潮福蒸氣石鍋 (已結業)

今晚因爲落雨，令原先打波活動取消左，所以成班朋友轉戰蒸氣石鍋！呢到位置離地鐵站比較遠，所以由旺角落車行過黎都用左10分鐘到呢到係一個價錢，包左數款海鮮之後再任食肉、菜同包點類，仲有任飲酒水～由於我遲左少少先到，所以朋友們都落好單叫左海鮮啦～第一樣到既係燉湯其實有兩款選擇，呢款雞腳豬骨比較好飲，味道濃郁啲，另一款朋友們話比較淡～之後到刺身，其實佢刺身都好新鮮，由其係呢啲蒸氣石鍋店本身冇期望既情況下，不過一人得一件，感覺比較少同埋我真係唔鍾意食希靈魚跟住係一輪海鮮，其實食蒸氣鍋最緊要係海鮮新鮮，呢到雖然係指定食材加任食組合，但款式唔會太差同埋的確新鮮鮮甜第一款係佢既蜆，每人分量都充足，見到入面冇死蜆，食落都係濕潤彈牙第二款係每人半隻龍蝦，新鮮龍蝦肉質鮮甜，蒸到剛剛離殻，蝦膏唔算多係佢比較普通既地方之後到鮑魚啦，由於我地坐既位對正魚缸啲南非鮑魚，所以FF左成晚會唔會有咁大隻，咁當然套餐價就只有鮑魚仔，但佢都係偏大既鮑魚仔，味道唔錯，但多啲果皮會更好貴妃蚌，一樣自從我屋企人發現後，成日都買返屋企整既海鮮，呢到大細屬於中等，有粉絲係底去吸收精華都的確唔錯！跟住係象拔蚌，師傅將佢切絲，食落都算大隻，質地係幾款貝中比較有咬口，但蒸出黎都剛剛好，唔係橡筋咁樣，合格最後係蟶子皇，見到size算大，爽口而海鮮味比較淡之後介紹既係任食環節，主要有肉、菜同包點一黎見到三款肉類，分別係一口牛、豬頸肉同雞肉，由於一口牛比較快熟，職員會先計時叫大家先食牛肉，而牛係三款之中最突出既，因為佢牛味濃同埋出奇地係淋滑既～豬頸肉蒸後冇平時煮法咁油，但都冇平時咁香，雞就同平時冇咩分別。之後係蒸丸，牛肉丸一如以往食開既手打肉丸一樣，好似食緊飲茶既牛似球咁，蝦丸唔算丸彈牙反而豬似丸味道最好，有啲梅菜調下味最後介紹包點類，馬拉糕係鬆軟既，唔算太甜，饅頭有中式飽點既麵粉味，係小弟其中一種最愛既包所以冇咩好評價，反而佢個薑汁糕有好大迴響，鍾意薑味既朋友應該幾鍾意，因為佢好香薑味，我食第一淡心入面諗如果佢有埋可樂味就好得意啦～ 但有朋友接受唔到佢既薑味，所以叫既時候都係唔好叫太多好另外要一提既係佢有任飲酒水，有青島同Asahi仲有嘉士伯draft，一班老友黎到吹水飲野都係唔錯選擇總結呢到雖然地理位置比較遠，但我覺得海鮮類係合格，如果人多唔想叫咁多貴價海鮮又想食蒸氣鍋傾下計食個飯，呢到係唔錯選擇！重點要提係佢服務好好，每款海鮮中間都會幫你換碟同埋幫你計時蒸海鮮！我地好唔好意思咁係上左湯後改少一個人，經理都好幫手cut左一個人位，唔似好多任食地方咁夾硬收費👍🏻小弟冇影到蔬菜，但其實啲瓜同菜都唔差…查看更多

今晚到旺角換領信用咭迎新禮物，順道跟旺角工作的朋友晚餐。她已經訂好了就近的蒸汽石鍋店。原來這是半自助呢！即是５款海鮮＋湯＋其任食配料／汽水任飲。記得去年朋友的生日飯，在尖咀潮福散點，每人也要四百元。　現在半自助任食，才三百元呢！　　　散點VS半自助，還是半自助比較化算！　　　　而且不用有任何束縛，任點喜歡的蔬菜，肉類，糕點。今晚來個無拘無束的半自助吧！　先點選鍋底及燉湯，再挑選五款喜歡的海鮮。吃過海鮮後，才選擇任食項目。交單後，去調味料自助吧！