟食，聽講唔少好評，其中原因就係「大碟抵食、坐得舒服」附加係：「睇波大聲有氣氛」環境：圓枱為主，大小圓枱都有，位置多，多人可以包房未上到嚟己經見到食夠$300蚊餸滷水拼盤（4人中分）（超過某數有大份），原本諗住送嘅就唔抱有期望，點知意外地覺得大碟之餘外貌又唔錯﹗好嚟簡單講吓有咩值得推介：總括，每款小菜都有咁上下份量，而且全部都熱辣辣，味道啱啱好，食到潮洲味，唔會咸或淡，仲幾快手﹗整體值得一試﹗再講吓啲小菜：首先係滷水拼盤：分別有鵝腸、魷魚、鵝片、紅腸、大腸、豬耳、芽菜底，應有盡有﹗而且大腸唔會油膩，話就送㿝，但好有誠意喔﹗炒蜆都係大大碟，平時一般嘅打冷好易拎到出嚟凍晒，但呢間完全唔會，係熱架﹗而且唔會好咸，更重要冇咩點食到沙:)﹗另外就係原本叫咗薯仔牛柳粒，但最尾嚟咗蠔仔粥好大碗﹗睇落都幾有光澤樣樣分明，幾開胃﹗啲蠔又真係大大粒﹗每樣餸都係熱辣辣咁上，值得一讚，黑椒著仔牛柳粒都係熱辣辣﹗牛柳都彈牙﹗切嘅形狀啱啱好，唔會太細粒好孤寒咁。是…Read More

因西餐和日本嘢都成日食，所以就提意不如食吓潮州菜，而這間餐廳之前都有食過，几抵食和坐得舒服，又不限時，所以我們一行4人就食打冷嘢。分別叫了：一條大眼雞，都几大條和几好味; 鹵水鵝（唔記得是否例牌還是一份），但都几多肉，但有些肥；味道都ok; 蠔仔粥（大）好味蠔仔不會有沙和夠新鮮加埋芫茜就是最好味；鹵水拼盤（餐廳送，因叫滿約$400內）就會免費）這個款色多，味道Ok👍🏻；煎蠔烙，這個煎得過火了，變得有些乾夾起來好散；石鍋啫啫通菜，這個超（野）味，熱騰騰上抬，好味😋，整體而言，環境夠大，又唔限時，價錢合理，值得一試…Read More

有朋友遠方來，想找間潮州打冷食店來解ㄧ下他們鄉愁。上網查看後，在旺角找來這間樓上舖試試。我們訂了檯不用等，侍應很快便安排了我們入座卡位，座位寬闊，可對座詳談真好。環看店內佈置甚有港式風味，令人好有親切感。在牆壁上還看到有個優惠，只要每檯消費$300，店主會送一個滷水拼盤給食客，我們當然有受惠啦！拼盤內有六款食材，包括有墨魚、豬大腸、紅腸、鵝腸、豬耳、芽菜。各款食材都滷得好入味，份量亦不少，這個優惠真不錯。食物方面都好多選擇，首點當然係鹵水鵝片: 鵝片肥瘦適中又入味，滷汁味香，不會只是咸味。煎蠔胳 : 炸得香脆可口，不油膩。蠔仔粥 : 湯底泡熟蠔仔好鮮甜，ㄧ口接ㄧ口，正!潮州凍馬友 : 平時多數食凍烏頭，今次轉下食馬友，味道鮮味，魚油豐富，好快便全條食晒！燒汁炸牛腩 : 外層用薄薄炸漿包裹牛腩炸脆，再配上燒汁食，又唔錯。石鍋啫啫芥蘭 : 上檯時石鍋熱，令香濃的醬汁，發出啫啫聲，再嚐ㄧ口芥蘭，真係惹味非常。雪𥚃紅鮮竹茄子 : 好惹味，鮮竹和茄子都好嫩滑，配飯ㄧ流。總括來説，座位寬敞， 食物質素都不錯，下次一定會再來。…Read More

