白宮咖啡室 (已結業)

今日老公要去荃灣到整車，我係等佢嘅時候見到有一間叫白宮嘅餐廳，行過去睇睇餐牌，見到有我最鍾意食嘅牛扒，價錢超值，所以相當吸引😻於是老公整完車就走入去食嘢啦💃🏻💃🏻💃🏻🎉🎉我哋叫咗3小時慢煮美國Prime級肩胛肉眼扒，見到個名已經流晒口水🤤嚟到嘅時候簡直係WOW咗一聲😻牛扒超大塊😋仲有大量嘅沙律菜同埋薯角🍟因為係用3小時慢煮的方法烹調，所以牛扒鮮嫩多汁，用刀切開牛扒完全冇血水，啲牛肉仲係粉紅色，放入口勁Juice，勁重牛味，仲要啲牛肉勁嫩滑，完全唔韌，堅好食😋👍🏻沙律菜勁新鮮配上芝麻醬勁好食，仲要分量好多😻薯角係即炸，所以超級脆和超級好食，仲要係勁多，兩個人一定唔使爭嚟食😆😆蒜香白酒蜆肉意粉係我其中最愛嘅意粉之一，嚟到梗係要試吓啦😋蜆肉又大隻又新鮮，每一隻食落口都鮮甜好味，仲要冇沙👍🏻意粉軟硬適中，好有口感👍🏻配上勁香嘅蒜片和白酒，絕對稱得上係美酒佳餚👍🏻我哋還叫咗蜜糖雞翼，每一隻雞翼都充滿甜甜的蜜糖，咬落去啲肉好嫩滑多汁，勁好味😋😋食完咁好味嘅食物點少得食甜品😻餐廳好窩心可以跟餐加25元就可以食埋甜品啊🍮🍰真係超級抵和超級興奮😆我哋叫咗朱古力蛋糕和焦糖燉蛋🍮朱古力蛋糕係用特濃嘅朱古力去做，每一啖都可以食到唔同層次又好香濃又幼滑嘅朱古力，口感非常豐富，真係令我一試便愛上😻🍮焦糖燉蛋係老公至愛，頂層係燒濃咗嘅焦糖配上香濃幼滑嘅燉蛋，簡直係天生一對😋飲品我哋叫咗阿凡達梳打3.0(水蜜桃+青蘋果)及棒子朱古力，餐廳好窩心可以係咖啡或朱古力熱飲上面選擇整乜嘢圖案，係餐牌有成幾十個公仔圖案比您揀，真係個個都想整🤣🤣最後我揀咗多啦A夢，榛子朱古力有榛子味和朱古力味，兩種味道都好夾，同埋好香滑，飲完成個人即刻暖曬。入到去餐廳以為地方好細，職員帶我上樓上原來係別有洞天，睇得出餐廳係用咗好多心機去裝飾，好鍾意牆身用黑膠唱片嘅裝飾，還有另外有個地方放滿公仔，客人可以除咗對鞋走入去同朋友係到談天說地，玩下自拍，又有得食又有得玩真係一個好地方，食物價錢又經濟又實惠又有水準，下次會約埋三五知己嚟白宮食嘢加傾計，咁就可以過愉快嘅一日啦！✌🏻😆✌🏻…查看更多

白宮呢度都幾骨子！除左地下既開放式廚房同幾張枱外，原來樓上仲有一層！牆同周圍都擺左好多舊有既物品，如電話、相同黑膠唱片等，幾有特色。:):)特喜歡樓上個位置，book黎開party都幾正！另一個驚喜係飲品！望見都開心！唔捨得飲添！佢張餐牌上有過三十種卡通人物款式可以揀！咖啡唔止有睇頭，仲幾好飲添，好香咖啡味！咇加咇加！好傳神，好靚！拿破崙烤雞意粉食送都幾多下。烤雞因烤過，所以好香口，肉質好嫩滑。意粉軟硬都ok！有新鮮既蕃茄撈埋一齊煮，醬汁唔算好多。慢煮安格斯肉眼扒好開心配菜係大薯角！炸到好脆！入面林晒，正！塊扒好厚身，用黑椒煎香，好多肉汁！肉偏熟，但好林，有牛味，我估係同慢煮既原理有關，唔錯！蜜糖雞翼好香蜂蜜味，甜甜地，外皮脆脆地！好食！咖啡同朱古力都有好多口味選擇！唔錯既餐廳，卡通拉花好行意，打卡一流！…查看更多