多款醬汁自由配搭。　　燉湯：材料都燉至軟棉棉了，就連雞腳也不需太多的牙力呢！　　　　海鮮來了！　　　　　龍蝦：訂位送龍蝦。龍蝦鋪了乾身的蒜蓉，不太油，没有搶過龍蝦肉的鮮甜。　　日本大元貝：厚身元貝肉對半開，再平攤在元貝上，減少蒸煮的時間，可以保持元貝的肉質及鮮味。如果原粒來蒸，就要加長蒸的時間，可是這會令元貝肉質變霉，又失去鮮味。　　象拔蚌仔：長長的吸管已分段，肉質較爽脆。　　　　北寄貝：即是北寄貝刺身的清蒸版本。刀形的厚肉部份已對半開，蒜蓉的味道就可以滲入北寄貝肉，既有北寄貝刺身的清甜，也有絲絲蒜蓉的香味。蟶子皇：雖不是很大隻，蟶子肉已起出，方便夾出來品嚐。這４款都是蒜蓉及粉絲墊底，除了浸著蒜蓉的油，也有海鮮的精華，粉絲則吸收了這汁液，真的汁都撈埋。　大連鮑魚：厚厚的鮑魚已界花，没有加上蒜蓉，改配蟲草花。　　輪到任食項目。　　蟲草雞 污糟雞 釀豆卜 釀苦瓜 南瓜 芋頭一起蒸　紅棗糕 馬拉糕 是必點的　　　然後到主角：瑤柱鮮淮山粥底！！　　米粒已化為棉棉粥，加上各款食材的精華。今晚最好味的，就是這碗粥了！　餐後總要來一杯汽水，都是任飲　　　現在各款配料任點食，無須再怕順得哥情失嫂意了。就是喜歡這種無拘無束的感覺。…查看更多

蒸氣石鍋之前都食過兩次架啦，但係半自助形式都係第一次，今日黎到旺角通菜街分店，呢間係潮福唯一一間有半自助既分店。放工之後黎到都8點，呢個時候入座要$338，再加15蚊茶芥，加埋一，八折左之後每人都要$311，都唔算太貴既。所謂半自助，係每人有一個湯，貝殼盛盆同埋南非龍蝦，再每檯係多個海鮮中揀5樣野。只於任食系列，有好多野揀，豬肉丸啦，涼瓜，絲瓜，荷葉飯，菜，馬拉榚等等，唔夠可以再叫，汽水亦都係任飲既。如果唔想要半自助，亦都可以 a la carte，menu上面有每種食物需要蒸既時間，方便大家參考。上面呢頂好似草帽既就係今晚既主角: 蒸氣石鍋，個蓋似係用藤編織既，外型有D似北非既Tajine。調味料自助式，各款齊備。汽水亦都係自助，飲幾多都得，唯一美中不足既係無coke zero。雲腿粒冬瓜燉海螺肉: 味道OK，冬瓜亦都幾多，可惜油份過多，無益！西洋菜燉唐排:熱辣辣，材料豐富，但係西洋菜好少。新鮮排骨粥:呢個排骨粥係全晚重頭戲，一開始未蒸任何食物時已經放入鍋底，之於味道係點，陣間話俾大家知。生猛海中蝦+ 貝殼盛盆: 貝殼盛盆其實就係蜆，大中小蜆都有，味道鮮甜肉厚多汁，亦都幾有海水味。只於海中蝦，每人都有兩隻，雖然唔係好大隻，但係拆開後都幾好肉，肉質爽彈，亦都好有鮮蝦味。 日本大元貝: 大元貝用蒜蓉粉絲蒸，做法非常傳統，元貝超級大粒，亦都好新鮮，咬落好Juicy，如果可以落返少D蒜蓉就更加好啦。釀涼瓜+蟲草雞+ 污糟雞: 蟲草雞除了蟲草，仲有薑蔥。污糟雞蒸過後雞肉都能保持嫩滑。至於豬肉丸，佢係以新鮮豬肉手剁而成，加左少少馬蹄同埋其他材料整成既，肉質好嫩滑，肉丸味道濃而多層次，好好味。至於釀苦瓜，佢係用梅菜肉丸黎釀，唔錯。蟶子皇: 蟶子大大隻，亦都係同其他海鮮一樣，用粉絲同蒜蓉作伴， 食食下都開始有D悶。南非龍蝦: 每人有半只南非龍蝦，亦都係加上蒜蓉蒸，肉質彈牙味甜，啖啖肉。大連胞魚: 胞魚加左蟲草去蒸，雖然唔算大隻，但蒸得幾好。