更多
2021-06-03
258 浏览
隐藏於将军澳南豪宅区既日本料理餐厅花楽,坦白讲如果唔系因为响Openrice其他食家既努力推荐,小编都唔会即刻留意到! 亦因为咁,而家花楽既下午茶时段都非常爆满,如果想享受既话就最好预先响Openrice订枱。如果唔系住响将军澳既朋友,可能会对街道「唐俊街」以及商场「翩滙坊」非常陌生,但其实只要你知道将军澳「激安之殿堂」位置既话,前途花楽既路线就会相对简单:响将军澳站A2出口出闸後,过斜对面马路 (宝盈花园),之後一直沿唐俊街向海边直行,大约8分钟後你就会见到翩滙坊既商场及激安既门口。呢个时候小编建议你唔好入商场,而系响激安门口前"转左",沿屋苑间既花园直行到尾,再望左手边间酒吧餐厅後面就系花楽喇。其实本身餐厅名花楽呢个字已经令小编好有印象,如果「楽」其实系日文汉字,虽然都系解作快乐意思,但如果大家响Openrice输入「花乐」系会搵唔到间餐厅既 (不过以花楽响本周评分排行第2既话,应该唔难搜索到既),所以作为日本餐厅用返日文汉字会令你对佢印象更深。花楽入面既装修都好多日式风格,而同时佢都有类似包房既位置俾一班朋友开开心心有个私人空间倾计同食饭。时值3点正小编与老公都试下各位食家都一致
如果唔系住响将军澳既朋友,可能会对街道「唐俊街」以及商场「翩滙坊」非常陌生,但其实只要你知道将军澳「激安之殿堂」位置既话,前途花楽既路线就会相对简单:响将军澳站A2出口出闸後,过斜对面马路 (宝盈花园),之後一直沿唐俊街向海边直行,大约8分钟後你就会见到翩滙坊既商场及激安既门口。呢个时候小编建议你唔好入商场,而系响激安门口前"转左",沿屋苑间既花园直行到尾,再望左手边间酒吧餐厅後面就系花楽喇。
其实本身餐厅名花楽呢个字已经令小编好有印象,如果「楽」其实系日文汉字,虽然都系解作快乐意思,但如果大家响Openrice输入「花乐」系会搵唔到间餐厅既 (不过以花楽响本周评分排行第2既话,应该唔难搜索到既),所以作为日本餐厅用返日文汉字会令你对佢印象更深。
花楽入面既装修都好多日式风格,而同时佢都有类似包房既位置俾一班朋友开开心心有个私人空间倾计同食饭。时值3点正小编与老公都试下各位食家都一致推荐既日式下午茶 (虽然日文翻译上有少少令人哭笑不得 [尤其水信玄饼因为打错为玫瑰水玄信饼,而同时於Google Translate出黎,就变成Rose Water玄新Biscuit],不过理解佢地作为日式餐厅都想尽量跟返传统有中日对应既)。
由於无哂白桃乌龙既关系,我地就点左苹果土耳其果粒茶,粉红色茶壶到枱时再伴以粉红色既杯,完全系为左方便你打卡而设既感觉! 不过明亮既粉红色响阳光下照住又真系几靓既。
大约10分钟後,双层既木架就正式到达喇! 由於个木架都几高关系,打卡个阵都需要企起身,所以就要小心唔好撞到隔离枱既其他食客呀!