點解會黎呢間餐廳食嘢？好簡單，因為係OpenRice search荃灣餐廳嘅時候，見到佢呢間餐廳有line公仔嘅拉花咖啡，所以行完商場，特登過嚟呢度食嘢啦！餐廳四四方方咁，兩面都係落地玻璃，以為好細間，但原來仲有閣樓嘅上層，擺到四五張枱，仲可以有個位置，俾小朋友玩。講返重點先，我哋最初係因為呢度嘅拉花咖啡，所以就每人叫咗一杯。黎到嘅時候真係嘩一聲！出現眼呀！呢個就係熊大，真係好得意，好似樣！有熊大又點會冇兔兔呢？呢一杯就係兔兔樣嘅咖啡，同圖片真係好似，好得意。如果你唔鍾意line嘅話，仲有其他卡通人物嘅樣，好似下面張紙咁寫住，真係每一杯都想飲呀。我哋叫咗一個小食，就係蜂蜜雞翼。個底會見到一層好似油咁嘅嘢，本身以為係油啦，原來係蜂蜜！甜甜地，雞翼充滿着蜂蜜嘅味道，好香。煙三文魚意粉意粉軟硬度剛好，杰杰地既醬汁中有一粒粒嘅明太子同埋魚子，食落唔會咁單調，好爽，好有口感。All day breakfast 好大份，物都有！有茄汁豆、煙肉、粟米、薯餅、牛角包、沙律菜同埋唔同款嘅腸仔。薯餅剛剛炸起，好脆口。仲有兩大塊煙肉，鍾意佢個煙肉琳琳地，唔會好乾身同好硬。炒蛋唔係全熟，水水地，食落好嫩滑。牛角包好鬆軟，嗰邊脆脆地，好香牛油味。整體上唔錢，價錢實惠，可以再黎！…查看更多

當晚，相約在荃灣工作的街坊女食友到荃灣食飯！門面不起眼的 Cafe <白宮 White House>，原來佔地兩層！我們被安排到二樓的位置！二樓是閣樓，相對樓底較矮！:(店方花上無限心思的擺設及藍色歐陸格調裝潢，環境舒適，桌與桌之間距離近，空間感稍遜！:( 另一邊是給食客影相呃 Like 的 corner！有各式各樣的公仔任攬任影！餐牌阿凡達梳打1.0 $48可能是我剛剛食完薄荷糖的關係影響味覺，覺得這是特飲的味道，:( 勝在冰涼透心夠消暑！可以用針筒唧入糖漿，即變成彩藍色，好海水 feel，有得玩，有得飲，真過癮！Latte $35最欣賞店方有多個不同的咖啡圖案，帶給食客新鮮感！我們都覺得奶泡部份打得綿密細膩，值得一讚！熱辣辣的水溫能散發咖啡香味，卻是咖啡甘味不夠突出！相對略淡！蜜糖雞翼 $40一客五隻，火候恰到好處，熟透而入味！蜜糖味濃重，整體甜美！三文魚籽櫻花蝦明太子意粉 $68賣相富層次感！大粒晶瑩剔透的三文魚籽，在口中爆發似的！ 櫻花蝦與明太子，兩者發揮提味作用之餘，亦為整體生色不少！意粉質感軟硬適中，入口 creamy 不膩！:)全日早餐 $108十多種食材的全日早餐，未嚐見到已令我們大滿足！包括：牛角酥、法蘭克福腸、薯餅、薯角、黑松露炒蛋、粟米、茄汁焗豆…等！法蘭克福腸外層帶煙韌，最好是薯餅，其次是黑松露炒蛋！…查看更多