象拔蚌仔: 象拔蚌先切為條狀，再加粉絲蒜蓉去蒸，口感都算爽口彈牙。馬拉榚 + 荷葉飯: 馬拉榚熱辣辣, 口感鬆化，我地只係叫左一人份量，已經有兩件，真係幾飽肚。至於荷葉飯，配料比較少，味道較淡，有改進空間。新鮮排骨粥: 食完晒所有野時個粥就應該READY，個粥係經過多輪唔同海鮮同餸菜既蒸氣精華「蒸」成既，由本來既珍珠米，排骨同南瓜，過左1個鐘頭之後，已經變成好多粥水既排骨粥，粥呈米黃色，口感綿滑，吸晒排骨既味道，鹹鹹地，好入味。今晚整體黎講食物唔錯，但係所有海鮮既烹調方式都係用粉絲蒜蓉，食到有D悶，如果部分海鮮用豆豉去整，可能會更加好。…查看更多

年長了富貴病自然有，媽咪近年血糖可不低，飲食亦得要小心，今夜她不茹素，兩母女撐枱腳有邊處好？終於想到了潮福，清蒸食品不先下油鹽，尤其海鮮類原味下鍋，應該合符要求。得知旺角西洋菜街有新店，而又方便媽咪雀局後跟我會面，於是決定到訪。 晚上光顧，潮福的入口躲在小販排檔後，想替它替張門面照亦不成，幸好招牌夠大，不會找不到！ 原來要走樓梯上一樓，亦無相干，先消消脂，待會兒吃得更爽！一般飯店的裝潢， 卡位異常寛敞，可能是中央有個石鍋爐的原因，我要伸長手方可把茶水食品遞交媽咪，今晚侍候老媽來得更見殷勤。 主打海鮮的酒家自然展示新鮮貨，而且名碼實價，客人方便預算。 原來此店別於一般，有任食的放題形式選擇，7點9前離座每位$298，否則$338，本來我們二人沒有打算吃得多，而且7點才入座，但海鮮有價，精打細算的媽咪認為是超值，可以放縱一點亦好。 飲料無限，可以自取健康竹蔗水，啤酒及汽水，這晚我們崇尚健康，試了少許竹蔗，認為糖份太高，主要只喝茶水。 調味料自助式，各款齊備。 雲腿粒冬瓜燉嚮螺湯 海鮮餐包括一個湯，雲腿粒冬瓜燉嚮螺湯，味道沒有怎樣，見所說的材料皆有，可惜油份過多，油光滿面！美味指數：2.5/5貝殼盛合 貝殼盛合先到，大中小蜆皆有，亦不管牠們是石蜆、珍珠蜆或花甲，鮮甜肉厚多汁，味蕾就滿足，嘴刁的媽咪無投訴。美味指數：3.5/5南非龍蝦每人有半只南非龍蝦，加上蒜蓉蒸，肉質彈牙味甜，啖啖肉，吃得開心。美味指數：3.5/5十款海鮮選五款，我們揀了大連鮑魚丶美國石蠔、蟶子皇、日本大元貝及生劏龍躉件。這些海鮮雖然並非特別上乘的高價貨，但皆新鮮對辦多元化，而且略為細心處理，鮑魚加上蟲草花，石蠔上有薑蔥粒，蟶子及元貝伴以蒜蓉，龍躉薑蒜蔥皆備，而且大件肉厚，美味滑嫩。美味指數：3.5/5我們只吃兩款肉，肥牛加蟲草雞，跟著就是大量蔬菜。肥牛二人分配四片，果然肥美，脂肪分佈豐富，見者心動，原來蒸的肥牛亦非常美味，多餘油份逼出流走，肉嫩無筋，入口溶化，蘸一些自調的辣椒鼓油，合我心意，若非媽咪在場，我必添加。美味指數：4.5/5蟲草雞預先醃味，雞件全身油潤，皮厚脂肪不過份，但雪雞貨，就沒有甚麼出色。美味指數：3/5蔬菜所有款式我們皆點了，已經預好二人份量，全部沒有調味，所以浄吃淡了些，來到蔬菜，調味料就用得上，我覺得蘸少許蒜油便已經可吃，能夠吃出素菜自身味道方是最佳。美味指數：3/5瑤柱鮮淮山粥 結尾是預先放進的瑤柱鮮淮山粥，得到剛才多款清蒸食品滴下的精華，這個粥清卻滋味，每人兩大碗，填滿胃納，甜點亦不需要了。美味指數：3.5/5返家後，媽咪量量血糖，告知我依然是8點多，這一餐，沒有增加，吃得美味安心。…查看更多

