麻辣派對 (金百利廣場) (已結業)

每次見到個招牌都以為只有麻辣鍋食，辣字讓我有些害怕。但事實上，原來有提供非辣的香鍋、酸菜魚、烤魚和焗龍蝦等選擇，這麼多選項難怪平日總是排隊的人很多。酸菜味江團魚 $236江團魚片的份量很多，魚肉嫩滑無骨，每一口都充滿了魚肉的口感。魚片又彈又脆，配料中有豐富的大豆芽菜、酸菜、紅辣椒、青辣椒、泡椒、蒜片，甚至還有蒟蒻。酸菜湯開胃美味，辣度可以選擇大辣、中辣、小辣或無辣，我選擇了小辣，不算太辣，酸味和辣味很容易入口。另外加左水晶粉，飲埋啲湯飽到傻左。手撕包菜 $78椰菜炒得夠爽口，食完成碟即刻覺得自己健康左。有大、中、小及BB辣揀，怕辣揀BB辣就無有怕啦。蜜語水果茶 $38裡面有多種水果片，如西瓜、香橙、火龍果和青檸，凍冰冰飲完透心涼，解辣一流爽晒。…查看更多

很久沒吃酸菜魚便提議晚餐吃，朋友介紹這家麻辣派對，說是一試難忘，於是我們便去一試究竟。這裏非常近地鐵站，裝修佈置也是別出心裁。這碟孜然羊肉份量很足不論配料或羊肉都很多🤩，羊肉嫩滑而且沒有羊羶味👍🏼，大小也切得剛好，不大不小，一件一口。配料的香蔥很香辣入味，吃到停不了口呢😋很喜歡孜然配羊肉，味道一絕非常有驚喜，以往吃這些川菜都會比較鹹，但這碟完全不會，味道剛剛好。到了今晚的主角酸菜魚😝可以選bb辣、小辣、中辣和大辣，我們不能吃太辣，所以選了bb辣。第一次吃江團魚，啖啖魚肉沒有骨，而且很滑沒有魚腥味👍🏼👍🏼，魚肉亦很掛湯，酸菜魚的配料都不少，有蒟蒻、大豆芽、酸菜、薯粉等。大豆芽新鮮爽口，蒟蒻夾酸菜湯也很夾。吃辣的當然要喝點冰的解解辣😛水果茶一壺大大的，兩個人喝也足夠，很怕喝到太甜的飲品，這個甜度剛好，是水果的鮮甜味而不是假甜，喝完茶還可以吃水果，有橙、西瓜、火龍果等，水果都很甜呢！…查看更多

星期日和很久沒見的朋友難得相約一起吃飯，一起去吃辣。朋友鍾意食酸菜魚，我地見到隔離枱既酸菜魚勁大盤，驚食唔晒，所以剩係叫左盤酸菜魚，再加杯蜜語水果茶就夠啦。酸菜江團魚有四款魚可以揀，我地問侍應邊種魚無骨，佢話係江團魚，於是揀左呢種魚。辣度揀左BB辣，對我地唔食得辣既人黎講就岩岩好，食得好舒服。江團魚完全無魚骨，魚肉非常幼嫩，非常滑身，好好食。除左有魚，仲有粉、芽菜、魔芋，全部份量都好多，一啲都唔吝嗇。蜜語水果茶叫左杯飲品黎解辣，勁大杯，兩個人share岩岩好，我地叫左無糖少冰，因為有好多唔同既水果，所以無糖都好飲。…查看更多

在銅鑼灣鬧市覓食，一個人用午膳選擇更容易，天氣悶熱，在「麻辣派對」吃酸菜江團魚套餐配蜜語水果茶。甫進店舖，看到漆黑的桌椅增加一份神秘感，天花板吊掛很多彩球，細賞，又的確很有開派對的氣氛喔！原名長吻鮠的江團魚，肉質細嫩鮮美，沒有細刺淡淡滑肉，配酸菜大豆芽菜湯好味道又不過鹹，下飯一流，酸菜江團魚套餐可楝不同辣度或不辣，我是南方人不嗜辣，更喜原汁原味。飯後飲蜜語冰凍水果茶解暑，巨型玻璃杯載有多款鮮果:鮮檸檬、泰國青檸、西瓜、火龍果與橙片，啖啖果香味並帶微甜，看見滿滿鮮果心情也愉悅起來！…查看更多

