Lockeroom Express (已結業)

今晚去佐敦食飯，見到lockeroom dining 嘅分店就決定試試。 餐廳環境擴闊，同樣佈滿阿仙奴嘅周邊。 餐廳採用自助形式，餐湯可以無限人添，醬汁都係自己去加。 我地叫左波斯頓龍蝦白松露忌廉扁意粉 $108紐西蘭草飼牛肉眼飯 $88磯煮鮑魚照燒雞天使麵 $78草莓梳打 $29水蜜桃梳打 $29餐湯望落以為係南瓜湯，但味道其實係白湯，我覺得最好食係個波斯頓龍蝦白松露忌廉扁意粉。 意粉掛滿醬汁，松露味道濃，意粉唔會太軟，口感偏硬，份量都足夠。天使麵個餐有一隻鮑魚，食落甜甜地。紐西蘭草字牛扒份量都合理。仲有舊燒茄子係咪燒翠玉瓜。草莓梳打同蜜桃梳打都正常。成餐食得好飽，餐廳坐得舒服，衛生唔錯，都係個hea嘅好地方。

在佐敦等朋友，發現了一間掛了很多波衫的餐廳，店名叫Lockeroom Express，朋友來到告知掛著的波衫是阿仙奴球衣，我說反正要食晚餐不如直接入去食，餐廳位於佐敦彌敦道恆豐中心低層地下，交通非常之便利，就在佐敦地鐵D出口步行一分鐘。餐牌裝潢好簡單快餐店特色，主要是小食與意粉，自助形式，先付錢，後自己拿餐；吃完要自行收拾餐具。這捚的湯是自助和免費的，而且可以無限次添飲。湯是雜菜湯材料實足，味道適中不過鹹。旁邊放了三款牛肉眼扒醬汁，黑椒汁、蒜蓉汁及蕃茄汁。打開菜單我們叫了4款食物，2杯凍檸檬茶，找數HKD310元超抵食。菜單中最貴的是半隻波士頓活龍蝦HKD108，有四款意粉和飯選擇，龍蝦肉質爽口味道好鮮甜，味道好出色，長尖通粉煙韌煮得剛剛好。紐西蘭草飼肉眼扒HKD88內眼扒肉味濃,口感多汁嫩滑，配以黑椒汁更加添美味，還有配菜茄子、翠玉瓜和車厘茄。蒜蓉包HKD28蒜蓉包抹上濃濃既蒜香牛油,烘得脆身可口美味。鹹蛋黃雞翼HKD44香脆雞翼沾滿起沙蛋黃碎，陣陣鹹香甘香惹味，邪惡到爆，好食到不得了。整體來說餐廳價錢便宜，食材新鮮甚足，食物味道也是有水準，值得推薦俾大家。

見網上啲人話呢間西式快餐店幾抵食，去開佐敦就去試下！🤩可能餐廳係自助形式，所以啲食物同用料就算去到西餐嘅質素，但定價都唔高，仲有自助熱湯供應，人均消費都唔洗 $150 就可以食飽飽！未入去已經見到牆上掛滿咗阿仙奴球衣，感覺好熱血呢！🔥鹹蛋同雞翼向來都係絕配！雞翼皮脆內嫩，上面仲有勁多鹹蛋，勁香，勁邪惡！牛肉眼雖然無想像中咁厚，不過都煎得啱啱好，嫩滑唔會硬，可以配飯或意粉，而醬汁都係自助，有燒汁、蒜蓉汁、黑椒汁同黃咖喱汁揀，避免咗平時食意粉唔夠汁嘅問題呢！漢堡有烘底，內脆外軟，蝦餅炸得金黃脆口，爽彈有鮮味，夾埋原片菠蘿，酸酸甜甜，中和蝦餅嘅油膩感，仲有蕃茄同生菜，夏天食幾開胃！薄薄嘅芝士蛋糕已經有 4層，上層嘅橘子同啫喱酸酸甜甜，中層嘅白朱古力芝士蛋糕細滑，最特別係時中間有層粒粒，間唔中有少少脆脆，加埋軟硬適中嘅餅底，食落好有層次！