蒸氣石鍋試過幾趟, 朋友說旺角店有海鮮餐, 價錢相宜, 還有食物任食, 於是今次便到旺角吃蒸海鮮。店舖位於通菜街, 人流算是多, book 了枱也要等15分鐘才有位。原來這海鮮餐, 平日8時後入坐只要338, 如果早於1945前結帳更是298! 非常抵吃。海鮮餐汽水啤酒任飲, 還有很多任食配料。還有海鮮定食, 粥底, 燉湯, 自選5款海鮮。 6位以上還送白酒。飲品任飲, 汽水啤酒, 竹蔗水也有。雲腿粒冬瓜燉海螺肉有燉湯提供真的很不錯, 湯很足料, 雞, 雞腳, 蜆冬瓜等等, 味道濃郁, 不感肥膩。南非龍蝦龍蝦肉質堅挺, 海產味重, 肉質脆嫩。貝殼盛盤裡面有三種貝殼類海產, 每款也鮮甜無比, 肉厚味濃。自選海鮮生劏龍躉件龍躉魚味濃郁, 鮮甜無比, 軟滑可口。日本大元貝, 蟶子皇元貝, 蟶子大大隻, 也是以粉絲蒜蓉作伴, 與鮮甜的主角非常匹配。象拔蚌仔,  象牙蚌仔第一次吃象牙蚌, 兩者味道也是鮮甜, 口感有點不同, 象牙蚌比較軟滑而爽口。任食食材蟲草雞這味菜除了蟲草, 還有薑蔥等。蒸出來雞是嫩滑的, 不會肥膩, 口感好, 味道濃。勝瓜件, 馬拉糕勝瓜蒸過後多汁而甜, 馬拉糕充當了飯後甜品, 軟軟又甜甜的,份量剛剛好, 吃 2件不會太飽。瑤柱鮮淮山粥由於今次選了蒸魚, 整個粥的味道不同了。魚鮮味非常重, 蓋過了平常的海產味。比一般魚粥多了一份鮮, 應該是來自蜆殼類。粥底軟滑, 淮山粉粉的又讓粥多了一份口感過個海鮮餐的確抵食, 份量不少又可吃多種海鮮, 不夠吃又可點選任食的食材, 男士不怕不飽吧！…查看更多

當中式蒸海鮮開始冇乜新意之時, 有酒樓推出任飲任食套餐, 一個人唔計加一芥醬三百蚊以下, 可揀一個粥底一個燉湯五款海鮮再加任食配料家禽丸瓜菜主食同啤酒汽水, 睇落好似好抵, 擇日試吓新嘢.酒樓位於女人街閣樓, 如果唔係見到地下個易拉架都未必搵到, 佢樓下係同一集團點心專門店.平日夜晚人客唔係好多. 坐低後就寫紙叫嘢食. 海鮮有十幾種選擇都算幾多, 其他任食配料相對選擇就少啲.先飲燉湯, 湯入面幾多湯料, 湯色好清但味道好清甜, 唔肯定有冇師傅喺入面, 不過飲完成晚冇口乾希望冇.蒸海鮮先放粥底, 鮮淮山瑤柱都幾足料.番薯蜆第一次食好大隻四兩都係得兩隻, 味道鮮甜多汁. 花蛤皇相比之下就細隻好多但一樣鮮甜. 清蒸海花螺細細粒清甜有嚼頭.大連鮑魚比南非鮑魚細隻但肉質一樣彈牙淋滑.日本大元貝件頭大隻, 肉質鮮甜美味, 食到一絲絲元貝肉.蟶子皇肉質鮮甜爽口, 加上生熟蒜好冶味.阿姐提議將蟲草花蒸雞放上糯米飯上蒸, 等糯米飯可以吸收雞油精華, 想想都覺得美味. 果然一蒸出嚟糯米飯好食過雞, 糯米飯粒粒晶瑩, 雞切得比較細件, 肉質唔多. 蟲草花蒸雞同糯米飯份量好大, 食完都差唔多飽.肥牛冇乜特別, 一般貨色.蒸肉丸鯪魚球鮮甜彈牙.蒸南瓜比較削, 甜味不足. 蒸粟米就幾清甜有咬口.鮮淮山瑤柱粥似潮州粥, 米粒比較分明, 粥底吸收蒸物精華, 想唔甜都幾難!以一個任食套餐三百蚊以下有海鮮食物質素中上都算幾抵吓.…查看更多