之前一直都有聽朋友講呢間好食呢日就同兩個朋友去試下😋😋朋友真係冇介紹錯⋯好好食🥳🥳蜜語水果茶大杯又好飲，有好多生果🍊🍉🍎⬇️歌樂山辣子雞夠曬辣🌶🌶好惹味，啲雞份量唔算少⬇️重慶銅盤烤桂魚我地點左剁椒味型，滾起之後愈食愈辣🤪🌶本身已有金針，寛粉，萵荀，我地另外叫左份肥牛😍啲肥牛好正，如果你怕肥就千祈唔好咁食🤣⬇️酸菜魚（桂花魚）好大碗，大大塊魚，冇咩骨，啲酸菜配料好多好正😋…查看更多

嚟咗銅鑼灣金百利廣場，美食雲集，鍾意食辣嘅我見到呢間麻辣派對簡單係兩眼發光，二話不說就上咗去食，回應川菜熱切嘅呼喚🤩川菜款式琳琅滿目，五花八門咩都有，於是掙扎一輪之後決定—水煮系列😍酸菜江團魚 ($216)- 一上檯都令人好驚艷，大盤到呢，已經有種幸福感覺湧上嚟，份量真係超級足，夠晒幾個人share食😚- 江團魚相對少骨，食落方便啲，魚肉吸收酸菜湯底嘅精華，突出魚肉嘅鮮味，所以揀咗呢款湯底同魚種😆魚肉雪白大件，而且好掛汁，啖啖都好滿足❤️- 小辣辣度啱啱好，唔會太過火，而且酸菜都好香口，酸味到位，令成道菜風味更佳，脆身爽口，好正啊😜- 配料都係豐盛過人，有幼身索汁嘅水晶粉(+$28)、動L動L嘅魔芋、爽口嘅芽菜，口感層次都係冇得輸😋鮮椒爽脆生腸 ($78)- 生腸賣相都冇得彈，新鮮光滑，表面佈滿蒜蓉同埋辣椒粒，底下仲有清新爽脆嘅青瓜絲，望落去已經覺得好惹味，而且生腸脆身爽口，辣辣地好香口，愈食愈上癮，作為冷盤小食一流😜蜜語水果茶 ($38)- 水果茶真係茶如其名，非常甜蜜，係各式各樣嘅水果(西瓜、橙、青檸)嘅加持底下，入口份外refreshing，解膩一流，仲食到有奇亞籽，亦都非常啱食辣野嗰陣飲一杯，超級推薦🥰是日甜品(紅豆沙) (贈送)- 紅豆沙熱辣辣好暖身，軟綿滑身，啱晒食完飯食番碗☺️餐廳設計都非常有特色，而且上菜速度整體來講都算幾快，地方都闊落乾淨，遲啲經過想食川菜會再encore😙…查看更多

是日經openrice訂座，仲有9折優惠。因為訂左位，去到即入得，雖然星期一黎，但都幾多客人，坐滿哂甘滯，所以想食最好訂座，甘就唔怕要等位。入到去點餐，因為同行朋友都唔太食得辣，所以點既辣度都係BB辣，佢分唔辣、BB辣、小中大辣，我個人黎講當然辣得唔過癮，下次再食會揀中辣。我地一行3人點左酸菜魚，雖然我地都算早到7點入座，但果時魚款已經得返黑魚同剝皮魚可以揀啦，甘唯有揀左剝皮魚啦，另外點左啲小食share，派對口水雞同埋酸辣土豆絲，因為怕唔飽，又點左一個金牌酸辣水晶粉share。先講小食先。派對口水雞真係好唔掂，佢係唔凍又唔熱，係暖既，果食物溫度好尷尬，然後口水雞得啲麻醬味，雞件肥又多皮冇咩肉，肉鞋口，份量相當少，好唔抵食，真係我食過最差既口水雞，會俾1星佢。然後果酸辣土豆絲超有驚喜，炒得夠香，無論一上枱即食，定食完一輪凍左再食，果陣香氣鑊氣都仲係到，炒得夠乾身唔油，酸辣度恰到好處，唔錯會俾4星。再黎果金牌酸辣水晶粉，酸辣味夠，水晶粉爽口，不過無論眼寬肚窄，點多左野，搞到果水晶粉最後都有啲浪費左，但真係幾好食，夾啲水晶粉撈酸菜魚啲湯，一流，會俾3星。到杯野飲啦，朋友們都一致點左凍既蜜語水果茶，水果茶唔算太甜，加上入面都有啲水果可以食，充分解到下川菜既膩。終於到主角酸菜魚，魚種揀左剝皮魚。酸菜魚好食，不過遺憾係揀左剝皮魚，朋友們都一致認為搭其他魚會好食啲，可惜我地點餐果時已經得返剝皮魚同黑魚，到我地食左陣已經得返剝皮魚，大家都相視而笑甘講一定係剝皮魚最唔好食先會有淨，而且剝皮魚都唔平，都要238蚊，所以更加唔值。甘唔計魚種，果酸菜魚入邊都有唔少配料，3個心單食呢個我諗已經好飽，最中意果湯，濃郁得黎又唔會太油膩，飲落去好舒服，俾4星。整體黎講，服務唔錯，雖然都坐滿甘滯，但店員們反應都快，回應得快，到埋單收錢果位店員，態度好好，仲笑住叫我地下次再黎，值得一讚。食物又好食，岩哂中意食辣既人，連唔太食到辣既人都岩食，坐得又舒服，下次會再黎！…查看更多

