榮哥廚房私房菜

老婆訂了枱去觀塘工業中心的榮哥食飯，預訂的菜單以人頭計算，三百多元有十款菜式及燉湯，真是心物超所值。先來的小食涼拌黑木耳及岩鹽花枝豆，兩者都是用簡單食材去製作及調味，但卻很清新開胃。有機沙律菜伴芝麻醬是用水種菜，菜較清甜爽脆，加上有點柚子醋味道，酸酸甜甜甚是開胃。茶燻流心蛋伴黑魚子醬配厚切茄子，流心蛋有很香的煙燻味道，而蛋王半流心的狀態，蛋白軟滑，茄子結實，醬汁比較濃郁，令味道較淡的茄子增添不少味道。原盅燉哈密瓜螺頭黑毛豚肉湯裏面有很多湯料，整個湯較清甜，感覺很滋潤。蝦水芙蓉聽個名都已經好有意境，蝦肉新鮮又彈牙，下面的蒸蛋白嫩滑。黑松露醬炒班球肉質雪白，新鮮結實且嫩滑，還有些雜菌及西芹，西芹細心地去掉外層，食落爽脆。明梅醬炆頭腩，魚頭充滿油份，骨膠原豐富，不會太咸。而我最鍾意就係士多啤梨黑豚肉排骨，酸甜又開胃，黑豚肉入味又夠腍，下面的米通應該是自家製，非常鬆脆。幾特別的米王湯浸碧綠溫室菜苗，出面未曾見過，做法特別又健康，菜苗嫩脆。農坊獨頭糖心黑蒜炒飯蒜味不重，炒飯爽口少油，有幾款海鮮，十分豐富。最後上埋個生果拼盤，十分滿足的一餐。…查看更多

觀塘區工廈多數都是以西餐為主，今日去了這間食中菜的私房菜。一早打去訂位，菜式可以自行選擇，餐廳會預備當天的食材，確保新鮮亦不會浪費。有機沙律菜伴芝麻醬沙律菜是本地有機種植，新鮮爽脆，加埋個芝麻醬及柚子汁，帶點微酸，非常開胃。涼拌黑木耳&岩鹽花枝豆黑木耳爽脆帶點麻油香，枝豆咸咸地，清新又開胃的小食。茶燻流心蛋伴黑魚子醬配厚切茄子流心蛋充滿著燻香，蛋王又香又滑，茄子略為炸過，所以結實不鬆散，茄子吸收了醬汁味道。厚盅燉姬松茸淮山燉甘筍黑毛豚肉湯姬松茸味道濃郁，湯非常鮮甜，好有住家湯感覺。蝦水芙蓉蛋白軟滑，蝦肉新鮮爽彈，是一個比較清淡的菜式。士多啤梨黑豚肉排骨有淡淡的士多啤梨果醬味，排骨肉腍且鬆，帶點酸甜味，下面的米通非常香脆，兩者配搭適宜。黑松露醬炒班球班球新鮮，肉質彈牙且嫩滑，有淡淡的黑松露香，西芹更細心的去根，咬落爽脆。明梅醬炆頭腩食完覺得自己充滿骨膠原，魚油豐富，而且完全唔腥。米王湯浸碧綠溫室菜苗菜苗色澤翠綠，而且爽脆，有淡淡的米漿味，非常健康。農坊獨頭糖心黑蒜炒飯千祈唔好比個蒜字嚇阻，炒飯完全無個種濃郁的生蒜味，反而是一種清淡的蒜香味，唔怕食完會口臭，炒飯油份不多且爽口，有些帶子粒及蝦肉，十分豐富。時令甜品火龍果手、西瓜及菠蘿，全部切開一粒粒，啱哂懶人用，而且生果清甜無浸糖水。整體味道高質，食材新鮮且量足，每樣少少去到最後炒飯都食唔哂確實是高質中菜。…查看更多

經常喺觀塘工業區呢邊搵食, 因為你永遠唔會知入面隱藏左幾多間隱世美食🙈就好似呢間榮哥私房菜咁一入大門口就見到呢個蔬菜架, 有水灌溉緊架wor, 一定唔係裝飾咁簡單:)坐低望下周圍精美既裝修, 由於已經預約左, 今晚既餸菜已經特地為你安排左, 等食就ok 喇登登登櫈...!! 