近排天氣凍凍地，BeautySearch 外出進餐時，不是火鍋便是BBQ，感覺好像有點燥熱，吃壽司刺身好像冰冷了一點，在旺角溜達時，無意中發現女人街有間《潮福蒸氣石鍋》，天氣凍凍地，即蒸即食，熱烘烘，感覺真不錯，於是決定今晚晚餐在這裡落腳。這店子是分兩層，下層是吃點心；上層才是吃蒸氣石鍋。我這懶人，最怕爬樓梯，幸好只是十數級，否則，我怕我會放棄呢！店子的裝潢，與一般傳統的酒樓設計沒有太大分別，當然，最能代表《潮福蒸氣石鍋》的，要數那如同尖頂草帽的鍋蓋。BeautySearch 不是第一次吃蒸氣石鍋，暫時卻只在《潮福蒸氣石鍋》發現這尖頂草帽的鍋蓋，不知是否這裡的「標記」呢！這裡的海鮮吧非常大，海鮮種類非常多，應有盡有，有聖子、象拔蚌、龍蝦、老虎蝦、花蟹、肉蟹、元貝、生蠔、花螺、老虎斑、星班... 等等。不過，今次我們選了吃套餐，再多也與我無關，只好混完醬便返回座位去。BeautySearch 早前曾在《潮福蒸氣石鍋》吃蒸氣石鍋，不過，上次是只選海鮮，坦白說，要飽肚，確實有點昂貴！這次竟發現有套餐提供，計落還十分化算，「蒸氣鍋海鮮餐」先提供海鮮定食，包括：「貝殼盛盆」及「南非龍蝦」；接著蒸氣鍋必點的粥底，可2 選1，我們點選了「新鮮排骨粥」；還有滋潤燉湯；我們還可另外自選5款海鮮；仲未夠飽？還有肉類、糕品及雜菜等任食，如此豐富，套餐每位都只是三百多元，的確非常超值。先來「滋潤燉湯」，每人一盅，上桌時熱烘烘的，最適合這種天氣下享受，份外暖胃。這燉湯非常足料，清甜，又不油膩，平日缺少湯水的 BeautySearch 真的想多喝兩盅呢！如此同時，店員亦很快便將海鮮放於椅旁的小車子上，這安排很讚喔，這樣桌面便不會迫滿又生又熟的食物，可以慢慢享用。打頭陣入蒸氣鍋的是海鮮定食中的「貝殼盛盆」，有大有細，非常豐富，我猜想是三款不同的貝殼類，但 BeautySearch 的自然常識學問不足，不能告知你每一款的分別。但視覺與味蕾告知我，他們都非常新鮮，夠鐘打開蒸蓋時，所有殼都已打開，友人說這現象代表他們夠新鮮喔！食落肉嫩味鮮，毋需添加任何調味也非常味美，而且，最重要是清洗乾淨，沒有遺漏半點砂石。接著的海鮮定食是「南非龍蝦」，雖然每人只得半隻，但龍蝦的體積可不少，肉質爽口嫩滑，還有豐富的蝦膏，只是簡簡單單以蒜蓉一同蒸，已令龍蝦的鮮味提升。自選海鮮方面，我們點選了「日本大元貝」、「蟶子皇」、「大連鮑魚」、「生猛海中蝦」及「生劏龍躉件」。先來大大隻的「日本大元貝」，真的非常大隻，元貝的貝殼幾乎可以當碟用，元貝肥厚多肉又多汁，蒸煮前只下了點點蒜蓉，完全不用額外調味已非常美味，肉質彈牙兼鮮味，太肥美了，可惜每人只有一隻，對偏好元貝的 BeautySearch來說，真的不夠滿足！幸好緊接著大大份的「蟶子皇」，稱為皇者，果然非同凡響，「蟶子皇」猶如一隻小船，盛載著鮮味的海中物，除了蒜蓉，還添加了點點粉絲作伴，令整體口感更豐富，鮮味？已不用多說，肉質還非常嫩滑彈牙，正好瀰補 BeautySearch 對元貝份量不足的感覺。再來還有一份「生猛海中蝦」。