可能因为餐厅名「花楽」既关系,下午茶既摆设都系以花为主题,再配以不同种类既食物:上层以咸点及小食为主,而下层则以甜品为主。而同时亦会有个3层铁架盛载住3款既简单主食。
员工会响食物上枱後逐款食物简单介绍,而同时亦会温馨提示先食热盘以避免冻左後唔好食,如果以1间餐厅都做到平时酒店下午茶既水平都算好好喇! 好,小编与老公都跟随建议食简单主食先:
1) 汁煮螺:好味! 虽然每人只可以有1粒螺食,但非常弹口得黎又唔会太过实,当然唔会煮得太入味,但小编都觉得咸咸地既汁都帮到螺本身比较淡味既感觉。
2) 吉列蚝:推荐! 吉列蚝新鲜炸出黎,所以非常脆口! 同时好多餐厅既炸蚝都系用现有急冻蚝制作,会有腥味;但花楽既蚝似乎无呢个感觉,食落去唔可以话系新鲜蚝制作,但无咩腥味已经令唔太食蚝既小编都觉得好香口而食哂!
3) Cocktail虾:好味! 虽然唔太了解Cocktail与虾既关系,但虾肉弹口,证明佢唔系用唔新鲜既虾去制作菜式,有诚意! 好! 轮到咸点喇! 食材基本上都以鱼类为主,再配合水果系食物作出变化既,而响卖相黎讲,小编就最锺意香葱吞拿鱼腩蓉配花饼! 大家可以响下文会见到每款食物既卖相呢!
1) 香葱吞拿鱼腩蓉配花饼:推荐! 吞拿鱼腩蓉相对新鲜而无腥味,配合米饼食既时候就好似平时日式甜品「最中」(即类似脆夹饼)咁,令你唔觉得真系食紧鱼蓉既感觉!
2) 牛油果粒蟹子蟹柳沙律配炸米通:还可以。由於沙律用既酱汁唔系以酸为主,所以当配合米通作为咸点食个阵唔会太怪,但始终蟹柳沙律都系比较普遍见到既日式食品,所以唔会话有特别惊喜既感觉。 3) 波子寿司:还可以。用上类似鲷鱼既鱼片包住圆球型既寿司饭,寿司饭唔系重醋(酢)味个种饭,但薄薄既鱼片加上饭既情况,作为顶肚用既食品质素上绝对都无太大问题。
4) 黑鱼籽烟三文配日本香葱玉子:好味! 简简单单都算甜味既玉子,加上咸既烟三文鱼其实已经互相将味道带出黎,作为咸点其实有日式玉子都系选材上稳阵而适合既选择吧。
5) 水果蕃茄﹑日本秋葵配日式酢汁:还可以。本身小编唔太锺意秋葵,所以都只系试左少少,味道都几清新;而蕃茄都系类似蕃茄仔既食法,所以都几清甜!
不经不觉连埋打卡既时间都已经过左半个钟! 虽然个肚都已经开始有饱既感觉 (始终系下午茶时间吧),不过见到下午茶既甜点都忍唔住同老公继续试:
1) 日东卷:推荐! 相信锺意日式甜点既朋友都知道日东卷系最近抢手既冷冻卷蛋,如果唔系等个别铺头返货既话,基本上都唔会咁易抢到黎食。小编食个日佢地就用上士多啤梨及西瓜味! 食落去忌廉完全唔觉得油腻,而且明明系冷冻入口既卷蛋但蛋糕质地仍然可以保持松软既感觉,唔怪之得会有咁多人买啦!
2) 玫瑰水信玄饼配黑蜜:好好味! 平时食开水信玄饼都无特别落黑蜜食,但原来都几夹! 玫瑰味小编就唔太食到,但反而上面个蕨饼粉就令黑糖味增强! 3) 时令水果配蕨饼:小编食既日子就有士多啤梨及绿茶蕨饼。士多啤梨应该都似日本产士多啤梨而无咩酸味;而蕨饼小编就用入少少刚才既黑糖酱,令食既时候唔会太粉而难入口。
连加一$330既下午茶High Tea既价钱,以现时比较出名既酒店/餐厅下午茶计都已经算几抵。地理位置上虽然相对难搵,但正正餐厅出面除缓号径外都非常开扬(可望到康城),阳光充足既日子食个阵都会令你响食既感觉同环境既感觉都得到满足吧!
张贴