星海．譽宴 (鱷魚恤中心)

营业中

休息中

家人飯局來酒樓食下，環境唔錯地方闊落寧靜舒適，光線柔和加上天花裝飾優雅，感覺似婚宴格調。菜式多選擇，來這裡飲茶飯局聚餐，都係不錯的地方，而且近工業區多樓上店開倉，行完整天來食就perfect。招牌白胡椒蟹 $638招牌菜吸引，肉蟹大隻有斤半多，香噴噴熱辣辣。蟹肉雪白鮮美，而且大件食落啖啖肉，令人滿足，加上白胡椒十分惹味。食完先發現餐牌有白胡椒龍蝦仲抵食，留待下次再食~香烤京式片皮鴨 $198片皮鴨全隻二百蚊幾抵，師傅即席將鴨皮切片。鴨皮鬆脆帶點油香，肉厚切肉嫩有汁。餅皮大塊口感煙韌。包起來唔易鬆爛，夾埋青瓜、京蔥和京醬，簡單好食。紅燒皇子乳鴿 $68乳鴿皮脆肉嫩，唔會好乾身，肉都晒入味，相當好食。紅豆沙 $0雖然是免費，但好有口水準，綿綿口感，甜度剛好，真係想添多碗。

「星海」鄰近觀塘港鐵站，經連接的商場通道便可到達，地點非常便利。擁有漂亮的天花燈飾，特長的水族魚缸，還有舞台設置，裝飾得浪漫優雅。✨️ 川貝海底椰鱷魚肉燉花膠湯今日開會時間長，感到喉嚨乾乾的，想喝點燉湯滋補一下。這個川貝海底椰鱷魚肉燉花膠湯正合我意。燉湯足料，滿滿椰香，花膠充滿膠質，燉湯味道甜美順喉，喝下令人感到舒服。✨️ 鐵板白胡椒煎焗澳洲龍蝦整隻澳洲龍蝦放在鐵板上，隨着職員把白胡椒醬汁淋在龍蝦上，濃郁芳香的香氣頓時撲鼻而來。約斤半的澳洲龍蝦肉厚，肉質爽口，味道鮮美。味鮮的龍蝦配搭惹味的白胡椒醬汁，真的非常美味。✨️ 古法沙薑雞雞香味濃。沙薑醬的獨特香氣和味道，令雞肉更添美味和香口，也令雞肉吃起來更嫩滑。這個古法沙薑雞風味極佳。✨️ 楊枝甘露冰凍的芒果奶露中有芒果粒、柚子肉和西米。柚子肉含微酸帶甜的味道，在不甜膩的楊枝甘露中，甜酸相間，給人帶來清爽。✨️ 紅豆沙店員送上飯後甜品 - 紅豆沙。紅豆入口軟腍，清甜中帶一股果皮香，令人滿足。這裏交通便利，真的是適合婚禮或宴請親朋好友的地方。朋友說他將於中秋節跟家人在這裏吃飯，被他提醒，中秋節快到，我也要快快來訂座。

一入到去發現樓底都幾高, 裝修很有格調, 主調為黑x紫色, 配閃閃燈飾, 低調得來高貴, 很現代, 整個感覺都很璀璨奪目, 環境好靚, 好適合舉行婚禮, 而且周圍都衛生整潔,侍應服務都也很好, 上菜很有效率鐵板白胡椒煎焗澳洲龍蝦外層包裹住一層粉漿煎焗過, 脆脆的外皮裡面是新鮮彈牙的龍蝦肉，白胡椒味較凸出, 吃下去香香辣辣古法沙薑雞(隻)沙薑味濃, 送飯一流, 雞肉夠嫩滑, 即使雞胸位亦不會柴口, 雞件肥瘦亦適中川貝海底椰鱷魚肉燉花膠湯必叫之選, 我自己本身非常喜歡飲湯, 這個燉湯非常鮮甜濃郁, 非常之足料, 大大塊花膠, 無花果海底椰和川貝結尾還送了紅豆沙作為甜品，又甜又綿～總括而言, 這一餐非常滿意, 下次可以來下午茶, 吃吃點心～

和家人食晚飯，近近地去APM隔離的鱷魚恤中心，晚市時段唔算好多人，環境寧靜舒適，地方寬敞，天花裝飾好靚更顯瑰麗優雅，菜式好多款，價錢都貼地，味道都好滿意。雪梨無花果花膠燉湯 ＄68天氣忽冷忽熱，來一碗燉湯滋潤下最好不過，飲落味道清甜夠晒火喉，湯料十足有花膠、雞腳、雪梨、無花果等，清清地無油好滋潤。招牌白胡椒蟹 $598足足有斤半的肉蟹超大隻，鐵板呈上，淋上惹味的白胡椒汁，熱辣辣香噴噴，蟹肉雪白鮮甜，蟹殼好脆好易取肉，食落啖啖肉令人滿足。孖寶Ｃ $298酥炸美國桶蠔肥美飽滿的桶蠔有六件超大件，外皮炸得鬆脆，內層軟滑鮮嫩肉質結實，蠔味十足，沾上喼汁食無咁膩。脆皮燒鵝皇(例牌)燒鵝外皮香脆，肉嫩多汁，皮下油層都好薄，唔會好油膩，下莊有脾位當然更嫩更好味啦。最尾，仲送了兩碗紅豆沙，甜而不膩，好味。