<白宮>Cafe在荃灣小有名氣，位處荃灣廣場附近的橫巷，要在這美食基地突圍而出，餐廳以少女風為主格調，Party Room的閣樓讓人享受休閒時光! 經過白色磚牆的樓梯，我們被引領到繽紛的小天地，天藍色的牆上掛滿懷舊氣息的黑膠、電影Poster，玩味十足。不得不提放滿毛公仔、Board Game的角落，散落四方的氣球喚起大家兒時的調皮，我們拿著Cushion打來打去，或爭相拿公仔合照，很欣賞充滿歡樂和心思的佈置! 玩樂一會兒，食物終於上枱了。白宮自選全日套餐C $108白宮自選全日套餐C無論在視覺效果，或味道上，都十分誘人出眾。黑松露炒滑蛋份量如手掌般大，入口奶滑香郁，滑嫰窩心，滑蛋配上黑松露醬，誘人的味道難以形容! 牛角包酥脆無比，入口有帶濃郁的牛油香；德國肉腸肥美，而且油光亮澤，啖啖肉非常滋味。薯餅也不容忽視，外脆內軟，薯餅蓉中更夾合了洋蔥，更為惹味可口! 薯塊新鮮熱辣，質感厚實、綿密。吃完脆口的，再吃焗豆、粟米粒及沙律菜解膩，感覺非常完滿! 黑松露帶子卡邦尼 $98黑松露帶子卡邦尼的份量驚人，我們也差點吃不完。帶子香煎至金黃，入口微焦，內裡肉質滑溜、圓潤，灑上香草更能提鮮。 每條意粉都掛滿濃稠的忌廉汁，口感彈牙、纏綿，非常滋味! 黑松露味道濃厚，加上多片煙肉點綴，令整碟意粉配料豐富，口感多層次。榛子鮮奶咖啡 $38這裡的咖啡及朱古力很出名，因為有超過60款的拉花圖案任君選擇，我選了我的最愛<Melody>。白滑的奶泡上，灑上甜美的可可粉，Melody樣子清晰可見，當然相機先食! 榛子鮮奶咖啡奶蓋滑順，香滑、鮮甜，著實不錯。蜜糖雞翼 $40看到整枱都是食物，感覺真的很幸福! 蜜糖雞翼是我最喜歡的小食，雞翼皮滑肉嫰，肉汁豐盛，每一寸都被滿滿的蜜糖包裹著，香甜滋味，我一口氣吃了3隻! :)炸魚薯條/薯角 $58炸魚可以跟配薯條或薯角，炸魚新鮮炸起，熱辣香脆，整塊炸魚沾上沙律醬，邪惡感十足! 阿凡達梳打(水蜜桃+青蘋果) $48阿凡達梳打有3種配搭，而我最偏愛水蜜桃+青蘋果的組合，水蜜桃梳打本是透明黃色，把針筒內的濃縮青蘋果汁"吱"出，飲品會慢慢變成橙綠漸變色。水蜜桃偏重，青蘋果不會太酸，蜜甜解渴，但如果可以加入果肉，味道更精彩。整體而言，<白宮>給我一種清新舒服的感覺，放滿毛公仔的休閒小角落，拍照留念或大伙兒玩Board Game都十分適合。食物賣相吸引，而且份量多，價錢走親民路線，絕對是朋友相聚的熱點。…查看更多

今日係荃灣接男朋友放工，立即搵下有咩餐廳，原來有一間專門呃like既清新小cafe。平時多數係海壩街附近食野，好少走到會走到愉景新城一帶。今日特登行遠少少，黎到white house食晚餐，，由荃灣地鐵站行左15分鐘左右，我覺得地點有D隱秘，比較難搵呀，不過如果食到好食既野就唔介意啦:)白宮全日早餐($88) 全日早餐都幾豐富，有鮮奶炒蛋、煙三文魚、德國腸、沙律、薯角、薯餅、粟米同焗豆。 鮮奶炒蛋好滑，煙三文魚好有心思堆砌成一個花形，薯餅唔似平時食開既炸薯餅，入面係薯蓉，啖啖薯味，再拎去炸，感覺上冇咁油。海膽三文魚籽明太子意粉 ($88) 三文魚籽粒粒晶瑩剔透，不過我就見唔到海膽喇......