SuperNormal (淘大商場2期)

今日同朋友去咗九龍灣淘大廣場食一間叫Super Normal嘅西餐廳，餐廳嘅裝修、環境、燈光都幾有氣氛。我哋嗌咗白酒煮法國藍青口配蒜蓉包、原隻脆皮酒香燒雞、蒜片紅椒藍蟹肉扁意粉同厚切牛舌芯。青口嘅份量好夠，隻隻都幾肥美，用白酒、奶油同洋蔥碎煮成嘅白汁同青口好夾，香脆蒜蓉包配埋白汁一齊食真係好好食。脆皮燒雞係原隻連埋雞頭一齊燒，餐廳好貼心咁提供咗膠手套，食完唔會整污糟對手，燒雞嘅皮燒到好香脆，令到戒咗食雞皮嘅我都忍唔住口食埋d皮，戴住手套可以手撕雞肉，啖啖嘅雞肉仲保持到多汁嫩滑，唔會燒到太過火候，配埋一個酸酸甜甜嘅燒汁一齊食開胃，基本上食完隻雞已經好飽。蟹肉扁意粉喺一個幾乾身嘅炒意粉，啖啖蟹肉嘅份量都唔少，配菜有蒜片、紅椒同蘑菇，個扁意粉有少少辣味幾惹味。燒牛舌芯燒得好香口，牛舌芯切得幾厚身，所以咬落去幾有口感。幾推介經開九龍灣嘅朋友嚟試一試！📍九龍灣牛頭角道77號淘大商場2期地下G196-199號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

今次同朋友黎到呢間喺九龍灣嘅特色西餐廳，門口menu已經見到大大隻德國豬手好吸引😍，再睇埋其他嘢食都好多選擇，兩個人叫咗:嘜啤浸柚子脆皮豬手$178必叫招牌菜🙌🏻🙌🏻，份量頗大，可以4個女仔食都得😆。豬手以嘜啤慢煮24小時，非常香脆之餘仲保持到肉質嫩滑，係高水準之作❤️，仲有柚子同泰式汁兩款口味選擇，原價$228而家只需要$178，性價比極高👍🏻，每日限量供應20隻，要有食神都要睇緣份🤭帶子牛油果沙律$98新鮮蔬菜🥬配上香煎帶子，仲有健康有益嘅牛油果，中和返豬手嘅肉膩感😚蒜片紅椒藍蟹肉扁意粉$128意粉軟硬適中，有蟹肉、蝦同雜菌配埋蒜片炒香，帶少少微辣好開胃👍🏻👍🏻厚切牛舌芯$44、茄子$18串燒方面，牛舌芯爽口唔靭，茄子夠淋身索晒啲燒汁，非常惹味❤️兩個人食咗$500左右，除咗la carte menu之外，餐廳亦有$508嘅2人餐，啱晒有選擇困難症嘅朋友😂，下次要再去食過😚😚😚…查看更多

今晚來九龍灣淘大商場食西餐，見到有德國鹹豬手做緊優惠好想食～ 餐廳環境好有氣氛，有少少酒吧餐廳feel～ 餐廳選擇都以西式菜為主～泰式秘製汁脆皮豬手 - 上碟已經聞到好香，豬手大大舊，已經切好晒- 豬手外皮焗到好香脆，咬落去會聽到卜卜脆嘅聲音- 肉質肥瘦適中，色澤粉嫩，皮肉之間有一層煙煙韌韌嘅膠質，層次豐滿- 豬手味道鹹香但唔會過鹹，配埋特製泰式醬汁，酸酸辣辣好開胃，意想不到咁夾蒜片紅椒藍蟹肉扁意粉 - 上碟嘅時候仲係熱到出煙，扁意粉軟硬適中- 蒜片紅椒爆香好香蒜味，中間帶少少辣好惹味- 配料豐富，蟹肉同鮮蝦好鮮味，加上香菇非常夾手打蟹餅（2件）- 外皮焗到金黃色好香脆- 最驚喜嘅係一切開就見到超多絲絲蟹肉- 蟹肉餡鮮甜軟滑，配埋沙律醬好開胃玫瑰荔枝梳打 - 梳打夠晒氣，飲落帶有荔枝嘅清甜同玫瑰花香，消暑解渴檸檬熱情果四季春茶 - 四季春茶茶味清香，中間帶有檸檬同熱情果嘅酸味，非常開胃…查看更多

今日有朋友生日,選左間酒吧,可以傾下計又可以飲野, SUPERNORMAL 好適合我地,場內環境好好,而且服務都好好,服務生好年輕好細心菜式選擇多樣化,叫左柚子脆皮豬手、鵝肝牛肝菌意大利飯、帶子牛油果沙律、蟹肉扁意粉以及各式串燒等。1. 招牌菜:柚子脆皮豬手 ($148)做緊半價,真係超好食,豬手的皮脆肉軟,口感極佳,柚子的清新酸甜味更是與之完美匹配,衝擊我的味蕾。2. 蒜片紅椒藍蟹肉扁意粉($128)扁意粉也不遑多讓,新鮮蟹肉的甜美很是讓人難忘。3. 帶子牛油果沙律 (98)帶子和牛油果的口感反差加上鮮甜的處理手法,成就了一道很特別的沙律4. 香煎露筍篤肝牛肝意大利飯($148)鵝肝牛肝菌意大利飯濃郁的醬汁很美味。飲品:1~SUMMER TREE ($64)2~YAKULT 士多啤梨 ($68)串燒:全部都燒得好好,好適合一路飲野一路食既下酒菜~1.焦糖菠蘿$36:一定要試,焦糖鎖住汁真係好正~2.茄子 $18~GOOD~各式美食選擇豐富,定能滿足不同食客的口味。如果想在週末與家人朋友外出就餐,Supernormal會是一個很好的選擇。…查看更多