放工約左幾個同事食飯, 大家都想搵間舒服既酒樓慢慢食, 慢慢傾。最後選擇了觀塘鱷魚裇中心的譽宴。星海。酒樓位置十分方便, 係觀塘港鐵站A出口的APM隔離鱷魚裇中心二樓。一入去酒樓感覺好華麗, 無柱豪華大禮堂, 最適合婚宴, 裝修堂皇, 而且光猛。坐低後職員好快介紹茶種, 原來有龍井, 一於叫呢個。餐牌好多選擇, 而且有分男性及女性保養食療, 好細心。睇左一輪大家都覺得孖寶餐好抵食, 而且孖寶餐選擇都好多。最後選擇左以下齊齊食 :*孖寶C  $288脆皮燒鵝皇(例)薑蔥桶蠔*孖寶D $298生滾豆腐龍躉頭腩湯翡翠煎龍躉球*冰鎮花雕5頭南非鮑魚 $68(隻)*生啫唐生菜煲(例) $98冰鎮花雕5頭南非鮑魚職員送上黎時再加入少少水入乾冰度, 變成了煙霧彌漫, 一定相機食先。而鮑魚切開一片片, 每片充滿花雕酒香味, 煙韌彈牙。脆皮燒鵝皇(例)果真脆皮, 肉質夠滑, 雖然話例牌, 份量都夠我地食, 真係一個招牌菜薑蔥桶蠔有得揀薑蔥或酥炸, 我地選擇薑蔥, 欣賞佢地的汁調較得好好, 桶蠔好大隻, 炸得甘香可口生滾豆腐龍躉頭腩湯呢個真係好回味, 我地幾位都係好中意飲湯, 魚湯白雪雪, 無味精, 飲完

Happy Friday! 今晚收工去食好野，地點係觀塘嘅譽宴 • 星海。星期五晚飯時段黎到，人山人海，好彩有訂位。廢事諗，叫左個餐，包好多野食，分別有脆皮燒乳鴿一隻，黑蒜螺頭燉雞湯兩盅，杭州香醋一口骨，黑椒金薯牛仔粒，乾隆石鍋炒飯，同精選甜品。每位$328另加一，茶芥已包。脆皮燒乳鴿脆皮燒乳鴿一隻開邊，上枱嘅時候見到隻乳鴿出哂煙，果然係新鮮熱辣燒起。乳鴿皮脆而肉汁豐富，唔洗點另上嘅喼汁都夠味，我特別欣賞佢唔過鹹。黑蒜螺頭燉雞湯黑蒜螺頭燉雞湯原盅上，熱辣辣，要擺一陣先飲得。先飲一啖湯，超香濃黑蒜味，甜甜哋好正。湯料足，黑蒜㷛到稔哂，又有螺頭同好幾舊豬肉同雞肉，我清哂全部湯料。杭州香醋一口骨(例)杭州香醋一口骨份量好多，眼見嘅都係骨冇配菜，全部食得，啲骨有大有細，都係一口食得哂。個皮係脆嘅，而入面有軟骨有硬骨，細軟骨都食得，肉嫩而味道甜甜酸酸，好好味。骨上面仲撒上果皮絲，伴碟仲有鮮花，賣相不俗。黑椒金薯牛仔粒 (例)牛仔粒都好多，食落嫩口又有牛味。其他配料就有三色燈籠椒，洋蔥，爽又稔嘅菇粒，蔥，同軟稔薯仔粒。呢味餸黑椒味極重但唔過鹹，又有多重口感。乾隆石鍋炒飯 (例)乾隆石鍋炒飯果然成個

唔係誇張，真係覺得呢間酒樓嘅裝修係我見過其中一間最靚嘅， 紫紫銀銀嘅天花燈， 還有一個超長嘅魚缸， 入邊唔係蝦蟹龍蝦， 而係好多 觀賞魚， 好似個水族館咁， 見到真係好興奮呢度提供少有嘅龍井茶， 第一浸入口甘味很重， 係龍井茶嘅特點，第二浸變得好甘香， 很喜歡黑蒜螺頭燉雞湯出色， 黑蒜特有的味道能夠完全帶出來， 內裏的湯料也有不少的黑蒜、螺頭和雞肉，材料靚，唔錯玉環鮑魚盅，鮑魚配節瓜，簡單的菜式，到不過不失，鮑魚都爽口西施蛋白蝦球是比較清雅的一道菜，蒸蛋白唔算特別滑溜， 但與爽口的蝦球很配搭燒味拼盤有雞、鴨、叉燒和海蜇， 味道可以，不過海蜇有點沙福建炒飯煮得好，炒飯粒粒分明， 配料很多，有蝦、雞肉、帶子等等，口感豐富紅豆沙是是日甜品，起沙，帶陳皮味

