潮庭 (星光行)

朋友由美國回來，說很懷念香港的潮州菜，原本有人推介藍田的一間潮州菜館，但由於他們今次回港住金鐘，覺得不太方便，後來上綱就找到這家店了。預早訂了位，當天也提早一些去到，所以完全不用等位。去到門口，眼見大集團的裝修都不俗，入到內裏，坐位也算寬敞，我們還被安排坐在窗邊位，可以招呼好友眺望着尖沙咀鐘樓食其日落晚餐，確是事前未有想到的一個意外驚喜。坐下開好茶，店員就送上餐牌和潮式餐前小食，餐牌內容清晰，而這潮式餐前小食中包含有豆干粒、花生、青瓜粒和酸菜，味道清香，花生和青瓜粒都非常爽口，酸菜夠開胃，豆干粒微韌有咬口，難怪朋友的女兒和她的男人都那麼喜愛這餐前小食。普寧鹽水炸豆腐，豆腐外皮炸得夠脆，內裏豆腐還十分嫩滑，入口清淡而香甜，附上普寧豆醬和清蒜鹽水兩個醬汁，可謂各適其式，蘸鹽水食法夠清香，點普寧豆醬味道就來得濃郁。涼伴豬腳凍，入口有幾分像上海菜中餚肉的口感，但啫喱狀的部份就相對多很多，口感更覺軟滑，味道却與外觀不一，外觀色澤頗為深色，令人感覺上是一道頗濃味的食品，但入口就有點點的鹵水咸香味混合豬肉的鮮甜，味道十足而又不過火，濃淡適中。好百年鹵水鵝片，鵝片略帶極少量的皮下肥肉，入口有半點油香，使味道更覺香濃，鵝片鹵得入味之餘，火喉也足，口感軟棉，夠淋而又有噬口，墊底的鹵水豆腐也十分嫩滑和入味。火功鹹菜胡椒豬肚湯，火喉十足，胡椒味甚為香濃，入口味道也頗為辛辣，湯渣的鹹菜爽口而味適中，微咸而帶有半點酸非常省胃，另外豬肚也很淋，有咬口之餘又不會太韌，鮮甜而無異味。翡翠菊花石榴雞，很久沒嚐到的正宗潮式手工菜，餡料幼細，味道鮮甜，外皮的蛋白做得非常薄，只可惜體積有點過大，未能嚐到一口盡食的口感。炸雙棗(蝦棗蟹棗)，兩者都非常煙韌彈牙，蝦棗外型和行粵式炸蝦丸十分相似，而味道也相近，雖然彈牙，但只是用蝦膠做成，特色不足；反而蟹棗外型較特別，入口彈牙之餘食到有絲絲蟹肉，蟹味甘香。豆醬窩雞，清香的普寧豆醬，淋在燒雞上，賣相也相當美觀，全隻雞都做得十分嫩滑，連雞胸也不過火，絕無老鞋感覺，豆醬味清配搭雞的醃味，恰到好處，清香而鮮甜。潮州家鄉煎蠔烙，絕非外間食到一般的炸蠔餅，油淋淋而硬到擦損嘴，這蠔烙入口香脆而不硬，絕沒有過多的一點油，蠔味香濃，粒粒蠔肉在口中可以食到蠔的淋軟口感和其鮮甜蠔香。香脆地魚炒芥蘭，大地魚份量十足，不像有些店只有一兩片作交差，而且夠乾身之餘又不太硬，脆口兼且香甜，但芥蘭可能不是太合時，盡管店方全部挑選過，其質量都較参差，口感雖爽，但也有點老，菜味夠鮮甜。味香濃蠔仔粥，粥的湯底肯定熬弓了不少時間，味道清甜，加上新鮮嫩滑的蠔仔和冬菇片，更是清甜無比，潮州粥的精髓是，水飯分離的同時，入口米飯又要綿而淋軟，與湯底混為一體又成為粥，這裏絕對做到了這一點。潮州黃金煎伊麵，麵質本身十分彈牙，煎過後入口就更有多變的口感，香脆的面再加上中間未有受火煎過的麵，成為又脆又有彈牙的口感，加糖和醋食，濃淡隨個人喜好而定，確是味道一流。鴛鴦水晶飽，作為這頓晚餐的終結，就選擇了這個最終極的甜品，水晶皮做得十分煙韌有咬口，而內裏的豆沙和蓮蓉都十分香滑，兩者都不太甜，相比之下，其蓮蓉的香滑程度更勝過豆沙餡…查看更多