意粉creamy好重奶油味，而且夠彈牙，味道上真係唔錯，有三文魚籽增加鮮味同口感，而且木魚絲可以增加咸香。炸魚薯條($58) 炸魚粉漿好薄，魚肉嫩滑，份量幾大，以$58黎講，其實都好抵食。不過我嫌粗薯條炸得唔夠脆口，比較淋身。 蜜糖雞翼($40) 一共有5隻蜜糖雞翼，蜜糖份量好多，味道似係平時燒野食用既蜜糖，雞翼煮得好入味，男朋友食左4隻，淨係留番一隻比我〒.〒 阿凡達梳打(主食+$36) 我揀左藍桔味+青蘋果味，青蘋果味係要用針筒擠出黎，混和2隻色，慢慢調和2隻味，有得玩又有得飲，幾好呀。白宮朱古力(主食+$28) 拉花圖案有好多公仔揀，由美少女戰士到路飛都有呀。只要係揀咖啡/朱古力都可以有拉花圖案。我揀呢杯係朱古力，朱古力味唔太甜，公仔揀左熊大，真係好得意，唔捨得飲。不過我估公仔圖案應該係用模，再撒上可可粉而成。 有勁多拉花圖案揀呀~~ 我覺得餐廳最特別既地方係佢有一個位置可以比人影相呀，有D汽球又有D公仔比人影～～ 總括呢間餐廳性價比幾高，可以打卡影相呃下like，小聚會既話可以揀呢間cafe~~~ 餐牌 …查看更多

上幾個月，已試過同朋友係呢度食下午茶，當時食過蜜糖雞翼，已經覺得回味無窮。今晚突然好想食呢道菜，決定再度回訪，順便食下呢度既主食。蜜糖雞翼 ($40)我最愛的蜜糖雞翼無失準！雞翼醃得入味，而且每隻都唔細隻，但皮都唔會好厚。雞翼唔係以煎炸方式烹調，所以食落唔會覺得熱氣。加上清甜既蜜糖汁，食落唔太甜。炸魚薯條 ($48)炸魚有兩大塊，食落個脆漿唔厚，而且內裏肉質嫩滑，大件夾抵食。薯角都非常大舊，食完都飽左大半。如果可以係醬汁上有啲變化，咁應該會更有噱頭！:)海膽三文魚籽明太子意粉 ($88)個白汁用左好重忌廉打成，但忌廉本身偏淡，所以加入咸香既木魚絲調高咸味都不錯。明太子份量唔太多，但有海膽同魚子為意粉增加鮮味。由於個汁主要係忌廉，所以要快食，否則凍左會立口。:)慢煮安格斯肉眼扒 ($128)肉眼扒好大塊同厚實，切開裏面既肉係粉紅色的。吃起來都不算過韌，但牛味稍為薄弱。而且，如果餐廳能夠提供比較鋭利的牛扒刀，相信切起來會較易。:)阿凡達梳打 ($48)藍色底係藍柑味果汁，而針筒內既係青蘋果醬。雖然唔太飲得出實質係咩味，但夏天飲呢個咁清涼既飲品，然後影下相一定呃到likes!:)鮮奶咖啡 ($35)Latte的PC狗圖案好工整，味道唔太重咖啡味，多奶，微甜。朋友唔太飲得重咖啡因飲品，都能夠接受到呢杯咖啡同奶既比例。有時唔想係市中心的cafe等位，就會黎呢度食。叫到成枱野食，有魚有牛扒都唔過四百，不過我都係偏好呢度既小食呢！…查看更多

