港滋味 (已結業)

東大街較尾尾有間生面口既餐廳，位置比較隱世，但味道就驚為天人。坐低d 位都好寬敞。點佐個2人餐B，每人加多個湯。1）新加坡式海南雞 🐔 新鮮雞做海南雞真係第一次食，食落雞肉有彈性，有雞味，暖暖地。 個辣醬更加食到停唔到口👍🏻2）蒜蓉開邊蒸龍蝦 🦞$388呢個價錢既2人餐，有龍蝦食，仲可以有咩要求。d 肉彈牙有鮮味，一食就知係新鮮。3）台式豆酥蒸黃花魚 🐟 豆酥微辣又惹味，黃花魚既肉可以做到一舊舊咁夾出黎，啖啖肉😋4）海菜豆腐 🍽豆腐煮到好滑，而且有好多菇，好好餸飯。- 黑蒜烏雞湯 同 爵士湯 都好足料👍🏻爵士湯係用中湯黎😮（第一次飲）有蜜瓜、沙參、玉竹同其他配料，清甜好味。Overall 黎講，呢餐真係好滿意，我會再去食。

🦞港滋味🐟慶祝紀念日點可以馬虎呢？搵到間港島幾有特色的小菜。聽聞係由新加坡廚師主理。東大街差不多街尾位置。老闆好好人，有介紹到小菜的用料同招呼我地☺️點左個二人餐B加多個小菜，仲有兩碗油飯。🐥新加坡式海南雞:醬係豉油醬同埋有點辣果款，都算正宗。肉質OK。🦞蒜蓉開邊蒸龍蝦:蒜蓉味夠，肉質OK。因為開左邊，岩哂兩個人食。只要反轉隻龍蝦，肉都輕易跌出黎，唔洗扯開啲肉。🐟台式豆酥蒸黃花魚：呢個有驚喜，連PiPi平時唔食有骨魚都食左半條。魚係見到有骨，但幼到可以咬斷。豆酥味出眾，魚質幼嫩，仲有魚籽架。🍙海菜豆腐：問左店主，係由海菜苗切碎再有雞蛋等等材料整成既豆腐。食落係有啲香既蛋黃味。佢分左兩層，頂層似海菜苗，底層似豆腐。以上$388🍆梅菜扣肉茄子扇$88:本身意為係扇貝，不過誤打誤撞都有驚喜，真係未試過蒸都有燒茄子既口感，Creamy! 梅菜扣肉又係煲到好淋，講緊肥膏果Part。油飯2碗各$12：夠哂香味，不會太油但夠味。總計$500味道：🦙🦙🦙🦙🦙/5環境：🦙🦙🦙🦙/5推薦：🦙🦙🦙🦙🦙/5抵食：🦙🦙🦙🦙/5

筲箕灣東大街是港島東駐名的食街，街道兩旁滙集著琳琅滿目的美食，而且每次來到都會有一些新食肆加入其中。我們順著街道由頭行到尾，看到這家新開的食店，店內整潔乾淨，光猛企理，菜式有中式小炒、燉湯，亦有多款套餐供應，價錢大眾化，全日更免收加一服務費。鮑魚龍蝦二人餐（HK$398)這個鮑魚龍蝦二人套餐包括：惹味醬凍鮮鮑、蒜蓉開邊蒸龍蝦、蟹肉湯浸豆苗和兩個白飯。惹味醬凍鮮鮑鮮鮑魚烹調後，先冰鎭再切成薄片，鮑魚的口感爽脆鮮甜，蘸少許惹味醬更能吊出鮑魚的鮮味。蒜蓉開邊蒸龍蝦原隻本地龍蝦開邊，放上大量香噴噴的蒜蓉，味道層次分明，賣相吸引，令人食慾大開。蟹肉浸豆苗吃完兩款海鮮，來一道時令當造的豆苗菜式，蟹肉浸豆苗，豆苗吸收了湯的鮮味，配合蟹肉，啖啖清甜。白飯套餐還附上兩碗白飯。門面內在環境餐牌