麻辣小隊出動既機會難逢，絕對唔可以揀遷就香港人口味既辣野，今次偷聽到由店員到客人都講緊國語，不禁期待辣到噴火既一刻。重慶銅盆烤桂魚 ($298) 麻辣研究左好耐要重慶銅盆烤桂魚定水煮系列好，見有人話後者魚片份量唔多，就揀左呢款。 原條片開既桂魚預先炸過再放入麻辣湯，有油炸過既酥脆同油香，就咁食都已經夠香口惹味。 幾欣賞選用左有咁上下重秤既桂花魚，魚肉厚身又嫩滑，一人半條岩岩好，連骨都食埋。 罕有地挑戰中辣，最後都係我眼中只係熱浪等級，輕鬆駕馭得黎幾夠香，越食會越辣。配料除左有大量芽菜，仲有豆腐、金針菇、魔芋同萵筍，如果萵筍可以唔煮咁耐爽身少少就更佳。 加左水晶粉 ($28)，份量十足，索哂麻辣汁好入味，但質地偏軟腍唔太過癮。蜜語水果茶 ($38)無限西瓜、火龍果、橙同奇亞籽既陣容令我未飲都已經滿心歡喜，水果茶唔會太甜夠冰凍，啖啖雜果好滿足。主打既辣度最後未達致驚為天人，反而用料毫不手軟又幾抵讚，唔追求地道重慶水平都可以一試。…查看更多

星期二才剛吃過麻辣火鍋，今天已經又想吃辣，在銅鑼灣金百利見到這間麻辣派對，想起好像有在大陸見過類似的品牌，相信有一定水準，就來試試。餐廳的裝潢十分特別，有別一般川菜館以中國風為主題，這裡是走夢幻格調，令人耳目一新。主菜以不同的鍋品為主，有麻辣、水煮、鮮椒、黃燜等，同時亦有不同的涼菜及小炒可選擇。魔鬼辣椒粉每張餐枱上都會有一瓶魔鬼辣椒粉，十分有玩味。黑醋伴秋葵口感獨特的秋葵配上清爽開胃的黑醋掠拌，令人吃完一條接一條，非常健康，作為前菜正好。麻辣雞鍋侍者端上桌後會以燭火加熱，一股麻辣香氣撲鼻而來，一嚐雞件，辣得舌尖發麻，味道令人上癮，比不少所謂的雞煲專門店更好，注意雞煲會越煮越辣。古法咕嚕肉芡汁的酸甜平衡，味道融和，豬肉肥瘦得宜，炸漿厚薄適中，入口外層香酥而內裡嫩滑，可媲美不少大牌檔的出品。蜜語水果茶水果茶有滿滿生果，新鮮即製，茶底香醇，不會過甜，十分解辣。桂花甜品最後免費奉上每人桂花甜品一客，清甜不膩，正好作為這餐重口味晚餐的結尾。…查看更多