落大雨嘅星期日，老遠走嚟荃灣就係為咗食個tea，真係好塞車..... 好似塞車&爭泊車位嘅情況仲嚴重過銅鑼灣嘅？嚟到Cafe門外望入去，點解同Openrice啲相唔同嘅？好奇怪，所以轉咗去另一間食，食完我都係死心不息要再嚟睇多次。原來呢度有樓上㗎，即刻入去試吓先配合返白宮嘅主題，樓下裝修以白色為主，檯與檯之間較迫；行過四圍係白色文化磚嘅樓梯上到去，吖就係睇相嗰個藍色background喇！樓上嘅裝飾比較靚，有工業水管、英國相、舊玩具、黑膠碟等，旁邊仲有影相區，影相啱晒啦，但如果想喺度靜靜哋飲咖啡睇書就難咗啲牛油炒雜菇（＄38）一上菜已經聞到牛油香味，不過雜菇唔算好入味，而且食到最底嗰啲好好好鹹，睇嚟係冇撈勻啲鹽炸魚薯角（＄48）賣相非常唔吸引，舊炸魚炸到變咗深啡色，未切已經知道硬，無可能一切就切得開，要來回切幾下先得，外唔脆唔鬆化內唔嫩，魚肉同炸漿嚴重分離，犯晒炸魚嘅大忌；唯一值得一讚嘅係薯角，甘香惹味而且薯仔味香濃蜜糖雞翼（＄38）雞翼嘅顏色雖然唔係金黃，但比炸魚吸引好多，表面juicy，雞翼皮亦都脆，估唔到最好味竟然係呢碟阿凡達梳打 （＄36）之前喺 'Mum's not home' 飲過杯藍色嘅飲品，今次嚟呢度又試吓係點㗎先。整體微甜，有陣仙跡岩嗰杯荔枝玉露嘅味道，咁得意嘅？！白宮朱古力（熊仔餅） （＄40）好得意，係Mario嗰粒菇！！！不過旁邊嗰粒熊仔餅係做乜事？應該放入去定係點？原來係呃Like用嘅haha... 味道冇乜特別，都係普通甜甜哋嘅熱朱古力大概等咗15分鐘就有食物，但最可惜係差唔多食晒所有食物嘅時候，飲品仲未到。之後問返，原來係咖啡師出咗去買野，所以飲品會遲咗出（當日係等咗45分鐘）。如果食物飲品一齊到，咁影出嚟嘅相先會係完美，可惜可惜... 但希望店員會同啲客人講聲先，唔係要客人主動問點解啲飲品咁耐都未到？除咗迫少少之外，環境都算OK；食物唔係太OK；飲品反而最OK，食完野過嚟飲杯野就最OK。但其實港島區有好多更加靚嘅cafe，值唔值得山長水遠去荃灣呢？…查看更多

朋友可以區分為很多種，可以是近乎點頭之交的朋友，可以是未到深交的朋友，亦可以是交心的朋友，但更難遇得到的，相信是一班有著共同夢想的朋友，然後一起為同一夢想而努力、奮鬥。這次到荃灣，原是找一所餐廳跟朋友談談天，吃個下午茶，當一個下午「文青」，拍點合照留點回憶，但竟然有意外收穫，聽到的是一個讓人羨慕的故事。這所餐廳是由兩男一女的年輕人開的，各人負責不同的部分，男的負責廚房工作，女的負責打點其他一切、樓面，看著這班年輕人一同為同一目標努力，不禁回想起自己這幾年好像都還沒為自己的理想而努力，有點慚愧不已。在這裡，與著相若年紀的店員聊天特別談得來，分享著彼此九十後的回憶，零舍有親切感。餐廳的四周有著可愛的擺設基本上每一個角落都是拍攝的好位置。明治鮮奶滑蛋煙三文魚($88)這個全日早餐絕對為我跟友人帶來驚喜，平常別一份全日早餐，都近百元才吃到一個豐盛的早餐，但個價值八十八的全日早餐，份量絕對能夠滿足兩個女生。早餐包括明治鮮奶滑蛋，大概用上了三至四顆雞蛋炒起，鮮奶除了令炒蛋更滑外，更為炒蛋帶來一陣奶香；慕尼黑白腸與法蘭克福腸，前者長得胖胖，皮夠脆，有種獨特的鮮味，後者肉質嫩滑，肉汁較多；煙三文魚，全日早餐必備，鮮味帶鹹香；薯條及薯餅，新鮮製作，兩者均香脆，薯餅亦不會覺油膩；焗豆與蘑菇，後者略鹹了點；蕃茄與沙律，兩者均新鮮香甜。