打頭陣既就係呢個本地有機沙律菜伴芝麻醬, d 菜勁新鮮, 就係用門口一直灌溉住既沙律菜做架頭盤有涼拌黑木耳啦, 青瓜啦, 仲有呢個特別推介既茶燻流心蛋伴黑魚子醬配厚切茄子, 先食左面頭香滑既流心蛋先, 再食埋下面個汁好正既茄子燉湯絕對係主打之一, 呢款原盅燉哈蜜瓜螺頭黑毛豚肉湯, 一飲落去勁鮮甜, 絕對唔係味精果種, 你會分別到個甜味係黎自哈蜜瓜, 加埋螺頭同豚肉, 令你欲罷不能第二盅係姬松茸淮山燉甘荀黑毛豚肉湯, 呢款一飲落去就知係好補身既藥材湯, 雖然佢有幾款中藥材, 但一d 都唔澀唔苦, 有營養之餘仲好好飲添食野喇, 先黎第一道菜, 蝦球水芙蓉, 水芙蓉原來係指豆腐好滑好香豆味, 蝦球又勁爽勁正跟住黎個士多啤梨豚肉伴草莓, 一向酸酸甜甜既醬汁配肉類都好醒神開胃, 呢款都唔例外如果京都骨係菠蘿既代表, 咁佢呢款就係士多啤梨既代表, 有淡淡既士多啤梨香味食埋下面件米通, 好香脆但唔油膩香煎北海道帶子海中寶, 原來就係呢件半蝦丸半墨魚丸, 蝦既份量好充足, 顯得蝦味香濃, 墨魚丸部分有充足墨魚粒, 食落爽口彈牙抖一抖食個菜先, 有呢款米王湯浸碧綠溫室菜苗, 將中間d 菜苗打散同d 湯撈均黎食, 菜苗既青草味加埋米王湯既大米味, 彷彿置身於田園中唔夠飽都唔緊要, 仲有個蒸飯, 荷香蒜蓉海斑片原籠蒸鴛鴦飯, 有紅糙米一齊煮, 好健康, 而且因為加左糙米, 口感方面唔會太淋, 有d 咬口, 配埋蒜蓉海斑片黎食可謂一濃一淡既配搭, 味道濃度恰到好處最後仲送埋時令甜品比你, 今日係西瓜加火龍果, 切好晒粒粒比你食, 最啱我呢d 懶人食生果喇…查看更多

今次真係無心插柳柳成蔭，因為想給男朋友一個驚喜，就openrice一間同佢同名的餐廳，恰巧最高評分的就是這間榮哥廚房私房菜，就決心試一試！第一次吃私房菜，當然預早訂好枱，7:30準時就坐，這裡效率都非常快，開好茶已經即刻上菜。首先有新鮮沙律🥗伴芝麻醬，比味蕾熱下身。涼拌黑木耳已經俘虜了我們的心！微酸的醋完全溶入木耳中，而木耳本身質感爽口。另一碟小食是老陳醋麻花青瓜，青瓜切好成扭紋螺旋狀，小小辣配合醋味非常夾。開始進入戲肉，每一道菜都是用小碟裝好再分別送上，第一道茶燻流心蛋伴黑魚子醬配厚切茄子，凍食流心蛋有濃濃煙燻味，茄子上的魚膠茸亦和醬汁很配合，非常出色湯品是原盅燉姬松茸淮山黑毛臀肉湯，肉汁完全出味，淮山和桂圓燉了一段時間都好入味！蝦球水芙蓉上的’獻’汁由甘筍汁製成和嫩滑的蛋白配搭一流，鮮蝦非常新鮮！由於對貝殼類海鮮敏感，所以蒜香芝士焗老外蠔王轉了做士多啤梨骨配米通，臨時臨急的安排店員亦非常配合，都有點不好意思。不過米通真的非常香脆，而士多啤梨骨有別於大排檔即炒的，肉質鬆軟但非常非常入味！好像淹了很久充滿士多啤梨香味！遠年新會陳皮骨都是我吃過最好吃的陳皮骨，同樣是非常入味而且外皮微脆，口感和士多啤梨骨又有不同驚喜。每一道餸份量睇落雖少，但絕對貴精不貴多，上菜時間非常配合，看得出廚師對食物的用心和認真！必定會再來！…查看更多

早前在網上見到有篇報道說有些網絡紅人在live播片時錯手關了美顏，真身嚇壞很多人，其實不單女士有喬妝，在近年的尋食經驗中也發現很多時我們都會被照騙影響。食評可以是假，你以為照片不能騙人？那就錯了，同一間食店同一款食物，影到鬆郁濛和用filter令相片顏色更濃艷相比，後者一定更能吸引你光顧。也是這個原因，即使我很早之前已經聽過榮哥這個名字，但因為看過食物相片不特別吸引所以一直沒有光顧。