小皇府 (MOKO新世紀廣場)

朋友山長水遠約出來飲茶，自當奉陪。三人十一點多就來到新世紀廣場的小皇府，遲多半小時就座無虛席了。食店地方寬敞，環境簡潔舒適。原來朋友是熟客，這裡有很多是他的心頭好，但憑他個人之力是難以應付，所以找我來助陣，那就交給他發辦好了。先來的是白灼爽脆豬腰膶，真的很大碟，如果對內臟或怕高膽固醇的朋友當然會卻步。豬腰切得很大片，𠝹了花，爽脆嫩滑，豬的臊味差不多全都去除了。豬膶也同樣切得大大片，鮮嫩腍滑，並沒有特別調味，只佐以蠔油及醬油，上面放些薑絲蔥花，下面有些菜。上素石榴粉果是素食，皮薄餡足，味道清新，賣相吸引。虎松茸魔鬼魚餃的造型特別，有點像魚，朋友說這食店好肯落料，不知「魔鬼魚」是造型還是用魔鬼魚肉來做的呢！我點的蟲草花棉花雞果然用料足，雞件、魚肚及蟲草花都落足，配上湯汁都很入味。鳳尾蝦春卷是春卷裹著鳳尾蝦來炸，鬆脆鮮味，多餘的油已經隔去。咖哩土魷也是傳統點心，大家都知道土魷沒有甚麼鮮味的，只食其爽脆，朋友喜歡那咖哩汁調校得剛好，不稀不稠。酥皮菠蘿叉燒包裡面除了有大粒的叉燒外，還真的有菠蘿粒。另一位朋友喜歡的小蜜蜂流沙包，外面造型十分別緻有趣，肥嘟嘟的兩隻小蜜蜂，肚內原來是流沙奶黃。朋友甫開始就說一定要點的鮮蝦雲吞水餃配兩碗上湯銀絲麵，但他點得十分刁鑽：而不是要一碗上湯雲吞麵及一碗上湯水餃麵，他就是喜歡這樣，可以同時食到雲吞與水餃。果然雲吞與水餃都十分鮮甜爽滑，上湯就是傳統的雲吞麵湯，內放韮王與金腿絲，味道真是兒時食麵的感覺。上湯銀絲麵爽滑有口感，不糊不韌，除了金腿絲外還有幾條菜遠，難怪朋友極力推介。芝麻蛋散鬆脆有蛋味，配以糖漿，上面放了些白芝麻，完完整整的上碟，復古味重。朋友實在太客氣了，份量可媲美點心放題，幸好還能順利完成。…查看更多

朋友介紹這食店，一直想來試，前二天（30/6/2022）便來一試。剛巧遇上下午茶，有85折。點心款式都幾多，點了8個點心小皇府鮮蝦餃，唔錯，有二隻及四隻一籠，選了二隻，以便試其他點心。蟹皇滑燒賣，料足實肉，好咬口虎松茸魔鬼魚餃，樣子可愛，好味石榴香芋粉果，味道麻麻，不太喜歡荷葉珍珠雞，糯米好鬆散，麻麻地台式脆蝦腸粉，餡料脆又足，好味啤梨鵝肝咸水角，樣子好看，味道怪怪，還是喜歡普通的味道小蜜蜂流沙包，不太喜歡甜食，但這點心樣子實在太可愛，便叫了一份。諗住先食咸點，才食甜點，但食時已放涼了，不太流沙，下次再食時，要趁熱。埋單，85折後，$279…查看更多

滿足吓老人家，疫情關係2人一檯都去飲餐茶囉，12點小皇府只得2張檯有人，侍應好有禮貌招呼，環境乾淨光猛都算放心小皇府鮮蝦餃(2件)：飲茶好似點都要食蝦餃咁，雖然蝦唔算大隻，不過皮薄蝦爽，ok鮮竹牛肉球：陳皮雖然香味，但下次可以試另一樣點心😝虎松茸魔鬼魚餃：造型有趣鮮茄上湯鮮竹卷：通常都是上湯或蠔油，但今次用鮮茄煮幾特格，酸酸甜甜幾開胃泰式手撕雞春卷：香香脆脆，鍾意食炸嘢的係必選的滑蛋大蝦球煎米粉：呢個幾有驚喜，食咗一半才醒起要拍照，蝦大大有7-8隻，米粉煎得香脆又有鑊氣😋，好似潮洲兩面黃咁，加點醋很快就食晒一碟總括來講比酒樓唔差，可以幫襯吓呢啲小鋪…查看更多