香草汁忌廉大蝦意粉($58)眼看大蝦份量不少，而且也相當「大隻」，先吃意粉，意粉煮得剛剛好，不會過硬或過腍，達到外面軟但最中央微微硬的感覺，而且每條意粉沾滿了忌廉的醬汁，奶味帶濃稠感，但不會過膩，大蝦肉質爽口彈牙亦鮮甜。蜜糖雞翼($38)雞翼什麼時候吃都覺得很惹味，這個雞翼有薄薄的一層蜜糖在面頭，微微焗一焗，讓皮帶點香脆口感，雞翼已醃好調味，吃的時候讓有肉汁流出，香香甜甜相當有住家的感覺。焦糖鮮奶咖啡($38)點飲品的時候，店員很貼心地問我想要什麼公仔圖案，還讓我挑選，最後選了這隻小小的「Kuromi」，完全是兒時的回憶呀，當看到這杯咖啡，與友人不約而同地「嘩」了一聲，太美了，喝下咖啡味相當香濃，帶著淡淡的焦糖香，這杯完全不用加糖味道已經很足夠。白宮朱古力($40)不知是否同一年代的關係，這個飲品亦很有共鳴感，是「樂天熊仔餅」，朱古力面一隻，旁邊數隻，相當可愛，朱古力夠凍，面頭的忌廉軟滑，朱古力濃香但不會過甜。這一餐吃得很舒服，踏出門口的一刻，決意要開始為自己的夢想而努力了……查看更多

上OPENRICE搵到間新開既CAFE ,,見到佢主打係白色既野...同埋見到佢間舖原來有分2層,一層係用黎食野..一層就主要主打係比客人食野加映相...岩哂我呢D偽文青....所以放工就約朋友黎試一試...好鐘意呢間cafe,一入到去就見到成間舖都以白色為主,之後每張枱都會擺左啲乾花係到!店主見到我地係咁影相仲比埋啲聖誕擺設我地映呀!原來之前間舖會攪啲party比人黎join架,,遲啲佢地好似仲會攪埋聖誕party tim呀!!!-------------------蜜糖雞翼 $ 38好香蜜糖,,,朋友一路食一路話正~-------------------all day breakfast $88.00有明冶鮮奶滑蛋 , 慕尼黑白腸,法蘭黑福腸,煙三文魚,薯角,#薯餅 ,焗豆,蘑菇,蕃茄,沙律好鐘意佢個炒蛋,好滑!我係食第一啖已經同朋友講(好滑喎) 岩哂我呢啲唔太好太生既蛋既人! 好大份個炒蛋! 薯餅又係讚好左!老實講～我次次出親去食薯餅都會好大獲!次次遇親果啲舖頭都會炸到乾哂一係就好油<本身個人都比較黑仔>! ----------------青蘋果梳打 $36.00樽青蘋果梳打好多氣,,青蘋果味濃...本身自己唔係咁鐘意飲D太甜既野...但就算冇講到話要少甜..黎到時都岩岩好....但可能太好飲~我自己覺得好似細樽左D----------------青瓜鮮奶咖啡 $38.00呢個青瓜鮮奶咖啡,,我真係覺得好FRESH,,佢個青瓜味又唔會話蓋過左LATTE隻味....唔太甜...----------------牛肝菌汁意粉....$68.00本人覺得佢個汁係好好味...好香...好容易會令到你食碟都想食哂...但稍為略厭就係牛仔骨熟得濟....---------------…查看更多