但當聽到不止一個朋友大力推介，又開始掀動我的好奇心，我決定俾次機會佢。＊＊＊＊＊＊＊＊＊＊＊榮哥是一間中式私房菜，店內全部是中式圓枱。由於是私房菜，所以食店沒有餐牌，通常都是預先訂位和事前跟食店溝通好菜單。食單有幾個菜單選擇，如果有甚麼不吃的，可再稍作改動，收費亦如其他私房菜般按人頭收費。一入門口就會見到幾個主廚榮哥的獎牌和獎杯。另一樣吸引我目光的，就是這一排水耕菜，全部都開得非常茂盛和翠綠。今次我們的菜單包括四款前菜、燉湯、五道菜、炒飯和鮮果拼盤，人頭$338，價位非常合理。有機沙律醬伴芝麻醬這個沙律菜真是超過新鮮爽脆，原來就是門口位的水耕菜，當然店內的水耕菜沒可能足夠應付客人需要，但貨源是來自同一處的，侍者解釋只有不夠菜時才會用店內的水耕菜應急。本身生菜夠新鮮爽脆已經不會差得去那裡，而車厘茄微酸中還帶點鮮甜，再加上芝麻醬，非常美味。紫薯配鮮淮山紫薯和鮮淮山都切成小丁方，紫薯清甜，淮山有沙沙口感，沒有調味，能吃出食材原有的味道。涼拌伴黑木耳黑木耳很爽口，入口微涼，只簡單加上麻油調味已經味道不錯。茶燻流心蛋伴黑魚子醬配厚切茄子厚切茄子上放上半隻流心蛋，流心蛋因為經過茶葉燻過，所以外層呈淺啡色。流心蛋只有蛋黃最中間部份呈半固體狀，邊位都是蛋汁，食落蛋香豐富亦帶點茶葉清香味，下面的茄子煮得很軟腍，吸收了碟底的芡汁，簡直冇得輸。原盡燉姬松茸淮山燉甘筍黑毛豚肉湯燉湯捧上時熱辣辣，入面非常足料，有姬松茸、淮山、龍眼肉、螺頭、紅蘿蔔和豬肉，燉得夠入味，姬松茸據聞有保護肝腎之效，平時習慣夜訓的人飲就最適合。原盅燉品蜜瓜螺頭黑毛豚肉湯燉湯內有蜜瓜、龍眼肉、螺頭和豬肉，飲落味道其實跟姬松茸燉湯差不多，但因有蜜瓜，所以味道較清甜，所以兩款燉湯之中個人亦比較偏好這一款。蝦球水芙蓉水芙蓉就是蒸蛋白，上面以高湯製成的芡汁令蛋白鋪上一層金黃色，賣相度大增，面層再放上三隻蝦球和炸薑絲。蛋白非常滑溜。蝦球肉質爽彈結實，預先剔去蝦腸，感覺較衛生。蒜香芝士焗老外蠔王芝士焗蠔連殼大約有2/3隻手掌般大，旁邊以菊花和青檸作伴碟。掏開芝士外層，蠔肉都仍有睇頭。蠔肉生熟程度剛剛好，夠熟之餘肉質仍保持軟嫩。黑松露醬炒斑球這道菜是海斑二食其中一食，斑球都幾厚肉，嫩滑得來亦有應有的彈口，用黑松露、蜜糖豆、三色椒和本菇一齊炒，顏色鮮艷之餘又充滿黑松露香味。可謂色香味俱全。明梅醬炆頭腩敝頭腩則是海斑二食的另一食，今次斑球上了少評炸粉，出面再用梅子醬醃，食落外面帶點微脆，入面剛有斑肉的彈口，梅子醬酸酸甜甜，令人越食越開胃。米王湯浸碧綠溫室菜苗碧綠色的菜苗浸在米白色的湯內，上面再放上幾粒杞子作點綴，簡單得來已經令色彩形成強烈的對比。米湯味道非常湯淡，明顯沒有下味精，菜苗夠嫩沒有渣，清清地夠健康。農坊獨頭糖心黑蒜炒飯炒飯以老抽跟帶子粒、翠肉瓜和蛋一起炒成，上面再放上幾粒黑蒜，份量看似不多，但足夠四人每人一碗有餘。飯炒得夠乾身，不會過油，用上老抽所以即使飯帶微啡色但實質鹹度適中。精心甜鮮果匯拼鮮果拼盤有菠蘿和西瓜，兩款生果都很清甜，為這一餐私房菜劃上完美句號。總結，食物素質高，看得出主廚榮哥的心思，份量又非常足夠，如果不是特別大食，基本上都吃不完，幸好可以打包，以一般私房菜三百多元的收費，絕對物超所值。…查看更多