終於約到一個食得辣的朋友同我黎一個瘋狂的麻辣派對。麻辣派對地點方便，而且坐位舒適，是鐘意食辣的朋友好選擇。麻辣派對的辣味選擇應有盡有，有麻辣味、老檀酸菜味、剁椒味、紅燒蒜香味、水煮味、酸菜味、鮮椒味、泡椒味和蕃茄味等等等…… 而仲有不同的辣度選擇，有走辣、BB辣、小辣、中辣和大辣…… 無論食唔食得辣都一定大開眼界。為了準備挑戰這裡的辣，先叫了一杯蜜語水果茶及一杯凍檸茶。水果茶裡面有不同的生果，西瓜、火龍果、檸檬、橙和奇異果籽等等，配上茶味，冰冰甜甜是解辣的好幫手。凍檸茶好大杯，茶味洽當，冰冰酸酸甜甜的也是解辣的好幫手。紅油火雞腎好大份，火雞腎爽口入味，辣味充足，再配上青瓜絲，唔駛一陣就比我們食晒。酸菜味江團魚，有很多魚肉，我估有足足一條魚咁多，魚肉滑，細骨不多，值得推介。配料亦同樣豐富，不用額外加配就有大量水晶粉、魔芋、芽菜和酸菜等等，抵食。酸菜味湯底，可能因為湯底用上不用的辣椒、泡椒、乾椒和不同的酸菜等等，酸辣味非常有層次。雲南米線，米線爽口，爽口得來又好滑，滑得來又可以吸到湯底味，好神奇，好出色。…查看更多

上次原本和友人食川菜，點知她爽約，一個人就改了食日本菜.....今日她就無再爽約 （如又唔來，我一定嬲嬲），還履行帶我去吃川菜的承諾，算佢啦！她話帶我開派對。兩人開派對？？非也！非也！原來是去一間叫《麻辣派對》的餐店。餐店燈光柔和，裝潢很特別，以花為主，懸掛着一個個色彩繽紛的大花球、四處擺放了假花草、牆上掛了很美的花畫、貼上優雅的花牆紙，還有花花圖案的射燈....環境挺浪漫，完全估不到是吃川菜的中菜館，有新意！內裏設有幾排闊落的四人卡座、兩排長沙發座配二至四人枱；另間了一個設有幾張四至六人枱的小區，真是好適合開派對。地方不算很大，但枱與枱之間有一定距離，坐得舒適。枱上已放了三份餐牌，每份都附有各款菜式的相片，設計精美清晰，睇落好吸引，款款都想吃。中午時段有午巿套餐供應，主菜包絲苗米飯、手工甜品和指定凍熱飲品，而飲品仲可以免費轉6小時燉湯，的確很經濟實惠，就每人一套餐。套餐的選擇也不少，有五大系列，包括巴蜀風味、特色小菜、綠色健康、川北涼菜和麻酸辣粉麵，而每款菜式都可選擇走辣至大辣，可迎合各客人受辣程度，貼心！我倆都看中特色小菜系列，仲要兩款都是魚，原來我身邊大部分朋友都是魚痴!*****************************我揀了少辣黃炆茄子脆魚腩配白飯 Fried Catfish Eggplant in Braised Soup ($68)，免費轉五指毛桃燉雞湯。燉湯 熱度十足，湯底清澈，面頭只泛些油光，喝落一點也不油膩。用料有滑嘟嘟的雞腳、鮮香的雞肉 和豬肉、甜美的圓肉、粉綿的准山 等等，落足料燉製，絕不欺場，難怪味道如此鮮香，滋補順喉，好喝！*****************************黃炆茄子脆魚腩 一客份量很足，差不多有七八件魚腩，仲要唔細件，而配料亦很豐富，有清甜爽口的紫洋蔥、爽身的秀珍菇、青香的芹菜、惹味的蒜子 和薑片，當然不少得腍嫩的茄子，配上大量粒粒紅椒，看起來好火辣，但原來辣度亦可接受，不致嗆喉，鹹香惹味，用來佐白飯 就最合適。每件魚腩 外表金黃，內肉潔白，肉質不算嫩滑，但絕不嚡口，藏有不少幼骨，要小心吃呀！每件都緊緊沾上芡汁，味道鹹香帶點辣，烹調入味。*****************************友人話無乜胃口，想吃些酸辣嘢開胃，所以選了一份少辣酸菜江團魚配白飯 Pickled Vegetable Style Catfish ($78)。嘩！雖然是套餐，但都唔細鍋，抵！外表沒有水煮魚那麼令人吃驚，而上枱時亦沒有水煮魚那份香辣刺鼻，但……原來辣度也不遜色。舀起一看，內有不少酸菜、青紅辣椒、芽菜 等配料，而魚 的份量亦不少。先試呷一口熱湯，沒有預期中那麼酸，只是微酸，反而辣度不弱，辣中帶點酸，越喝越火辣，亦越喝越滋味，但就略為油膩了一點。魚肉是採用江團魚，當中有啖啖肉，亦有魚骨，肉質不算嫩滑，但卻連着一層肥美的魚皮，好油潤，不錯！至於酸菜 酸酸辣辣，亦爽口脆身，友人不單止把酸菜通通吃光，連辣椒也不放過，吸晒它們的辣汁液，勁！她雖邊吃邊喊辣，但卻吃得津津樂道，哈！*****************************吃得火辣，凍飲就要出場，友人的套餐飲品轉蜜語水果茶（$+10），而我就單點一杯（$38）。大大概杯，仲落夠料，內有多片香甜的鮮橙、甜美的西瓜、清新的火龍果 和酸咪咪的檸檬 和青檸，還加入了蘭香子，好豐富。啜一口，冰涼透心，馬上撲火，哈！茶 香中帶有鮮果 的酸甜，甜度剛好，很合我口味，酸酸甜甜，解膩消滯，配火辣的菜式真係好適合。*****************************最後還有甜品（$0）解辣，真窩心。是日甜品是熱綠豆沙，不知是否想幫客人在火辣後清下熱氣呢？哈！熱辣辣上枱，綠豆 煲至有點起沙，味道雖一般，但飯後有一點甜已滿足。------------------------------在炎熱的天氣下，的確食慾一般，但吃些酸辣，刺激味蕾，就越食越開胃，大大提升食慾，真係要keep住夏日火辣辣先得。…查看更多