無幾耐之前先食完美心系嘅八月花，不過，嗰次跟教會朋友嘅飯聚，唔喺小弟做搞手。但今次跟舊同事嘅飯局又揀嚟幫襯美心系嘅中菜食府「潮庭」，就喺由小弟提議嘅 ，因為年幾兩年前同老婆嚟食過一次，覺得環境、招呼、食物皆好 。正所謂「朝庭不用餓兵」，舊同事開到聲搵我依個「哎吔」食家（註：先旨聲明，小弟一向唔認為自己喺咩食家，食家即喺飲食專家，我頂多只不過都喺個膳男餸女，為為食食啫），一定搵個地方滿足到佢哋嘅基本需求 。今次被安排坐到餐廳尾最入嘅6人枱，相對少騷擾，實在方便我哋幾個傾偈。雖然枱櫈排得有比較密集，幸好大部份都喺斯文客，唔似一啲街坊酒家咁粗聲粗氣，感覺唔太嘈；而佢啲梳化櫈亦較為小巧，無咁「掗拃」得嚟又坐得挺舒服；而精緻嘅餐具更喺美心中菜食府嘅標記，有湖水藍同棗紅色兩套，配黑白公私筷，讓人感覺多幾分氣派 。一如既往，未起筷先嚟杯功夫茶及泡菜小食（茗茶每位收$15，功夫茶就額外送嘅，而泡菜每碟收$26，我哋6個人收咗兩碟錢。）前者茶色清澈，醇厚甘涼；後者有青瓜、鹹酸菜、花生，集開胃、爽脆之感。功夫茶有健脾開胃、解酒除膩之用，所以潮庭飯前飯後都各自奉上一盤功夫茶，喺一份窩心嘅體貼 。話咗同老婆嚟食過，自然有心水菜式推介俾老友，加上上次好有興趣而未有機會試嘅菜式，以及少少風味小食，唔太難就敲定今晚嘅餸菜。 涼拌豬腳凍 $65 跟鎮江肴肉有啲異曲同工，入口冰涼清爽，而豬腳肉好軟腍，湯凍部份軟滑如啫喱，猶如骨膠原入口。 胡麻涼拌茄子 $65 用細條嘅茄子，令做出嚟外觀口徑一致，賣相好睇啲。食落微暖，質感綿綿，然則麻醬勁香濃，又有少少微酸。 太極海鮮羹 $138 太極羹有兩款，分別喺：雞蓉太極羹（$118）及太極海鮮羹（$138），當然唔介意食貴少少要後者啦。咩叫做先聲奪人，一睇個湯羹送上嚟就知嘞，一幅太極陰陽圖，綠色為菠菜蓉，配合含有帶子肉、蝦肉及魚肉嘅海鮮羹，湯羹味道鮮甜綿滑，濃郁嘅菠菜味又別具一格 。 菠蘿醬燒蝦球 $204 依個喺上次想試嘅菜式，餐牌上標價$168，但無寫幾多粒，不過張相喺4件嚟，再問清楚店員確喺一客4件，所以，問問可唔可以加到6件，原來喺可以，仲只賣$204，即喺+$36多兩隻蝦球，抵喎 ！個賣相唔太花巧，但個蝦球絕對好食，蝦球既大粒，又有層薄薄脆漿，蝦肉極為鮮爽彈牙，清甜嘅菠蘿醬又唔會冚過蝦鮮味，值得一試嘅菜式 。 香芋桃仁鴨方 $95 依個啱啱好一客6件，唔使煩多唔多加嘅問題。燒鴨件配芋蓉，混有花生粒（乜唔喺合桃仁？），喺燒鴨版嘅芋頭角，燒鴨油潤酥香，芋蓉非常粉香幼滑，外皮鬆脆不油，蘸海鮮醬食一流 。而中間伴碟嘅炸紫蘇葉，入口比較油膩 ，似乎點綴作用多啲。 翡翠菊花石榴雞 $168 上一次食過感覺太好，所以喺今次「內定」嘅菜式，之前都擔心唔可以人人試到，多口一問，原來又喺可以額外再加，基本嘅份量喺一客4件，賣$108，依家加多兩件，都只不過加到$168。菊花石榴雞個名稱嘅由來，及其做法唔再多講，因為上次嘅食評都有分享。而今次再食，一樣做得精巧，煎蛋白外皮依然薄透有韌性，內餡嘅雞肉粒、蘿白粒、冬菇粒、冬筍粒、唐芹粒同樣刴得幼細無欺場，口感有層次，個玻璃雞湯茨，淡雅清甜，的確好睇好食 ！ 沙茶牛肉炒粿條 $98 可能有少少慣性，最尾點都嗌個炒粉飯麵墊墊肚先安心大家食得夠飽。沙茶牛肉炒得既香又惹味，食落好腍滑，而炒粿條（河粉）濕濕淋淋，又軟軟滑滑，當中有蛋花、蔥花，味道唔單一，實在炒得唔錯 。另外，我哋順道慶祝吓，帶咗個美心蛋糕嚟，因為喺唔收切餅費（同喺美心集團嘅東海堂都唔收）。最欣賞喺唔收切餅費之外，仲好好招呼，換上新碟，又幫我哋分好6件，兼且切得夠平均 。我哋訂咗7:00pm枱，又無時限，一直傾到10:00pm先散，夠晒盡慶。連埋茶介、泡菜小食、加一，每人都喺$180左右，認真抵食 。…查看更多