好耐冇食潮州打冷啦!今晚一於同友人食個打冷啤啤佢!這間餐廳位於創興廣場附近的一個小商場，近日裝修中，但餐廳仍照常營業!餐廳的登記位置就在商場門口，拎位後便可乘電梯或扶手電梯到餐廳。餐廳分開了兩邊，地方好大，有卡位、圓枱和廂房，而且比一般的潮州打冷店乾淨，坐得舒適!食潮州打冷當然會有個半開放式的斬料位置俾你揀小食，這裡也有呢!餐牌有好多不同的選擇，令人眼花撩亂，而且也有一些套餐可以選擇。韮菜豬紅($68)，每次食潮州打冷必點豬紅食，這裡的豬紅都幾入味，醬汁是辣的，加上韮菜一齊食特別惹味!潮州凍烏頭($188)，凍烏頭是將魚先整熟，然後再整凍，再用鹽俺住。魚肉結實鮮甜，有鹽的位置特別惹味，再加上有黃豆醬提鮮，由小時候唔中意食到而加變左好中意食，係非常特別的潮州菜式!鹵水鵝片($148)，這裡的鵝片冇骨唔會好肥，肉質唔會好鞋，好有鹵水味。鵝片抵下還有鹵水豆腐同埋花生，豆腐都好入味，花生較淋，再點埋白醋一齊食，刺激味蕾呢!蠔仔粥(小)($58)，小都可以分到4小碗，蠔仔都幾多，而且脹卜卜，還有肉碎、方魚和莞茜，味道剛剛好，唔會太咸，而且也不會太傑身!石鍋啫啫通菜($88)，非常夠熱又夠香，通菜份量好多，有少許肉碎和蒜蓉，非常惹味!鹵水拼盤，這裡食滿$300便會送鹵水拼盤，拼盤有墨魚、紅腸、豬大腸、豬耳、腎等，雖然係送的，但份量也不少!最後還點了啤酒跟友人啤啤佢!這間餐廳上菜速度超快，服務也很好，值得再次光臨!…Read More

今晚同媽媽係旺角行完街，帶左媽媽去食拒最中意既潮州打冷打冷唔單止適合一班朋友聚會，更適合帶長輩去食！一黎有好多熱食，老人家唔太喜歡生冷野嘛二黎比傳統中菜有特色，算係老少咸宜既餐廳餐牌有好幾版，選擇甚為豐富而且餐廳好貼心推出左唔同套餐，例如一配二，就可享有優惠價食打冷點可以無韮菜豬紅！呢到既豬紅，單睇賣相已經知道好入味，色澤深紅，豬紅全部大件，不會碎碎小小而且韭菜亦非常嫩口，咬落去無渣值90分本人好中意食海鮮，尤其是炒蜆基本上餐廳有炒蜆，我都一定會叫明記炒蜆份量多，每隻蜆都真材實料，蜆肉厚身，唔似得其他餐廳咁多空殼～再來味道幾有鍋氣，但又可以控制到d蜆唔會太老，師傅手勢幾唔錯！兩個女人加左細既蠔仔粥，侍應好貼心，一上檯就幫我地每人裝一碗，完全唔洗自己郁手，服務一流因為侍應姐姐太快手啦，所以呢張相係【相機食後】蠔仔非常新鮮，隻隻都夠曬飽滿，配料有芫西，香味提升左好多！估唔到仲有魚方，令個粥更有咬口！呢個係免費送架～～消費滿$300就有免費鹵水拼盤送，有齊墨魚、紅腸、鵝腸、豬頭肉等等完全比足料媽媽大讚鵝腸好肥美，但又夠曬彈牙，係屋企真系煮唔到呢個水準年紀大左，出街食飯總要叫返個菜感覺上健康d呢到既芥蘭切得好靚，全部有介花，切到長短均一，所以每條芥蘭都蘸到味道好中意d芥蘭咁爽脆！呢一餐好滿足阿！兩個人食到捧住個肚走，好滿足呢～…Read More

