港滋味 (已結業)

東大街較尾尾有間生面口既餐廳，位置比較隱世，但味道就驚為天人。坐低d 位都好寬敞。點佐個2人餐B，每人加多個湯。1）新加坡式海南雞 🐔 新鮮雞做海南雞真係第一次食，食落雞肉有彈性，有雞味，暖暖地。 個辣醬更加食到停唔到口👍🏻2）蒜蓉開邊蒸龍蝦 🦞$388呢個價錢既2人餐，有龍蝦食，仲可以有咩要求。d 肉彈牙有鮮味，一食就知係新鮮。3）台式豆酥蒸黃花魚 🐟 豆酥微辣又惹味，黃花魚既肉可以做到一舊舊咁夾出黎，啖啖肉😋4）海菜豆腐 🍽豆腐煮到好滑，而且有好多菇，好好餸飯。- 黑蒜烏雞湯 同 爵士湯 都好足料👍🏻爵士湯係用中湯黎😮（第一次飲）有蜜瓜、沙參、玉竹同其他配料，清甜好味。Overall 黎講，呢餐真係好滿意，我會再去食。