Mini Friday (銀城廣場) (已結業)

今日旺角收工，見到間西餐廳有豬手食，俾佢吸引左，所以去試下😋😋🌟 火焰脆燒德國鹹豬手 （$238）豬手外層好脆，加上有火燒過，令豬手更加香脆，豬手唔會太咸，加上蜜糖芥末醬同酸菜，味道好夾，同埋職員服務好好，燒完後，拎去廚房幫手切，唔需要自己親手切，值得一讚👍🏻👍🏻🌟 咸蛋黃薯角（$68）薯角即叫即炸，再加上用咸蛋去炒，味道濃郁，唔會太咸，有好香咸蛋既味道，必點😋🌟 黑松露忌廉汁雞柳意式燴飯 （$158）上菜時已經有好香既黑松露味，食落口黑松露既味道更加出，響燴飯面加上芝士，多左一份口感，雞柳好滑，加埋落忌廉汁，好夾，必點😋😋🌟 芒果芝士蛋糕（加$1）甜品跟晚餐只需$1，好抵食，而且唔會好甜，芒果味好香，響飯後食一流😋…查看更多

難得這個星期比較空閒可以早放工,所以約了朋友去旺角行街食飯,我們想找一個舒適的餐廳一邊食飯一邊傾計,這裡絕對適合我們!餐廳位於旺角最熱鬧的地方,裝修充滿美式風格, 環境寬敞,每枱都有足夠的私人空間,我們還未落單職員便立即送上一籃墨西哥脆片,脆片香口,配上芝士醬真的好味到食唔停口,因為餐牌美食太多,睇到眼花繚亂,最後我們選擇了2個套餐意大利雜菜湯用料豐富,味道濃郁,洋蔥湯的洋蔥煮得軟身,仍然保持質感,味道鮮甜,田園沙律份量很多, 沙律菜和水果都很新鮮,還加了一些以為是三文魚籽的橙波波,咬落去好甜,加埋一齊食好開胃,我們還加了錢要了巴馬火腿配甜(蜜)瓜,巴馬火腿有淡淡的鹹香, 乾爽的口感,配香甜的蜜瓜,真的不錯!露絲瑪利燒全隻法國黃油春雞熱滕滕來到, 中間切開雞身立即冒起煙來,雞肉鮮嫩多汁,雞皮薄身沒有肥膩感,配醬汁食很好味! 香烤波士頓活龍蝦配野菌雞脾扒的龍蝦肉肉質鮮甜,既彈牙又爽口,雞脾扒肉汁豐富,肉身夠厚有口感,真的不錯,我們還額外叫了鹹蛋黃薯角, 炸得很香脆,每件薯角都充滿著鹹蛋味,甜品是芒果芝士蛋糕, 味道濃郁,蛋糕軟綿綿好好食,最後叫埋餐飲,這次的晚餐真的很滿足,整體來說,無論餐廳環境,還是食物都十分滿意, 這裏絕對會令人一試難忘!…查看更多

八月之星嘅勁食活動唔好俾佢停!今日兩位好閏蜜相約我嚟旺角處於銀城廣場上面嘅Mini Friday餐廳食生日飯🌻🌸🌷經常喺旺角出沒嘅我竟然完全唔知道呢度有一間咁好嘅西餐廳😱朋友已經預約訂座所以一上嚟就可以坐低叫嘢食嚕:)呢度環境寬敞,裝修充滿美式風格,梳化櫈令客人坐得舒服。未開始點餐職員已經會送上一籃零食,係墨西哥脆片嚟,仲有配上芝士醬俾你點,我忍唔住口食咗兩三塊好味道,不過閏蜜就略嫌話佢唔夠熱所以唔脆啦。睇咗一輪餐牌,都發現呢度有好幾款不同人數可以享用嘅套餐,花多又眼亂,經過一番思量之後覺得其實每人嗌一個單人餐都已經有好多嘢可以齊齊share食,又唔洗大家就嚟就去想食乜,自己鍾意邊款就叫邊款可以喇。我哋嘅套餐就叫咗以下呢幾樣：前菜：乳酪鮮果沙律 x 3估唔到份量超多,菜又多新鮮水果又多,上面有啲橙色珠珠有個傻婆以為係三文魚籽所以”不”走哂😹後尾發現原來係酸酸甜甜柚子味㗎,撈埋沙律醬一齊食真係超開胃餐湯：意大利雜菜湯 x 2 + 是日餐湯(南瓜湯) x 1👉🏻我飲南瓜湯,味道正常👌🏻主菜：A: 自由配搭意大利飯(任選四款配料: 我揀咗磨菇+雞肉+牛肉+海鮮) $149我哋三個人都覺得呢個好好味,夠creamy又足料,三個人都食唔哂,超大碟D: 意式香煎石斑魚柳配阿根廷紅蝦 $199魚柳煎得好香脆,亦醃得好香口,隻蝦唔係我食不過睇樣都好吸引G: 香烤波士頓活龍蝦配炭烤美國牛肋排 $239我分到半隻龍蝦肉,彈牙爽口,牛肋排調味亦好惹味,超讚甜品：精選是日甜品(芒果芝士蛋糕)雖然細細件但都令人滿足喇餐飲我哋就三個女仔都加錢,用半價一人揀咗一款香味花茶花茶可以再加熱水繼續飲用,令到我哋傾咗成晚都唔會口渴然後,套餐可以加$38蚊一個迷你小食炸盤(有炸春卷炸洋蔥圈同埋雞骨腸) 嘢食多到好似食自助餐咁加$48蚊一個單人歐陸海鮮拼盤(鮑魚+帶子+鮮蝦+蟶子+藍青口) x 2總括嚟講呢度嘅食物質素都算幾高,味道亦夠香濃可口,價錢合理,員工態度親切有禮,值得推薦…查看更多