朋友約食晚飯，佢話食麻辣派對。吓，辣⋯我0k，但麻⋯我就吾多掂。話說有一次公幹，大陸同事請我食水煑魚，食果陣就冇事，果晚就生晒飛滋，同出吾到聲。今次有D驚驚地⋯麻辣。不過朋友話呢間餐廳好正，唯有捨命陪君子喇😱 餐廳嘅裝修好新派都西式，真係有啲夢幻party feel. 你絕對估吾到佢喺食正宗四川菜。 餐廳經理熱情又細心為我地介紹，知道我地麻辣情度有限，建議先由BB 辣䦎始，然後再試小辣，適應後可逐級挑戰麻辣程度。真貼心。先叫了 BB 班 凉伴黑本耳。爽口，少許麻味 岩晒。再上麻婆豆腐，呢個菜，經理就建議可試小辣，又〇K喎。好惹味，配飯一流。不過今次我地配麵食。個麵好正，五香牛腩好入味，切成小粒，入口容易，吾會太靱。今餐主角喺避風塘炒辣蟹，用麵包蟹煮，有好多膏(哈哈，掛住食唔記得影D膏添😓)意猶未盡，再order咗個辣子海蝦。個賣相好勁辣，吾好比個嚇親，唔辣，非常惹味。👍嘆埋杯蜜語水果茶，有不同水果，好解渴。今餐麻辣餐，將之前慘痛麻辣經驗，一掃而空。下次要挑戰下一級麻辣，睇下升吾升到呢先。…查看更多

雖然炎炎夏日最怕出汗:)但都無減我對「麻辣」嘅熱愛！既然叫得做麻辣派對麻辣迷又點會放過電梯門一開已經聞到濃濃嘅麻香味加上Receptionist親切有禮，感覺唔錯。我同朋友被安排坐喺餐廳較入嘅梳化位置燈光比較暗，環境佈置特別，有別於一般四川菜館。坐低前已經見到隔離檯個水煮魚份量都唔細，而我同朋友只得兩個人所以只係叫咗兩樣野再加飲品。鮮椒味江團魚（小辣） - 盤面舖滿花椒，除咗江團魚，配料仲有芽菜、幼薯粉同蒟蒻（如果覺得份量唔夠，可以落單時另外加配料）。入口已經感受到麻辣嗰種麻痺嘅感覺，魚片連皮煮，魚油好香，魚肉啱啱好唔鞋口；芽菜同薯粉好入味，幼薯粉比粗薯粉口感更好；蒟蒻口感好特別，可以一試歌樂山辣子雞（小辣） - 最鍾意喺一盤滿滿嘅乾辣椒入面「尋寶」。雞件醃得入味，孜然味好出不過雞件切大件少少我會更滿足。最驚喜係入面嘅花生，非常香口。蜜語水果茶 - 帶微甜嘅茶解辣一流！入面有檸檬、青檸、橙、西瓜，另外加咗蘭香子提昇口感總括而言，味道到位，份量足；辣度選擇少辣已經足夠。上菜速度快，啱哂我呢啲餓底。環境氣氛適合2-6人聚餐…查看更多

