Mini Friday (銀城廣場) (已結業)

之前跟一班朋友已經黎過這間Mini Friday，果次仲食左斧頭扒，令人回味!於是又同友人再黎試下其他食物!一早已book定位了，我們大概7點半左右到達，都差不多爆滿!侍應熱情地帶我們到近窗的卡位，還為我們送上小食-酥炸薄片。酥炸薄片，很鬆脆，配上附上的醬料一齊食，因為太肚餓，好快就俾我地食哂!今次兩個人點了3樣野，但已經可以飽到攬住個肚走!點任何肉類/海鮮/意粉/飯類/薄餅都可以以優惠價升級為套餐，我們選了3款+$68!是日餐湯-雜菜湯，好足料，有很多蔬菜，湯夠酸，非常醒胃!田園沙律，這裡的田園沙律上菜方式非常特別，是用上一個玻璃樽盛載著的。除了有沙律菜外，還有三色椒和看落似三文魚籽的爆珠，色彩吸引。配上附設的黑醋一齊食，亦是一個很開胃的前菜!飲品方便我們揀選了這款再補錢的飲品，藍檸檬梳打，飲落去唔會好甜，清清地，容易入口，而且賣相都好靚。因為我本身就好中意呢種海洋顏色，倒緊飲品的時候，再配埋冰一齊，就真係好似望住個好藍既海咁，好靚!水牛城辣雞翼，一直都好愛呢款小食。而這裡的雞翼醬汁酸酸辣辣，夠哂入味，能刺激味蕾。雞翼炸得剛剛好，唔會太油，而且雞翼比起出面的餐廳大隻，令人回味!黑松露野菌薄餅，上菜時聞到濃濃的黑松露味，薄餅是薄脆那種，很脆口，食落去有淡淡的黑松露味，再配埋野菌及芝士的味道，口感十足!脆燒德國豬手，這道菜上菜時必須準備相機，因為豬手會在你面前著火的，完全係睇得又食得!火焰燒得很高，不過好快就會燒完，所以必須把握機會影相。豬手外皮燒得脆卜卜，但皮又不會像出面餐廳燒到乾哂，所以仍然可以食到佢既骨膠原。肉質嫩滑，而且隻豬手很大，食左少少已經覺得好飽，好在有配菜酸椰菜可以中和返!總括黎講，餐廳環境舒適，適合情侶或者一班人黎談天。侍應亦很熱情，還會為我們介紹菜式。食物份量很足，價錢亦不會很貴，一定會再黎!…查看更多

今晚同朋友經過旺角個頭，決定順便係旺角食埋晚飯。搵到呢間係西洋菜南街銀城廣場樓上嘅西餐廳，我地見咁耐無食過西餐所以決定一試佢set dinner 嘅選擇十分多， 同埋係包埋餐湯同甜品嘅，所以好似比較抵食。 而我地嗌左露絲瑪莉燒春雞就係跟set嘅， 比較特別一提嘅係佢嘅配菜有冰菜，平時比較少食到，酸酸地幾開胃，可以中和一下齋食肉嘅飽膩感。但係個雞燒得洽到好處，唔會太乾太難，配埋佢嘅香草同醬汁幾唔錯然後我地又單點左呢個火焰燒豬手，佢係上枱後點火即場燒嘅，夠曬吸睛打卡一流 食落去豬手皮脆肉滑，夠曬德國風味小食拼盤有洋蔥圈、越南春卷、炸蠔等等，夠曬多選擇！最啱同朋友開心share最後個risotto 夠晒creamy，食唔停口，而且份量頗大，幾個人share都好飽西餐黎講咁嘅價錢食到咁多野都幾抵食，下次係旺角唔知食咩好不妨試試呢間…查看更多

上次試過觀塘那間mini friday回味無窮，今晚和朋友在旺角食飯，就選擇了Mini Friday，座位都幾寬闊，每台之間有足夠距離可以暢所欲言，高聲歡談。首先每台都有墨西哥脆脆片加芝士醬，很脆口，是不錯的開胃小吃！脆燒德國豬手絕對是打卡位，首先店員會端出原隻豬手，再在我們面前澆酒點火，外皮烤得啪啪聲，真真正正的香脆，會成為每次的必點菜式。牛肝菌意大利燴飯本身以為份量剛好夠四人分享，不過奶油白汁勁重，所以很飽肚。菇菌味道十足，意大利飯都幾有咬勁，又幾抵食。田園沙律上面有一些爆珠，好有創意，最喜歡它的黑醋汁，酸酸甜甜很開胃！Nothing半價很抵，酒精味道重，不錯不錯。價錢和份量相應，今晚夠哂盡慶呀！…查看更多