阿媽話同阿姨食過呢度海鮮好新鮮好味，請我同老豆黎食海鮮喎，嘩！果然晚飯水準幾唔錯，尤其係海鮮。阿媽話滋補湯水正，叫左黑蒜螺頭燉雞湯，超濃黑蒜味呀！未飲過呢種湯，真係飲完成個人滾起來😂。酒樓食海鮮必叫，登登登登！上湯澳洲龍蝦伊麵！目測不只半斤重，油泡過龍蝦肉質更香更爽口，師傅仲爆好哂d殼，好易食，差不多全部都唔洗自己再鉗開，伊麵底滲入哂龍蝦同上湯所以鮮味十足好好食。阿爸最like呢個杭州香醋一口骨，每一口都有醋香，外層脆脆又甜蜜嘅味道，嫩肉口感，開胃又好味。熱辣辣石鍋上檯乾隆石鍋炒飯，炒兩炒令飯更香更乾身。裡面有帶子、瑤柱、蝦等等，我地專登擺耐d先食，食埋鍋飯帶鮮味嘅飯焦。黑椒金薯牛仔粒除左有金薯仲有菇，全部切細差不多size一粒粒，黑椒味同少少蜜糖味包住薯仔粒同惹味牛仔肉粒，好好餸飯。為食嘅我忍唔住再叫隻脆皮燒乳鴿，香噴噴又惹味，飯後食埋紅豆沙，正！

觀塘搵到間酒樓有室內同室外嘅枱可以比茶客選擇，我地個日陰陰天小小風唔太曬更係選擇座室外啦。脆皮燒腩仔真係我嘅至愛，個皮燒到脆卜卜一口一啖.正點心拼盤真係啱晒我地兩個人飲茶嘅人叫，每款兩粒樣樣試吓蝦餃、燒賣就更有，最特別係件白糖糕師傅整得好好味😋豐料老火湯用足料去煲一d味精都冇唔錯。杭州香醋一口骨酸酸甜甜咬落去脆脆的好開胃，值得推介。福建炒飯用足材料去炒，大大碟。甜品有紅豆沙大大粒紅豆好香陳皮味唔太甜正。

好耐無出去同同事飲茶12點幾到左譽宴拎位，等一陣先有得入座lunch 有優惠點心小菜個d燒味拼盤d 叉燒係熱辣辣，夠味又夠嫩身，一d 都唔柴，好食，只係肥左d燒腩仔夠脆口，肥同瘦都幾均勻海蜇就正常啦～～點心拼盤包左四款點心蝦餃食到蝦味幾出，皮唔算太厚燒賣正常水準粉果皮厚左dd, 但入面粉葛同花生比例都ok仲有燕麥糕口感都算軟熟咕嚕肉大大碟，完全夠四人份量肉肥瘦都均勻，唔會全肥膏甘，而且炸得夠脆，又掛到d 咕嚕汁，好食！！四季豆炒得乾身又夠香，超好送飯～～真係估唔到連d 小炒都甘有水準石鍋炒飯又係勁大兜上個陣仲勁熱，我地等左陣先撈，就有飯焦啦有飯焦既石鍋飯真係搶住食最後食埋碗紅豆沙，起沙得黎仲有d 粒粒紅豆食下，唔算太甜，簡直係完美句號午市全場爆哂甘滯，但姐姐上菜，收碟都好快手，仲問我地d 野好無食～服務真係唔錯

好耐冇同媽咪食飯，今晚做個孝順女同佢去鱷魚恤中心，呢度出名中菜多，但媽咪唯獨鍾情譽宴 • 星海，今晚就帶佢食餐好嘅!秋風起，梗係要飲啲湯水補一補，揀咗黑蒜螺頭燉雞湯，每人一盅，湯料非常之多，呷一口，強勁嘅黑蒜味加上螺頭嘅鮮味同燉雞嘅甜味一齊湧入口，香甜又濃郁，媽咪即刻豎起手指公！先叫一個燒味拼盤，叉燒帶著少少脂肪，入口油香十足又唔韌，切雞脾肉又嫩又滑，點上姜蓉最襯；煙鴨胸香味十足，拼盤中間配上酸醋黑木耳，夠晒開胃。媽咪最鍾意食鮑魚，當然要叫返個鮑魚玉環盅俾佢試吓！鮑魚放喺冬瓜環上，配上草菇伴碟，望落成個菜式更有層次，而鮑魚食落帶點溏心，少少煙靭，非常美味！另外點左份西施蛋白蝦球，伴有翠綠嘅蘆筍同紅蘿蔔絲，咸咸地嘅蛋白食落幾特別，蝦球夠大隻又爽彈。呢度嘅福建炒飯真係用料十足，炒飯底夠乾身又夠香，幾乎每啖都會食到蝦肉、瑤柱絲、冬菇、肉丁等等，絕不欺場！最估唔到係連普通嘅陳皮紅豆沙都做得出色，陳皮味香，煲到起晒沙又唔會太甜，好味！不枉我放工即時趕過嚟呢度食飯！

呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