想食私房菜, 通常都會多幾個飯友一齊食, 今次少少地2個人就上左去呢間私房菜早已預備好餐單, 名為"精心配"2人餐($338/位)呢3款精美頭盤, 材料都係有益健康: 有機沙律菜伴芝麻醬, 顏色吸引, 口感爽脆既沙律菜配以微辛辣既芝麻醬, 夠醒神; 涼伴黑木耳, 爽脆口感; 紫薯配鮮淮山, 紫白小方粒灑上花生碎粒, 增加香味之餘亦能提升味道!另一款既小食係呢個賣相吸引既茶燻流心蛋伴黑魚子醬配厚切茄子, 流心蛋黃汁上有少少黑魚子醬, 侍應提議先食隻蛋先, 軟滑流心蛋食到少少煙燻香味; 跟住到個厚切茄子, 泡油到外皮脆口, 內裏仍然保持嫩滑, 個醬汁濃味之餘亦好惹味, 配搭淡口既茄子食係好岩數!跟住到我最喜愛既燉湯出場, 原盅燉姬松茸淮山甘荀黑毛豚肉湯 (位上), 一放底係枱上已經聞到香味, 原盅上見到材料豐富, 包括姬松茸, 淮山, 甘荀黑,毛豚肉, 仲有螺片, 啖湯味道清甜唔油膩, 熱辣辣飲完感覺好舒服!名字好靚既蝦球水芙蓉, 原來係鮮蝦球係滑滑水蛋上, 蝦球爽口, 水蛋蒸得滑口, 就咁食都可以, 食到蛋香味!肉類出場啦, 夏天最岩以生果入饌, 呢味士多啤梨豚肉伴草莓就正正係咁, 肥瘦適中既豚肉配以味道酸甜既士多啤梨醬汁, 底層伴以香脆窩巴, 口感上軟下脆, 幾特別的一味餸!侍應推介呢款蒜香極佳級PRIME牛仔柳 ($60), 牛仔柳切成片狀, 入口幾嫩滑, 配以大量炸香既蒜片, 但被惹味醬汁整"淋"左, 如果唔係會更好食!食完肉類, 點都要食返D菜均衡下既, 呢客米王湯浸碧綠溫室菜苗, 以米水底煮成個湯底, 飲落有米香, 質感似飲緊忌廉湯般滑身, 而個菜苗色質嫩綠, 食起黎鮮嫩及甜, 感覺清新!確實需要點飯氣, 呢客荷香蒜蓉海斑片原籠蒸鴛鴦飯, 滑身蒜蓉海斑片放係紅白米上一齊蒸, 籠內有塊荷葉墊底, 飯粒索晒佢既荷香味, 配以海斑片一齊食都好岩口味, 而且一客份量都唔少, 兩個人確係需要點"食力"去完成!最後以呢個精心甜鮮果匯拼作為呢餐既完滿句號, 火龍果, 菠蘿及西瓜切成粒狀, 粒粒都甜美多汁, 用叉吉住食都幾過癮!總括黎講呢餐私房菜無論食物配搭及餐單設計都看得出有心思, 由淡轉濃再由濃變淡, 層次味道有所轉變, 令人"食力"得以繼續, 腰胃吋數增加多少少都無所謂啦~…查看更多

今次同好友一行二人去咗觀塘工廈裏面尋寶搵嘢食,呢一間餐廳嘅地理位置十分之優越,距離觀塘地鐵站出口只係一條行人路之隔!由地鐵站出口行到去餐廳門口都係三至五分鐘嘅事十分之方便! 今次我哋就叫咗個精心配二人套餐每位$338, 而呢個套餐嘅內容有:頭盤:有機沙律菜拌芝麻醬涼拌鮑魚菇涼拌黑木耳茶燻流心蛋拌黑魚子醬配厚切茄子原盅燉姬松茸淮山燉甘筍黑毛豚肉湯(位上)蝦球水芙蓉蒜香芝士焗老外蠔王冰莓黑豚肉排骨米王湯浸碧綠溫室菜苗荷香蒜蓉海斑片原籠蒸鴛鴦飯精心甜鮮果匯拼有機沙律菜拌芝麻醬呢個沙律做得好好,內容主要係用沙律菜,紅車厘蕃茄,柚子蜜醬,芝麻醬,好似仲有一種芥辣嘅清香, 沙律菜同埋紅車厘茄好新鮮爽口,佢嘅芥辣味係唔辣口嘅,但有陣芥辣嘅香味好特別!涼拌鮑魚菇涼拌鮑魚菇就係用咗鮑魚菇嘅枱面嘅菇肉,混合咗啲醋,係一個好開胃嘅前菜!涼拌黑木耳黑木耳係配咗啲麻油口感好好,好爽口!