因為生日飯去過Mini Friday 觀塘個間念念不忘，禁岩知道佢旺角有分店，於是捉埋男朋友去大食特食😉美式大桶雞~超推😋😋😋大概6~7件左右大大塊雞塊，仲要炸得超脆，掂埋個 wasabi 醬，一大咬落去，啲雞汁滴埋出來超正蟹膏帶子2重奏絕對值得一試蟹膏味濃，海膽鮮甜，帶子微煎香口感佳，3樣Mix埋飯飯一啖過食，個個大海既味道，令你5捨得食第2樣，因為食完之後連講野都....好陣大海既味道鹽燒牛脷原本諗住好細件啊會燶啊…No No No ~我話你知佢根本就係不得了，熟既程度剛剛好，一切開入面超軟熟，啲肉汁自動流曬出泥，超正正…查看更多

因為生日飯去過Mini Friday 觀塘個間念念不忘，禁岩知道佢旺角有分店，於是捉埋男朋友去大食特食😉美式大桶雞~超推😋😋😋大概6~7件左右大大塊雞塊，仲要炸得超脆，掂埋個 wasabi 醬，一大咬落去，啲雞汁滴埋出來超正蟹膏帶子2重奏絕對值得一試蟹膏味濃，海膽鮮甜，帶子微煎香口感佳，3樣Mix埋飯飯一啖過食，個個大海既味道，令你5捨得食第2樣，因為食完之後連講野都....好陣大海既味道鹽燒牛脷原本諗住好細件啊會燶啊…No No No ~我話你知佢根本就係不得了，熟既程度剛剛好，一切開入面超軟熟，啲肉汁自動流曬出泥，超正正…查看更多

朋友生日，又難得他對食比較無所謂，由我挑選，找了兩間給朋友作決定，當中有意無意都是我慫恿他吃這家，一來地點都易找，二來西餐又有特別的甜品-梳乎厘班㦸，近期就是想吃它有一人餐和二人餐，亦可散叫，因為皮膚敏感不能吃牛和羊，唯有挑選推介的豬手，另外一個一人餐要自選薄餅再加海鮮拼盤。未點餐時，便奉上一籃脆片，蘸千島醬，好少有餐廳有提供這類餐前小食，只是有一點油，暫時緩解一下饑餓感。一、餐湯可選意大利雜菜湯或南瓜濃湯，我選了南瓜濃湯，很綿的南瓜茸，很濃郁南瓜味二、乳酪鮮果沙律第一次食這樣的沙律，沙律菜伴乳酪，有「水蜜桃爆珠」，平時只會在甜品店吃雪花冰類才能吃到的，混入沙律食感覺很新鮮，由於跟餐相對份量少些，屬一人份。三、單人歐陸海鮮拼盤(+$48)有帶子、鮑魚仔、蟶子、鮮蝦和藍青口，配辣味芫茜醬汁，帶子刺身很鮮，鮑魚似用煙肉味醬汁煮過，肉質很爽嫩，蟶子亦非常爽口新鮮，第一次蘸這個蘸芫茜醬汁，很清新四、脆燒德國豬手($198)上枱時要燒著它火很快就燒完，豬皮微微的燒焦，大大隻豬手用個不銹鋼籃盛著，下面有炒到剛熟的燈籠椒和洋蔥，伴碟有黑醋汁沙律菜和「爆珠」，豬手皮脆肉嫩，帶少許脂肪，蘸黃芥末醬，又是我喜歡的醬，肉本身不覺很鹹(真好)，最後還吃光酸椰菜!五、意大利薄餅(一人餐$149)可選4款餡料，要了椒絲、蘑菇、蕃茄和海鮮，薄餅12寸，挺大，但幸好餅底超薄，外圍脆卜卜，餡料鋪的滿滿，明明無揀菠蘿但我食到有菠蘿海鮮我只吃到有蝦，不過我只吃了兩塊，不知朋友有否吃到其他，芝士量算多，能覆蓋整個薄餅，正六、是日跟餐甜品雖然是跟餐，但這款朱古力慕絲脆餅口感味道都不差，有層次，脆脆底做得幾好，不會漿住硬身或濕軟。七、梳乎厘班㦸($88)甜品一樣出色，一客原有三個梳乎厘班㦸伴一球朱古力雪糕和新鮮水果，班㦸很有空氣感，應該有2寸高，好香蛋味，想甜些可加些甜花奶如果想食，記得要吃前40分鐘落單，製作需時呢!八、飲品(跟餐半價)我選了蜜糖檸檬玉桂茶，幾濃又大壺，但不太覺有甜味，朋友飲凍朱古力，由於太大壺，叫朋友幫我飲了一杯，不浪費嘛!我們都很滿足地離開，非常飽，美食當前，什麼都不理了，坐的又舒服，可以慢慢聊慢慢吃!…查看更多