2派克雞排

聽過呢間野好多次，不過一直都未試過。今次嚟到黃埔食嘢，就當然去試埋。去到其實冇人排隊，但都等咗成15分鐘先有得拎，因為見有好多人用外賣平台落單，脆皮無骨雞塊 $35包雞塊都幾大包，算多。有得揀口味，例如孜然個啲，但驚太濃味，我哋只要了原味，乜粉都冇加，但都夠味，因為本身都有啲椒鹽。雞塊幾嫩，全部冇骨，唔會好鞋，亦都唔會有筋。熱辣辣食就好食，擺耐咗出油就會淋。下次可以再考慮試試佢雞排或者杏鮑菇，都幾多選擇。…查看更多

7點唔夠已經好多人等緊外賣既台灣雞排店😯 我地都唔執輸排下先🤗脆皮無骨雞塊（$35）一口size 非常方便 外皮酥脆 雞肉唔鞋口 🤫聽講雞排會更加juicy 自己食既話可以試雞排 雞塊就方便share 食脆皮杏鮑菇（$22）岩岩炸起勁熱 塊塊都大大塊 而且好多汁😋 好辣嘴 冇經過長期訓練既人就攤凍些少先食😆 真係好爆汁架金菇酥（$12）炸到乾身香脆 配埋辣粉好惹味 可以食好多好多串🤤脆皮百頁豆腐（$24）軟綿滑溜 而且少少彈牙 比一般豆腐口感豐富🤭有機會係附近行過就去試下啦 不過要俾啲耐性 即叫即炸架😌 可以打定電話落單/落完行返圈先返轉頭拎😉…查看更多

平日中午食晏已經留意到蕪湖街有間新開嘅炸雞店叫「2派克雞排」，因為黃色嘅門面好搶眼💛。店舖裝修簡約乾淨，再加上中文招牌，感覺猶如置身於台灣一樣。不過小店營業時間開得比較晏，要成兩點。店員話其實佢哋準備緊，如果行過見到閘半掩，可以試吓敲門🤣。店舖主打炸雞排同各款台式炸物，食物定價一啲都唔貴，另外仲提供撐枱腳二人套餐👯‍♀️($98)，抵上加抵。食物即叫即整，製作需時，店員建議下次可以打定電話嚟落單☎️。食物包裝袋印上台灣本店嘅漫畫風格，望落都幾可愛👦🏻。脆皮無骨雞排(原價$38)，🐔大雞排係餐廳嘅名物，佢有兩款之分，分別係普通雞排同雞腿扒。前者用上雞胸肉，而後者就係雞脾，脂肪較多，所以炸皮會相對整厚啲。鍾意食雞胸嘅我揀咗前者，雞排超級大塊又夠厚，直頭好似隻拖鞋咁。雖然係雞胸，不過肉質都好滑，同炸皮緊貼。店員話即使客人要求切細，佢哋都會拒絕，因為要保留傳統風味。脆皮無骨雞塊(原價$35)，🍗無骨雞塊有成十幾件，拮嚟食好方便。但如果比起大塊炸雞扒，就無咁多肉，而且炸皮唔算超級酥脆。脆皮百頁豆腐(原價$24)，🍢百頁豆腐勁正，一客有六件。豆腐外皮微脆，中間部份非常軟綿，帶少少煙韌，食落又多汁。店員強調豆腐同其他小食係入口至台灣㗎🇹🇼。金菇酥($12)，🍄炸金菇好靚，一大塊咁散開，好似把扇咁。金菇炸至脆卜卜，炸衣夠薄，好似天婦羅一樣，香口到不得了，而且亦唔油膩！調味粉係餐廳嘅賣點之一，總共有八款口味揀。我試咗其中四款，並認為梅子最好味🍓，因為甜甜哋。🥘咖喱味好香，易入口。日式芥辣帶點攻鼻，麻辣味反而好溫和，唔辣唔麻，不似預期。總括嚟講，呢間台式炸雞店唔錯👍，性價比高。我推介必試無骨雞排，大大啖肉無得輸；另外豆腐同金菇都好出色。題外話，女店員好有禮貌，就連炸雞都會作詳細介紹，抵讚。…查看更多