原盅燉姬松茸淮山燉甘筍黑毛豚肉湯(位上)服務員從托盤上送上燉湯放在檯面嘅時候, 已經聞到好香嘅姬松茸味! 去飲呢碗湯嘅時候, 細心一睇個湯盅裏面係佈滿咗材料, 佢嘅內容有姬松茸,黑毛豬,紅蘿蔔,同埋淮山! 飲落口嘅時候感覺十分之鮮甜亦唔會覺得鹹,味道主要係姬松茸其次係黑毛豬, 呢一碗湯偏向清甜,係好適合上主菜之前飲用調整一下味蕾, 我覺得呢碗湯嘅作用有啲似西餐嘅Sorbet, 喺between dish個個時間做一個refreshment嘅作用! Very Enjoyable!:) 茶燻流心蛋拌黑魚子醬配厚切茄子當服務員送上依一道菜嘅時候, 我見到個賣相已經好感驚喜!好似見到一件藝術品咁樣樣! 呢一道菜最主要有三個部分,第一部分,係有流心嘅雞蛋.喺蛋白嘅外圍係一層煙燻咗嘅顏色,入口嘅時候覺得好有呢個煙燻味,佢嘅特別之處就係蛋白係煮熟咗嘅,但亦都保留到流心蛋黃嘅效果, 第二部分就係厚切茄子,茄子十分之有茄子嘅味道但係又冇煮到林咗, 服務員同我哋講茄子要配埋啲醬汁先至好食, 而正正亦就係我想講呢一道菜嘅第三部分就係嗰個醬汁, 呢一個係佢哋自家調製嘅醬汁,係用咗日本照燒汁同埋蠔油加啲芹菜混合而成, 醬汁特別之處就係鹹甜味十分之平行, 喺食茄子嘅時候可以balance到茄子平淡嘅味道而又唔會覺得太過over taste! 總括嚟講呢一道菜可以話係前菜嘅highlight, 大家有機會嚟呢度食嘢嘅話,希望你哋唔好錯過了呢一道菜!蝦球水芙蓉呢一道菜賣上十分之吸引, 第一眼望落去嘅時候感覺好似一個西餐嘅甜品, 呢一道菜嘅內容有炸過嘅薑絲, 大蝦一隻, 蛋白同埋紅蘿蔔淆出嚟嘅清湯!  呢一道菜可以話係十分之清淡,味道唔會太濃, 薑同蝦同埋蛋白十分之配合, 蝦有鮮蝦嘅香味, 口感爽口, 而蛋白配合紅蘿蔔嘅清湯十分之清甜而容易入口! 蒜香芝士焗老外蠔王呢一個豪第一樣嘢吸引到我嘅眼球就係佢嘅幾大下既體積!  我唔可以絕對肯定,但好似廚師落咗啲上湯落去個豪到, 然後再落蒜香芝士喺個面頭到然後放入焗爐焗!  個豪本身就好好肉,好彈牙,而且好有豪味,再配合埋上湯令到佢嘅鮮味更加突出! 再加埋蒜香芝士簡直冇得頂!:)米王湯浸碧綠溫室菜苗呢一道菜主要係兩樣嘢,第一就係米黃湯,第二就係溫室菜苗, 呢一道菜我覺得最精彩之處就係個米王湯, 個米王湯唔會話太鹹, 但有好濃嘅米香味, 而個溫室菜苗, 差唔多係冇調味, 淨係食佢新鮮同埋佢嘅鮮味, 但當米湯同菜苗混合埋一齊然後先放入口時, 嗰種口感係鹹甜交集,同埋恰到好處! 荷香蒜蓉海斑片原籠蒸鴛鴦飯用荷葉包住啲飯同埋啲班片去蒸, 保留咗班片鮮甜嘅原味 , 而鴛鴦飯亦都索咗荷葉香同埋班片嘅香味, 用呢一個飯嚟埋尾, 真係一個又好味又飽肚嘅選擇!精心甜鮮果匯拼最後送上嘅生果有哈密瓜,西瓜,同埋香橙, 全部生果都好新鮮!總括嚟講今次用餐十分之有驚喜!依間位處於工業大廈裏面嘅中菜私房菜, 食物水準十分之高,每一道菜都係精心製作,可以見到廚師擺入去嘅心思, 部分菜式感覺好似中西菜嘅fusion版本, 十分之特別同埋感覺新奇!如果大家食慣咗香港嘅粵菜又唔係特別想食西餐呢一間私房菜館係一個好好嘅另類選擇!…查看更多