潮州菜係其中一種我最喜愛既中菜。我家蘿蔔頭經常帶我去試新野，今日黎到旺角呢個充滿美食既地方，都不忘要去試下呢間好出名、好多人既潮州菜。我地行完街差不多9點先開飯，無諗過咁夜都仲要等位😒。。不過好彩等左十分鐘左就有得入去啦三心兩意既我，又想食蠔餅、又想食滷味、又想食海鮮、又想食菜。。誰不知呢到如果你叫野食叫夠$300，佢會送一個滷水拼盤俾你。。所以貪心既我一於叫多幾樣叫夠$300就有個免費既滷水拼盤啦😝我地兩個人叫左薑葱雞(點知佢落錯單落左沙薑雞🙄)、蠔仔粥、瑤柱上湯絲瓜、椒鹽鮮魷、再加埋免費既滷水拼盤。。。食到抱住個肚走呀1. 沙薑雞啲雞肉嫩滑，但味道有點淡，要另外點沙薑汁先更野味。2.蠔仔粥既蠔鮮甜，可惜柴魚太硬咬唔開3.瑤柱上湯絲瓜係店員推介既煮法，亦係最驚喜既一款小菜，絲瓜非常清甜，湯底用雞湯煮成，好食到連湯都飲埋🤣4.椒鹽鮮魷炸得好香口，味道不錯5.滷水拼盤亦好好食、好入味，估唔到免費既質素都咁高大家值得一試😋…Read More

這間明記之前同同事食過兩次宵夜了，兩次都覺得幾好食，所以今日特登帶另一半嚟試吓，除咗嘢食 ok外，有隻啤酒1664都好好飲，有種果香味，但可惜幾貴只能飲一杯。我叫咗一個套餐，馬友加砵酒蠔，馬友啲肉質比較林，我就一般。而砵酒蠔就無酒味及偏甜，啲蠔無蠔味。如果幫襯$300以上就有一碟併盤送。而蠔仔粥就唔夠香及野味。…Read More

工作了一天必須好好慰勞自己，同事們提議來這間新開的潮州菜....在香港食潮州菜太貴了 要食我也會回內地品嚐這間明記新開乾淨，在晚上12時的員工也滿多，有包廂每間來也有職員招待，非常適合看足球人士來內裝修精緻，有不同的風格，但這晚實在太攰了也沒有參觀過這店 希望下次來可盡情拍照餐牌方面菜名也貌似潮州菜名很多是香港普遍潮州菜館做不到的它也有在售賣朋友一早建議不要order炸品，這裡的比較熱氣，有分別的嗎？有宵夜小食 28元起 很抵食 來配啤酒一流食滿200元便送鹵水拼盤 基本3樣一定過了蠔仔粥 內有炸米，食落脆脆的不會太dry 非常多的蠔 啖啖都食到 也很鮮甜 細的已分到4-5碗 韭菜豬紅 不要以為宵夜小食份量會小 原來也很大份 有少少辣辣的 但比較油椒鹽九肚魚 外脆內軟 不會食到有骨的 滿好 秘制螄蚶 第一次食未開口的螄蚶 有專屬的鉗來開口 入邊的蚶非常之肥美紅燒乳鴿 肉質比較乾身 食完也覺得非常熱氣啦鹵水拼盤+鹵水鵝腎 拼盤是送的份量非常大 足夠3-5人份量有紅腸 豬大腸 豬耳 腎 墨魚 全部都入灑鹵汁的味道呢到什麼都好 唯獨王老吉一罐收取18蚊一罐非常貴也收取小食花生費用20蚊味道 賣相 衞生 服務 抵食 推介 …Read More

本身想食潮州菜，咁啱行行下街就見到新開喺旺角既明記，就決定入去試下。門口已經有大大個牌。一上到去見到裝修咁靚真係估唔到！入到去就見到有個「漁人碼頭」，有好多新鮮海產。海鮮有好多選擇，又有一份份既套餐，價錢好清楚。另外仲有一本menu，都係有好多選擇，唔錯。鹹菜豬肚湯好好飲又足料，同埋好特別，因為佢加左豬粉腸，都係第一次見。另外食潮州菜當然唔少得蠔仔粥！大大碗粥夠鮮甜，蠔仔粒粒都好飽滿，無腥味又無偷工減料，正。叫左個石鍋啫啫油麥菜，加左啲肉碎好惹味又唔會太咸。上菜既時候仲係啫啫聲添。煎蠔餅用左好多蠔仔，同蠔仔粥一樣都係粒粒飽滿，雖然比較熱氣，但真係好脆好好味。大大塊感覺上都幾抵食…Read More