走進餐廳，真係唔係太似中式食府。這裡裝修簡潔又帶點優雅，坐得都幾舒服。打開張點心紙，滿滿嘅兩大頁，密密麻麻。有選擇困難症嘅朋友，應該會花點時間 🤭不過，當你試過一次，有可能你未離開，已經打算好快會再來。因為這裡有好多特色點心，有很多想試嘅食物，一次應該滿足唔到大家 😬 真係唔係誇張，我 d 朋友真係咁講，未走已經話下次食咩食咩。🤩 小皇府鮮蝦餃 大大隻鮮蝦，皮又薄，冇得彈 😋🤩 虎松茸魔鬼魚餃 其實，這個同鮮蝦餃不是太大分別 一樣有大大隻鮮蝦，多了虎松茸 加上好可愛嘅魔鬼魚 😊 打卡必選 🤩 台式脆蝦腸粉 米網紙包著大大隻鮮蝦，薄薄嘅布包腸粉皮外層 👍🤩 懷舊臘腸卷 鬆軟嘅麵包，包著臘腸，好味🤩 小皇府鮮蝦淨雲吞 大大隻鮮蝦，配上蝦子嘅湯底，超好味，簡直是完美配搭 😋🤩 酥炸水餃 來個酥炸既，原來一樣都咁好味架 👍🤩 酥炸蜆蚧鯪魚球 大大粒鯪魚球，配蜆蚧醬一流 👍🤩 啤梨鵝肝咸水角 放了少少鵝肝落餡料，整隻咸水角多了鵝肝嘅香味 👍🤩 黃金沙拉蝦 吉列大蝦，配上沙律醬🤩 原隻花膠灌湯餃 ❤ 推介 大大隻花膠筒，應該要夾起影相 😊 加上灌湯餃多餡料又薄皮 😋🤩 小蜜蜂流沙包 小蜜蜂賣相好吸引，做工精緻，打卡一流，真係靚到唔捨得食 😍 流心奶黃好香，但唔甜，麵包也非常鬆軟 👍🤩 芝麻蛋散 好鬆化，不過糖漿好甜…查看更多

經過幾次小皇府都想試下，今次約朋友來吃晚飯，預早在網上訂位。 店內裝修簡約， 座位舒適， 又沒有限時食得好舒服。 食物種類都算多， 粥粉麵飯樣樣齊， 還有中式點心。晚餐🥢 ～ 大澳蝦膏爽肉蒸豆腐$98、 鮮果咕嚕肉$98、 虎松茸魔鬼魚餃$36、 啤梨鵝肝鹹水角$32、 頭抽吊龍炒河$138、 白飯$18。 🔹啤梨鵝肝鹹水角 ～ 鵝肝的味道幾香， 整體酥脆好味。 🔸虎松茸魔鬼魚餃 ～ 賣相幾可愛，但餃皮偏厚， 入面餡料似蝦餃。 🔹鮮果咕嚕肉 ～ 咕嚕肉酸甜度適中，味道可以。 🔸大澳蝦膏爽肉蒸豆腐 ～ 蝦膏味好香， 豬肉爽口， 蒸豆腐口感香滑。 🔸頭抽吊龍炒河 ～ 不夠鑊氣， 牛肉片太硬。 整體味道普通， 但座位舒適， 星期五晚上都沒有限時， 所以加分📝。…查看更多

今日去左MOKO新世紀行街，順便去小皇府飲下午茶。餐廳裝修好豪華，座位又舒服燈光又明亮又多卡位。啤梨鵝肝咸水角，個形狀真是好似啤梨，炸到外層好脆內里煙煙韌韌，內里有鵝肝粒和肉碎粒好香好好味。小蜜蜂流沙包小蜜蜂流沙包個包整到好靚靚，流沙包好流沙是奶皇餡，個包又唔會太甜好味道。狀元及第粥粥好綿綿，有豬潤，豬肚和肉丸粥好鮮甜。虎松茸魔鬼魚餃皮薄晶瑩通透餡又多又夠味道。小皇府鮮蝦餃皮薄蝦又大大隻蝦又爽口陣牙。生拆蟹粉小籠包皮薄又多肉汁，又啖啖蟹粉撈埋肉碎超鮮甜又香濃。…查看更多