嫲嫲是水上人，小時候每逢吃海鮮， BeautySearch 都嚷著要加醬油，嫲嫲便會說「新鮮的海鮮是不用加醬油的」，當時，還以為是嫲嫲懶惰，不為下廚花心理，長大了，才發現只有雪藏海鮮才需大量加入不同的醬油，把那「雪味」蓋過。而今夜的海鮮，都不用加入大量調味，已能顯現當中的鮮味。當然，這份「生猛海中蝦」也不例外， BeautySearch 連豉油也沒有蘸半點，已覺非常鮮味。「大連鮑魚」與「生劏龍躉件」是一同蒸的，因替我們安排蒸海鮮的姐姐說這兩樣食物蒸煮的時間相同，而我倆其實只顧品嚐鮮味，一切安排也交姐姐負責，當然順好意思啦！鮑魚上面舖滿一條條的蟲草，還有大蔥，已是整餐最多的配料。冬蟲夏草是中國傳統最珍貴的中藥材之一，令矜貴的鮑魚更見矜貴。鮑魚的蒸煮時間雖然只有6分鐘，蒸得剛剛好，口感軟稔，咬落帶點煙韌彈牙，十分有嚼勁。「生劏龍躉件」每人只有兩件，BeautySearch 喜歡它沒有骨，啖啖肉，咬落甚為爽口，可惜帶點韌，BeautySearch 較喜歡細嫩軟滑的魚肉，因此，不大喜歡這口感！或許龍躉不大適合我的飲食習慣。食完海鮮，如果還是覺得未夠飽足，不要緊，這「蒸氣鍋海鮮餐」最大的優惠是半任食，肉類、糕品及雜菜等是任點任食的。當時已覺差不多的 BeautySearch，因為要陪跑，所以也點選了少許，包括：污槽雞、豬頸肉、豬肉丸、紅棗糕、荷葉飯、甜粟米。這次一鍋熟...「污槽雞」相信是整晚最多的醃製食物，有杞子、大蔥、羗絲等，不知還有沒有其他醬汁一同醃製，不過，眼見雞肉保留原色，加上肉質嫩滑多汁，保留了嫩雞鮮品，感覺相當健康。「豬頸肉」則爽口嫩滑，同樣沒有添加醬汁或調味，依然味美。BeautySearch 猜想「豬肉丸」是手打，因為口感相當彈牙，而且非常鮮味。來到這蒸籠上場時， BeautySearch 已不能再添食了，唯有讓友人孤軍作戰了！其實蒸鍋一開時，姐姐已將我們點選的「新鮮排骨粥」粥底材料放進石鍋中，上面再放上蒸盤用來蒸煮海鮮，剛才蒸煮過程中，海鮮的精華早已滴入粥底中，來到尾聲，便可慢慢品嚐這精髓。試問 BeautySearch 怎可不留肚吃這碗精華!?這碗「新鮮排骨粥」，非常綿滑，鮮甜可口，既有海鮮之鮮，又有雞肉與豬肉之甜，還有早已融入粥底的南瓜，令整鍋粥更添口感，整晚的精華所在，當然非吃不可。除了任食，還有任飲，當中包括了各式汽水，不過， BeautySearch 就比較喜歡這裡的自家製庶汁，既香甜又健康。…查看更多

約了中同聚舊，相討吃甚麼時大家不約而同都試過潮福，口碑都是新鮮海鮮的首選。同學說聽聞潮福換了新菜單，$300左右有海鮮餐，便一於「翻抄」潮福。由於只得兩個人，店員推介新出的海鮮餐。的確比較上次，雖然未能去迷你海鮮檔自選海鮮，但卻省卻花多眼亂，計算多少斤兩的麻煩。 「懶人」海鮮餐非常豐富： 先有跟餐的燉湯、蒸氣粥底、貝殻盛盛及南非龍蝦，再二人共選五款自選海鮮。若自問食量大的話，還有任食蒸雞、菜、飯等等，大前提當然不要浪費食物。 自選海鮮中亦加入新選擇，如肉蟹、龍躉件、海蝦等。雖然只是海鮮餐，但食材依舊新鮮原汁原味，更欣賞餐廳新設的海鮮餐，讓食客能於一餐內試盡多款海鮮，性價比甚高，至啱海鮮狂迷。綜合餐廳環境、服務態度、價錢和食物品質四大評分準則，推介指數有9分（ 10分為滿分）。 …查看更多