麻辣派對大概是我近半年食得最多的餐廳，酸辣米線向來深得我心，但這裡除了坐得舒服，用餐環境夠闊落情調好之外，米線中還會加入大量花生及酸菜，風味寧舍不同。 雖然這裡很多檯食客都會點水煮魚，但水煮系列對我來說太油膩，所以還是點了鐵膽米線 + 兩個小食。 派對口水雞 $68 份量有點少，只能夠說兩個人食是剛好的，再多一兩個人就真的會唔夠喉了。雞件嫩滑味道香中帶麻，當中加入的花生碎使這道菜的口感更豐富一些，辣油雖然蓋過了雞件但食落又不覺油膩，果然是好味到令人口水直流~ 鮮椒爽脆生腸 $78 冰凍十足的一道冷盤，食生腸最忌有異味，不過這一碟就絕對令我食得放心，乾淨之餘生腸亦夠爽脆，每一節都肉厚肥美外皮光滑，可以輕易滑入口。 五香牛腩小麵 $48 牛腩每舊size都有返咁上下，不似一般粉麵店般會零星細碎，不過肉質就有幾舊腍滑，另外一兩舊又較硬。這個湯底不似麻辣米線般惹味，較適合不愛濃味菜的人。 香鍋酸菜米線 $43 由於點菜紙上可自由選擇粉麵的辣度，所以這個我是點了原辣的，上兩次點減辣，覺得勁度還是差了一點點，所以這次吃原辣看看會否辣到跳舞。結果果然是原辣更適合我，麻辣味道濃而不嗆，酸菜份量多到我吃不完。 早兩次覺得米線不夠辣時我是有加這個魔鬼辣椒粉的，其實沒有樽上說得那麼恐怖啦，辣度我覺得還是可以的。 蜜語水果茶 $35 超大杯的水果茶，果香濃郁又香甜，所以我每次都會飲這個，不過火龍果可否不要這麼薄切呢？真的很難用叉吉上來吃… 店員最後會送上桂花啫喱，這番小心意其實不用花餐廳太多錢，但卻可以看到餐廳對客人的誠意跟照料，著實很不錯。渣甸中心那邊好像開了新分店，兩間分店都在銅鑼灣，如果可以開設一間在旺角就好了。…查看更多

人生中最滿足莫過於有個口味接近一樣的朋友, 我超愛吃麻辣、水煮...好彩閨蜜同我口味一樣, 一講到食辣, 即時會心心眼😍去到麻辣派對門口已被裝潢吸引著, 有種浪漫神秘的感覺 - 花花牆紙配合昏暗燈光, 感覺好得意, 跟一般川菜店舖有所不同, 而且卡位甚多, 可以舒舒服服嘆川菜菜式分為幾個系列...🔥 水煮系列 - 水煮、酸菜、鮮椒🔥 香辣鍋系列 - 麻辣、黃燜🔥 酸辣鍋系列 - 泡椒、酸辣水煮系列自選組合 - 肥牛肉 - $58、水晶粉 - $28、田雞 - $68、高山娃娃菜 - $28、毛肚 - $38, 鍋內配有芽菜 & 魔芋大鍋一上枱, 好濃郁的辣味, 鍋面鋪滿辣椒乾、花椒等香料, 視覺效果好正! 配料份量十足, 一鍋絕對滿足到兩人份量, 配料將湯吸收後, 越食越麻, 仲覺得個咀有啲腫腫地😂, 越刺激越想繼續食食咁辣就當然要飲野解解辣, 蜜語水果茶 - $35, 貪佢咁大壺, 唔驚唔夠飲水果茶甜度適中, 仲可以食埋壺內水果 - 西瓜、奇貫果、蘭香籽...亦可以考慮食埋檸檬除咗一系列的辣鍋外, 口痕嘅我地仲叫咗份派對口水雞 - $68, 口水雞的辣味又跟水煮的辣有分別, 水煮偏麻, 口水汁的辣味較突出, 雞件好入味, 食埋吸收了辣汁的花生, 簡直係錦上添花 食到最後, 餐廳仲送上一個甜品 - 桂花冰粉解膩、解辣...超貼心呀!…查看更多